happystella78的個人專頁

疫情下很多餐廳都有優惠吸引客人，不過這間日式拉麵就保留正價，沒有堂食套餐。開揚日系裝修，光線充足而且一向崇日的我們就進去一試他們家的拉麵。以薑湯底出名，源自東京拉麵，湯麵質地不錯，軟硬適中，屬幼身。特別一讚是雞叉燒口感軟熟、雞咪濃，也沒有豬肉叉燒那種油膩感。湯底淡淡的薑味源自有一點點薑蓉加在配料旁邊。我個人比較喜歡沾麵，拉麵口感一流，很有咬口，咖哩湯底沒有太大偏差，是正宗的咖哩湯味。我們先要把拉麵和蕃茄肉醬伴好才沾進湯中；吃完後，店員會為你加茉莉茶進沾湯中...湯味道帶點甘茶味，after taste有點點苦和花茶香，味道好壞見仁見智。配料五花腩偏肥，所以我沒有試。不過沾湯是用瓦碗盛的，拉麵也是涷的，所以上桌不久就要一直吃涼又涷的麵😭。另外，餃子也煎得很香口，用蘿蔔蓉放進醬油一起吃，感覺清新。…查看更多

今日生日，圓先生選擇左間牛油果主打既餐廳食午餐！牛油果迷一定不可以錯過，因為早餐未落隔既關係，我地小試牛刀點左2樣野，不過一段時間試就知龍與鳳。從味道、賣相、配搭等都一絲不苟，不是特別好牛油果既圓都大讚好味。我們點了牛油果鱈魚意大利飯(Black Cod & Mushroom Rissotto) 和 兩款多士 (The ultimate two toast), 店員說後者是繼 Avo burger 後最受歡迎的。先講我倆讚不絕口的意大利飯，牛油果醬同蘑菇意大利飯好夾，飯不硬不太軟，有咬口，有濃濃的菇香，魚皮脆肉嫩，又多汁，旁邊伴碟的沙律菜很新鮮，嘴刁的我食過返尋味，是必食之選。Two toast set 好豐富，一個人應該食唔哂，兩塊烘脆既toast 加新鮮牛油果，guacamole牛油果醬、牛油果牛油(好香！我食舊食哂！) 、兩隻半熟蛋poached eggs，仲有多一款creamy d既牛油果醬，加埋辣粉、鹽、仲有一款酸咪咪又有點辣同一粒粒果肉既醬，令整碟野帶點東南亞風情。總而言之，成碟都充滿牛油果，好幸福！雖然好邪惡，但我地食哂！淨係牛油果醬都有三款，好細心好有heart! 唯一可以改善的地方是toast 可以再多1-2塊，因為真係太多好味既牛油果醬醬可以dip dip啦！有機會一定要試哂成個menu, 本年度最值得推介既餐廳之一，一定是Avobar! …查看更多

我生日圓先生帶我到漂亮的扒房吃大餐。他說這餐廳很出名慶祝生日。每位生日的客人也會有印上自己名字的餐牌、梳乎厘生日蛋糕和即影即有照片，每個員工也會在生日咭上簽名。環境暗暗的，配合維港景色，很有情調。員工們很熱心招侍和講解餐牌；我不是太喜愛肉的，所以我點了個海鮮拼盤，當然有他們家最出色的蟹餅，真令人一試難忘。海鮮拼盤包括有蟹餅、蝦、帶子和蠔，很新鮮爽口。圓先生點了骨扒，好多肉汁，好好味，肉味濃，也不會太粗糙。買扒食扒無數既我真心推薦！最難忘係這邊員工親切的態度，十分專業！…查看更多

疫情很久沒有出外吃了，吃外賣和在家煮那麼久，見天氣不錯就到外面吃午餐，是一間想去很久的越南餐廳。餐廳很有空間感，樓底很高，兩層設計，可以在這裡喝喝咖啡，chill一個下午，很舒適寫意，黑金的裝修別樹一格，是一間新派的越南餐廳。講到食物...就真係好一般。牛奶咖啡也挺香濃，牛肉卷內裡也很多汁鮮味，值得一試，不過份量有點細。不過主打的那兩碗粉竟然...沒有味道！配料沒有分開盛，牛肉也很薄和粗糙講到順化河，除了湯頭沒有味道外，配料也沒什麼味道，值得一讚是蝦片很好吃很脆😂。整體來說，有點期望過大🙄。但總算可在漂亮的地方透下氣，在家附近走走。…查看更多

