hang_cth的个人专页

睇個門面已經覺得好pink pink🤣🤣仲用咗好多卡通公仔做主題，幾特別嘅一間川菜，座位唔多，需要等位，同埋staff都唔多，上菜執枱都要等一等~· 天花頂酸菜魚餐 $138叫咗唔辣，怕全部嘢都好辣就會肚痛😂😂一人餐但其實酸菜魚係好大份！魚都有好多，不過入面就無薯粉嘅，只有白蘿蔔同酸菜做配料，魚係無骨有鮮味，唔會無質感嘅，酸度都啱啱好· 獨門秘製麻辣豬手餐 $118叫咗少辣，不過重點係夠哂麻！份量唔算好多都有6舊，可能會唔夠飽，豬手唔會咬唔開· 跟餐涼菜麻辣牛𦟌係好好食！不過跟餐只係得3塊左右，涼拌又唔會好死辣，都好入味香辣土豆絲都同樣入味，同爽脆！唔會太油膩· 跟餐小食黃金脆炸小酥肉係幾香口！但黃金只係炸到黃金色而唔係鹹蛋黃😆加上辣粉係好好食，如果跟豬手嘅話就好啱，因為豬手冇乜肉，會飽啲~香炸脆奶係幾特別，比起出面個啲嘅脆皮會厚少少，有奶香味又唔會好甜· 紅糖糍粑 $28要記住趁熱食！唔係就無咗糍粑會拉絲個種口感🤣煙煙韌韌嘅~加埋紅糖又唔會過甜，都不錯· 炸雞翼 $28正正常常~外皮好脆肉質都滑· 手打檸檬茶 $33第一次飲手打檸檬茶，見住個員工好落力咁打啲檸檬，飲落好夠味，檸檬又唔會過酸又唔會好澀🍽 口麻天辣 | 深水埗📍 深水埗深旺道28號V Walk 2樓L2-127-128號舖…查看更多

厚福街係一個平時諗唔到食乜就會入去揀嘢食嘅地方🤣但H8呢棟都有好多嘢食，平時好少上去🫢🫢入到去餐廳係暗暗地幾有格調餐包會係有牛角包🤣都幾特別！細細地又唔會好飽~· 法國藍青口伴白酒忌廉汁配蒜蓉多士 $158叫咗個頭盤輕食！藍青口無沙幾鮮~配埋個好creamy嘅汁好邪惡🤤🤤藍青口份量都唔少，仲有少少菜可以撈埋食👍🏼· 低溫慢煮法國雞胸日式年糕伴黑松露蕃茄汁 $178呢個好fusion嘅菜式！其實有啲似韓式但唔辣咁~配咗個蕃茄汁又唔會唔夾喎！年糕要沾多啲醬汁，始終係粗粗地唔會太入到味，慢煮雞胸真係食落雞髀肉咁，一啲韌同鞋嘅口感都無· 咸蛋黃醬汁煙肉磨菇意大利麵 $148咸蛋黃醬好香好邪惡🫢但又唔會去到好漏！煙肉同磨菇都好夠~意粉可以掛到好多汁🤤🤤🍽 Amitie Kitchen | 尖沙咀📍 尖沙咀厚福街8號H8 9樓…查看更多

絕對係唔近地鐵站架！要行出去海邊，位於酒店入面~所以係環境幾好，入面都好闊落，同隔離枱分得幾開下~仲會有一塊曲奇比你諗緊食咩點心嘅時候有嘢落肚🤣· 黑松露燒賣皇 $68有一大塊嘅黑松露係上面🤤🤤🤤不過燒賣就係普通嘅~係多咗陣黑松露味· 蟹肉菜苗水晶餃 $68蟹肉係放喺水晶餃嘅上面，水晶餃嘅皮唔會好厚· 蟹粉小籠包 $38好大粒嘅小籠包🤤入面好多蟹粉蟹肉，好鮮🤙🏽皮唔會太厚但又唔會好易穿，不過湯汁就少咗啲~唔會好爆湯🫢· 名醬蒸鳳爪 $58正常鳳爪，不過份量較少~好重蒜味🤣鳳爪下面全部都係蒜頭🤣· 京蔥和牛生煎包 $68生煎包係好香京蔥同黑椒味，牛肉係少少嘅肉碎，皮薄🫡外皮如果煎脆啲就好~· 伊利比亞叉燒腸粉 $68腸粉嘅份量相對比較少，芫茜已經包住係入面，但又唔會好出隻味，叉燒同腸粉皮比例幾好~唔會好齋淨食到皮🤣呢度嘅豉油係另上，可能會唔係好夠~· 酥皮蛋撻 $58 // 桃膠紅棗燉雪耳 $48蛋撻係迷你版，蛋味都香~酥皮都不錯，不過呢個價錢好似整返大啲會好啲🤣🤣🍽 莫云 | 大角咀📍 大角咀海輝道18號一號銀海銀海坊地下G01號舖…查看更多

