KaryHo518的個人專頁

好少係九龍城以外地方食泰國野,唔係話唔好食,但如果有對比就係一般般囉,環境係幾舒服,服務都可以有啲炸得太乾,無哂肉汁,可以獨立叫蝦餅,都OK雞肉同豬肉串還可以,沙嗲醬不錯!最好味係依個,咖哩蜆,啲蜆都算大隻,不過咖哩汁可以再濃啲,甘點薄餅係一流!依個好淡,炒得唔夠均勻,仲見到啲粉係白色依個係好一般既芒果糯米飯仲可以講有啲唔好食.啲飯好乾好硬,椰汁唔濃,芒果唔甜不單止,仲要有啲酸!!:(可能係我唔好彩!…查看更多

依間野做緊優惠又係得獎食店就一於嘗試下,一上到去,發現面積唔大,但外牆裝飾,環境都好靚同好舒服見到個個都有食班戟,一於叫一個見識少, 一開始仲以為個皮係脆啲涵係帶子,蘑菇同煙肉,幾好味不過怪我又叫卡邦尼蘑菇煙肉意粉,所以差唔多味, 變得有啲滯同埋個皮都係鹹,下次應該試下其他味道!!!最後叫佐個甜品,個皮都係煙煙韌韌,不過個椰子雪糕好濃好好食,加埋啲椰絲係面,一流芒果同士多啤梨都甜!!!不過野飲就一般, 可能我地飲唔慣下次可以再黎…查看更多

一上到去,只係見到有幾枱客,所以環境同服務都好好,最適合女性朋友閒聊,因為依到悠閒清靜,可以詳談!串燒份量一向比較少,岩D細食既女性朋友.叫佐D好大路既串燒(雞賢,雞軟骨,雞泡魚乾,甜蕃薯等等), 都不過不失.記住叫手作免治雞肉棒配埋日本雞蛋,一流!!!同埋澳洲和牛都不錯,好易入口.另外我地叫多兩個飯,因為唔夠食...哈生薑豬肉豚飯親子丼比較鐘意親子丼,可能因為D蛋比較滑,D汁幾入味,個珍珠米正!!!但係雞件就一般般...不過價錢還可以,所以建議食佐少少野/細食既人比較適合!PS 臨走見到有幾枱客都食緊龍蝦,原來有個龍蝦加燒蠔既放題$258,有機會下次試試!!!…查看更多

次次一出Isquare就會見到對面有條長龍,雖然多人排隊,但係都會抵唔住引誘,走過去排一次.排佐我足足45分鐘,先發現自己耐性驚人難得排到,當然要揀款最最最出名既黑糖鹿丸鮮奶同小鹿出抹.飲第一啖係好好飲..不過攪拌黑糖鹿丸鮮奶之後,鮮奶就越飲越滯.唯獨鹿丸珍珠夠好味,感覺好多蜜糖包住珍珠,再加上黑糖,就好好咬口.而小鹿出抹就當然綠茶味好出,不過有少少澀,仲飲到有一粒粒粉狀綠茶,莫非就甘用綠茶粉沖開?反而攪拌之後,一D奶味都無...都係好彩珍珠夠好味補救成件事!如果無人排隊,應該會再黎!…查看更多

成日都好夜收工先去搵野食,11點個時見到好多日本野餐廳都準備關門,而依間Last order又零晨一點半,都岩D夜收工既人去.我知道依間之前人流好多,成日要排隊,所以今次唔洗等就試下!首先見到價錢實在非凡,同埋個碗好細,都心諗食一次算喇.三式海膽丼第一,邊到三式?第二,味道一樣又偏淡,第三,$268 (未計加一),第四,其實唔飽,不過好滯:(北海豐盛丼 $198帆立貝食得出係日本貨,但無咩鮮味, 反而燒左口魚裙邊油份多,食飯一流,其他都正常!!!不過食2個丼都500蚊就真係有D貴,因為比係普通日本餐廳同樣價錢但可以食到好多款壽司同刺身!!!…查看更多

