蛙頭的个人专页

朝頭早去旺角市政大廈「妹記」食魚腩粥，一貫新鮮美味！落電梯經過「嘉榮快餐美食」，掛牌有款「美極叉燒炒河，特餐$41」。 好吸引！夜晚要去試吓先！由於要回家工作，旁晚上到去，就話「外賣帶走，加凍檸茶！」師傅即時執碼，開鑊即炒！見到有椰菜絲+芽菜仔，正！而且開足火力！並非預先炒好一大兜！誠意十足！👍🏻行返屋企，即刻開動！溫度仲熱，加埋辣椒醬，好味、有鑊汽！凍檸茶都有四片檸檬，無欺場！特餐$41，包湯。改熱飲+$2、凍飲+$3！收銀老闆娘又有禮貌！三個字：「平、靚、正！」 大家要多啲支持街坊小店！！…查看更多

其實又唔算第一次嚟呢間茶餐廳食嘢，早午晚下午茶都試過。食物質素正常！點知今晚就遇着鐵桶！一個冇禮貌嘅樓面！今日星期日，7:30pm 黃金時間，一個人去食個晚餐。見成個場只坐得一半人。大量卡座吉咗喺度！咁正常都搵個卡位坐定定！點知我連續坐低兩次，都俾個阿姐大大聲叫我起返身！一個人唔可以坐呢度～～既然你咁堅持唔准單拖坐卡位！咁咪唔坐，起身走人！！旺角大把茶記，去第二間！如果你坐咗右七八成，我接受ar!! 但一半都無！老闆請著呢啲伙記，除咗倒米之外，真係影響其他員工！…查看更多

今次又同半個印度家鄕嘅朋友去試吓呢間於上環嘅印度餐廳。用OpenRice 訂好位，地點近上環站，轉角就到，準時到達。當晚人客不多，環境衛生乾淨。坐低一睇，個2人套餐非常吸引！！乜都有，仲包飲品，咁當然叫Lassi la!! 上菜前，先嚟個胡椒餅，跟著就素菜咖喱角、烤雞、咖喱魚、咖喱什菜、印度飯、再有薄餅，一定夠食！食物真係非常惹味！朋友都話夠正宗。我就大胃王，加多一個羊肉烤腸！更加惹味非常。文字表達唔到，相片可能吸睛少少！不過，真係親身體驗最好！…查看更多

本來係呢間拉麵店忠實fans, 連2周年、3周年tee , 周年頭巾都有幾套。昨天（30/12/2020）寒風呼呼等佢開門食碗沾麵。入座、上麵一切安排如常！今次坐在廚房旁，也不是第一次坐了！點知食到大半，竟有噴水穿越隔板！見有位待應正在清潔隔離位置，於是叫了一聲：「噴到我哩！」本來他工作有時失了手，本來不是甚麼大問題，聽到他細語：「我噴枱咋！」而旁邊另一位待應又無任何反應！廚房店長只瞄了一眼又閃走。Ok! 無人道歉、無人處理！！放心！我一定食完，畀晒錢先走！唔係搏乜！去埋單！一位知道我係熟客的女待應，竟然知道話唔好意思～～！老實講，唔係熟客就一早爆了！懷念之前2位日本廚師店長，有心、也管理得宜！當然唯有讚一下是講流利日語的女待應！全場只見她依然有heart!! 其他～～sorry! 只是一群機械人了！一間食店能keep 到不失色，除了食物品質外，其他還是要保持哩！！…查看更多

跟一位話印度係半個鄉下的朋友慶祝生日，在疫情及限聚令下，挑選了這家印度餐廳來一個午餐！OpenRice 訂好位，準時到達。可能剛剛清潔好，加上有印度香料的混合味道，初初覺得～～咦！得唔得㗎～咁大陣味～? 說時遲那時快，印度經理開大冷氣，又開大風扇換一換氣。Ok! 環境過關！點菜時間，當然由半個鄉里發辦！素食咖喱角，咖喱羊肉，而我只要求一客個個推介的牛油咖喱雞！食物新鮮熱辣辣送出，1男1女竟然可以KO 兩位蒜味naan bread, 因為兩款咖喱真心好味！市道唔好，大家有時間不妨撐下場！今次仲20% off , 自己覺得抵食！連話印度係半個鄉下嘅朋友都話可以encore !!…查看更多

