Jay manny的个人专页

本人唔係特別中意飲咖啡，但就好虛偽地中意去coffee shop嘅體驗同感覺。所以偶爾需要咖啡因提神都會選擇去咖啡店買咖啡。最近轉工去到沙田，就幫襯左呢間18grams。呢間18grams淨係買咖啡，細細間舖，只有一個店員。佢地嘅咖啡都幾專業，買同等嘅時候一路聽到店員同個客傾咖啡豆，同埋某幾款咖啡似乎仲會比你揀咖啡豆。我個人冇咩研究，第一次去就叫左個cappuccino。咖啡仲會拉花相當有心思。飲落都唔錯，唔會太苦太酸，中規中矩。環境都唔錯，坐係吧台似乎幾chill，有時間下次試試。…查看更多

呢間新台式飲品店開左一段時間，最近終於有幾會試！位置上唔係太方便顯眼，要行到將中最入，係商務隔離，但係相當值得。已經去過好幾次，飲過桂花烏龍、奶綠、極品賞奶茶。每樣茶味都唔錯，但留意返佢味道比較甜，我會直接叫半甜或微甜。賞奶茶茶味有啲似天仁，桂花烏龍都好特別。今次仲食埋佢地啲小食，好正。係即叫即炸，新鮮熱辣。鹽酥雞啖啖雞脾肉，好juicy唔會太油。調味鹽唔會好重口味，好食又冇罪惡感。薯條都好食，粗細剛好，加上即炸出黎。仲有套餐可以買，舖位有兩張枱，可以坐低chill下。平日唔多人，環境相當唔錯。…查看更多

小妹搵到新工，要同相處左一年嘅同事道別。環顧觀塘工廈區，都係得美心西餅，想搵啲特別啲嘅餅，就係IG搵到呢間本地小店。佢地主打千層蛋糕，每日都有唔同味，會係IG update，亦可以Whatsapp佢地問同埋留起啲想要嘅味。公司人唔多就買左20件，預多左幾件帶返屋企自私食。上到駱駝漆攞餅，舖位比想像中闊落，除左雪櫃位仲有張梳化茶几可以坐低堂食，裝修亦都幾舒服。當日佢地有十幾隻口味揀，我買左呢幾隻：焦糖燉蛋、海鹽檸檬、香芋牛奶、提子、伯爵茶、烏龍茶、朱古力。佢地仲有流心味道，但我由於要拎出拎入又要派人，癈事啲流心麻煩，就留返下次親身去試味。千層蛋糕又好睇又多味道揀，同事一致讚好。派餅嘅時候office氣氛即刻活潑起黎，仲問我點搵到咁正嘅小店。味道上同事都覺得唔錯，話朱古力味幾濃郁。我目前試左焦糖燉蛋、伯爵茶同烏龍茶。伯爵茶個香味出啲，但兩隻茶味都唔算好濃。焦糖就好香，可以一試。而且抵讚係30嘅價錢黎講性價比好高，屋企附近日本餅店嘅千層蛋糕細舊過佢，仲有海綿蛋糕做底唔係100%千層蛋糕。小店真材實料，口味又創新，值得多多支持！…查看更多