amy0802的个人专页

久仰大名一間幾出名嘅台灣菜餐廳假日夜晚嚟到可見人龍排隊派左大約二十分鐘左右就有位一入到餐廳俾佢嘅裝修所吸引成個格調都好似入左一個戲棚咁有好多唔同嘅場景有車站有戲院幾有特色同氣氛不過食物同飲品方面呢就冇好想像中咁出色可能我係香港都算食咗好多間台灣菜餐廳有比較之下所以依間唔算話係好好味會encore類別魯肉飯味道其實都OK 如果多D肉汁撈飯就咁好柯仔麵線蠔漲卜卜 幾大隻湯底同台北阿宗比嘅話 台北阿宗真的好味好多鹽酥雞冇乜味如果有啲調味粉可以比客人落會好D蝦捲冇乜特別甜品叫咗芋圓佢個糖水底都係好淡味不過芋圓肉食到蕃薯粒架都算真材實料飲品珍珠奶茶茶味就唔夠濃環境氣氛： ★★★☆☆食物質素： ★★★☆☆服務態度： ★★★☆☆…查看更多

身為海綿寶寶粉絲嘅我見到近排點心代表做緊海綿寶寶主題於是就去左幫襯我去嘅係尖沙咀The One分店平日夜晚要搭枱被夾係長枱之中嘅中間距離太近所以被左右聲音嘈住所以環境麻麻地 即使店入面有D海棉寶寶掛飾影相亦唔會有好多位叫左幾款有海綿寶寶圖案嘅食物菠蘿炒飯其實唔係平時泰式食開個D味道只係一個菠蘿裝住炒飯但炒飯冇乜料同淡味千層馬拉糕印有海綿寶寶個樣係上面係幾可愛但又係比較淡味香芋流沙包味道就正正常常不過一D都唔流心所以玩唔到由海綿寶寶個口流出來原個菠蘿特飲味道較酸另外仲叫左兩款唔屬於公仔系列嘅粟米花枝丸同白胡椒豬肚雲吞湯依兩個味道都正常整體食物味道麻麻最重要係性價比非常低茶位仲要收$10位咁樣已經食咗三百幾近四百蚊我會寧願用依個價錢去正宗酒樓飲茶環境氣氛： ★★★☆☆食物質素： ★★☆☆☆服務態度： ★★★☆☆#點心代表 #隨意美尖沙咀 #隨意美點心#隨意美中式 #隨意美港式 #隨意美飲茶…查看更多

「請坐」岩岩獲得2018米芝蓮推介餐廳位於西營盤港鐵站附近行過去唔算遠五分鐘之內就到不過要有心理準備成日都會大排長龍星期六兩點幾去到都要等位依度嘅蛋餅真係必食！蛋餅有好多種口味可以選擇本身想叫肉鬆蛋餅 不過售罄所以唯有轉叫起司蛋餅熱辣辣 芝士半融狀態成個蛋餅口感非常好另外滷肉飯同牛肉麵都好好味滷肉飯啖啖都有汁肉嘅肥瘦比例岩岩旁邊仲配埋辣菜脯 好好餸飯不過份量唔算好大碗牛肉麵亦都係呢度招牌菜伴菜有酸菜同蔥粒牛肉肉質夠腍麵質彈牙有咬口湯底好夠味 有少少油喺面但飲左幾啖又唔會話之後好口渴綜合甜不辣就普普通通唔算好特別飲品方面叫咗阿薩姆奶茶加珍珠同埋梅子綠茶阿薩姆奶茶茶味唔點好濃不過啲珍珠幾好咬口梅子綠茶酸酸甜甜幾開胃不過飲到底就略嫌甜左少少環境氣氛： ★★★☆☆食物質素： ★★★★★服務態度： ★★★☆☆…查看更多

la famille 於 2014 年創立係一間戚風蛋糕專門店早前在大坑店及黃埔開店後最近進駐尖沙咀海港城港威商場la famille 為慶祝新店開幕海港城港威分店加推 4 款限定口味香檳、玫瑰、法栗、醉梨 除限定口味 一般較受歡迎嘅口味有英國伯爵茶、朱古黑森林、香濃開心果、沖繩黑糖栗子、極上宇治抹茶、日本柚子等戚風蛋糕軟綿綿而且唔會好甜中間嘅牛奶cream超好味好香濃嘅牛奶味戚風蛋糕的中空位置填滿左北海道中沢牧場直送的新鮮忌廉忌廉嘅味道所以奶味好濃厚鮮甜軟滑我就試咗英國伯爵茶丶柚子同仲夏草莓最鍾意係英國伯爵茶蛋糕真係有伯爵茶嘅香味配合埋個鮮奶忌廉真係意想不到咁夾蛋糕size兩個人食仲剛剛好 約10cm最緊要係價錢唔貴平時去啲高級西餅店一件西餅都成40幾蚊而呢個戚風蛋糕睇落仲大過啲價錢亦都只係$46仲有多款特別口味揀…查看更多

