zoolook的个人专页

想打邊爐又想食海鮮，又想食雞煲，又想食刺身，搵到呢間為食火鍋公司，最正係無限時任食，可以慢慢食唔使催還枱。揀左為食套餐，第一回餐前小食，炸大腸炸得外脆內軟，蕃薯條即炸軟糯香甜，鮑汁雞腳炆得好淋好入味，要忍忍口唔小心會吃飽。第二回三點刺身(1次性）有三文魚，北寄貝，超大牡丹蝦，肥美新鮮。第三回大戰任食寵寵雞煲，雞肉鮮嫩，洋蔥好甜，蒜子香濃，醬汁惹味，少辣都還是蠻辣的，慎選。第四回火鍋吃到飽，湯底選了藥膳牛尾湯，大量牛尾入湯，清澈湯底香味濃郁，特級牛頸脊，prime 牛腹肉，SRF 牛板腱，千歲米和豚等高級肉都可以任添。第五回一次性海鮮拼盤，海蝦勁鮮甜，鱔片爽口彈牙，元貝厚肉味鮮。仲有自取蔬菜同啤酒飲品，應有盡有。最後有開心果或芒果雪糕揀一。無限時任食，高質性價比高，座位闊落，招呼好好，不時幫忙收碟加湯，最適合同班老友放工過去擦餐飽。…查看更多

Cooley oyster @銅鑼灣銅鑼灣係美食集中地，今次又發現到又平又正嘅餐廳，位於希慎地庫，連接地鐵站F出口，就算大熱天時，大雨大風都方便到達。前菜叫了3款主打的生蠔，包括36，45，54個月的愛爾蘭cooley oyster, 原來是2024 great taste awards 得獎食品，味道蠔味鮮甜，creamy, 海水味不濃，略帶回甘，屬於甜味特別出又滑溜的口感，建議最少叫45個月的先食得夠暢快，品質夠新鮮，完全沒有腥味，亦沒有強烈海水咸味或金屬味，好適合溫和派的生蠔食客，食多幾隻都唔會膩，配上檸檬及cocktail 汁，可自行配搭。除左主力的cooley oyster, 仲有多款主菜可以選擇，我就叫左香煎日本帶子配三文魚籽及海膽意粉，仲有香煎頂級紐西蘭肉眼牛排，主菜份量好足，意粉醬有海膽同三文魚籽好鮮味而且濃郁，香煎帶子好厚肉，半熟程度而且鮮甜，加入帆立貝增鮮，意粉熟度剛好有咬勁。牛排好大塊，medium rare 剛剛好，肉質夠嫩，肉味香，有炭燒嘅風味，高質牛排，性價比高。餐湯蘑菇湯足料香濃，香桃梳打清新微甜，豐富用餐完整性。整體地點方便，食物質素高，款式多元化，人均約200多，性價比高，有機會會再幫襯。…查看更多

裝潢古色古香的北京菜飯店，專程來吃吃這裡的北京烤鴨，可選半隻或1隻，4個人就選了半隻，屬於半皮半肉的切法，皮酥而不膩，肉香而多汁，麼麼皮熱熱的上枱，皮薄而軟糯，整體質素很高。酸菜白肉鍋（小）份量大約4人份，白白的酸菜湯配上五花腩片和土豆粉，湯頭酸味適中，開胃醒神，滿滿飽腹感。黃金蝦球，選用大大隻明蝦，大約有8件，炸脆後炒入咸蛋黃汁，蝦肉彈牙鮮甜，皮脆帶咸香。韮菜豬肉煎餃子，餡料鮮味爽口，皮薄香脆，是不能錯過的北京餃子。拔絲香蕉，炸脆的香蕉包上甜甜的黃金拔絲，令香蕉香味倍增，留下甜美的句號。…查看更多

