katharine.lai的个人专页

因為去等車仔麵，天氣又熱，就買杯飲品飲住等啦費事飲啲有奶的，搞到太飽，就要了一杯蜂蜜蘆薈試下24蚊大大杯，又夠冰飲落冰冰凍凍，正！估唔到蜂蜜味都夠，如果可以有檸檬汁，酸酸甜甜的話會更加加分。不過就咁飲都好好味明白得一個店員，係會忙啲，不過如果佢態度好啲會更好啦 下次經過會再幫襯的！…查看更多

今晚8點幾，剛食完飯，一家大細4人去食甜品。附近幾間甜品店都試過了，今次就試下哩間… 嘩！難食到一個點可能我哋唔係叫咩必食之選西瓜涼粉芝士奶蓋- 成碗糖水唯一甜的係西瓜，但得幾粒。然後涼粉好苦但冇糖水調味，加左啲好難食的芝士奶蓋，成碗野好似一堆嘔吐物，最後放棄了楊枝甘露- 大大碗上黎 但其實就係椰汁西米露加了一pat 芒果醬… 其實佢芒果醬又冇乜果肉同柚子，都仲叫楊枝甘露？不如細碗啲但真材實料好過最後仲有一個朱古力流心pancake , 味道各樣只可以話不過不失，但加一後100蚊，性價比唔高最後係店員態度真心差爸爸先入去坐低的，後來我哋去時坐低只知道有最低消費，叫左上邊3樣之後，就問清楚佢夠唔夠最低消費，要每人幾多錢。然後佢只黑面咁話每人要叫一樣，但我哋真係食飽食唔落一個，就諗住一陣叫外賣一杯就算啦，都冇特別出聲。點知過左10分鐘，嘢食都未上枱，那個店員就黎吹我哋落單，我答佢，我哋食唔落，會叫外賣。佢竟然話，可以落單叫後上，堂食只可以坐75分鐘，如果我哋遲叫 一陣只可以出門口等外賣？？！！咩料？我真心冇乜見過咁差態度的店員！落單叫後上，我又要叫一次；你哋要用apps 落單，我隨時幾時落就得啦，你又冇得選「後上/外賣」 仲要最最最重點嗰時8點幾，全店得我哋加另外1/2枱客人，7成吉枱喎！我哋一家4個食，難道會坐喺你間店2個鐘唔走？要傾偈都返屋企傾啦！你洗唔洗咁樣趕客呀？全程黑口黑面，啲人入黎食嘢都係想開心食你個店員的態度，搞到人哋冇晒心情囉！…查看更多

今日去買雞蛋仔，見到旁邊哩間串燒店因為雞蛋仔要等30分鐘，咁我就買埋哩間串燒試下。我買了3款，雞腎/ 雞軟骨/ 牛舌，因為我平時喜歡食日式嗰隻，冇乜特別醬汁的，只加鹽同胡椒，所以我叫佢都只係鹽燒便可以了。佢問我，係咪即係唔需要沙嗲醬，我就冇揀。3串都係即叫即燒的，我哋都等左一陣，大約10分鐘左右就可以了。今日天氣得十度多少少，但幾串串燒剛燒起，拎起手熱辣辣，正爆！雞腎同雞軟骨 平時都係我至愛，不過估唔到 哩到只賣十幾蚊一串，都一樣好好味喎！好抵食，材料都好新鮮。如果雞腎可以大粒少少再有咬口啲就仲正。因為一路行一路食，2/3下就食完，忘記了影相佢個袋係裏面係錫紙，外面係紙的，感覺比較實用又環保，唔洗下下都膠袋，讚！…查看更多