環境暗暗地好啱飲下酒傾計！另外都會有室外位置，不過太凍就無出去🤣🤣店員都好nice🫡🫡· 避風塘小食盤 $148見到好枱都有叫避風塘小食所以跟住叫🤣，朋友有選擇困難症所以叫咗係大雜燴咩都有，有豆腐有雞翼有魷魚鬚，豆腐滑捋捋個脆漿唔厚而且帶甜，幾好食有啲似日本炸豆腐小食，雞翼就普通，魷魚鬚都唔錯份量都ok味道都ok，食到最後凍曬都無淋，同埋真係幾啱送酒· 招牌德國咸豬手伴酸椰菜及薯條 $298好耐無食過所以就叫下😂一擺低，以為係咪叫錯因為我比較鍾意食脆皮嘅，但望落去好似好唔脆好韌咁，不過驚喜嘅係食落又幾脆喎幾好喎又唔會覺得好肥膩😂配埋佢地個蜜糖芥末醬一齊食唔會太漏· 澳洲牛面頰肉醬溫泉蛋意大利粉 $168有溫泉蛋嘅蛋汁撈埋落意粉好正🤤調味啱啱好，牛面頰原來係少少肉粒嚟🤣可以一舊肉咁就好🤣🤣· Goose Thirsty $95 佢啲嘢食真係好啱送酒忍唔住要叫翻杯，尼杯係店員推介，我覺得都不錯，易入口同飲順口，最怕飲到啲好苦澀嘅而且真係好似店員咁講飲落有花香味同埋有少少甜味第二杯半價！有興趣可以嚟試下~🍽 The Right Place | 寶勒巷 尖沙咀📍 尖沙咀寶勒巷17-19號地舖…查看更多

荔枝角好多好嘢食！特別係工廈！西餐都可以做到好高級~啲餸菜一碟碟食完先再上，慢慢同朋友傾吓計🫡· Set dinner $688/2人🔺法國珍珠蠔周打魚湯魚湯好濃又唔會膩，有大大隻嘅蠔，食落都唔會腥，幾有驚喜🔺鵝肝批 青蘋果香桃醬青蘋果香桃醬幾清新，可以解下鵝肝嘅油膩感🔺咸豬手肉 法式凍批凍批幾特別，好似鎮江肴肉咁，不過用咸豬手肉令到個批有返味~🔺帕瑪火腿片 無花果無花果係酸酸地再配火腿嘅鹹都幾特別，因為唔係新鮮無花果，都幾開胃~🔺紅酒燉紐西蘭草飼封門牛柳牛柳係一斯斯嘅肉質，唔會好韌，味道好濃配上紅酒嘅味道，而份量都好足夠，另外仲有啲蔬菜同薯仔，係吸哂紅酒汁嘅味道，特別香口🔺香煎銀鱈魚三文魚子 菠蘿清酒泡沫菠蘿清酒做嘅汁係好特別！我唔食菠蘿都接受到~好清新嘅感覺又唔會好重酒嘅苦味，配埋銀鱈魚都好夾，本身魚都好嫩滑，再加上醬汁係泡沫嘅質地，所以係十分夾！同埋都會有薯仔係底，不過係無乜味😵‍💫😵‍💫🔺熱朱古力係幾滑幾濃，仲要畫咗隻熊仔係面😆😆🍽 FAB Kitchen | 荔枝角📍 荔枝角長沙灣道883號億利工業中心7樓704號舖…查看更多

雞煲通常都係夜晚再配埋打邊爐，不過lunch time竟然都會有雞煲set🤣🤣🤣除咗雞煲其實都仲有其他茶餐廳常見嘅午餐粉麵飯，都幾多選擇得嚟又唔貴~· 招牌2人雞鍋餐 $168晏晝食雞煲又真係無試過🫢半隻雞份量都夠2個人食嘅~叫咗唔辣，汁都好入味，見到啲雞件都唔會白色無汁🤣雞件都係滑嘅~香料都好足，仲有啲三色椒同少少菇類，如果有豆卜就更好，雖然叫咗唔辣但都會有少少麻，都好啱餸飯~個餐仲有1碟蒜蓉娃娃菜，純粹有啲蒜蓉比啲味🤣唔會好油嘅~另外叫咗杯藍草莓特飲，係有啲士多啤梨果粒，不過覺得好少少甜🫢🍽 巧得鍋 | 觀塘📍 觀塘成業街15-17號成運工業大廈1樓12-14號舖…查看更多

