六號仔的个人专页

安排左窗邊海景位，好舒服，飲品選擇都算多，自助吧的前菜也不錯（應該係攞貨的），甜品好食，福餅由其出色，可惜主餐的食物尚有很大進步空間.魚生一般般（以呢個價錢計將就將就啦），但個豉油超鹹.炸物需要改善，雞軟骨全是粉，炸過火；天婦羅粉勁厚，應該係太大火炸，炸物全部都好深色.牛柳粒有份唔熟，燒蝦勁霉（蝦啱夠生鮮）牛肉鍋個汁太甜，但豆腐幾好食.壽司醋落得太多，飯太酸，飯團又散.總結，不過不失，只要要求唔太高都可以試試，食物種類都幾多.…查看更多

荃灣廣場有幾間酒樓，其他都食過都是一般般，試過呢間中午食點心，食物唔差，係衛生差少少同埋無嘜服務，感覺還可以，於是決定試埋晚飯小菜，點知就出事。 平心而論，食物係ok的不過不失，價錢相比同區的酒樓算貴，但服務真係九流或然者可以講完成全無服務。不但落錯單，點菜後成個鐘都無得食，大堂四眼個位男經理，叫極都扮睇唔到，同佢投訴仲愛理不理，態度非常之惡劣，成間酒樓好似夾埋趕客咁，想你快啲走唔想做生意。…查看更多

環境都算幾好，地方寬敞，唔會坐得好迫.服務唔錯，員工都好快收執餐具，又會主動幫忙，也很禮貌.唯一是漏單問題嚴重，第一輪的食物很快便到，但第二三次下的order,就完全無影，要再下幾次單先有食物，差不多有1/3的單都沒有上. 而且上食物時沒有說明是什麼又沒有回單給辨別，完全靠估上的是什麼肉、什麼滑.自助區的食物容器是有蓋的，但打開不會自動卡住，取食物時蓋子不斷掉下很不方便，如果換成推蓋會希望可以改善.…查看更多

湯粉湯唔夠熱，只是微暖，生牛肉差點唔可以煮熟.服務態度差，12:00一入去就迫你快d落單，未食完就係咁問你仲要唔要，趕住收走.同朋友傾多兩句就走埋來問都唔問想收走未飲完的飲品. 12:30間餐廳仲有一半空位，但就不斷迫你走，真係好差勁👎👎👎.個個只工都黑口黑面，見到應該係老資格小小的員工不斷話新人.衛生有問題，見到個侍應阿姐居然將上手擺位上的紙巾繼續擺返係原位比下個客用，雖然可能上手無用過，但衛生問題，係咪應該換過張比下一位客人呢？…查看更多

以openrice訂位應該是85折的，但餐廳沒有給，回家後才發現，激死都怪自己唔查單，比佢陰左.地方好細，比較嘈.，同隔離台可以話係零距離. 人手嚴重不足，叫好耐都無人加水，出菜好慢，追左幾次之後侍應話得一個爐係咁架啦，等等啦（真係吹賬）.水煮魚油不滾，魚好明顯係煮左先再放落去，完全唔入味. 泡飯米通唔香.北京填鴨無鴨味，片得好差，份量超少，唔似半隻.好彩埋單唔算貴.不過訂位時的折扣無左好唔抵，覺得係個客唔提佢地扮唔記得，應覺好差.…查看更多

剛好約左朋友去中環食lunch, 又好耐無去中環食嘢, 於是去openrice搵搵有無好食的西餐. 發覺都多人讚呢間d corner, 而且又係上樓的, 估計唔會太差先可以開樓上鋪, 決定去試試. Set lunch有兩種, 一只係有主菜, 餐飲加甜品, 加埋一要$120一位, 另一種有前菜, 湯, 主菜, 餐飲加甜品加埋一要$200一位. 首先麵包, 好熱, 熱到燙手的, 應該係因為長期焗住以保持溫度, 可惜令到麵包又硬又乾.洋蔥湯: 好一般, 又唔香 .主菜: 比目魚,味道通普, 有點腥, 份量少, 女仔還可以, 男仔一定唔夠. 甜品: 一般這樣的午餐在中環六七十元的多的是, 收二百蚊一位, 實在是overpriced.而且服務亦不見得很好, 只得六七成客的情況下, 永遠都要叫兩三次先有人走過來take order.總結又一之被騙了.有時真係唔知d人真係唔識分好定唔好, 定係過份厚道, 還是另有原因......光顧之前想找一些忠肯的建議真的越來越難.…查看更多

