老毛的個人專頁

一分錢 一分貨絶對冇錯，以川菜來講算貴，不過食得出佢所有材料的誠意！前菜叫咗夫妻肺片及麻辣肥腸，另外再加多碟青瓜！下次應該唔使叫，因為其他個兩碟伴碟已經有勁多青瓜！主菜霸王蟹，味道香口送酒一流！水煮澳洲東星斑，朋友讚不絕口，回味無窮！鐵板魚春同鴨血都係送飯之後，最後當然食返佢哋最出名嘅花膠飯！可能地點問題，平日夜晚唔係好多客！正正地幾個人傾吓計都唔錯！多謝朋友好介紹…查看更多

初頭俾佢個名嚇親，以為係食有機菜，不嬲對有機野都麻麻哋興趣！但之後同朋友傾計之後先發現原來佢係猛虎過江龍, 本店在倫敦已經非常出名！食完前菜已經非常之滿意，廚師每到餸都會介紹清楚！每道料理都令我喜出望外，值得推薦, 另外有間房係食Omakase, 大廚會在你面前煮給你吃！大廚高大靚仔值得試試…查看更多

富豪飯堂果然名不虛傳，首先要預訂所有菜式，只有某些菜是可以即揚追加！因為只有四個人食所以訂左唔係好多菜式，但每到餸都好好味！肉骨茶亦都好香藥材味同蒜頭味仲有胡椒味！…查看更多

朋友生日食飯選擇了這裏，應該開了沒有多久，sushi bar 好似只坐到八至九個人，另外有一間VIP可以坐六個人！ 魷魚爽甜，烏賊香口，鰹魚肥美，所有魚同壽司飯之間的平衡做得非常之好，最值得讚揚嘅係個鰻魚壽司非常之值得追加！本來我唔係好鍾意食生蠔但係佢個生蠔食完之後回味無窮！我個人比較怕肥膩嘅魚，所以比較喜歡酸的壽司飯，而且着重師傅控制魚同飯嘅溫度！日藉師傅Chiba San 將各方面都配合得天衣無縫，值得讚賞！…查看更多

本身知道這間餐廳的大廚是有文華Krug Room去開，抱着十分之期待的心情去食飯，但結果令人失望！進入餐廳坐好之後經理便推架車食材車過來，見到的時候滿心歡喜覺得琳琅滿目期待萬分！初頭枱面是種假草皮鋪在上面，解釋是為了配合前幾道餸的裝飾！可能餐廳採用有機材料，所有菜式都用他自己的本身味道，所以沒什麼突出的味道！只是擺設比較突出！ 所以去完一次影相呃like 已經唔需要再去! 我哋一行四人去食，每人各自返屋企都要食宵夜先至覺得有飽嘅感覺！…查看更多

因為住附近見佢身材又有辣嘢食，所以叫咗外賣送上屋企食！諗住俾個機會佢，叫咗水煮魚，口水雞，麻辣牛柏葉！首先講講麻辣牛百葉，個味道完全係將個牛百葉分開，食得出牛百葉白灼完先混入個醬汁一邊！已口水雞個醬汁還可以接受到，但係隻雞嘅雪藏味，同肉嘅質地非常之有可疑！完全食唔落去！三個餸之中只有水煮魚係最正常，不過咁嘅價錢入邊只不過得幾條魚片，個樣仲要好似脆鯇腩嗰隻feel咁！本來諗住帶啲辣野你送走宿醉，結果真心比佢嚇親！…查看更多

車仔麵店黎講呢間選擇比較特別，我點左多春魚、鳳爪、魷魚同蛋角！麻辣湯米粉！ 多春魚炸軟鬆脆香口，鳳爪比較鬆散，魷魚夠辣又香，蛋角都好味，不過我以為係上海個D蛋角，呢個蛋角似蛋餅多D！所有配菜都比較出色，只有啲蔥花切得比較樣衰！…查看更多