所有食品都好貼主題，放題類嘅野食太多，都係淨係講啲重點先🤣想講講呢度出餐係好快同準確！計過啲牛唔洗1分鐘就到🤣值得欣賞🫡· 套餐B: 澳洲產極選肩胛牛小排 $268🔺 馬來娘惹叻沙鍋叻沙湯底好濃！完全唔需要再加醬汁去打邊爐！入面仲有啲豆卜，辣味都好夠，另外枱都有湯比你自己加，加完都仲好夠味~🔺 牛胸腹 // 牛小排 // 肩胛肉眼 // 牛舌 // 豚梅肉 // 羊肩肉都好新鮮，會見到肉嘅油脂，牛舌係比較薄切，但又唔會韌，牛味都好重，唔會比湯底蓋過，牛肉方面都幾多選擇！同埋呢度係有埋羊肉！唔會話好重騷味，正正常常~🔺 蝦片 // 炸魚皮個人覺得蝦片係同出面差不多，都係好脆又夠味，反而魚皮就淋咗啲，浸完湯仲有少少韌🫢🔺 蝦餅 // 泰式雞寶 // 串燒蝦餅唔會梅肉！好彈牙~串燒正正常常~可以食返打邊爐嘅肉🤣🤣🔺 自助Bar丸類 // 菜類都幾多選擇！特別係有海鮮！蝦仲要係新鮮自己夾上嚟，其他魚同墨魚仔都有得自助拎，而丸類係有長洲大魚蛋！但要浸耐啲先熟🤣都好彈牙~菜類都有好多款！🔺 飲品除咗正常嘅茶同罐裝飲品，仲有啲泰式特飲，試咗杯泰式綠奶茶，味道正宗，但偏甜🍽 泰金鍋 | 旺角📍 旺角彌敦道601號創興廣場6樓…查看更多

好似好少講打邊爐🫢🫢🫢不過今次係有埋羊腩煲！依家天氣開始轉凍就啱啱好！· 秘製枝竹羊腩煲 $368天氣凍就最啱叫返個羊腩煲食！$368係細嘅份量，入面有好多枝竹同蔥，羊腩都唔少嘅~預返之後打邊爐都啱啱好！個羊腩煲係偏甜嘅~同好濃味，羊腩都腍，唔會有好大陣嘅羊膻味，仲有一小盤嘅生菜，索哂啲汁好正，個汁已經好濃之後加返水打邊爐都好夠味🫡· 鬼馬釀墨魚 $98其實就係墨魚滑加咗係油炸鬼度，啱啱炸起係好香口，油炸鬼好脆！☺️· 極品封門柳 $268有少少厚切又唔會好大塊，見到啲油脂紋理好靚☺️食落可能有少少咬口，但牛味係好重，建議唔好沾重豉油重辣嘅醬汁，有機會蓋過哂啲牛味🫢· 新鮮黑柏葉 $98其實我好少食牛柏葉，呢個算係爽口少少，要注意煮嘅時間，唔係就好韌😵‍💫😵‍💫· 黑松露豬肉餃4粒 $58呢個意外地覺得黑松露味好濃！餃子皮唔算好厚但都唔會好易穿，饀都唔算少~· 手打豬肉丸4粒 $53 手打鮮蝦丸4粒 $58呢度嘅手打丸類值得推介！豬肉同蝦丸都一樣好彈牙，味道都好濃，而且都幾大粒！嚟到真係要叫嚟試下~· 脆炸嚮鈴4條 $42 記得嚮鈴嚟到要即刻食！因為佢係即炸，再放落湯到幾秒🤤唔係就會無咗好脆又索哂湯嘅效果~· 竹蓆茅根 $48打邊爐太熱氣要飲埋竹蓆茅根🤤唔會好甜又解到渴！🍽 舅父仔火鍋專門店 | 深水埗📍 深水埗福華街39號地舖…查看更多

