kamming1的个人专页

今次用OpenRice買一送一套票試吓新出嘅A4+和牛餐，19:30前離座人均$300以下，食物同服務質素保持一貫良好，特別推介厚切檸檬牛舌同炙燒霸王蝦👍🏻 唯一係器皿略嫌太多同大件，我哋兩個人坐大枱尚算可以，如果坐四人或以上，真係會非常擠迫。120分鐘實在太趕，呢個價錢可以接受，如果正價希望可以俾長啲時間。另外好開心見到中午$85餐回歸咗，之前知道要取消真係好失望，希望唔會再取消🙏🏻…查看更多

第一次光顧，由打電話詢問開始，職員已經非常耐心解答，又細心講解每個套餐分別，最後我哋揀咗嚴選牛肉套餐，試咗新出嘅蝦豬骨湯，食物質素符合預期，OpenRice訂枱有早鳥八折優惠，性價比高。特別要讚同事”泓”，服務細心周到，記性好，攞枱時記得我哋係打過電話嚟。中途想攞檸檬茶但準備中，我哋就繼續用餐，用餐途中職員竟然為我哋送上兩杯檸檬茶，真係少有會令顧客感受到有用心服務嘅員工👍🏻…查看更多

香港少有仍然keep到服務質素嘅台式燒肉店，最欣賞呢度嘅60分鐘自選午餐，$85位最低消費可以揀自己鍾意嘅嘢食，胃口細都唔怕浪費。價錢親民，食物質素高，特別表揚員工Matthew，態度親切，有禮貌，而且會記得客人嘅喜好，服務貼心，會令人想再次幫襯👍🏻…查看更多