Sorolla的个人专页

極隱細嘅樓上Cafe。大廈出入口喺係旺角小街嘅一條後巷。用心製作每一道菜。當晚就叫咗個二人餐，份量足而好好味，絕對唔係hea你嘅樓上Cafe。提提你，最好打電話先Book 枱😃…查看更多

🍕 13’ - Canadian + My Parma兩款都充滿芝士，勁足料。Parma ham唔會得幾塊，蘑菇同蕃茄醬又勁惹味！🥗 Caesar Salad要食返個沙律平衡返下先…查看更多

成日去尖東都會路過呢間餐廳，地點方便，一出尖東站就會見到。設有室內及室外，由於沒有間隔，咁樣就更加開揚及闊落，感覺更舒適，一啲都唔侷促。當晚我哋叫咗‘蝦’做小食，再嚟有烤魚、意粉做主菜。仲有梗係叫杯cocktail ，慢慢食，慢慢傾。🍞 order 嘅食物未嚟之前，先嚟麵包加醋同橄欖油。麵包嘅邊邊係脆嘅而中間好鬆軟。🦐Gambas Al Ajillo 蝦嘅肉質夠爽，配蒜片一齊食都唔會遮咗蝦嘅鮮味。而且佢嘅伴汁唔會太濃味，小小咁吊下蝦嘅鮮味都唔錯㗎。🍝Vongole Linguine一上枱已聞到好香，唔係蜆肉，係大蜆呀😊 蜆肉鮮甜，仲好爽口，份量多，有成八隻㗎！意粉軟硬適中，望落去唔多醬汁，但好入味！推介推介！🐟Pan-Fried Seabass香煎魚柳色香味俱全。魚肉一啲都唔‘鞋口‘，唔使點伴汁都已經好好味。擺盤以幾款唔同顏色嘅蔬菜類作伴菜，賣相精緻。另外喺魚柳下面係細細粒嘅小米，有啲脆口，好特別。🌶 🍹 Gusto MuleVodka 為主，好特別，因為佢係辣㗎😄入口係辣嘅，到最後會有蘋果嘅甜味。想試新口味cocktail 而又鍾意辣嘅，試試呀。餐廳地方闊落，枱與枱之間有相當距離。當晚有食客慶祝生日，唔止適合朋友聚會，想二人慢慢傾下偈都唔錯㗎。…查看更多

🐂火車頭雜錦牛肉湯河有冇咁多料呀！牛丸、牛筋、牛腩加肥牛！🦑炸墨魚套(配蜜糖）即炸，好爽好香口。平時會配啲甜酸醬，呢個配上蜜糖，唔太甜，幾特別。😊圓肉杞子蜜滋潤又足料！冬天乾燥啱哂！…查看更多

餐廳位於旺角一幢好有歷史特色嘅建築物內，地方闊落，枱與枱之間有相當嘅距離，一啲都唔侷促，環境舒適。餐廳仲設有室外用餐空間。打開Menu，有各式薄餅、意粉、飯及小食。又去到唔想諗嘅時候，於是就叫咗個二人晚餐。🍴頭盤金箔蟹柳絲迷你沙律杯。鮮蟹肉青瓜圈。大蝦芒果沙沙杯。頭盤擺設精緻。蟹柳沙律杯滿滿的蟹柳。大蝦芒果嘅伴醬有啲泰色風味，甜甜酸酸。蟹肉青瓜卷就放喺脆脆嘅多士上面，又係滿滿嘅醬，配上意大利雜菜湯，更加好味。🥗 和風海鮮藜麥野莓沙律雖然係一份同朋友分享，但冇諗過咁大碟！當中嘅海鮮有蜆肉同八爪魚，仲有大大粒嘅紅莓，配上黑醋汁，份外開胃。🦐 烤老虎蝦球拼帶子配原粒牛肝菌忌廉意大利飯烤蝦唔錯，好香口，仲有幾粒大大粒帶子。雖然係配上牛肝菌同忌廉，但一啲都唔膩。而且意大利飯嘅硬度好適中。🐂 海鹽燒加拿大頂級厚切牛仔骨(兩件），配美國焗薯（燒汁）廚師控制火候做得好好。唔需要選擇幾多成熟但真係燒得好好味，一啲都唔韌。一上枱已經聞到好香。我就點咗少少鹽，更加好味。唔需要配任何醬汁都已經好足夠。🍹 餐飲我同朋友都加錢要咗兩杯Cocktails。一杯Mojito， 一杯就Cosmopolitan。慢慢嘆。😊🍮 小小布甸，份量啱啱好，因為成個晚餐真係好豐富…查看更多

