晶紫的个人专页

同事話喺澳門食過好食，加上OpenRice有特價，所以就試吓☺️食左原味加梅味嘅雞全翼，好香脆，個人鍾意梅味既酸酸甜甜。仲食左無骨雞塊，揀左紫菜同梅味，雞件有啲會瘦啲，不過都好香脆，但紫菜味好似俾梅味蓋過左。所以推介原味加梅味，惹味得黎又食到梅味，全翼亦比較好味，不過雞件食起上嚟就方便啲，可以邊行邊食😛之後都會試下其他味同店舖推介既炸雞扒🤤提外話，記住要預早落單，因為即叫即炸，呢啲都係即炸先好味😋…查看更多

朋友介紹既隱蔽居酒屋🏮雖然座位唔多，但唔會限住用餐時間，可以同朋友慢慢傾☺️前菜火炙海膽魷魚卷非常推介既前菜！！魷魚卷上面加左竹炭鹽，令到海膽既鮮甜味更突出，加埋魷魚既煙韌口感，非常出色！！煙燻鰹魚用左蘋果木煙燻條鰹魚，有淡淡既煙燻味，配埋醬油漬蒜片一齊食，味道會更豐富！串燒雞肝：唔會燒到好乾，推介👍🏼雞冠：唔係四圍食到嘅一個部位，同雞子一樣有人愛有人行，可以試下啱唔啱自己口味雞全翼：燒得好均勻，整隻都好脆牛舌：相對厚身，而且醃得好入味，唔會韌，推介👍🏼紫蘇雞皮蝦：外面包左雞皮，又香又脆，入面既蝦非常爽口，加埋中間既紫蘇葉，非常推介🤤銀杏：驚喜地好食！原來係日本銀杏！食完就一陣甘香！豆腐：燒得好均勻，唔會好易散，可以一試清酒蒸真蠔：真蠔好飽滿，好香清酒味🍶明太子飯團：如果多啲明太子會更好梅子飯團：酸酸地既梅子可以一解串燒既膩雞清湯：好香濃既雞湯，飲得出係真材實料！值得再訪！…查看更多

天氣凍最啱食煲仔飯，米芝蓮嘅煲仔飯今日終於特登嚟試吓鱔片臘腸煲仔飯一打開就好香臘腸味😌落完豉油要再焗一焗，之後就食得啦！鱔片略嫌唔夠彈牙，臘腸就好香好好味😋白飯粒粒分明！煲仔飯重點在飯焦！佢既飯焦真係無得頂👍🏼👍🏼👍🏼完全冇焦黑，香脆又唔硬，係我食過最好食既飯焦，真係食過番尋味🤤椒鹽肉排原本諗住試下椒鹽九肚魚，可惜賣哂，所以就叫左份椒鹽肉排。不過味道就一般，椒鹽味唔夠，而且上枱時唔夠熱，大打折扣。…查看更多

朋友推介話好好飲，而且見openrice有7折優惠(指定款式)，所以即刻買黎試下！☺️🌟茉莉綠鑽堅果奶蓋茶(微糖，常溫)茶底既茶味較淡，不過加左好多nuts碎係面，幾有口感。奶蓋量好足，一啲都唔孤寒，甜甜的。另外，本以為常溫係室溫既溫度，原來係微暖的。個人對茶底都有啲要求，如果可以濃啲會更好。而且個杯會漏茶出嚟，都幾唔方便🥲不過飲佢好似健康過其他台式飲品🙈下次可能會試下佢既凍飲，睇下感覺會唔會唔同！…查看更多

係空中食tea，可以欣賞下香港嘅風景，令人十分期待！因為係平日，所以餐廳都唔係好多人，可以坐得舒服啲，唔使咁迫餐廳嘅風景一望無際，確係令人心曠神怡！不過食物嘅質素就真係好一般般啦🥲睇下Menu先啦，有8樣食物，包一杯飲品鵝肝三文治，麵包似係放得太耐，質感好乾開心果檸檬燕麥餅，味道同普通嘅檸檬餅好似，完全冇開心果同芝士味😖青檸海蝦撻配魚子，呢個算係正常嘅一款，味道正常肉桂帶子菠菜忌廉撻，肉桂味唔出，菠菜味比較出，味道正常紅豆芝士蛋糕，冇乜紅豆味綠茶紅桑子盒，望落好似食色素咁，綠茶味蓋過紅桑子味雜莓肉桂朱古力忌廉，個人唔鍾意玉桂味，所以麻麻地呢個甜品，加上個雜莓醬好似藥水味，完全唔得😔總括而言，風景一流，但食物就。。。可能去飲杯野坐下會好啲…查看更多