錦麗越南牛肉粉專門店自1970年越南胡志明市開業依家喺香港 觀塘同九龍灣都有分店之前聽朋友講佢啲嘢幾好味所以有一晚咁啱經過APM就去錦麗食個晚餐先繁忙時間需要排隊等候餐廳算係速食型 食完就會被收碗餐具唔會坐得耐嘅一種所以等位都算快等左十分鐘就有位依度馳名嘅越南河粉基本上湯底同河粉都一樣所以只係需要揀餸有牛丸/熟牛肉/生牛肉或者綜合咩都有第一次黎食梗係揀綜合可以試晒所有三款餸裏面牛丸最好味好有牛味又彈牙 超鍾意下次黎食一定會叫全牛丸粉食河粉前先飲左啖湯底幾濃郁嘅牛湯味配料例如九層塔等香菜丶芽菜會分開上自行添加小食類叫左蝦餅丶牛油雞翼丶春卷蝦餅有芫茜味 個人唔食芫茜所以就不太喜歡牛油雞翼炸得過火左春卷就正常飲品叫左推介嘅凍椰青崩大碗崩大碗係越南特式飲品可以清熱解毒崩大碗屬性寒涼 孕婦同體質弱都不易飲用我覺得味道好似飲緊D芹菜汁帶少少甜環境氣氛： ★★★☆☆食物質素： ★★★★☆服務態度： ★★★☆☆…查看更多

之前聽到口碑番本好似都唔太差一路都想試好耐終於最近有機會平日夜晚 上到去竟然發覺幾冷清下心諗可能會係因為平日啦但係食過之後再覺得有原因啲嘢食質數真係有啲差去食放題刺身通常都係第一道必食嘅第一道已經係非常失望刺身底下通常都會有啲冰塊墊住嘅但係佢用嘅係一啲碎冰所以基本上啲魚生係黐住晒啲碎冰令到你食緊刺身嘅時候同時都要被迫食埋啲碎冰嘅感覺熟食方面印象中真係冇乜邊樣令我覺得好味鹽燒雞翼一啲鹹尾都冇稻庭烏冬但係啲烏冬"林"到阿媽都唔認得食咗幾啖已經停口雪糕選擇亦都好少而且啲口味都係好普通 雲呢拿同朱古力冇回頭嘅一間放題 backlisted平日夜晚$218再加一我寧願俾貴少少去食返大喜屋系列有質素好多環境氣氛： ★★☆☆☆食物質素： ★☆☆☆☆服務態度： ★★★☆☆…查看更多

今次要介紹嘅係位於觀塘工廈入面嘅西餐聽依間西餐廳比我嘅感覺係好有heart每一道食物都係用心烹調環境方面我覺得可能因為地方唔算太大所以星期五晚座無虛席之下就比較嘈如果除左食野又想靜靜地傾吓計嘅話旺日黎講可能未必係好嘅選擇講返令我覺得讚賞嘅食物方面佼度嘅每一道菜 都結合藝術嘅成份因為廚師會係碟邊上繪畫或者裝飾令到賣相非常靚而個D所謂嘅顏料都係用食材整出嚟嘅醬汁所以係食得又睇得黎食晚飯可以考慮Set DinnerSet Dinner跟沙律或焗生蠔+餐湯+精選甜品+飲品價錢$188-$298咁岩我地想叫嘅主菜又都有係Set Dinner選擇之中所以就叫左兩份餐湯嘅帶子海膽湯幾特別飲落真係有海膽味菠蘿沙律嘅菠蘿好清甜 好fresh主菜方面慢煮牛仔肋骨真係好好味侍應冇介紹錯好有牛味而且肉質保持嫩滑刺身帶子黑松露意粉 個人非常鍾意極力推介比大家因為佢嘅黑松露味好香濃醬汁好creamy帶子大大粒 有鮮味鱸魚菠菜枝豆意大利飯幾特別一粒粒嘅枝豆混入去埋意大利飯裏面成個感覺健康左鱸魚唔腥 不過意大利飯始終比我感覺有啲膩除此之外仲加左＄68 叫咗個青口當日嘅青口係嚟自澳洲 size細細隻廚師煮嗰個醬汁係非常之好味加埋切粒細粒洋蔥粒 更加香至於小食拼盤就不過不失因為當日係慶祝朋友生日所以book枱時已經安排上甜品時寫埋壽星女個名係個碟度另外一題店員嘅服務態度都好好會主動介紹menu推介嘅食物解釋仲幾詳盡㖭環境氣氛： ★★★☆☆食物質素： ★★★★★服務態度： ★★★★☆…查看更多