無意中搵到依間日本餐廳但又有好多中式食物,夜晚9點已經無咩人,所以入去試試,環境同地方都好舒服,服務就還可以不過食物方面真係選擇唔太多見到個個都食kikusan卷,一於嘗試.點知真係好好食,海膽夠新鮮,份量算多,又平值得推薦!!!點佐個小籠包(有豬肉或雞肉揀),外皮雖然夠薄,不過好易穿,點一點都流哂D湯出黎:(都不過不失另外叫佐個牛舌,比想像中更加'林',易入口,不過味道偏淡,唔夠入味!甜品方面諗緊叫綠茶紅豆定花生芝麻好最後揀佐花生芝麻都好正,好似甜薄餐,個皮仲係熱,入面滿湖花生,糖,芝麻 正!…查看更多

託朋友既福黎食鼎爺依餐, 每樣食物都好講究, 好多都即日新鮮買返黎整.餐單會一早問定你,所以可以揀定,去到就唔洗再煩食咩.比我感覺好既細心係每樣食物都會有專人介紹一次由來.比我用心感受到廚師個份心思.餐具擺設,燈飾都好精緻,可惜差個靚景.依個叉燒同鯪魚球好好味蝦中間有香矛, 其實係會帶出少少香味,不過蝦肉比較實其實依個係幾好食,炸完都留好多汁,不過有少少腥,所以朋友太多人都唔食, 而比哂我食,食到好濟....依個湯聽講係兩個椰青水慢慢濃縮到一個,又要'登'好多個鐘,聽到都覺得好滋潤,好適合女士們.炸到好脆,不過用料好多肥豬肉,本人實在麻麻.用蒸雞既方法蒸脆肉鯇真係幾特別同好脆,不過我覺得清淡佐D,可能因為厚身,所以可以再入味除佐外形特別,味道同普通雞差唔多..依個正,有飯'朝'總括係都值得大家試試,不過價錢都真係唔平,希望菜式越整越好…查看更多

我知道依間要排隊等好耐先有得食, 所以揀佐係非繁忙時間食, 甘就唔洗等位叫佐個original pan de pain, 見到78 都有少少唔捨得叫,不過無計喇, 最出名都要試下.果然, 蛋味非常濃郁, 非常軟, 加埋糖漿一流, 但係食完好似無食到野甘另外,叫佐個多士, 不過好甜好濟.如果唔洗等位下次經過應該都會再黎!!!…查看更多

去得九龍城當然要食泰國野,不過甘多間真係好難揀,之前都試過小曼谷,不過一般.今次再食多次,嘩好食佐好多因為過佐9點後有折,同埋有D做特價,所以價錢都合理.蒜蓉包正,夠脆同熱!!!燒安格牛仲正,多肉汁,唔乾,仲好香牛味生蝦就一般般,價錢同其他差唔多,但仲要得5 or 6隻,實在太少.炸蝦餅都好味, 夠哂熱辣辣, 羊架又唔腥.仲用泰國既闊河粉,好有咬口,不過偏淡少少芒果沙冰就比較酸...但總結都係值得去食…查看更多

因為近戲院,另外憑票尾可享9折(忘記8定9折)所以間唔中都會食下,之前質素都OK.不過今次D咖哩蟹比較淡, 不過價錢都算平, 所以無太大失望.蒜蓉包都比較'林', 唔太脆. 不過都有蒜蓉香味.…查看更多