天寒地凍最正就係開返個羊腩煲，去左呢間主打港式大牌檔風味嘅小廚，集合鑊氣小炒，海鮮，煲仔飯菜式於一身，三五成群黎開煲就最好不過。古法雙冬支竹羊腩煲一大煲香噴噴羊腩煲上枱，羊腩帶皮，肉質軟稔，皮厚彈牙，配料有大量支竹，冬菇，竹荀，白蘿蔔，青蔥，湯汁濃厚惹味，支竹蘿蔔炆得好入味，埋爽嫩生菜一大碟，秘制腐乳醬汁，食完成身暖笠笠。玻璃皮炸乳鴿超級脆皮，肉汁仍然飽滿，肉厚，肉質嫩滑，醃得入味，不比內地名店質素遜色。潮汕蠔仔粥 大大鍋蠔仔粥，足夠4至6人享用，蠔仔量好多，肥美肉厚，鮮味爆登，潮汕氣格，飯粒鮮明，湯頭鮮甜暖胃。…查看更多

經過灣仔一帶覓食，搵到呢間主打天婦羅丼飯嘅日式餐廳，位於地鐵站旁的商業街，店內滿滿日風。江戶前天丼 $138超豐富海鮮雜錦丼飯，有超大件穴子，魚味濃郁，海老2隻（升級車海老+$38）蝦肉鮮甜彈牙，小柱魷魚天婦羅外皮脆皮，內裡軟糯濕潤， 溫泉蛋流心，蛋味香濃，配秘制醬油，提鮮不死咸，下飯一流，海苔香脆可口， 黃碗豆口感清爽，米飯粒粒鮮明彈牙，配上味噌湯，柚子皮蘿蔔，柚子皮味道清新，油膩感一掃而空。迷你天丼+稻庭烏冬 $118牡蠣天丼蠔味濃郁，鮮甜無腥味，厚肉多汁，配上冷稻庭烏冬，彈牙軟滑，加入新鮮芥末，蔥絲和鰹魚湯汁，味道更有層次。浸漬茄子 $18食完炸物，需要點冷盤清清味蕾，浸漬茄子帶醬油及鰹魚片香味，與丼飯非常搭配。整體服務周到的和風小店，炸物出色，天婦羅穴子，車海老值得一試。…查看更多

週末想同朋友嘆個lunch, 見到呢度有假日午市放題$298一位，可以任食刺身，炸物，燒物，壽喜燒鍋同丼飯，加88蚊就可以清酒放題，有24種日本清酒自由暢飲，特別喜歡是酒仙榮光，口感醇香清爽，鍾意清酒嘅朋友都說很正。刺身有三文魚，間八，油甘魚，赤蝦，帆立貝，季節魚類劍魚腩，仲有每人1隻醬漬鮑魚。炸物有吉列蠔，唐揚炸雞，雞皮餃子，芝士薯條，比較特別有雞皮餃子，雞皮炸得好香脆，肉餡爆汁，芝士薯條嘅芝士醬香濃。燒物有燒雞翼，燒虎蝦，燒鯖魚，虎蝦超大隻，脆得好香，爆膏，啖啖蝦肉勁滿足，燒鯖魚同雞翼皮脆肉嫩，燒功一流。壽喜燒鍋極有驚喜，湯頭甜甜香香，滿滿蔬菜，日本燒豆腐，香菇同蒟蒻粉絲，加入安格斯牛肉片同日本豚肉火鍋片就更加豐富。…查看更多

今日放假同屋企人嘆茶歇腳，搵到呢間有高層大海景嘅酒樓，仲有2點鐘下午茶特價時段，大中小特頂點都有優惠。點心選擇好多，叫左好多款，特別有印象嘅係海苔肉鬆鮮蝦脆皮腸粉，薄薄幼滑的腸粉皮包住即炸米網鮮蝦春卷，上面加上海苔肉鬆，賣相好之餘口感豐富。洞庭湖海鮮泡飯（跟脆米）上枱份量好多，加入大量蝦肉，元貝同蔬菜，脆米香香脆脆，湯頭香濃鮮甜，飽肚暖胃。峰蜜話梅聖女果，係好有驚喜嘅菜式，平時唔食話梅嘅我都覺得好食，話梅味唔會好重，去皮小蕃茄清甜冰涼，夏天食起黎消暑解渴又開胃，頭盤必選。蝦餃，叉燒酥，古早味黑糖馬拉糕都有高水準。環境除左有270度大海景，場內星空主題，有大舞台，無柱大吊燈設計，有露台靚景影相，如果擺婚宴都相當有睇頭，仲可以睇埋幻彩耀香江添。…查看更多

