yuehin的個人專頁

男友話出完bonus 要請我屋企食餐好知道我屋企鐘意飲茶 所以提議呢間開左一段日子 食評唔錯既六公館 週末午餐時段分2輪 每輪好似可以坐1小時45分鐘餐廳係海港城海膀 訂檯時講明要望海 餐廳設計雅緻舒服 一路食一路望維景☺️炸鮮奶唔係即叫即炸 個皮好硬 個牛奶醬味道一般米網腸粉上到黎已經唔熱 腸粉皮都唔滑豉油少得可憐蟹肉炒米粉夠鑊氣 但無乜蟹肉鮮味焗差燒餐包都係唔熱既黑金三寶有 蝦餃 流沙包 同煎堆蝦餃皮厚 上到黎一樣係唔熱 流沙包都有流沙既 但唔係好多全餐最好食係個煎堆呢個即炸 細細粒 一次過食 有口感之餘都好味總括黎講 呢間係食景多過真係食野既 可以一試但無咩吸引再回頭…查看更多

今晚同舊同事黎到銅鑼灣食日本料理呢間居酒屋黎既 好多日本酒飲 但第二日要返工 所以無飲😝帶子鵝肝紫菜包呢個真心正帶子好新鮮 加埋煎香左既鵝肝 用紫菜生菜包住 一口食落好幸福🥰香蒜牛柳粒石鍋飯中規中矩 用來打底😂日式蛋卷中間有芝士流出來芝士同蛋呢個配搭 好難唔好食😅火陷牛柳串上菜個陣會淋酒 所以有火陷效果個牛都幾好食 唔會煮得太熟炒雜菜一般水準 皆在食啖菜燒墨魚日式醬汁配墨魚好食☺️仲有個唔知乜卷都好食整體食物質素高 但價位中上 未必會回頭😂…查看更多

灣仔無咩餐廳食潮洲菜 同事提議試下呢間 就搵左日黎食晏餐廳要上一層 原來好細 加埋好似得10張8張檯一坐底已經有潮洲出名既酸菜同花生 可以食住睇餐牌 但係就無功夫茶😂滷水鵝片潮洲菜必食估唔到都幾大碟下 鵝片都瘦身 個滷水汁都好味 不過好似淡左d跟住有煎芋餅芋頭味好重同埋唔知係咪加左糯米粉 好有口感🥰沙爹牛肉炒河都係必食好大碟 三個人剛剛食得哂個沙爹花生味好重 又熱辣辣 會令人一口接一口不過幾油下😂食左咁多重口味野 最後叫左個雜菜煲清一清😛…查看更多

朋友同我慶祝生日 我話想食意粉 佢就推介左呢間樓上cafe 呢間之前睇食評都知意粉出名好食 所以期待😍我早到坐底先 本身以為呢d樓上cafe一定坐得好逼 點知唔係 檯與檯隔得幾開 音樂又唔會太燥 好岩同朋友傾計聚會😁朋友好快黎到 睇完餐牌 揀左個明太子海蝦意粉 同埋一個黑松露野菌risotto 2樣野差唔多一齊黎 首先試左意粉 第一啖就覺得好好食 雖然係忌廉 但一點都唔膩 仲有小小辣 愈食愈想食😅 個risotto亦都係水準之上 好重松露味 正☺️…查看更多

屋企樓下開左間新光 今日中午同屋企人黎食飯早食飯既關係 唔駛等位 直接坐低😎3個人叫左5樣野蝦餃好大粒 個皮好薄 一d都唔粉 平時好怕食到成口粉 呢到無呢個問題 好多蝦 d蝦無雪味 亦都唔霉 而且唔會話用左好多胡椒 👍🏻鮮蝦菜苗餃同蝦餃一樣咁出色大大粒好滿足☺️潮式糯米卷個包皮蒸到好軟熟糯米都唔太硬但淡左d牛肉腸粉呢個有d失望因為食腸粉要夠熱呢個上到黎都係暖暖地咸水角呢個好正宜家好少食到多餡而且無乜肥豬肉既 即叫即炸very good😁…查看更多

今日突然想食拉麵 男友住係荃灣 提議去試一間係荃新天地附近既拉麵小店😎行到去門口 見到佢有一部係日本拉麵店成日見到既自動售票機 好似去左日本既感覺🙃買完之後拎住張卷入去 店員就會安排座位 坐底店員就會送上水 等多一陣拉麵就黎啦我叫左個黑蒜油差燒拉麵個湯底無想像中咁濃 亦都唔算油 所以飲左幾啖 麵係我一向普通既幼麵 但食落都唔錯差燒比出面既瘦少少 都燒得幾香男友叫左個豬骨湯底既 飲左佢一啖 反而鐘意佢個個多d🙈如果佢多d小食可以伴拉麵就好😂…查看更多

由細到大都好鐘意食差燒 係其中一種comfort food😌次次去完旅行返黎一定會食🤣一直覺得屋企附近無咩好食既餐廳 見最近開左呢間 仲要係食差燒 緊係要試啦呢日行完山下午兩三點返到黎 過左食飯時間無咩人 坐低即刻叫左個招牌差燒don飯 因為唔食蛋黃 叫佢煎熟蛋等左一陣就有得食 擺盤好靚 差燒一字排開 隔離2張煎蛋 仲有姜蓉差燒係至愛瘦差 燒得燶燶地 加埋蜜汁無得彈 連姜蓉食更加正 飯量十分多！我覺得係出面既2碗飯😍 略嫌豉油多左d 食到底好油如果呢間小店可以保持水準 我一定會做常客😎…查看更多

