KarenCkl的个人专页

網上預約了星期六食lunch，一坐低waiter放低餐牌，餐牌上只有很少選擇，價錢都唔係太便宜，當預備order時，完全冇人，需要自行離開座位叫waiter落單。直至食物嚟到，份量非常少，味道很一般，但收這個價錢，真係性價比極低👎。食物味道已係其次，最主要係服務態度，用餐時要求攞tabasco，但等了5分鐘還未送到，於是便離開座位出去問waiter，當時waiter正在跟廚房閒聊，於是問佢攞tabasco，第一反應係答我冇，跟住又話搵搵先🤨，呢個係乜嘢服務態度🤔。到埋單時都係需要離開座位叫埋單，無言。😓…查看更多

於12月23日相約3位同事打算到此餐廳lunch，到餐廳時已經有人喺度排隊等候，喺我哋前面有4個人正在排隊，但當時餐廳係有1張4人枱，於是我便問侍應點解有張4人枱唔安排入座，原來前面等候係6人枱，直到有1張2人枱及4人枱埋單了，門口男侍應（講廣東話）就同我哋講，之前一直冇人坐嘅4人枱會安排俾我哋坐，但等佢安排咗前面嗰4位入座先（強調，直至入座時，前面4位嘅另外2位朋友還未到），於是我同同事就準備進入餐廳，突然有1位亞洲人但只識講英文嘅男侍應出嚟（其實並唔知佢係老闆定係經理），問我哋幾位，我哋話4位，跟住佢問另外2位朋友呢，我答coming，感覺好似齊人先比入，我同事就即刻話前面都唔齊人又入得，於是佢都照比我哋入，當時我同事一路行一路講“識聽中文又扮唔識聽”，嗰位侍應聽後好似癲咗咁跟住我後面唔比我哋坐，話因為我哋話佢，要我哋重新排隊，吓 ........ 原來唔係唔齊人唔俾入，係唔比人話得，咁即係佢真係識聽廣東話啦，其實我同事都唔係直接指住佢嚟鬧，而係自言自語咁“呻”吓，原來咁都唔得，你就要客人尊重你，但你一d都唔尊客人，咁嘅餐廳就算d嘢食幾好食都冇用，咁嘅服務態度，完全唔尊重客人，從未遇過咁冇禮貌嘅對待，真係絕對唔會再幫襯。…查看更多

已經很久沒有光顧此店，過往記憶是好食的潮州菜館，特別是他們的鵝肝，特別軟綿好味，堂食無論味道及份量都是正常好味的，沒想到外賣就中伏今晚外賣了5款小菜，一共$705。煎蠔餅$88 正常味道鹵水鵝肝$158，顏色是灰灰的，帶有苦味鹵水雙併（鵝片併掌翼）$158，鵝片完全沒有什麼肉，好像是搭頭搭尾的豉油皇鵝腸$168，份量少得嚇人，味道一般沒想到此店現在的食物質素及份量都令我非常失望…查看更多

已是第5次幫襯了，每次都唔會失望，水準非常穩定，價錢合理,是一間非常推介的食店｡特別係佢嘅串燒飯/意粉套餐，真係非常抵食，$42可以選擇2串串燒配飯or意粉｡串燒都非常美味，特別係"招牌燒金磚"、"蜜汁雞中翼"，而其他串燒都唔錯。至於燒廣島蠔都好juicy, 每次都會order｡…查看更多

8月25日晚，一行6人訂了7:30pm時段，被安排一張非常狹窄的座位，此座位應是4人座位，所以6人坐4人座位是非常非常的迫，而枱面更是沒有足夠地方放食材，周圍環境非常嘈雜，完全傾唔到計:(。地方狹窄不特止，我們坐那排的電磁爐不停跳掣，每2分鐘就跳掣1次，足足跳咗5,6次，最後，服務員叫我哋將個爐校細d, 先冇再跳掣，但其實內心覺得好危險，根本電力負荷唔到,萬一有火警點算:(。至於冷氣方便，凍到好似入咗雪房咁，理應打邊爐應該係好熱，但係凍到對手好似冰咁, 大人都凍到咁，小朋友就更加唔使講。至於食物方面更是恐怖，首先就是牛肉方面，完全沒有牛味，有一款更是"柴皮", 而且一次差過一次，沒有質數可言｡但低處未算低，就係海鮮方面，蜆係臭嘅,至於蝦方面，第一次還算ok, 但第二次都係臭嘅，根本冇海鮮可以選擇｡至於其他食物，只係一些廉價食物，不值一提。雖然$168這價錢任飲任食好抵，亦有心理準備食物唔會太高級，但都唔可以係臭㗎｡最後總結係環境惡劣，食物垃圾，絕對不會再幫襯。…查看更多

昨晚跟朋友到此享用晚餐，地點是方便的，但食物選擇實在太少了。昨晚，我們點了築地壽司杯，牛油果金龍卷，咖喱雞扒飯及幾串串燒。築地壽司杯味道ok, 牛油果金龍卷味道卻一般，串燒也普通，但咖喱雞扒飯卻非常難食。這餐晚餐費用是$5xx, 並不便宜，完全不值這價錢，不會再光顧，失望。真的沒想過這個價錢的質數跟團購放題是差不多的，其實咖喱雞扒飯是一樣非常普通及容易做的餸菜，可想而知這家日本菜有幾差，至於壽司方面，根本沒難度，只要食材新鮮便可，全夜只有築地壽司杯還可以，其他的都只是非常非常的普通。。。。。…查看更多