朋友推介，話好啱慶祝食返餐。於是就一於試下，嚟個二人晚餐，咁就唔使左揀右揀😊🦪法國生蠔新鮮到港，每一隻都好肥美，淨係睇顏色都覺得好新鮮。食落有淡淡的海水味，易入口，非常鮮甜。🐟煙燻意大利沙甸魚及香醋魚子見到menu上用沙甸魚，會怕有啲腥。一般都用吞拿魚或三文魚作為前菜嘅食材。識落一啲都唔聲腥，加埋先蕃茄、魚子，全部都保留到個鮮味。😀輕煎半熟北海道帶子配菠菜茸賣相擺盤好靚。帶子用輕煎嘅方法令到佢係半熟，咁樣仲可以保留原先嘅甜味，一啲都唔韌。半碟嘅菠菜茸，味道濃郁，但又唔會搶咗帶子嘅鮮味。食材嘅顏色配搭得好好。🧅🥣牛肝菌湯 或 法式洋蔥湯法式洋蔥湯好足料！每一啖都充滿甜甜嘅洋蔥，雖然配咗一塊厚芝士但一啲都唔膩。🐂 澳洲M5和牛牛柳及法國鴨肝我哋揀咗五成熟，同樣擺盤都好靚。火候控制得好好，五成熟剛剛好，外面煎得好香口，內裏唔會太生，切緊都知肉質好嫩。鴨肝同樣出色，同朋友分享就唔會覺得膩。🦐 西班牙紅蝦及海膽意粉配奧西特拉鱘魚子醬每款海鮮都好鮮甜。紅蝦夠爽口，海膽同魚子醬配搭得好出色。每啖意粉都有海膽醬汁嘅味。而且份量一啲都唔細。😁精選甜品：Tiramisu 配雪糕記得留返小小肚去食甜品，廚師真係一啲都唔會hea你。Tiramisu甜度啱啱好，又夠鬆軟，配上士多啤梨乾，好特別。餐廳環境舒適，店員每個都好有禮貌，由頭盤開始直到甜品，每一樣都色香味俱全。…查看更多

揀主食之前，友人話想食‘印度烤雞’，於是主食嘅咖哩就揀咗鷹咀豆同魚柳。再加錢做套餐就揀齊蒜蓉烤餅同奶油烤餅。印度烤雞好！抵！食！雞肉嫩，好入味，係有少少辣但唔會搶哂啲肉味。Chana Masala 鷹咀豆咖哩微辣，豆煮得啱啱好，唔係‘稔’哂嗰啲。個人鍾意食鷹咀豆，多過揀唔同蔬菜配咖哩嘅。Butter Fish Masala 奶油魚柳咖哩一大條魚柳，啖啖肉，呢款咖哩就唔辣嘅。好少咖哩會配魚，值得試下。蒜蓉烤餅。奶油烤餅。個人較鍾意蒜蓉烤餅。每款有六塊咁多！非常抵食！…查看更多