同一班朋友放工後飯聚，去左觀塘一個新商廈度打邊爐，呢度裝修好有feel, 滿滿桃花陣，煙霧流水，古式古香的裝潢，枱面和座位都好闊落。清香養生椰子雞 (半隻)，椰子湯清香噗鼻，黃油雞雞肉嫩滑，生滾計時5分半鐘，熟度剛剛好，湯底清甜。安格斯雪花牛頸脊（大份），份量足夠4人分享，肉質嫩滑，肉味濃郁。手打墨魚丸，鮮甜彈牙。水餃拼盤，有魚皮餃，韮菜餃，黑松露餃等，每款2隻，餡料新鮮惹味，皮薄嫩滑。雜菌拼盤，有香菇，金菇，雞脾菇，茶樹菇，非常抵食大份。萵筍厚切爽嫩，火鍋必備。炸芋條，夠粉，芋頭味香。即炸脆響鈴，熱辣辣上枱，非常香脆。環境闊落有氣氛，食物份量足，鍋底鮮味，牛肉質素高，觀塘精品火鍋的好選擇。…查看更多

和牛烤肉滋味無人能擋, 特價$680二人星級熱賣套餐，有多款菜式選擇，食多幾次都唔會厭。揚櫻花蝦豆腐，豆腐好滑，櫻花蝦外皮炸得鬆脆，配上鮮味淡醬油，鰹魚薄片同蔥花，是香口軟滑鮮味的開胃登場。全天然西班牙豚肉五花腩，五花腩肥瘦均等，烤出油份後特顯甘香鬆化，配上韓式豆醬及生菜片，加入泡菜包好，挑戰你口腔容量的滋味攻擊。煙燻蘋果木松露和牛他他，一打開玻璃瓶就散發出煙熏木香，加入蘋果絲，日本蛋黃，香蔥，松露醬，滿滿和牛牛脂香味，肉質嫩滑，蘋果絲帶出清甜爽口口感，吃一整客都不會油膩。美國和牛封門柳，先煎封，再剪成片，肉質軟嫩多汁，没有一般封門柳的類似肝臟味道，新鮮程度可見一班。美國和牛牛板腱，薄切牛板腱，燒單面25秒，再卷成一塊就燒好，咁保持到肉嫩多汁，肉味香濃。日式芝士魚籽雞卷，雞肉飯卷，加上三文魚籽及溶化的炙燒芝士，飽肚之餘，口感亦很有層次。服務的叔叔好親切，會介紹每道菜嘅燒法同特式，座位閣落，係好舒適嘅用餐體驗。…查看更多

對於精緻中菜愛好者的我，見到呢間英式中菜館真的好期待，到底什麼是中菜英式化？ 晚市680元1位的套餐，可以試足9款菜式，特別欣賞呢度的菜式精緻度同款式多樣。環境闊落幽靜，輕奢風格，是可以令人放鬆的氛圍。先上的是湖區海鮮羹，有鮮甜蝦肉和蔬菜作羹，第一口就嘗到蔬菜爽嫩，加入嫩滑豆腐，溫和暖胃。頭盤三款，包括芝麻蝦多士，陳醋蜜汁排骨，脆皮素春卷，特別欣賞蝦多士的香脆及蝦膠的彈牙，而且芝麻特別的香。陳醋蜜汁酸甜平衡剛好，半肥瘦肉排炸的香脆，肉質亦嫩滑多汁。蒜蓉粉絲蒸扇貝，金銀蒜配上鮮味醬油，扇貝鮮甜厚肉，火喉剛好7成熟，肉質鮮甜嫩滑。捧捧吉列蝦掛包，蒸籠熱熱的上枱，掛包質感柔軟, 炸蝦餅鮮甜彈牙，配上微辣沙拉醬，整體配搭好有層次。楓樹蜜橙香燒春雞，先嘗到楓糖香甜，後嘗橙香和嫩滑烤雞肉。脆皮燒牛肋骨，半肥瘦牛肋骨經炸脆皮後仍然保持到肉質嫩滑鬆化，配上酸甜醬汁，大減油膩感。英式煙肉粟米粒炒飯，煙肉香的金黃色炒飯，無人能夠抗拒。廚師小甜品，是榛子撻及椰香芒果撻，口感幼滑，唔會太甜，榛子香及椰香亦好豐富。感覺上這裡的英式中菜是將中菜以英式用餐方式呈現，每度菜的配搭都很講究，特別欣賞醬汁上的心思，海鮮質素同制法水準高。…查看更多

