今日老婆突然之間唔想煮飯，路經尖沙咀見到一間新商廈開嘅餐廳，睇落個樣應該唔錯，係疫情回升呢個時候最緊要就係乾淨衛生企理，尤其是帶BB出去食飯。所以我哋都冇考慮就直接入咗佢。一入到去感覺就好似去咗一間係日本嘅高級餐廳，侍應哥哥仲用食用消毒劑幫BB櫈做清潔，勁窩心。店舖雖小但好處就可以同廚師有互動，同埋想食乜嘢可以即刻建議安排。因為有BB關係我哋叫咗兩種魚，阿囡第一次食咁多魚，唔停口，而我哋亦都叫廚師哥哥比小小飯仔阿囡食，日本米果然唔同啲，呢個識食嘅小朋友都食咗半碗。而我哋亦都叫咗啲餐前小吃雞泡魚乾，汁煮鮑魚。食咗牛舌，雞頸個味道完全係好似去咗日本嘅居酒屋一樣。食完一樣先上一樣，個上菜時間次序安排得幾好，因為照顧小朋友所以冇影相，只係影咗幾張小朋友食得好開心嘅樣…查看更多