成日都訂唔到枱，於是搵個星期一去碰下運氣喇，有位呀！Menu上嘅選擇唔多，反而啱我呢啲成日唔知揀乜嘅人。種類多又唔代表好味嘅。🥗凱薩沙律麵包粒，脆卜卜。蔬菜新鮮好爽口。芝士嘅份量啱啱好。🦐香蒜欖油蝦肉意大利麵我鍾意用欖油煮，覺得好食過用伴醬嘅。個人喜好喇，冇咁膩。蝦肉爽，配埋雜菇，唔錯唔錯。🥔黑松露薯條即叫即炸，脆口，有黑松露醬同茄汁俾你揀。😆脆炸雞翼又係即叫即炸，冇乜炸漿，啖啖肉。好熱㗎，小心焫口！…查看更多

位於商場內一間有晚餐食嘅cafe。環境舒適。感味夜晚套餐晚餐包括迷你藜麥沙律、迷你湯、主菜、熱飲加單球雪糕。主菜選擇多，有意粉、日式飯、沙律，仲有全日早餐。選擇困難症發作，於是我哋就揀咗‘廚師幫你諗好意粉’。熱飲就揀咗‘自家製薑汁熱紅茶’。佢唔止本身杯茶加咗薑汁，怕你唔夠薑，成匙薑絲放喺度俾你自己加。我就加哂，好味。其實最想試佢嘅‘痴_線朱古力 Crazy Chocolate’，但咁痴線嘅嘢都係留返冬天先飲😆…查看更多

友人推介呢間樓上餐廳，於是一試。推門入去之前，已經見到啲訪問嘅剪報同獎項，係更加有期望㗎。我哋揀咗五道菜套餐。主菜都多選擇：豬牛羊魚雞仲有意粉。🥗乳酪鮮蝦芒果沙律鮮蝦爽口，沙律伴醬係廚師自製，甜甜酸酸好特別。成個沙律好開胃好fresh。🥣 是日餐湯-蘭度豆(小扁豆)黑毛豬湯香濃豆味，但絕對唔係青草味嚟㗎。湯嘅質感比較濃稠，即係用料十足。仲有一條條好香口嘅黑毛豬肉，令到個湯味更濃郁之餘仲更有咬口。🍄黑松露蘑菇湯啖啖蘑菇粒，同樣用料足。香濃蘑菇味，口感綿滑。鍾意蘑菇嘅一定要試。🦀清酒蟹肉年糕香濃蟹肉做伴汁，聞都已經好香，配襯本身無味嘅年糕，伴汁嘅味更加出。份量啱啱好。🐐燒澳洲羊鞍(五成熟）一上枱，大家都嘩咗出聲，賣相好靚。我哋揀五成熟，火喉控制得好好。肉質鮮嫩，肥瘦分明。佢嘅燒汁味唔濃，咁樣反而突顯羊肉嘅鮮味。仲有佢嘅伴菜，嗰‘球’唔係薯蓉亦唔係紫薯，係好特別嘅-芋蓉！🐟焗比目魚配蟹肉汁同樣賣相好靚，金黃色嘅蟹肉汁夾雜一絲絲蟹肉。魚肉鮮嫩，唔會過熟或‘榎’口。唔太鍾意食魚嘅都會鍾意。同樣個‘芋蓉球’伴菜好好味，有粒粒芋頭好咬口。🧁 是日甜品-芝士蛋糕唔好睇佢細細件，好彩係細細粒，因為已經好飽。芝士味唔會膩，啱啱好。🥤 特飲-蜂蜜檸檬梳打一啲普通嘅飲品但佢都可以調較得啲味道好好。有時一話有蜂蜜呢，就得個甜字或者冇甜味，變咗就咁檸檬梳打。佢仲要買一送一，必點。🌃餐廳景觀好好，望到維港。感覺又舒服寫意，同朋友慢嘆美食，傾下偈，或者慶祝生日食飯都好適合。😊餐廳嘅服務唔錯，食物上枱時會簡介下，例如沙律伴醬係自家製之類。…查看更多