第二次黎房子，就是跑到烏溪沙就會想到黎呢度。總覺得這裡的環境很好，樓底高、空間感大、坐得好舒服。上次只是飲野，黑芝麻latte, 味道一般，淡淡的，份量也不多。今次點了咖喱炸雞烏冬，感覺也是一般般。咖喱味是已整好咖喱磚的味道，炸雞不過不失。跟餐的抹香奶茶好一般，是粉沖出來的，感覺這一餐比較像快餐，但價錢就是... Cafe價了！不過為環境而黎坐下飲杯野，hea下都無壞既。蛋糕有點overpriced，所以沒有點，當中也有特別的口味。…查看更多

專業！服務好，食物美味，製作認真，清潔環境，裝修有特色。以上是我去完萬芳冰室既感覺啦！由等位到落單到食物送到臉前到埋單，員工們都好有禮貌，又會講解餐牌內容。最重要係：簡單既食物都做到一絲不苟，很用心，實在令我印象深刻。我覺得一間茶餐廳好唔好食，我飲過佢地沖既何力就一清二楚，呢間都算係我飲過好味既頭三甲仲有個小插曲，我地覺得佢個烘底唔夠色唔夠脆，佢地立即重新替我地整過和連番道歉，真係受寵若驚。佢地個雞扒皮脆肉嫩，真係一試難忘。有台灣分店，質素一定有保證！…查看更多

心掛掛一直想返去海潮食堂，自從第一次食左佢既麻辣牛腩煎米粉同蔥花蛋治就覺得好好味，好用心整，一試愛上左；而且好有香港茶餐廳既味道。今次光顧係早餐時段，大概10點半，唔算多人，唔洗等位，早餐時段30多元已有交易。不過我略嫌今次點既炒米粉多油，沒有什麼驚喜，食幾口已經覺得好油膩，加上好大碟，食唔哂。沙嗲牛肉麵有自己特色，不是傳統茶餐廳個種沙嗲牛肉，略嫌無咩沙嗲味，而且跟餐既多士太薄了，可能係特色，係我唔識欣賞啫。最後水餃同上次要樣，太多肥豬肉了，下次應該唔會叫了。麻辣醬黎講，如果唔食得麻辣或辣既朋友叫之前要三思，因為真係會麻足半日，都幾辛苦嫁。不過，我對牛腩煎米粉同蔥花蛋治依然念念不忘，整體黎講都係一間好有特色既港式茶餐廳，值得一試。…查看更多

已經是第二次黎老虎岩了，十分記掛住佢既自家製魚肉燒賣，每次黎大埔搵食都諗起佢。今次點了2個茶餐、1個炸脾餐同炸燒賣；茶餐40蚊包野飲、牛腩蛋治和三粒蒸燒賣。當中牛腩蛋治真係好好味，好值得推介，佢個包烘底加埋牛油香，加埋牛腩滑蛋呢個組合真係一絕，半份呢個size真係唔夠食！炸脾比較乾但炸燒賣都幾好食，是十分有香港特色既茶記，不過呀姐既服務態度都係一般，沒有耐性之餘又會話下你，十分有性格，想食好野就要忍下啦。…查看更多

主打人手拉咖啡和西式食品的Platform，位於比較隱蔽的田心村內，由大圍站行去大約要15分鐘，經過八爪魚天橋就到了，今次weekend double date就去試試。餐點準備時間頗長，我們點了手撕豬肉bagel，蛋卷和焗蛋配麵包，賣相不錯，而且每道餐都配沙拉，岩哂健康既我。不過，如果你喜歡吃熱的，這裡並不是個好選擇，除了焗蛋外，蛋卷和麵包也是涷的，或者下次選意粉會比較好。芝士Latte有點言過其實，沒有芝士味而且也很冷，整體感覺一般，而且有落錯單等情況，食物也有點overpricing... …查看更多

已經是第五次食Hotel Icon 的buffet 了，服務質素和食物質素一直保持水準，最近還增加了復活節主題，增加了一些應節的甜品，造型十分可愛。ICON還增加了有獎遊戲，好開心，一夾就夾到啦！不可外遊，就留港消費吧！復活節甜品，造型離不開兔子和紅蘿蔔等，有賣相之餘又好味。而我最欣賞的一定是ICON極有創意的甜品，榴槤甜品一直是ICON的主打，包括自家製榴槤雪糕、炸榴槤、榴槤班斕卷、榴槤撻等；榴槤迷一定不可錯過，他們可是選用馬來西亞優質榴槤，由其甜品創意榚餅師「榴槤之子」所創作的。今次，熟食更是合我心意，隨了必食海南雞飯、牛扒、冷盤和喇沙外，還增加了鮮甜的海鮮粥、炒貴刁和蒸海鮮，自加製叉燒更是一食再食，拍得住利苑！趁著優惠的價錢和留港消費，一定不可錯過。…查看更多

