ahbo.ahbo's Profile

聖誕節去將軍澳行街，晚上到處搵野食，無意中發現牛助，咁啱又有位就試下。呢度食日式放題，同其他日式放題一樣自選肉任食，另可出去拎飲品，蔬菜同菇類，坦白講出面拎既選擇唔算好多，但佢又有其他日式火鍋放題少有既壽司同關東煮。自選牛唔錯，唔韌。另外會不時出新鮮炸物，侍應仲會拎住每枱問你要唔要，咁樣幾好，除左唔會miss左，係疫情成日又除又帶口罩時真係好方便，唔洗成日帶口罩出去拎。仲有，值得讚係當個鍋少湯佢地係加湯唔係加水。最後食夠500元可以轉幸運輪，我地抽到一支清酒…Read More

難得有日去大埔做野，搵下openrice有咩好食，見東記咁多好評就去試下，特別想試好多人都推薦既豬排或雞翼。尋日（20/12/21）朝早八點，因為一個人食早餐唔食得太多，所以只叫左個雪菜肉絲豬排上海麵，諗住下次再食雞翼。點知豬排到，食落口，塊豬排又凍又硬又乾，好似隔夜咁，咬左幾啖就無再食了。個湯底又唔熱，尋日天氣咁凍，湯麵個湯唔夠熱真係好唔得。反而隔離舖杯奶茶還可以。一句講晒，無下次，雞翼都唔會去試了。 …Read More

元朗新開分店，今日第一次去食lunch。肉好嫩又juicy，午餐送汽水，真係好好食 👍因為疫情坐得較開，人少左，但服務好好，侍應見個爐細火左，主動加燃料，好細心。…Read More