難得去荃灣食嘢🙈朋友介紹呢一間點心店，所以就去試一試佢😎嗰日有鐵觀音同埋普洱兩款茶選擇，我揀咗鐵觀音，但味道偏淡。鳳爪味道唔錯，好入味菜苗餃都幾大舊，餡料十足👍🏼皮薄，餡料唔算濃味，鍾意較清淡嘅人必選脆蘿蔔腸朋友話呢個蘿蔔腸係必食之選👍🏼果然真係好好食😋 內脆外軟，正！另外，仲食左流沙包同蝦春卷，不過顧住食冇影到相😅一搣開流沙包好多汁流出嚟！好香蛋黃味，值得一試！蝦春卷新鮮熱辣，脆卜卜，都好好味！整體點心都好好食，不過茶就淡左啲，絕對會再食！…查看更多

隨機搵間餐廳食晚餐，見呢間都幾多like，所以就去試吓😇烏卒卒炸魷魚撈魚麵第一次食魚麵，好煙韌亦好夠味👍🏼炸魷魚新鮮炸起，香脆可口，加埋少少蕃茄粒，平衡返油膩感。值得一試😋魚湯翡翠苗魚湯清清地，但又唔會好淡。食啲菜感覺健康啲炸魚無薯條配蟹黃醬餐廳推介之一，冇薯仔成份，用魚肉去整，脆口又煙韌，果然值得一試！👍🏼👍🏼另外仲有三款醬可以揀，下次可以試另一款醬🤤整體味道都唔錯👍🏼鍾意魚麵嘅口感，絕對會再食！…查看更多

今次一行五人去食可以試多啲嘢🤗晚市分六點同七點半兩輪，冇訂枱都好難有得食🙈我見佢連外賣都話做唔切唔做😅老虎菜即係沙律，味道甜甜酸酸，不過生洋蔥有少少辣，整體都幾開胃。個人覺得可以留肚試其他菜式。烤羊腿非常推介😋👍🏼👍🏼好有羊味，皮好脆！一定要訂咗先有得食！3-4人份量涼拌豆腐即係皮蛋豆腐，味道正常，可以試其他菜式🙈大盤雞寫係辣既(我唔食得辣，不過我覺得近乎唔辣)，雞都幾嫩，幾入味，底下仲有薯仔，食到差唔多會俾麵你落去撈。可能一齊煮啲麵會更入味烤羊串嘅羊味不及烤羊腿，不過味道都唔錯杏仁羊奶，杏仁味完全蓋過羊奶，食唔出同牛奶做嘅有咩分別🙈鍾意杏仁味嘅可以試下…查看更多

位處於人流較少既地段，但仍然滿座，味道應該唔錯。沖天雞上枱時熱辣辣，真係一煮好就上菜，要等一陣先可以用手撕開。隻雞醃得好入味，入面仲放滿蒜頭，所以唔洗醬料都好夠味入面啲蒜頭都充滿雞汁好好味，不過會有少少辣😌大阪燒竹炭pizza餐廳著名既竹炭pizza，食過竹炭野都知竹炭係取其顏色多過味道。呢個pizza比想像中好味，竹炭皮好脆口，而且配大阪燒配料都幾夾整體真心唔錯，絕對值得一試！不過一定要先訂枱，walk-in真係未必有位！…查看更多

朋友介紹呢到既花雕雪糕，因而黎幫襯❤️一出𨋢發現餐廳有個好靚既view，而且環境非常舒適，可惜太遲訂位，無得坐係靚景旁😢一口燻魚超推介！！！甜甜地，脆口無骨，超好味😋濃香陳年黑醋肉 黑醋都係甜甜地，粉漿唔會太厚，味道中上金絲和田玉相機食先精選📸手功同賣相都攞滿分💯味道亦唔錯，冬瓜充滿雞湯味，推介四川擔擔麵一人份量，唔算辣，花生味香，可以一試黑松露蛋白炒飯炒飯幾好，飯粒軟硬適中，粒粒分明，好香黑松露川椒香辣軟殼蟹好香辣椒味，不過唔算好辣，香脆可口，份量比想像中多幾惹味花雕話梅&中國白酒辣朱古力雪糕呢兩款雪糕都好特別👍🏼花雕味好出，亦有話梅肉係入面。另一款朱古力帶少少辣味，朋友覺得白酒辣朱古力比較出色。值得一試不過味道未必每個人都啱整體環境服務食物都好滿意，用訂座app仲有折，會再幫襯🤗…查看更多