價錢都ok，呢度係食印度、尼泊爾菜式，而店員都會係當地人~要講英文落單架🤣，見到入嚟食嘅客人都係外國人為主，不過我係衝住momos而來😍鋪頭都比較新淨~應該開咗無耐· SIMPLY PESTO 平步青醬Kebab (+1個side) $98Kebab入面嘅材料好豐富，好多嘅菜，仲有洋蔥蕃茄等等，雞肉都有好多係入面，配埋青醬都幾夾，餅皮唔會好厚好乾，同朋友一人半個已經飽飽地🤣1個side就揀咗薯條~正正常常嘅粗薯條啦~· 尼泊爾炸雞餃子 $58Momos係絕對要食！炸到外皮脆得嚟又保留到餃子皮嘅口感，入面係免治雞肉加咗啲香料，所以就咁食都已經好夠味，其實仲有配埋一個醬料，係辣辣哋同餃子一齊食都好正😍🍽 CRAVINGS | 油麻地📍 油麻地廣東道871號地舖…查看更多

記得要book位先嚟食🫡上到去個景靚到~依家做緊個中午點心套餐係每位$358，價錢唔係平但每1籠點心都好精緻😍加埋個景都不錯，點心都係1人1粒咁過下口癮又食到好多款🫡食哂全部都好飽~· 蟹皇蒸燒賣大大粒實肉~又有好多蝦嘅燒賣，絕對係小朋友口味🤣食點心一定會叫！· 菜苗帶子餃上面好大粒嘅帶子，下面包住全部都係菜~做到好似燒賣嘅樣，點心通常都用蝦嚟做，食下帶子嘅都幾有新鮮感~· 百花釀魚肚係蝦滑釀落魚肚度，整體唔會好有油膩感，蝦滑都彈牙~· 韭黃鮮蝦腸大大隻蝦配少少嘅韭黃~腸粉皮唔會好厚🤣· 海鮮酥入面有好多蟹肉，外層又好酥脆· 鍋燒和牛生煎包鍋燒係即場比我哋睇🤣淋上酒再焗一焗，下面會有好多洋蔥同大蔥，成個包好香！包面會有少少煎香又未去到脆嘅程度，入面就係啲黑椒和牛粒，味道好好！如果個肉饀唔係粒狀就好🤣· 上湯煎粉果煎粉果幾特別，出面脆得嚟入面又會好糯米feel嘅煙韌，仲配咗上湯食👍🏼👍🏼· 黑松露蛋白炒飯黑松露味好香，炒飯粒粒分明又唔會好乾· 清香竹葉角及新疆紅棗糕竹葉角係紅豆蓉，煙煙韌韌嘅~紅棗糕甜度啱啱好，有清清地嘅紅棗味，唔會好黏牙嘅感覺~🍽 棽粵 The Summit | 銅鑼灣📍 銅鑼灣謝斐道535號Tower 535 25樓…查看更多

之前都有食過牧羊少年其他分店，我覺得每間嘅menu都有啲唔同🤔文化中心呢間好大間同個景又幾靚😍· 酥脆魷魚圈配辣根時蘿蛋黃醬 $98幾香口見到係炸到啱啱好😍，魷魚圈唔會好硬，個蛋黃醬有啲辣幾特別，份量都好足夠· 黑啤慢煮美國牛肩肉配暖墨西哥餅 $178牛肩肉係好多同埋係非常腍！有少少酒味又唔會好搶，配埋墨西哥餅幾好~係細細塊咁🤣仲有少少洋蔥同薯仔~· 嫩菠菜烤菇奶油忌廉貓耳朵粉 $138素食之選~烤菇係加返啲口感~整體嘅忌廉又唔會太有肥膩感，好鍾意貓耳朵粉😍係煙韌有咬口嘅，凹少少入去會裝咗啲醬汁🤣🤣🍽 牧羊少年與他的浮萍 | 尖沙咀📍 尖沙咀梳士巴利道10號香港文化中心地舖…查看更多

係海港城行完又想食下啲輕食就啱哂~呢度地方算大又坐落舒服~仲要有熟食同甜品☺️· 安格斯牛肉煙火腿煎蛋芝士漢堡 $148漢堡包係有搽少少牛油，會香啲🫡 牛肉唔會散仲好juicy，牛味都有嘅，仲有隻流心煎蛋☺️☺️成個burger係好厚好足料~另外仲有沙律同薯條，而蜜桃紅茶幾香用茶包無糖但幾好飲· OHAYO熔芝士炸雞 +$78炸雞個皮都脆唔會太乾都juicy嘅~薯條份量還好不過芝士就咁用左車打芝士無得拉絲同埋要盡快食因為好快凍，車打芝士結咗無咁好食🥹· 朱古力布朗尼窩夫 $98賣相係十分好😝好啱打卡🤣會有1球朱古力雪糕、brownie同4塊waffle，waffle好軟熟，熱辣辣加埋雪糕食好正！brownie就覺得有少少散，唔係我啱個款😛🍽 Ohayo by Ocio | 尖沙咀📍 尖沙咀廣東道3-27號海港城海運大廈地下OTG19號舖…查看更多