​銅鑼灣豪嘆日式鐵板燒午餐，座位闊落，坐得舒服，適合情侶悠閒豪食。​​前菜木瓜絲沙律配西班牙串茄，泰國露筍，醋汁清爽開胃，蔬菜爽甜新鮮。​蝦膏海膽炒西澳龍蝦配食用玫瑰，鮮活龍蝦即劏即燒，用牛油炒香蝦膏同海膽，炒成濃汁拌入龍蝦肉快炒，鮮味爆登，龍蝦肉爽彈，令人回味無窮。​​主菜燒伊比利亞豬，肉厚味香，配竹炭鹽更加帶出豬肉香味。配菜意大利青瓜，溫室南瓜，大啡菇，用料講究，清甜南瓜平衡油膩感。​​燒冰鮮澳洲牛柳，選用未經急凍的冰鮮牛柳，將肉質保持到最高質素，鮮嫩無比，師傅火喉控制得宜，保持到肉汁，牛柳含脂量低，輕鬆吃無負擔。​​清酒煮蜆，選用超大蜆即煮， 配上鰹魚湯底，蜆肉無沙，鮮甜彈牙。​​和牛蛋包飯，炒香濃濃牛脂香味，加入日本米大炒，包上蛋皮，配鮮濃蝦汁，一啖接一啖停唔到口。環境悠靜，座位闊落，服務貼心，師傅功架了得，食物新鮮高質，高端日式鐵板燒。…查看更多

​慶生梗要豪一次，今年揀左Sushi N 嘅omakase, 小小店面帶輕奢和風，於料理吧枱與今晚負責料理嘅師傅打個招呼。​​開胃菜有忌廉芝士配蘋果，南瓜汁豆腐，虎蝦大根，薄薄蘋果片配輕盈質感的忌廉芝士，口感幼滑的豆腐加上南瓜香甜，新鮮虎蝦及高湯大根暖胃鮮味。​​岩手縣赤崎真蠔，蠔身厚肉大隻，會掙扎的群邊，鮮味肉爽，回甘味濃。​​甜蝦他他配烤鱈魚片，鮮甜甜蝦肉加上柚子皮香味，與香脆烤鱈魚片成強烈口感對比。​​清湯鱈魚白子，超高質白子，口感幼滑爽口味鮮。​​刺身間八配松露油及紫蘇花，松露與紫蘇香味出奇地搭配。​​是日壽司七貫包括笛鯛，春子鯛昆布漬，鮫鰈柚子胡椒，醋鯖魚配青蘋果薑蓉，石垣鯛，赤貝，拖羅配日本芥末籽，師傅功架了得，光看大師級手作壽司已經係眼睛享受了，特別難忘赤貝非常鮮味，厚肉彈牙，香港好少地方做到這個級數，亦會細心配上日本獨有的醬料，好似青蘋果薑蓉同日本芥末籽，令人眼界大開，豐富了對日本食材的認知。​​龍蝦素麵配松葉蟹三文魚籽，濃濃龍蝦湯加入幼滑素麵，配上鮮味松葉蟹肉同爆汁三文魚籽，暖胃濃鮮。​​清酒蒸鮑魚，清酒浸泡 7小時，保持到鮑魚彈牙鮮味。醬油漬蛋黃吞拿魚刺身，蛋黃口感軟糯香濃，令吞拿魚刺身增加了順滑口感，伴以炸蔥，香脆蔥香味道層次豐富。​​煙熏銀鱈魚，即場煙熏，鱈魚刺身油脂味香，加入濃厚的煙熏香氣，是濃烈派的刺身料理。​​北海道海膽手卷，即場燒制的日本紫菜，加入壽司飯及新鮮北海道海膽，由師傅親手遞上，鮮味爆登，是日壓軸好戲。最後一碗濃厚暖胃的鯛魚湯作結。甜品有青肉蜜瓜配曲奇雪糕。全程由非常專業的料理師帶領，進入日本料理嘅高境界，有高質有創意的日本料理，用餐過程輕鬆愉快，是令人享受的一晚。…查看更多