一個人睇完醫生冇嘢做去食下壽司奬勵自己！中環好多間壽司都滿座, 最後揀咗啲間試吓！星期六中午算小人，計埋我只有四個客！可能價錢比較貴！師傅話之前係sushi Iwa 做, 跟日本師傅學過下水準有返咁上下👅但水準非常高，所有壽司已經調好味, 賣相精緻，魚生非常之新鮮, 溫度保持得剛剛好, 夾埋啲壽司飯溫度非常之配合！更加能突出魚生嘅鮮味！初初叫九件套餐，後尾唔夠喉改咗12件！食完非常滿足咁走 😋下次可以同朋友再去試吓晚餐！…查看更多

香港文華東方酒店的Krug Room，名聲響亮,聽聞主廚換人之後水準下不斷下降，心裏不禁涼一涼！只可包場，選訂餐單，最多可坐12人！食咗頭三件開始懷疑覺得食唔飽，好彩仲有香檳飲！不過甜品環節令我失望，沒看到廚師在桌上畫畫！…查看更多

夜晚六點半去到唔算多人！餐廳入邊有高登枱亦都有矮枱！我來食晚飯梗係坐矮架啦，長枱木登，不過冇得挨背！坐成晚有少少攰😬朋友未到所以帶咗杯Cocktail : The Chinese Whispers, 用我最愛的話梅黎調，酸酸may may好醒胃仲有支波子汽水跟! 刺身新鮮，賣相一流！相機先食😋同bartender傾吓計, 佢仲會因應你嘅口味調配出你喜歡嘅口味！…查看更多

餐廳不接受電話定位只可以用餐廳網上訂位，繁忙時段大概兩個禮拜前預約！今次和朋友來慶祝吃生日飯，淨係知道呢度嘅餐廳擺設好精緻！我好怕餐廳嗰啲好睇唔好食嘅，果然食完每一道餸冇一道餸令我印象非常之深刻好食，只係循例每次來呢度之後都影張相！好明顯影左檔食咗！不過可以一提，呢度嘅服務態度非常之好，生日返有甜品送，仲有即影即有相一張！…查看更多

第一次係銅鑼灣食佢嗰陣時已經驚為天人，本身非常之鍾意拉麵，不過香港食來食去都係得豬骨同魚介湯底！鳥華亭的白雞湯底非常濃郁，我會配上粗麵，再加上雞肉叉燒糖心蛋，配菜有炸蓮藕同蘆筍仔！枱上有免費的辣味芽菜仔！每次都必定連個湯都飲到乾乾淨淨！…查看更多

招牌香辣桂花魚另外可以再加輔菜，第一次下單時一起叫每款＄15，之後追加每款$20！叫過凍豆腐（正，吸哂湯汁）、豆腐泡（都正）、午餐肉（炸過的，必叫)、萵荀（每次叫都得好少份量（冇哂影）、年糕（又一必叫）同埋最後的寬粉（即係闊嘅水晶粉）！咁樣成個鍋就perfect 同埋應該四五個人食! 前菜食過泡椒雞腳，味道一般唔辣偏鹹！香辣田雞鍋亦可一試，配料十足，有青椒、年糕、蓮藕、炸薯條做底，口香送酒…查看更多

朋友揸車帶我去的，如果唔係都幾唔方便！諗唔到佢嘅咖喱汁都幾辣！叫咗腸粉煎蛋加咖喱汁不過好漏，煎蘿蔔糕同咖哩蘿白正常口味！朋友介紹的炸腐皮角香脆惹味，勁好味不過好貴！$31蚊得8件倒！…查看更多

串燒水準ok, 唔覺得特別好！款式並不多，價錢偏貴！鵝肝雞翼，飽滿多汁，所以咬下去時小心汁液飛噴！雞軟骨太乾，蒲燒鰻魚太咸，魷魚鬚幾特別，可以一試！蝦拉麵叫了一個辣，一個唔辣！湯底麻麻，又唔蝦又唔豬！拉麵感覺怪怪，唔鍾意！…查看更多