Ssandycheung的个人专页

今日星期一諗住食牛排放題，點知去到坐低，問牛排放題加48蚊，有咩食，就比人搵笨，話得薯條同沙律可以冇限加，聽完我地就冇選放題，選其他單點，點知食到一半隔離檯，叫左加48蚊，另一個服務員問佢到想要咩就多左湯同玉米選，真心覺得比坐係收銀機個服務員搵笨，我地叫左988蚊既牛，食物唔差但價錢比較偏貴，中間個醬服務員話係黑椒汁，但完全食唔出，我地都覺得係蘑菇汁。又叫左意粉，就比較好食，如果鐘意濃味既朋友之後叫左個拼盆，除左黑松露，其他我覺得都唔好食，唔合我口味。其他服務員比較忙，冇咁多時間服務你，我地中間叫左加蘑菇醬，點知比左黑松露醬我地，返而有驚喜，比較配薯仔食。其他方面都係一般般。:(…查看更多

今日黎食限定野，新出既食物肉比較難咬，有d失望，好彩有叫其他野食，不過有d限定竟然賣晒，試食唔到，有d失望，今日都有好多人去食，所以要早d去擺位，自助式既自助服務，可以減少好多人手，不錯。…查看更多

今日黎食石頭鍋飯，因為食唔到辣，所以冇落醬，所以覺得個飯有d乾，如果有埋唔辣既醬就好啦，配菜同飯焦好好食，下次都會再試其他。今日黎唔使等就有位，超級好彩，冇得預留位係一個可以改善既地方。…查看更多

今日黎呢到食自助餐，位置比較偏，交通唔多方便，唔睇真d都可能搵唔到大門，因為要上層電梯，去到入去發現都唔係好多人，地方大，但坐唔滿，坐低就可以開始叫野食，一開始一定係，每樣都叫黎試下，睇下好唔好食，但有d失望食物種類唔多，好快就試食完，食物有d失望，有想像中咁好食，送既海膽，有d新鮮，有d唔新鮮，魚生就好新鮮甜美，但個蛋就有d失望上面印左字，好似有陣燒焦左既味咁，但鰻魚同鍋就好好食，值得一試。甜味選擇小，都係選大圍野，糯米池，都唔錯。…查看更多

今日黎試下任食肉，早到左就要等一等，因為店面睇落比較細，但坐位又好似好多咁，個位都幾窄，再肥d就好好迫，張枱都比較細，睇落唔係可以放到好多野食，我地食任食肉，有一盤海鮮送，幾樣海鮮唔多食完就冇，有飯，薯條，同菜，菜一次上得太小，一上野就食晒，肉叫試完一盤之後就主攻好食易燒既肉上，其他就唔叫，但每次都唔可以叫多，比較麻煩，飲品就有d失望，冇咩特色，飲落去冇咩果汁味，偏淡，同埋地方細，服務員好似唔夠，有d失望，但甜品就好好食，雖然限時但都食到好飽，整體都OK。…查看更多

因為疫情關係，但又想食日式便當，所以就選擇呢間試下，雖然要早一日whatsapp 落單，就冇得臨時話食同唔食，但外賣自取每份平8蚊，好抵，重有飲品送，和風醬汁好好味，但沙拉有d少同埋配菜過鹹，但送飯好正，整體係好好食。…查看更多

今日黎呢到食午餐，有一樣唔好就係要自己搵位，我叫左個黑豚豬喜燒鍋配蒸飯飲黑糖檸檬茶，落單時服務員會問你大約坐邊，之後會送餐比你，呢個服務好好，個鍋就大，但入面得三片肉，但飯好多，食晒女仔就會好飽，但大食既男生應該就差d，味道係好，但燒鍋個汁少左d，完全唔夠送飯，要食白飯比較難食下，但黑糖檸檬茶我倒晒全包糖落去先剛剛好，因為唔係好甜，合我胃口，係果食飯要食得比較快，因為會有其他人等位，所以希望可以改善下肉多少少啦！…查看更多