我好喜歡芝士，又好喜歡雞蛋仔，所以媽咪雞蛋仔 哩隻 雙重芝士雞蛋仔 就啱晒我！雞蛋仔的蛋漿好重要，而媽咪雞蛋仔的蛋槳算係中上之選，烤出嚟嘅雞蛋仔外脆內軟，都有好香蛋味。我間唔中見到有分店，都會買嚟食，所以都試過好幾間唔同分店，例如屯門的，尖沙咀的，還有佐敦的。而咁多間我試過的店當中，我覺得哩間荃灣的整出黎的雞蛋仔係最好味的！佢芝士料足，焗完出嚟脆卜卜！一咬落去熱辣辣又香芝士味，我一個人都食得晒全底！唔知係咪因為咁，次次都要排隊的我之前試過尖沙咀有一間… 試左2次之後我就決定下次去買返原味算了，慳返一半價錢哈哈😆不過佢啲原味雞蛋仔還是不錯的…查看更多

剛經過附近，入去食左一個下午茶時間的早餐。我哋4人試了5樣食物。手撕雞歐陸早餐 - 手撕雞、多士、炒蛋、沙律 全部都好啱我口味，正！南乳雞球烏冬 - 估唔到佢南乳雞球都炸得幾好食，香香的南乳味但又唔會喊，雞粒炸完又唔乾，烏冬正常發揮，喜歡公司三文治- 多士烘得香香薄薄，熱辣辣好好食鴛鴦雞翼 - 2隻炸加2隻瑞士汁雞中翼，炸的香脆，瑞士汁的好juicy , 小朋友話2款都好好味唯一海鮮扁意粉就失色了，海鮮只有蝦和峴，峴似雪藏的而且帶苦味，成碟意粉都帶苦，汁都好一般，而且唔夠熱，只係微暖… 相比起其他菜式，哩碟就唔得了…. 總括來說，食咁多野又叫埋特飲，都唔洗300蚊，簡直就係超值！我估哩間會成為我食堂哈哈😆…查看更多

嚟食過2次晚餐第一次係叫套餐，位位600咁上下，飲埋酒埋單大約每人800幾，同2個朋友食，感覺還可以啦，只係餐廳比較應聲，環境有少少嘈但整體啲嘢食都好食的，只係感覺有少少貴，所以第一次我就冇寫食評了今次同多幾個朋友再黎，散叫食物6個人叫左9/10樣菜，整體感覺更加抵食。當然啦，佢啲嘢一碟碟上，就冇分好晒。咁我哋就自由啲，食多食少可以隨意。另外份量都唔錯，每碟起碼夠6個人分，唔會嚟到得4件呀咁… 我估如果8個人就每人一口咁上下，6個人就有2/3個可以多一件頭盤佢推介一個唔知咩鵝肉都幾好食，肉質唔會梅，好鮮味！另外白鱔 好爽脆，一碟有8大件，好食😋另外乳鴿皮薄亦燒得剛剛好最後必食係佢嗰泡飯，炸左啲米好香！我哋叫中窩（一份半？）只係每人一小碗，我覺得哩個可以食多啲 哈哈餐廳外面仲有啲open area, 應該係俾人飲酒吹水。我哋食完本來想出去影張相，點知侍應告之，我哋要有24小時內檢測結果🤔 所以我們唯有放棄了，可惜今次我哋冇飲酒，每位平均大約400蚊。我覺得性價比還可以喎！依家是旦一間餐廳食一餐都要幾百蚊啦，咁佢啲嘢都幾好食！再有機會我都會去食的…查看更多

已經嚟哩間餐廳食過2/3次總體來說，食物質數中上，價錢亦適中試過佢叉燒蛋飯，叉燒小小半肥瘦，有蜜糖掃在外層，再加埋隻脆皮蛋汁，撈飯一流！另外都欣賞佢個牛肉通心粉，真材實料，都成十片鮮牛肉，而且通心粉小小爽口，連埋啲湯一齊食就prefect! 仲有雞扒焗飯，上面有好多mozzarella 芝士，味道一流！另外仲有奶醬多，佢係3片多士夾2層醬，勁厚又多醬！如果可以飛邊會更好🤣不過佢個拉絲波蘿包… 就唔係幾拉到絲了.. 啲芝士好流心，流晒出嚟囉… 同埋奶味重，但芝士味唔夠但總體而言，哩個價錢 有咁樣的食物質素，我自己就非常滿意的！…查看更多