有一晚係葵芳新都會廣場搵食見到有間日式拉麵店大排長龍人群心態之下 排埋一份試下排左半個鐘左右就有位拉麵店叫俺流塩らーめん位於商場open area間出黎嘅地方 所以唔算大枱與枱之間較近同迫窄分別叫左一碗鹽湯拉麵同一碗濃湯拉麵餃子同一碟餃子拉麵麵質揀咗普通但係我同另一半都覺得好硬由於我本身唔鍾意硬身嘅拉麵成個味道會好影響左塊叉燒又比較乾所以我覺得唔好食湯底係正常嘅 鹽湯就會清啲另外餃子賣相都幾hea下形狀唔似餃子皮又厚 味道亦都唔好味真係越食越覺得點解出面會咁多人排隊係咪啲人都係見到人排我排嘅心理咋比較特別係依度有三款調味料可以自己任落梅子醬丶柚子胡椒丶黑蒜蓉不過我自己就覺得唔算係同啲拉麵小食味道夾環境氣氛： ★★★☆☆食物質素： ★★☆☆☆服務態度： ★★★☆☆…查看更多

今次介紹嘅Paper Stone係我近期幾鍾意嘅一間麵包店因為佢有好多特別款式嘅麵包Paper Stone 上環丶將軍澳丶葵芳同元朗都有分店而我去過元朗同葵芳分店葵芳個間分店 麵包仲有得試食㖭比較特別嘅係海盬牛油卷除左原味仲有紅菜頭丶羽耳甘藍同黑松露口味依家啲人追求健康紅菜頭同羽耳甘藍所以都幾多人揀亦都係幾新穎嘅選擇我買左黑松露口味真係幾香架 唔止表面 入面都有黑松露不過我最想介紹同推介嘅係我最鍾意嘅蜂蜜橘子麥法包叫得法包 麵包口感係硬硬地表面有蜂蜜糖漿 入面充滿橘子肉好香橙香味價錢$21 麵包黎講係貴左少少不過款式特別而且份量都幾多 可以分兩次食或者同人share食都可以…查看更多

旺角波鞋街冇人唔識重建計劃之下波鞋鋪將會逐步移入新建嘅商場形式舒適室內shopping環境依個商場在原來的波鞋街十字路口好容易發現到因為為繁囂急速嘅旺角帶來新景象商場外形時尚現代化走天然同綠化風格今次介紹係首家喺依個商場開業嘅食肆青花 佢係人氣甜品店ATUM最新分支主打新派東南亞菜相信賣點之一 一定係依度裝修依度裝修走綠化自然風雖然植物唔係真但加上自然光嘅透入令人有好清新好舒服感覺枱係我最鍾意嘅雲石pattern平日lunch來到叫左一個喇沙雞湯麵同埋木魚花燒汁豬面青飯喇沙雞湯麵味道幾好辣辣地但木魚花燒汁豬面青飯賣相好hea咁味道亦都好普通+$25轉特式飲品泰國奶茶奶蓋桔仔酸梅汁泰國嘅奶茶茶味重D加左層奶蓋溝埋一齊飲甜甜地幾好味桔仔酸梅汁有D酸 但就好開胃環境氣氛： ★★★★☆食物質素： ★★★★☆服務態度： ★★★☆☆…查看更多

個人好鍾意食玉子燒之前係台灣夜市都有食過香港依家都有玉子燒專門店啦賣點仲係玉子燒加煙燻 應該算是全港首家繼荃灣之後 葵廣都開左分店但位置不太顯眼玉子燒款式基本有七款分別在於餡料包括原味丶蔥味丶櫻花蝦丶明太子紫菜、紫薯、芝士黑松露及蘋果款款各有特別 好想試哂呢不過咁岩撞正當日店員話冇煙燻而我好想試個玉子燒 所以照order我叫嘅款係明太子紫菜玉子燒採用自家製高湯加入蛋漿中的確好鮮味 仲一D都乾外型仲好工整㖭味道我覺得好好味本身明明唔算肚餓但愈食愈開胃厚厚肉子加埋D明太子同紫菜味道又好岩好味 推介價錢$36價錢就稍為貴左D…查看更多

