AKKA的个人专页

真係唔知係我叫錯定係佢地個雞燴麵係咁嘅Style, 一佰蚊一碗麵今時今日唔算貴，但可以話任何一間上海麵店一定比佢好食好好好多。首先，燴麵係燴，淋係必要。另外，雞胸-舊舊都算，但可否比小小誠意用心做，淡而無味，可能有人話個湯底好味，但以我個人而言，係成碗麵的敗北，sorry, 真心唔識欣賞。此外大熱天時，究竟有冇開冷氣都成疑，雖然問你，你話啱啱開，但真係唔見有風吹囉。今時今日仲可维持到的小店，一定有可取之處，希望下次（如仲有）再幫襯可改觀。…查看更多

首先入到餐廳，感覺尚可，但黑衫嘅waitress 冇笑容，苦口苦面，當食物到時，完全冇介绍，就咁放低，到食完收碟時，以為去咗大XX，次次要叫佢先會加水，但人地開酒，佢地就主動幫手添，真係咁現實？食物價錢完全不值。服務差過茶記，反而著白衫個服務員仲比較正路。一心諗住慶祝記念日，甜品個牌居然寫咗Happy Birthday Anniversary, 大佬呀想點？千幾蚊食餐咁嘅飯，但D評價就真係誇張，今次真係濑嘢，一定冇下次。…查看更多