今日午餐又黎食，今次食鰻魚，今日落單後好耐先送到餐上黎，可能太多人啦，服務員好似唔多夠咁，但等待係值得既，因為鰻魚飯好好味，鰻魚夠嫩，個汁好夠味，但我覺得太鹹，如果個飯可以係白飯就應該差唔多，因為個飯都有味，所以變左鰻魚加飯食會覺得鹹左少少，不過午餐唔使加一，真係好。…查看更多

今日黎食日式自助餐，飲品種類多，有熱有冷，適合唔同人去食，魚生同壽司上既速度快，魚生都幾新鮮，但其他炸野就上得好慢，有少少失望，但食物種類多，好喜歡人多時候黎食，因為人人都有鐘意食既野，食物味道都好好，不過牛肉果d就有d硬，可以改善下，環境好好，服務員收碟速度快，服務好。…查看更多

今日黎食泰國野叫左海南雞飯配沙拉，沙拉好食但對我黎講太辣啦，雖然好食，但太辣，海南雞好滑，好好味，值得推薦，下次會再黎食。但飲品就有d差，希望可以改進，配湯都希望可以改善下，鹹左少少。…查看更多

今日想食日本野，所以黎食呢間，因為冇得book位所以要攞票等叫號，入面位大多數係6人位，所以得4個人要等下或搭桌，我地4個就唔想等，所以選左搭桌，選左鰻魚飯配沙拉，味道唔錯，但服務唔太多上餐唔講係咩，因為係搭桌，好驚攞左人地d野:(，所以有d唔開心，但食物係好味，希望可以改善下。…查看更多

今日得自己一個人食，所以去左買外賣返去食，漢堡扒好厚，有蔬菜同飯，個飯就硬左d，漢堡扒個汁太少，最後個硬飯食唔晒，有d浪費，但真平同係店面食只可企係到，所以我都係攞走返去食，唔太建議太多人一齊去食，因為堂食要企係到食，想坐只可以攞走啦！:)…查看更多

今日黎食韓食，因為冇得book位，所以要攞票等位，但因為太多人黎食，所以都等左25至30分鐘，之後入到去坐低就叫野食，因為時間關係，係出面等既時候就睇定食咩，之後服務員就上水同小菜，小菜有三樣，青瓜，芽菜同泡菜，因為我唔食辣，所以我只食左青瓜同芽菜，兩樣都好好食，重可以無限添加，非常好，之後上左牛肋骨煲，d牛肋骨煲得好軟，放入口，唔使點咬就可以吃落肚，超好食，個飯唔太硬，適中加埋d牛肋骨煲個汁，超好味，絕對會再去食，試下其他野。…查看更多

今日黎食午餐，有得預約，所以可以唔使等位，服務員可能唔多夠，要等一陣先有人落單，但上菜速度快，好快就上左個湯，個湯同個餅都好好食，又大碗，飲完都有d飽飽地，之後主菜同飲品都上左豬扒外面煎得好“翠”薯條炸得剛剛好，配菜唔太硬又唔太軟，所以呢餐食得好飽，好滿足…查看更多

今日去海洋公園玩，今日好熱，所以我地選左冰極餐廳，貪佢夠凍同有企鵝睇，早左去食飯，所以唔使等，叫左個凱撒沙律伴煙三文魚，海鮮企鵝pizza，美式醬燒排骨，小食拼盤同生日送既小蛋糕，三個人好努力先可以食完，薄批好“翠”又好cute三文魚好食排骨同個醬好配合，好味，小食拼盤個雞翼食落去入面重係熱既，好好咁鎖住入面既熱度，放左一陣都唔驚唔太甜，味道適中，好好味，上菜速度好快，服務員好有禮貌，服務好好，同埋可以慢慢食，傾下計，睇下企鵝，絕對推介去食。…查看更多