雖然邪惡但係要同大家極力推介非常好味嘅抹茶牛角包!!!品穀位於佐敦同澳洲牛奶公司同一條街唔好睇佢好似普普通通同一般麵包鋪差唔多其實內有乾坤最出名嘅係佢嘅牛角包分別有抹茶味同埋芝麻味呢度用嘅沒茶丸久小山園龍抹茶抹茶味非常濃郁 個味一D都唔假抹茶味係有D茶甘味個一種而且牛角包非常之鬆化 外皮仲有少少脆兩者配合得非常好不過價錢就真係稍為貴啲＄28 幾啖就食完但我依然有興趣下次再買埋佢個芝麻牛角包試下另外仲買咗個音羽紅豆包紅豆蓉非常之香濃 餡料好足麵包有彈性 食落口唔會覺得好滯…查看更多

辻利茶舗前排進駐左觀塘APM餐廳好細 座位唔算多睇落都會做外賣嘅飲品丶蛋糕同雪糕生意多對辻利茶舗好有期望覺得佢嘅綠茶味應該會好香濃唔知關唔關事我叫嘅飲品款式事杯凍抹茶紅豆拿鐵令我對佢好失望唔係味道差只係味道同飲紅豆冰冇乜分別毫無綠茶味只是超重奶味紅豆就幾好 夠粉同"林"但即使同港式紅豆冰比 還是稍為遜色我叫嘅係大杯裝 價錢$48 絕對不值…查看更多

香港嘉里酒店位於紅磡黃埔於今年四月開業屬香格里拉集團旗下黃埔港鐵站通車後 方便得多從C2出口走過去只需五分鐘大堂茶座寬敞遼闊 樓底高之餘 有一排列由頂到底嘅落地玻璃 充足自然光線透入望出去有大量綠色植物 更可望到海景連藍天白雲都盡入眼簾氣氛寧靜閒逸完美融合舒適休憩環境及室外美景下午茶tea set 以優雅木框玻璃托盤盛載木框玻璃入面有D小石仔最特別係北海道芝士撻以貌似炭爐上配合乾冰效果營成「仙氣十足」嘅下午茶此酒店tea set沒有英式鬆餅主要以一系列招牌法式甜點配對鹹點嶄新演繹時尚下午茶展示融匯中西精髓之美點鹹點如下：·鴨肝醬配多士、香檸醬汁及香橙脆片·特式蟹肉配香芒辣椒、竹炭麵包脆片及食用花·煙燻三文魚他他、酸忌廉、三文魚籽及蝦片·黑松露炒蛋配法式麵包 甜點如下：·香檸撻、葡萄泡沫配蛋白脆·白朱古力柚子芝士餅·66%朱古力、焦糖榛子蛋糕·特色朱古力香芒脆·北海道芝士撻 這個品味下午茶也主打港式情懷飲品有港式奶茶丶鴛鴦等選擇更添地道色彩最重要係無限供應飲品一款飲品選擇如下：·港式奶茶·凍或熱鴛鴦·高級英式茶·經典中國茶·冰凍檸檬利賓納·即磨咖啡或凍咖啡·冰凍檸檬茶整體味道ok個人覺得甜點偏甜所有飲品嘅糖水另上 可自行控制甜度平時一杯茶真係唔夠傾計成個下晝飲所以這裡有得任飲真好而且沒有限時環境舒服度真的很不錯頗喜歡這間新酒店下午茶時間由2:30pm開始至5:30pm星期六日不設電話訂座價錢港幣438元 / 兩位用 (兩位起)優惠自2017年7月8日至2017年12月31日環境氣氛： ★★★★★食物質素： ★★★★☆服務態度： ★★★★☆…查看更多

去台灣旅行夜市必食嘅掃街小之一一定係鹽水雞雞件去骨切絲再撈埋其他配料一齊食最重要嘅係個醬汁 酸酸辣辣非常開胃將所有材料融合一齊正！而我今次介紹嘅就係唔使去台喺香港都可以食到嘅ET鹽水雞觀塘葵芳尖沙咀旺角深水埗都有分店揀咗雞腿 啲肉幾滑 連皮都食埋配料方面就叫咗甜不辣丶豬耳同埋招牌洋蔥招牌洋蔥比我想像中硬同埋比較生嘅味甜不辣同豬耳都幾好調味揀左小辣 配埋啲調味粉又真係幾惹味整體味道10分我會俾7分但老實講價錢有啲貴因為三款配料再加雞胸或者雞腿或者三隻雞翅就已經＄44 一人份量而已當正餐食應該唔夠飽再加個麵撈已經要多＄10…查看更多