BJ Gor的个人专页

第一次來食，一家三口叫了（美人鍋和麻辣鍋），美人鍋還可以的，但麻辣鍋叫了（中辣）有失望，唔辣和又無麻辣感覺。食材算新鮮。花肥牛正常，但手切牛肉就好失望，油花差左好多，同之前人地食評嘅相差好遠。韭菜餃包得唔實，一陣就散晒。蝦滑OK，但粉腸得幾條收$68有D貴。魚旦正常，最好食係個雞。烚幾耐都係咁滑，唔知佢點醃過。整體還可以。打七折後價錢算合理。如果比正價就唔值喇。不過話是話，咩又係火鍋，有咩咁養心呢？…查看更多

突然間老婆話要食好野，將軍澳其實無咩 好野食。最近將軍澳中心返新重開就多左好多食肆，其中一呢間重外面望入去感覺好 Grand! 於是入去試一試。餐牌選擇都有唔少，由刺身，壽司，串燒，和牛，燒魚，海鮮，鍋飯，烏冬等等，應有盡有。另外最多就係清酒。裝修比較豪華。壽司吧內有超過10個師傅，好似好忙咁，場面都幾壯觀。食物方面，我們點了幾串串燒，因為唔平，一串燒雞皮$38，有四五小塊，雞腎都係好細粒，試完唔敢再叫，食30串都唔會飽但要成千蚊。個唔知咩腸$68，來到嚇左一跳，約係一條廚師腸大細砌開4粒，加隻蛋，咁就$68🤦🏻‍♂️，另外叫左條燒魚，侍應推介，$188 就試一試啦，嘩，細過條秋刀魚😳 個燒螺算係最出色，又價錢最合理，$160，燒得剛好熟而且好鮮味，天婦羅蝦還好，唔夠飽唯有叫多個牛肉烏冬。$120一個烏冬唔算過分不過就唔可以用咁低級嘅肥牛囉😒。總結，性價比完全不值。…查看更多