又嚟一個平民dinner系列！今次係泰國菜~基本上每一款餸菜都$100內，叫個飯都好平！· 燒豬頸肉 $78燒得嚟入面肉質都仲keep到！唔會乾晒，同埋份量都唔少，都係薄薄一片~加埋啲辣汁就更香~☺️· 金不換炒魷魚 $78金不換好香，個汁似咖哩但又唔係好辣，魷魚都唔會好硬，不過就唔算好多魷魚~整體幾香口👻· 椰青海鮮炒飯 $78入面有椰子肉，又有椰青水炒香，炒飯底都唔會好濕嘅感覺，而海鮮都唔會比得少~面度加咗少少肉鬆反而更好食！不過加咗三色豆好似普通咗啲😛呢個正方形size都幾特別🤣🤣· 青檸檬薏米水 $25青檸比普通檸檬清甜，生熟薏米好足料· 椰汁涼粉冰 $22涼粉同椰汁比例都ok~正常發揮~· 椰皇三重奏 $35有2層，1層係椰汁，1層係椰青水，呢2層個texture都唔同，加埋一齊食都幾特別~又唔會好甜，幾清新~🍽 金亞淶泰國餐廳 | 荔枝角📍 荔枝角長沙灣道883號億利工業中心1樓102號舖…查看更多

好難得1個set有哂主菜同小食同飲品🥹好耐之前食過到依家都仲做到$100內嘅套餐！· 肉燥乾拌麵 $80都幾滿足因為佢都幾豐富同食得飽有3個小食1個主食仲有杯嘢飲小食方面我覺得都唔錯有兩款係指定有一款自選，我揀咗麻辣鴨血係幾有驚喜，無諗過咁入味不過如果鴨血可以大舊少少會開心啲，鴨血個麻辣汁仲可以倒少少拌麵到加埋一齊食都幾好食主食部分都幾多選擇，我就揀咗雞扒肉燥拌麵，雞扒同麵分開放嘅，雞扒都幾大塊幾脆不錯，個麵嘅質感幾好不過個肉燥就麻麻地嘢飲揀咗冬瓜茶，唔會好甜而且都幾大杯成個餐整體上都不錯· 綜合滷味拌麵套餐 $78除咗雞翼尖唔太入味外，其他都幾好，份量都好多！大腸唔會有怪味，如果甜不辣都係滷水味會好啲~台灣奶茶正正常常，唔會太甜· 炸甜不辣 $28好有口感係煙煙韌韌嘅~炸得幾好唔會乾哂· 肉燥淋青菜 $20肉燥量多，菜都新鮮好綠🍽 小麻吉滷肉飯 | 旺角📍 旺角通菜街2A-2P號鴻光大廈地下2C號舖…查看更多

呢度主要都係輕食同甜品，無飯/意粉嘅，而佢都會定期做唔同嘅主題，今次係藥果~所以有幾樣甜品都係做緊呢個主題架~· 半半炸雞 (甜辣+蜂蜜) $155半半嘅話每種味都有4舊，蜂蜜係用粉嘅，本身以為係會醬汁🤣無骨炸雞嚟，唔會好乾，甜辣唔會好辣嘅，另外仲有個柚子嘅醬汁，係酸酸地又唔會唔夾· 伯爵茶布甸牛角包窩夫 $145Croffle係最令人期待☺️有2塊croffle、伯爵茶布甸、雪糕、黃豆粉蕨餅！係好豐富~伯爵茶醬倒落croffle到係好好食！Croffle好重牛油香又有烘過嘅味道，又少少脆~加埋雪糕係好正，伯爵茶布甸好濃茶味又好smooth，淨係食呢個甜品都夠哂飽🤣🤣· 仲秋藥果刨冰 $108藥果個名好藥材咁，原來都係一個韓國嘅傳統點心~味道係甜嘅有少少似肉桂，不過有少少硬，要有返少少牙力🤣刨冰食落有啲位唔夠綿，入面仲會有年糕！都幾特別😆· 盛放花開燕麥奶 $52會送1花餅，係韓國傳統點心嚟~係糯米包住啲紅豆饀~唔會好甜！燕麥奶係帶有花香味，正正常常啦~· 黑芝麻鮮奶 $46都會有花餅，而飲品係黑芝麻味好重，又唔會有粒粒感🍽 Coffee Hwajeon 커피화전 | 圓方📍尖沙咀柯士甸道西1號ELEMENTS圓方水區1樓1028B號舖…查看更多