發現九龍塘近又一居附近有間小店，可以邊偷閒邊食好野。海鮮龍蝦湯 2人份 $228店員推薦的龍蝦湯，放入滿滿海鮮，包括大蝦青口，龍蝦湯香濃暖胃。紅波椒汁燉三文魚 $268一大鍋的燉三文魚柳，紅波椒汁甜甜帶蕃茄香味，加入各式蔬菜，如紅椒，黃椒，椰菜花，洋蔥等，口味清爽自然，三文魚柳厚切，經過輕烤，皮脆味鮮。法式香草燒雞 $268烤雞半隻，配上烤蔬菜及烤原只蒜頭，烤雞脆皮肉嫩，保持到雞肉肉汁，烤蒜用上橄欖油烤制，烤得通透脆面。配菜墨西哥芝士粟米片，芝士味墨西哥粟米片加上烤溶芝士焗制，配上酸忌廉，會食上癮嘅味道。雜菌意大利飯，滿滿一盤，帶洋蔥甜味，忌廉香滑，意大利飯粒帶咬勁。享受寧靜慢活悠閒的小店。…查看更多

與觀塘人氣cafe Cobber 合作嘅扒房Nata，除左有扒食有酒飲之外，仲有cobber 嘅人氣食品梳孚厘班戟，意粉同特色飲品，餐牌選擇更多，雖然不是cobber cafe 的不限時用餐，但總算可以避開cobber cafe 滿滿人潮。美國1855安格斯肉眼 10oz $268, 扒類餐品上枱會有茶燈加溫，上枱約3成熟，可以自行調節肉類熟度，及保持食物溫度，同枱客人都可以按自己喜好調節各種熟度，設計真係非常細心。1855肉眼肉質非常juicy 軟嫩, 肉味濃郁，配上燒汁及香草乳酪醬，咸香同清爽各有特色。伊比利豬鞍10oz $188 ，厚切連骨，經過香烤更帶出伊比利豬肉香味，肉質鬆化濕潤，單配一點鹽花已經相當出色，骨頭附近的筋肉部份更加不能錯過。明太子忌廉大蝦意粉 $148, 自福岡遊後迷上的明太子熱尚未消退，好想來一波明太子回味一下，迷人嘅粉紅色明太子醬汁，滿滿咸香鮮味，忌廉濃厚，意粉軟硬適中，大蝦爽口，如果可以加一點紫菜絲就更加完美。甜品試一試新口味，黑芝麻忌廉，豆腐意大利芝士，忌廉梳孚厘班戟$136，梳孚厘震騰騰咁非常鬆軟濕潤，豆腐意大利芝士有濃厚豆腐香味同幼滑口感，整體唔會太甜或者太漏，加埋Mövenpick 椰子雪糕嘅椰香就更加完美了。…查看更多

想食日式串燒，發現呢間新張嘅小店，新裝帶居酒屋氛圍，餐牌選擇多，仲有各式清酒可優惠價配搭。店員推薦燒豬腩肉拼盤 $168, 有4款創意豚肉串燒，最有驚喜是燒蘋果玉桂燒腩卷，腩肉包住清甜蘋果絲，外面有燒到帶焦糖香味嘅玉桂粉，好juicy 好特別的玉桂香，一食難忘。醬燒年糕豬腩卷亦好有驚喜，軟糯年糕，想一食再食。燒雞皮 $32, 燒雞中翼 $38，係串燒店必選，香脆口感無得輸。牛舌$78, 口感嫩滑彈牙，牛舌味香，高質牛舌是也。蔬菜類揀左翠肉瓜 $20, 清新爽甜。虎蝦 $88 2隻，超級大隻，而且燒得好香，蝦肉彈牙新鮮，有膏，齒頰留香。炸雞軟骨 $48, 份量十足，難得地炸得好鬆脆。鰻魚飯團 $78, 一大片燒鰻魚，配上2件醬油燒飯團，加入鰹魚湯汁，暖胃香濃。白桃汁 $42, 大大杯，冰涼香甜之選，配串燒就啱哂。高質用心經營嘅小店，值得支持。…查看更多