話說哩幾日天氣時晴時雨… 又熱又濕咁星期日一家四口起身搵野食，來到御海灣。當時已經接近12點，有少少雨粉爸爸正搵位泊車，咁媽媽我就同2個細路在餐廳門口等入去啦⋯⋯當時門口未有人排隊的，咁啱有個職員（或侍應？）出嚟，咁我好自然就問佢，可以入去坐住等嗎？待應回覆話 「未開門喎」 咁我就話 「我明白，只係想坐低等啫… 」嗰一刻已經11:56分，只係差幾分鐘啫個侍應都係正常人，就話👌🏻咁我就帶埋2個細路入去搵位坐點知道，喺我坐低左喺中間一張4人枱之際，裏面位廚師？還是老闆？（佢整緊啲煙肉）就話「未開門喎，你哋返出去出面等啦！」咁我就嘗試客氣同佢解釋：「我知道未夠鐘開門，我問左頭先出面你哋個同事啦，佢👌🏻👌🏻我哋入嚟坐住等」點知嗰位同事就大大聲咁話：「佢係抄散黎架咋，乜都唔識架，我哋未開門，你哋企返出去門口等啦！」 嗰一刻連小朋友都嚇一嚇！超差的態度，完全冇禮貌！！！大佬呀！我差知你餐廳邊個打邊個！我唔係偷偷地入嚟架 更加冇打尖喎！而且嗰時已經11:57！係中午 最烈日當空 的時間，只係差3分鐘，唔係3個鐘喎！ 小朋友都問我依家幾點，相差好耐嗎？… 我又唔係要你提前服務我哋，只係你個門口 又冇遮冇擋，日曬雨淋 咁，我只係想早幾分鐘，坐住等你ready 啫 … 就算你真係有咩難言之隱，係咪應該客氣小小呢？今時今日咁嘅服務態度，真係唔要得，就算你間餐廳啲嘢幾好食都係咁話依家睇返啲食評，原來咁多都係服務方面投訴… 咁唔該 啊老闆，你真係要認真處理一下你啲同事的服務態度…查看更多

現在6點後冇堂食，全都係外賣… 剛試完家嫂外賣 ，6-8人 火鍋餐早2日網上訂左餐，今日再問餐廳，要下午3/4點後先可以取，因為即日準備的以2000蚊+ 8個人，人均250，性價比還可以魚生拼盤都好新鮮，係海膽差少少石斑起片，好滑好新鮮的鮑魚都新鮮，牛肉係手切 略厚，不過好淋有牛味，亦唔算太肥，good!蝦滑爽甜，枝竹都好食! 唯一唔好係2隻蟹，原來好細好細… 係BB蟹，半隻手板大都冇。另外菜- 係2棵生菜，似未洗的… 還好在家，洗洗便可以了，不過如果多啲菜會健康啲😋我哋8個人有男女老幼，有大有細，自己加了粟米蓮藕，就飽到反肚另外加左翅，不過太飽，所以未試… 總括來說質數還可以，可以下次再叫的…查看更多

下午茶時間經過，試叫左啲食物，都叫有水準。1. 牛筋腩麵 - 牛筋有咬口，麵底可以，腩汁湯底都唔錯！2. 水餃麵- 水餸 一般般，唔夠飽滿，不過麵底還可以3. 淨雲吞- 出色好味細細粒4. 碎牛粥 - 粥底好綿 ，好味5. 叉燒腸- 即拉腸粉滑，豉油都鮮味，叉燒夠多，不過有少少硬。總體來講都算好味手，下次可以試下牛腸6. 凍奶茶 - 最估唔到，麵店粥店一般啲奶茶 都係麻麻地，估唔到哩間又沖得幾好飲，有驚喜！7. 炸鯪魚球 - 即炸夠鮮味又唔會硬，正！Overall 哩間店各方面食物都唔錯會再來…查看更多