新開張的傳統粥店，坐落在洗衣街近花園街及金魚街附近。見到地方寬闊，光猛清潔，坐落舒服！今晚就去試下味道究竟如何。叫咗個皮蛋艇仔粥+叉燒腸+蘿蔔糕。先講碗粥，估唔到平價粥個粥底都咁綿，下次要試下其他生滾的魚腩、及第等粥品，相信會更有驚喜！腸粉也是即叫即製的布拉腸，味道ok!再叫舊Robert 糕多色，蘿蔔絲仲現在眼前，合格！可惜一個人食唔到咁多嘢！未叫傳統粥店的炒麵及油器，有點可惜。食飽飽之際，也不忘再𥄫𥄫個餐牌，有腰潤公仔麵，又有自選湯飯。之後慢慢再試下！價格方面，以上一粥一腸一糕都只係盛惠50元！在旺角太子一帶，夫復何求！抵食！但今次無拍照，下次補回！…查看更多

呢間進駐在洗衣街的西餐廳大大話話都有十年八載，一向以茶餐廳價錢；酒店般食品做招徠。今次試咗個下午茶，食品就是類似pizza的calzone sausages (譯香腸哥拉桑），外邊比較少見！呢度即叫即製，等咗10分鐘左右，新鮮出爐的calzone 放在眼前。其實佢似一個對摺的pizza, 內料係火腿、莎樂美腸、青淑及洋蔥，仲有做pizza的番茄醬。味道直頭係同pizza一模一樣，但外皮香脆，是另一番食法及感覺！最值得一提係下午茶價格只是$34，仲包飲品！在旺角區一帶絕對是性價比極高的選擇！如果lunch, 就推介焗豬扒飯，包個餐湯及飲品，都係$41！味道可以話比其他收費廉宜的餐廳高幾班！直頭平過旺角區的茶餐廳多多聲！…查看更多

早上又去文華食個早餐，老實說這裡食物質素真的不俗，炒蛋及煎蛋都得！尤其煎熟蛋的燶邊更是茶記少有！但今次不是說食物，而是對待應的服務態度有點～不滿！繁忙時段在卡座搭個對面枱是常識，見怪不怪。奇怪是那位女「主任」叫另一位已經就坐在卡座一旁的客人：「再攝入去坐⋯⋯可以㗎啦！」然後叫我：「坐啦！可以㗎啦！」難得已經就坐的哥哥仔就範，真係聽佢老點⋯⋯咁我～～當然走啦！傻的嗎？旺角太子咁多茶記！注意是當時尚有其他卡座，只是女主任要「安排」客人坐邊而已！唉！都是男經理醒目！阿女主任還是了解一下香港人去茶記的習慣吧！…查看更多

由工廠食堂（類似茶記）轉手為越南餐廳。裝修完全是茶記標準，但光淨企理！可能轉手無耐，好多同區朋友都未知多咗一間越南餐館。今日2:30到，就得幾枱人，各自各「隻揪」lunch! 之前試過炭燒雞扒凍濛粉及蕃茄牛腩，已經覺得不錯。所以今天午餐就去食炭燒豬扒+雞翼飯，豬扒有炭烤及蜜糖味，而且腍身唔嚡，飯上面仲有少許蔥油，味道不俗。由於過咗2點，埋單仲平$5！下次會試埋生熟牛肉河！在新蒲崗區食晏，此處也是不錯的選擇！…查看更多

住旺角幾十年，好多人都識由車仔檔、寄居到自己檔口肥媽鹵味。身為地膽，當然經常有幫襯，仲介紹friend去食。但係星期日同friend又掃街，肥媽不在。幾個後生仔女睇檔。嘩!種待客之道真係....攪到friend想同佢嘈!!!唉!幾好食都假，幫襯仲要受氣!!!況且汁醬味道差晒!!學劉華啦!!…查看更多

初八未開，初九再去!照舊茶餐：通粉、炒蛋& 多士。炒蛋好香好滑，厚多士依然勁正。回程公司三文治打包給蛙媽，入面有火腿酸瓜+芝士+厚蛋+蕃茄+鹹牛肉，蛙媽話開市第1Day都保持水準，正！最抵讚係打包三文治，包裝"結實"，絕無變形，功夫十足。…查看更多