圓先生一向喜歡發掘有質素的飲野地方，今次黎到Rosewood Hotel 的Butterfly room，十分有情調和氣氛柔和的環境，很適合三五知己、家人和情侶一齊high個tea, 或飲杯以茶為特色既cocktail.我點了一杯以果味和白酒底的 cocktail, 一向喜歡果味既我覺得好清新，檸檬咪又同白酒好配合。另外圓先生喜歡濃，所以點了濃一點茶味既cocktail；而小食是附送的。其實我們之前也在台灣Kavalan Whisky Bar 試過茶cocktail, 已經十分喜歡，想不到原來香港也有！同場亦看到其他客人享用 tea set、 麵包和甜品等，賣相也十分精美。我最喜歡呢是內部的裝修和環境，燈光柔和，令人十分放鬆；另外員工的招待也很好，感覺和環境很配合。…查看更多

這是一間很有馬拉新加坡風味的小店。之前有幾次晚上經過也吃不到，因為太多人。今次有幸試到佢出哂名既肉骨茶；而且剛過午飯時間，所以唔洗等位。考慮食咩既時候已經比呢個細心講解既餐牌吸引，好啦就決定吃這個寶寶身子！湯底好濃而且好咁甜，一點苦和辛辣也沒有；雖然用豬肉長時間餚製，但也沒很油，肥膏也不多；全湯亦充滿著香菇味，也有少量配料：支足、豆卜、菜。講下油飯，是我至愛！吃下去沒有很油的感覺，只有淡淡的醬油味；配埋甜醬油和油炸鬼，很有馬拉味兒！…查看更多

以前成日黎高街都未黎過呢間，B先生話佢以前讀書成日黎食，仲要加底，佢既朋友都好鐘意食，好野！又試新野！唔洗點等位，入面既哥哥姐姐都好有禮貌，個個都好welcome 你。行到入去，的確係好多人幫親！我地叫左兩個雙拼麪，一罐野飲，剛剛好100蚊。雙炸麵既炸物是涷的，我就不太喜歡，始終熱騰騰咁食比較新鮮同好味，雲吞好似炸左好耐，油皮加豬肉餡涷冰冰好奇怪，好硬；個皮因爲炸過所以幾厚，炸魚就薄薄地，都係涷啦，無咩特別，所以全部都要放湯浸黎食，所以碗麵就會比較油同涷牛丸好juicy，幾好味；叉燒就係震店之寶，不錯！下次我會叫牛腩叉燒！…查看更多

一共食過三次，所以有比較多相同一家分享，是一間不過不失，價錢可以接受的台式料理餐廳。 食物味道不過不失，最喜歡鹽酥雞和牛肉麵；不過原來晚餐份量比較少，有點失望。這個櫻花蝦糯米飯好味，入面有台式香腸，蝦味香，但份量不大！茄子要好味，一定要走油，所以.....好林又好油，同埋係涷的，我就prefer熱食炒米粉也不錯 幾乾身 蝦餅入面有一粒粒蝦 幾脆口醉雞幾好味 好有酒味 啖啖肉呢個就係我最愛牛肉麵 牛肉都燜得幾林 不過都係午餐或下午茶比較抵食 個湯仲有濃濃既中藥味 又有紅蘿蔔味道 台味十足值得一試，午餐大份d嫁！粉漿唔算太厚，細細粒，唔夠食呀，係好味既！不過不失唔同角度影，食左兩次，幾好味，芋圓好有咬口，比起台灣，佢地落得太多太白粉…查看更多

早餐好抵食，30蚊就有兩餸魚湯麵送熱飲，超鐘意魚湯既我今日一於黎灣仔漁川朝性。食過荃灣個間，覺得灣仔呢間好似淡口D, 無咩咸味，鐘意既可以自己加胡椒粉。米線偏林，蕃茄大大件厚切，好有口感！不過其實個湯無咩魚味，只是吃不出有味精。至於佢地招牌手打墨魚🦑餅同魚腐仲有蝦捲唯有下次先試，不過日日新鮮製造，120一斤，60半斤！姐姐既招呼好親切，而且因爲是早餐11點前時段所以唔洗等位，圓桌座位，是女人的浪漫！…查看更多