昨天一家人浩浩蕩蕩到屯門三聖邨食海鮮滿懷希望去開餐。於昨晚我們買了龍蝦，鮑魚，美國桶蠔，聖子，大扇貝，九節蝦以及預訂了1隻燒鵝及order 咗2個小菜。首先是芝士脆焗龍蝦，外層是香脆，肉質爽口，但味道偏淡，如果可以鹼一點會好味得多。跟住是預訂的燒鵝，非常美味。繼續係豉椒炒聖子，不過不失。白灼九節蝦，沒有難度，蝦本身鮮甜。砵酒焗蠔，非常美味。胡椒鮑魚，胡椒味唔夠，味道還可以。原本這餐都算是美味滿足，當我哋食完所有海鮮後，發覺最簡單嘅蒜蓉粉絲蒸大扇貝仲未到，已覺奇怪，已催促了2,3次，足足等了30分鐘才到，點知一上枱，大家都非常驚訝，點解我哋買嘅大扇貝d肉會咁薄，仲要除咗中間嗰粒薄薄嘅扇貝肉，其他部分都不翼已飛，店員還解釋話係咁，當時我哋冇特別去了解，只好食完離開，但其實心裡有1個大問號，點解會咁？懷疑被人偷工減料，真係唔敢相信咁出名嘅飯店都有咁嘅情況發生，真係非常失望:(。…查看更多

已經係第二次幫襯了，味道依然令人回味，真係好期待下次再來。食物有特色，環境舒服，一大班朋友嚟食都冇問題。今晚點了很多菜式，有羅春閣爆汁生煎包，外脆內軟;五香薰蛋，流心蛋做得非常出色，好香煙薰味，個人非常喜歡;辣子雞丁，香脆可口;火焰松子桂魚，非常有特色，魚頭及魚尾會著火，視覺及味覺一流，川味水煮牛肉，另加花椒油，好味麻辣爆蟹(要預訂) ,極惹味，大力推介，還有很多前菜，不能盡錄。特別一提個飲品~荔枝菊，一定要試，非常好飲。…查看更多

經朋友極力推介，終於一試，果然沒有介紹錯。所有海鮮都係非常新鮮生猛，簡直係美味的海鮮餐。除了海鮮外，一坐低就每人一盅老火足料靚湯，最後仲有8寶飯及糖水，8寶飯嘅材料仲係自己揀，每位$268及免加一，真係超值,加埋服務真係一流。其實8款海鮮都係新鮮好味，唯獨花甲就比較遜色，因為有沙............…查看更多

食物只是一般，但服務卻是9流。首先是食物沒有太大驚喜，湯底亦冇味，只有幾嚿雞於清湯底裏，套餐的食物款式也不算多。最初以為粥底火鍋係用粥打邊爐，原來係打完邊爐後才用邊爐的湯底加入漿糊般嘅飯入湯底，再加葱及鹽，但其實碗粥一D味都冇，完全唔好食。而全店最差係服務，叫佢哋換過隻碟都唔肯，只係同我哋講叫我哋將D殼倒落個碗度就可以了，咁嘅服務態度真係唔會再幫襯還不斷催促我哋放D食物落湯，好似要我哋快D食完就要走嘅感覺，完全冇自由。總結係地點唔方便，食物冇驚喜，服務超9流，價錢不便宜。…查看更多

之前看了openrice嘅食評，大部份都話好味，於是今日下午抱住好大嘅期望去食，點之完全係非常非常之失望，從來未食過咁難食嘅東南亞嘢食:(今日我哋點咗5個餐，2個海鮮喇沙湯麵，1個海南雞飯，1個炒貴刁，1個肉骨茶。2個喇沙湯麵味道還可以，但不夠正宗，喇沙應該係有椰汁同唔辣，但呢度係冇椰汁同有D辣(如果唔食得辣嘅朋友就唔好叫喇).;海南雞飯味道麻麻，特別係個油飯完全唔ok, 好肯定翠華嘅海南雞飯好食過佢;至於炒貴刁味道還可以，但貴刁應該係幼身，但呢間用嘅唔係貴刁係河粉，同埋D嘢唔夠熱，如果即炒應該係熱辣辣，但呢碟炒貴刁係和暖;但最難食應該係個星加坡肉骨茶，首先係一打開蓋完全聞唔到味，冇煙(即係唔熱), 全窩肉骨茶只有一條一字排及十多片白蘿蔔，飲落完全冇味唔熱，於是同老闆反映，老闆話味道係咁，但佢都冇逼我哋要，叫我哋換過第D嘢食，於是換咗個咖喱海南雞飯，咖喱味道ok,但雞係凍嘅，其實真係唔知點解呢間食店D嘢全部都唔熱(除咗個喇沙) ..........總之完全失望:(:(…查看更多