原本去食澳洲牛奶，但要初九先開咁轉去麥文記。其實呢兩間都食超過廿幾年。但麥文記就要用今非昔比形容。今次食炸醬麵、雲吞、水餃+ 油菜。麵OK!!! 無大變，依然咁彈牙!雲吞、水餃.....唉....係唔同，D蝦無味..D筍...又...分別最大係D湯，以前好有大地魚同蝦味，但宜家就愈來愈淡，無香甜味!! 好似溝好多水咁!!!! 仲有D蠔油唔知係唔係又改！超鹹!!!D伙記又...，直覺成間轉人做(兩三年前都覺得，但今次更甚!!)我估要改去同系好旺角& 麥奀記囉!!!…查看更多

又再同豬朋虎友蛇王搵咬！咁又再從十大最受歡迎食店試食。當然order農夫飽，我就試咖喱牛腩+凍coffee啦!老實講，D牛腩同咖喱汁並無特別驚喜，但加埋個香脆農夫飽就加番唔少分。凍coffee呢......，唔好太大寄望。豬朋虎友就試豬扒飽& 金牌常餐(鮮茄牛腩粒通粉+牛油豬仔飽)，都話OK，而個牛油豬仔飽就最搶!提醒大家，個農夫飽確實份量十足。最好同friends share!!…查看更多

正所謂聞名不如見面，大除夕下午拉閘放狗去試佢。由豬朋虎友帶路，無想像中咁難搵(由火車站行去)三人勁食如下：漢堡飽x 4(朋友話OK!)雙層芝士漢堡x 2(正! 又夠肉汁，入面又有洋蔥，好香!!)炸雞脾x 3(要平反一下，真係幾嫩滑，有味又無血，個好細食女仔friend竟然想encore添!)薯條x 1(sorry! 唔得!)熱狗x 1(不如多round 漢堡飽)凍飲x 3(早知飲可樂!)仲有，白頭叔叔服務態度真係要請劉華指導! 其他都幾nice!…查看更多

今次又係有朋友生日，主人家話試o下呢間Munch。入到去，地方不大，無乜特別裝修。檯布係一塊黑色膠皮，在此不得不佩服傳統酒樓的執著，一檯客完膳，換枱 布！坐低俾Beverage Menu，見d 紅酒唔係乜好貨色(走廊放果幾支除外!)，但買得都幾貴！我有個澳洲老外朋友，每次到香港同佢食飯都投訴d 酒價貴到離譜，一支在澳洲買三幾十既酒，到左香港就升價十倍，似乎係香港食館既通病。好在今次無人飲酒，慳番多少。言歸正傳，先serve牛油+ 麵包，外購貨色。到餐湯2選1 (蠔湯or 洋蔥湯)，自己order蠔湯，好味道！但份量好少！跟住Starter，要左Caesar Salad, 烤蝦Caesar, 焗蠔x 2，煎鵝肝x 2，同蟹餅X 2，加多一個三文魚吞拿魚他他醬，and then多一客三文魚pizza，6個朋友仔一齊share。Caesar salad就正常，而幾隻烤級蝦仲幾惹味飡 !!!其他蟹餅呀! 煙三文魚pizza都OK呀！但隻”珍寶”蠔就真係“珍寶”咯，好細隻。而鵝肝就真係唔識分何謂好野，個人覺得呢度煎得好香！另一個幾得意係魚生他他，因醬汁撈入雪芭既形式去做，幾好味！到”飯麵”，叫左青口意粉，同帶子蟹肉Risotto。自己好鐘情濃味食品，個Risotto 煮得好好味，不過呢度做Risotto既米唔係好長果隻”番鬼佬米”。隔離個friend就話個pasta好淡& 青口似蜆仔咁細。由於Starter多達10個，反而到order Main，就只order左牛仔骨+ 鴨胸，都OK呀，鴨胸好隥 ，但個人喜歡有多少少鴨酥香味。轉入甜品，廚窗既Cheese Cake係大路貨，又係外購貨色，全尖沙咀(Home Made另計)都係同一個Tone，而Warm Choco 就好有酒香味，可惜未能趁熱出餐。總括來說，味道都OK，但每份份量太細。應該都係租金同地點關係！香港地，無計！至於算唔算法國菜？或者受以前諾曼第(己結業)影響，果d 先似。…查看更多