老豆專程過海黎搵我食晏 其實已經係附近一間日本餐廳食完個銀雪魚定食 但食飯時間人多 個到又唔方便阻住人地張檯 又覺得好似食唔飽咁 所以就決定搵甜品再食過🤣灣仔甜品店選擇品多 剛剛食完飯又覺得食雪糕蛋糕個類好似好heavy 醒起有呢間好似食acai bowl既一直想試就過黎睇下唔記得呢個叫咩名有幾種生果 仲有d granola 同acai最底係有d似雪糕定smoothie既野 大熱天時食好清爽🥰好多人都食呢d做正餐 但點都要有carbos既我唔得 宜家用黎做甜品就完美😎…查看更多

麵食中我至鐘意食米線 今日同屋企人又黎到呢間成日幫襯既豬扒米線食晏坐低餐牌都唔駛睇 就叫左豬扒米線小辣走蔥😝呢間個豬扒好好食！豬扒佢係炸之前人手手搥 所以豬扒炸完之後仲好淋 豬排又好入味 就算浸左落湯到都好好食😛 一碗米線有3大塊豬扒 上面仲有好多酸菜同埋花生伴料 香口花生連米線一齊食無得頂🤤🤤 而且佢個米線同出面食既唔同 係會有少少彈性 唔會淋到無咩口感😎 佢一碗米線先賣$38 連我咁大食都會夠飽 呢d良心小店真係要多多支持💪🏻…查看更多

為左母親節唔駛出去同人逼食飯 我地好多時都會提早慶祝😎今年黎到Hotel Icon 入面既呢間天外天食飯慶祝小食叫左招牌之一差燒 差燒又香又淋 密汁味好重 係我至愛😍跟住有蟹肉菜羹好多蟹肉係入面但唔夠熱 得唔到鐘意熱食既呀媽喜愛😅片皮鴨半隻 每人都包到2-3舊 但去皮有d乾 又無野熱住 凍左就太硬🙄鮑魚雞粒煲4-5隻鮑魚到煮得好香😍川辣蝦球蝦又大又爽 辣辣地好好食甜本叫左個茉莉花茶蕉糖燉蛋 茶味好重好好食😛其他人食湯丸同杏仁茶都話唔錯☺️…查看更多

上海菜係繼日本菜之外另一成日食既菜😜今日同男友係荃灣游水游晏左 驚出去食飯多人可能要等位 就決定留係荃灣食行經上海婆婆見到唔駛等位 就即刻坐低 食食下出面都開始要等😆叫左食親上海野都會叫既小籠包 夠熱又夠多湯 皮薄餡都靚 收貨😂之後係雪菜肉絲炒年糕味道唔錯年糕份量好多食到後半開始牙軟😂但肉絲份量唔夠 覺得有d寡之後係黃金蝦仁炒飯重黃金味👍🏻但因為食年糕飽左 所以呢個食左半就打包😆仲有個香辣蝦球蝦球好大粒 但唔鐘意個醬 有d酸…查看更多

我好鐘意食麵包 特別係burger😍 今日黎到朗豪坊唔知食咩好 睇水牌見到有呢間食burger 既 睇過食評好似都唔錯 就黎試下叫左一個藍芝士漢堡 漢堡牛都唔錯 唔會話煮得太熟又硬又乾 最怕食到乾爭爭既漢堡包😂 不過芝士味唔太重 多d會好d 男友就叫左個德洲漢堡 有塊菠蘿定洋蔥圈既野 成個漢堡太高 好難一啖食到所有野 所以變左好似逐件分開食😅加錢要左薯條 厚薯條即炸 唔錯！仲叫多左個棒棒炸雞棒 但炸得耐左 好乾 味道就還好整體黎講漢堡包呢個價錢都算好質😎…查看更多

男友好鐘意食拉麵 我就一般般 因為覺得佢無咩配菜 好似淨食麵咁 所以食親拉麵都會搵d係多小食既😂 今日就黎到美麗華呢間拉麵店 我叫左個香辣差燒沾麵 配菜有粟米同差燒 仲有隻半熟蛋 我不嬲都唔好日式差燒 因為覺得肥豬肉多過肉 所以比左男友食🙈 個麵係鐘意既硬麵 有咬口😛 但個麵唔係石鍋上或者有舊熱石熱住 所以好快就無左溫度😓 小食叫左煎餃子同章魚小丸子餃子都皮薄既 煎得都香香地 唔錯章魚小丸子就細細粒咁 我覺得章魚可以多返d囉🙈…查看更多

一直都知道呢間連鎖餐廳食西式好抵 廿幾三十蚊就有意粉薄餅 今日就同呀爸呀媽黎試下由於早餐食得好飽 所以我地只係叫左一個薄餅一個意粉同一份小食辣味雞翼薄餅叫左水牛芝士薄餅 芝士好似唔駛錢咁多到呢 都有少少脆既個邊 三十蚊唔駛你唔好期望佢有pizzahut 既水準😂意粉叫左個西蘭花雜菌意粉意粉軟硬度唔錯 唔會太腍雖然佢話係用olive oil 但我覺得油左少少雞翼估唔到有驚喜 有pizzahut既水準 $30有8隻好抵食😛…查看更多

今日同小學雞一齊食飯 揀左呢間食韓國炸雞既outdark 其實之前食過2次 覺得都唔錯 有人想試 所以再食過之前無食過芝士豬肋骨 今次試左但好細份 好似得7-8舊 每人得1-2舊唔夠喉味道ok ge 但芝士好快凍左之後就硬左卷唔到 變左肉同芝士分開食咁囉😂再叫左個醬油同香辣炸雞 上菜覺得細份左好多 每種味得幾舊 醬油味好食過香辣 以前食仲會有好多薯塊薯條薯角 今次都係每樣得幾舊 飲品叫左個西瓜燒酒特飲 用原個西瓜上幾特別既後加左個冷面 一般水準整體無以前咁抵食…查看更多