今日甘岩同同事去銅鑼灣, 同事話想食依間好耐,之後見到9點後做緊7折, 所以唔執輸就黎試下.可能太夜,入面只有兩三枱客,所以我地唔洗等就有位坐.環境幾舒服,不過偏細間.我地叫佐最出名既蟹盛釜飯.一開始上佐依個,蟹棒好正,啖啖肉不過蟹腳炸到比較乾身,無咩肉地有樣抵讚係好細心,佢地會等你食完先再上主菜見到個蟹蓋都嚇死人入面蟹籽,蟹膏超正, 撈埋一齊好好味.不過份量都算多, 竟然食唔哂D飯, 太可惜另外個蒸蛋都好滑,不過再多D蟹肉係入面就最好.最後,滿心歡喜食個甜品,點知咬佐少少已經勁甜, 放棄佐…查看更多

見到依間入圍十大最優秀就黎試下,無想像甘好食, 不過服務還可以.一坐低就當然要揀芝士雞喇不過4個女仔, 叫佐一隻好似太多...d雞係好滑,芝士同雞都好融洽..不過對女仔黎講雞件太大舊,好難咬,而且全部係雞脾肉,無我朋友鐘意既雞胸肉,有點失望,另外又無咩雞味...竹苼墨魚滑,好特別既感覺,又爽又彈牙,好食!!!白鱔好爽口, 幾新鮮蝦丸   好似食緊蝦餃既味:(味道太濃...還可以一般,應該唔係即炸,唔太脆又唔熱依到比較好就係有半份同全份叫,蔬菜都新鮮:)最後賣單$1100, 每人300都算抵…查看更多

第一次食,成日經過一於試下,有book位，唔洗等!!!我地叫佐個白火鍋,湯底足料, 蜂巢豆腐,鴨血,同龍眼乾好好食響玲同魚皮, 炸得幾脆口, 仲有個牌仔提你灼幾多秒,幾細心賣相不錯, 不過唔重牛肉味清甜,爽口, 這份量係一份黑松露墨魚滑,不太重黑松露味, 不過墨魚彈口雲吞,入面d蝦幾彈牙幾爽口,不錯!最後送腐竹糖水沙冰, 超好味,腐竹味濃,清甜打完邊爐甘熱,食D凍野都幾正仲有2-3樣野食無影, 不過2人埋單都成1800頗貴的…查看更多

聽講就搬 所以試下這間大排擋,閒日放工過去,經沙田廣場,再直行直行直行...印象行好耐差不多8點時間,嘩 人頭湧湧.....每張台都有人企係到等,用餐既人壓力都幾大我地最後都要等20分鐘先有位...第一時間點佐最出名既 wasabi蟹籽手撕雞, d料幾特別:海哲,蟹籽,青瓜絲同火腿  味道不錯, 幾入味見甘多人推介食黃金蝦就試下, $168 有八至十隻 我覺得咸旦蛋味幾濃 送飯不錯  不過蝦肉無乜味:(茄子煲 還好雲南小瓜 炒得夠獲氣腐乳通菜 無乜腐乳味估你唔到腸粉 個名幾搞笑 食落都仲有個蠔仔同蜆  都一般般...最後食埋個芒果一口酥,可能唔係季節,芒果有d酸不過價錢真係平民價, 每人只不過$120, 好抵…查看更多

講起南山村一定會諗起品香樓。雖然食過好多次，不過寫食評都係第一次。有訂位，但如果多人都要等下。。。品香樓既食物仍然保持水準，價錢都好合理。手撕雞通常訂位個時就要訂埋，如果唔係食唔到。好滑好香芝麻味，入面仲比埋雞腎個啲！最出名既凍朱古力，一定要叫。有濃濃朱古力味，舊忌廉勁吸引，對於女仔黎講太邪惡啦。其實凍好立克都值得一試。炸豬手，必食，骨膠原重，皮脆又唔油膩。加埋南乳醬好正。鍋貼芝麻蝦，炸得岩岩好，入面啲蝦膠夠哂彈牙，芝麻好香，配埋甜酸醬食一流。生炒糯米飯，賣相唔錯，入面有臘肉臘腸個啲，花生都算脆。走既時候，當然要到出面既小食檔攤，食雞蛋仔同格仔餅。…查看更多