加左入去”想去”list好耐，終於決定一試訂左枱，侍應特意安排左卡位俾我地，非常舒適店內裝修都好有情調Fine de Claire No.3 $218/6 piecesNo 3 既size都係比較細，不過佢又唔算好薄，有少少肉啦～都幾新鮮👍🏼不過個人都係鍾意比較大隻既蠔，食落口感會豐富啲紅酒燉牛肉闊條麵 $145呢餐既推介，好夠味，紅酒蕃茄味，牛肉亦夠林，整體唔錯Parma Ham Galette $118我個人覺得Parma Ham比較咸，不過友人覺得好夾，如果Parma Ham油份再多啲香啲會更好牛油果蘋果青瓜汁 $38青瓜味比較搶，牛油果本身冇乜味，所以唔係好飲得出…查看更多

環境比想像中一般，始終係市區，較難做到好似西環既cafe咁高樓底，同咁有空間感。服務都好一般，想調枱去坐坐地既枱，感覺舒服啲，但話有人訂左，之後有空枱亦無主動問我地想唔想轉枱。😔焗芝士帶子牛油果伴無花果沙律 $118沙律材料配搭唔錯，但份量較少。另外點左牛油果香蕉抹茶奶昔，牛油果本身淡味，所以味道唔出，不過連抹茶味都唔好就比較少有。如果呢個價錢，係尖沙咀應該可以搵到更好既選擇，所以我應該未必會再幫親。…查看更多

朋友介紹話唔錯，所以黎試一試環境唔錯，幾舒服，畢竟新裝修完，而且坐位數目都唔少紅燒牛肉麵(半筋半肉)非常推介，湯底好濃郁，同牛筋牛肉好夾，好惹味❤️❤️慢煮豬手愛豬手者可以一試，自問唔係成日食豬手，不過呢隻好林好入味，朋友食完都話唔錯魯肉飯呢個係今餐相對普通既一味，算係正常既魯肉飯吧珍珠鐵觀音奶茶這絕對要一試茶底香，珍珠都好QQ，好香滑，非常推介🥰食完對牛肉麵同奶茶都好回味絕對會再去幫親👍🏼…查看更多

一直都好想試呢間omakase, 今晚終於有機會！店舖位置比較隱蔽，不過都唔算難搵。而店內坐位數目不多，所以最好都係訂定枱。海藻漬物。海膽豆腐漬物酸酸甜甜，開胃之選。海膽豆腐非常出色，淡淡既海膽味好似食布甸咁，正九款刺身沙甸魚、鯖魚、鮫魚、油甘魚、赤身、大拖羅、竹簽魚、銀鱈魚同海膽墨魚卷整體都好新鮮，而且每隻魚既肉質、配料同制法都唔同，可以食到唔同既口味！個人比較喜歡沙甸魚、鯖魚同海膽墨魚卷，因為好少食到沙甸魚同鯖魚既刺身，比較特別。而海膽墨魚卷就好香海膽味，不過我麻麻地紫蘇葉，所以配其他菜可能更好生蠔好新鮮肥美蘿蔔絲沙律好脆好爽口，配胡麻醬，可以refresh一下酒煮鮑魚。鮑魚肝醬非常推薦❤️❤️❤️整個鮑魚都好香清酒味，下面舊蘿蔔更係吸哂啲鮮味，超好食鮑魚肝醬亦好香好濃燒牛腹腔三成熟，牛味足，不過佢係配菜，因為個薯仔泥搶哂鏡，好好好好好味😆海鮮粥師傅將啲魚骨煲埋一齊成為呢碗海鮮粥，好鮮味，食到最後飽飽地都想再食一碗，因為真係好正🤩冧酒雪糕冧酒味好soft，係一個good ending💕…查看更多

It is one of my favourite dessert restaurant❤️❤️ They have special favours for different seasons and I have tried several favours. They seldom disappoint me. This time I tried was tiramisu favour. And I was really surprised by how it tasted like real tiramisuThey have cheese topping and brownie inside which makes it sooooooo much like a piece of tiramisu!!! Highly recommended…查看更多