招牌兩姊妹涼皮(配料有芫荽、青瓜絲、花生、蔥）另加木耳、滷水金錢肚我怕辣所以揀微辣，喂，辣呀！每樣都好好味，涼皮爽滑當然唔使講，木耳爽口，金錢肚夠入味亦唔會太‘林’。下次一定要試埋小食😋…查看更多

😍養顏花膠米粉😊龍眼蔘蜜店舖細細，有啲名氣但繼續用心製作。咁大塊又煮得好食嘅花膠，加埋爽口米粉，仲有無味精嘅湯底，都係50幾蚊✌🏻再嚟飲枝龍眼蔘蜜！呢一餐夠哂滋潤😊…查看更多

必食‘聰明哥豬扒’。唔使怕肥膩，唔使怕好乾，因為食過好多次都唔會出現呢啲情況。我自己就每次都叫‘腐皮角’，同鮮竹卷有啲似嘅。仲有‘甜酸齋‘，有時會買一份外賣當小食，正㗎！…查看更多

呢間餐廳主打龍蝦🦞喺湯、意粉、飯，甚至薄餅，都可以搵到佢嘅出沒🙂🦞龍蝦湯 🍄蘑菇湯主打龍蝦，就由龍蝦湯開始。味濃而且好creamy，最緊要係佢唔鹹，仲有粒粒龍蝦肉。試咗少少朋友嘅蘑菇湯，同樣係香濃噃，充滿蘑菇粒。兩款湯都真材實料。🐖 意大利風乾火腿、香腸、水牛芝士拼盤有四款火腿香腸，水準唔錯，唔會好鹹或乾。鍾意食意式火腿嘅，不妨叫一個嚟試吓。🥗柚子味增南瓜羽衣甘藍沙律想食個開胃嘅沙律，推介！一放低嗰下，咁大碟嘅！即刻覺得平衡返食肉獸嘅一面。柚子汁酸酸咪咪好開胃，佢仲有茄子同藜麥，好健康。🦞龍蝦香草意大利飯推！介！一上枱，我同友人都不禁講咗幾次’好香呀！好香呀‘！有好多龍蝦肉!!!! 飯好入味，唔會硬身。配埋青瓜同青豆，好有咬口。以呢個地區同佢嘅美味，值回票價！😃餐廳環境舒適，樓底高而唔會令人感到焗束。除咗晚飯，如果叫杯cocktail，加個platter ，同朋友傾下計，都係唔錯嘅選擇。…查看更多

成日路過都望到呢間樓上餐廳，佢出名係燒牛肉。但除咗牛，其實仲有好多選擇，當然‘燒物’就一定要試。環境舒適，加杯cocktail，叫個side dish 同朋友傾下計都唔錯。🐖燒澳洲帶骨豬扒配香茅芥末籽忌廉汁賣相好靚，同埋係冇骨㗎，正。肉質比較腍，火喉控制得好好，試過有啲燒豬扒，又乾或’鞋‘口，呢個絕對唔會。佢嘅伴汁幾特別，忌廉而帶少少香矛味，點少少伴著都幾好味。🍝香煎北海道帶子龍蝦汁扁意粉配三文魚子帶子飽滿又唔韌，龍蝦汁香濃而意粉入哂味，加上大大粒三文魚子，每啖嘅口感都好豐富，下次去都會再叫呢個意粉🐟🥗烤鐵板燒汁吞拿魚(配溫室青瓜車厘茄水牛芝士沙律)佢嘅’燒物‘真係好出色，唔想只係食沙律，呢個推介。輕燒嘅吞拿魚，保留咗鮮味，沙律仲有少少伴汁，兩種食材好夾。🍹Dirty Peach Lemonade比較鍾意飲Vodka，所以見到呢個就即點。成杯嘅食材仲有桃、青檸、檸檬同rosemary，酸酸甜甜。唔使講當然仲有個賣相，上枱時喺杯面整個大氣泡，好得意😆78%朱古力心太軟因為用咗黑朱古力，所以一啲都唔會膩。食晚飯當然要以好味嘅甜品作總結。…查看更多