HelenLau9503的个人专页

今日冇食晏，好肚餓，下午茶時間經過好時中心，諗起好耐未食過佢，就去食吓。叫咗個喇沙。喇沙個樣係正常嘅，但食落係完全冇味，啲蝦個口感係淋淋地，豆卜米粉完全冇味，魚蛋好少少，我唔想太浪費食物，都食咗大半碗先走。埋單時都忍唔住同個姐姐講話碗喇沙係完全冇味嘅，佢話會同返老細講～$65 話平唔平，話貴唔貴，但我自己覺得係完全嘥錢，因為我已經係喺好肚餓嘅情況之下食都覺得唔好食。食完都好似唔知食咗啲乜可能叫沙嗲會好啲。…查看更多

Weekday自己一個去食lunch，連埋我得3枱客人，環境清靜啱晒我。叫咗一個$88 set lunch，意式和牛肉醬扁意大利麵 （Wagyu Bolognese Linguine)，套餐包南瓜湯、蒜蓉法包及汽水，咖啡或茶要另外加錢。我叫咗杯無糖可樂，嚟嘅時候好欣賞佢哋加咗檸檬，因為唔係間間餐廳會咁做。南瓜湯好濃郁，蒜蓉包好脆、蒜蓉味好足夠，好好味。個主菜意大利麵就普普通通，但都ok。埋單連加一唔使$100，我覺得價錢好合理，都有心做。值得支持！…查看更多

有朋友喺外國返嚟香港，weekday同佢食完飯之後想搵個舒服嘅地方坐吓傾吓偈，但而家好多舖頭都早收。突然俾我諗起Shangrila做緊甜品之夜，開到10pm，即刻同朋友過嚟試吓。果然冇令我哋失望，甜品好好食，由其係新推出嘅雪糕千層麵包（唔記得個名），外脆內軟，夾埋個有雲呢拿籽嘅雲呢拿雪糕，仲加咗少少蜜糖，非常夾又好食。另外個紅棗桂圓雪蓮子燉桃膠都好足料，亦好滋潤。價錢合理，食物質素、環境舒服、服務又好，我自己就好喜歡，覺得性價比高，值得支持。我同朋友一路傾偈一路食甜品，好舒服、開心咁過咗一晚。下次會再去！…查看更多

外賣自取叫咗個咕嚕雞球飯，咕嚕雞皮薄、肉質爽嫩，拎到返公司個皮都仲係脆，非常好食，個汁亦唔會死酸或太杰，真係出色！雖然外賣要等好耐因為佢哋太多單做唔切，但好食真係要讚。之前食過佢哋嘅蕃茄雞扒湯烏冬、焗豬扒飯，都ok, 但今次個咕嚕雞球飯真係好有水準。下次會再試下其他嘢。性價比高，飯連熱飲都係$44，喺嗰頭好難搵到。熱檸茶茶底都ok, 唔會太苦澀，檸檬都新鮮。只希望佢哋請到人幫手，咁外賣可以唔使等咁耐。…查看更多