睇雜誌講過, 一直都想試, 可惜上星期五無預先book位, 來到的時候已full house, 唯有book定尋晚再去試過.因為得三個人, 所以都唔可以點太多, 有人又敏感唔可以叫蟹, 唯有點幾款小菜.燻雞: 味道特別, 有雞味. 值得一試, 好似要預定的, 幸好昨天剛好有多, 沒預定也可以吃到...哈哈獅子頭: 肉嫩且新, 不錯.海年糕: 有點失準, 朋友午餐食過很好食, 所以再食炒年糕. 可惜昨晚的很一般, 年糕不夠入味, 切得頗厚, 朋友話和上次吃過的差很遠.小籠包: 相對其他食物算是全晚失敗之作.燴麵: 不過不失.如果喜歡吃滬菜, 這店確實可以考慮, 但看來師傅偶有失準, 要看看你的運氣和點那些菜.…查看更多

星期六中午去飲茶, 之前去過幾次佐敦老鋪食晚飯都覺得唔錯, 今次咪想試吓佢d點心得唔得.1:30去到都仲有好多人係門口等, 攞左飛等左15分鐘都只係叫過一張檯, 但期間不斷有的遲來的人先有位…真係唔知點解. 隔離個兩公婆應該等左好耐開始唔耐煩…終於忍唔住去問, 點解個d人唔使等位就可能以入去先,個知客解釋話人地訂左位, 最抵死係個老婆立即講朝早打去問過又話飲茶無訂位服務, 家陣又話d熟客有訂位可以入先,都唔知邊句真邊句假. 跟住有4個自由行上左來, 擺明係第一次上來, 佢張飛個號碼仲遲過我4,5個號碼, 點知個知客比左個小菜餐牌佢睇, 然後就比佢地入去先......簡直當我地等緊位的人死架......班自由行又無話一定叫小菜, 咁又比佢地優先入去, 真係好過份. 咁佢間餐廳不如唔好派飛等位, 賣籌好過,邊個比多幾十蚊就可以優先入坐.講返d食物, 黃沙潤腸腸粉, 同潤腸粥唔錯, 炒麵都可以再encore, 不過其他點心就 真係唔掂, 食蝦枝卷好似食緊麵粉條…加埋的醬汁酸酸地怪到爆, 蘿蔔糕又係粉多過蘿蔔, 又淡, 上檯個陣已經凍晒….真失敗. …查看更多

Set lunch 都算抵食, 坐得舒服又唔太貴的. Pizza 超好食, 比Das Gute o個個好食, 而且又平d, lunch 又無咁多人等位...正!…查看更多

買完要等成5分鐘先有得取, 點知個包係凍o架, 包面仲係冷冷地....非常失望, 薯角無o麥特別. 真係triple o個個好食好多...呢d叫一分錢一分貨...起嗎真係即買即整.…查看更多

個view一流, 食lunch一百蚊左右, 但食物選擇唔多, 而且大部份都係下價貨, 魚生壽司都無, 冷盤無o麥嘢食, 熱食擇會多d選, 味道就好普通, 有d仲幾難食.…查看更多

聽朋友講呢間d烏冬好好食咪去試吓....除o左食烏冬用石鍋上比較特別之外, 食物質素都係好一般, 烏冬又唔係真係好彈牙..而且好多款式都話無得供應.…查看更多

冬至個晚係到做節...因為得六個人所以無叫套餐...但個晚個d 餸菜真係好唔得, 牛仔骨過鹹又有蘇味, 燒味好唔掂, 上菜又慢...其實做節出去食都預o左啦...不過真係比預期還要差.…查看更多

lunch d 面飽好好食, 而且仲可以要多件, 食物亦非常好, 可惜係貴少少, 唔可以成日o黎, 不過如果食pizza 就無Walker Cafe咁好食. …查看更多

好普通的日本快餐, 但lunch set都要六，七十元．　唔值．．．而且日本餐廳但侍應就係兩個只講英文的菲律賓人，感覺非常怪．咖哩都尚算ｏｋ, 有日式咖哩feel, 但d飯完全無日本米的口感, 而且份量少男仔一定唔飽.…查看更多