好嬲，你地係一間出名日本連鎖餐廳嚟。事發响2019年3月10日中午lunchtime首先，舖面有兩女一男staff加一位女經理，完全唔full, 約12枱二人，啲員工仲成日傾計添。我同朋友各叫咗一個午餐定食，裡面有sushi有烏冬，我哋再追加刺身，所以我朋友提出咗一個好簡單嘅請求：希望定食裡嗰碗烏冬hold住先後上，因為我哋想食咁啲sushi刺身先，一齊上晒驚烏冬凍晒。女staff一過嚟，話ok我幫你問下廚房，我朋友話如果真係唔得唔緊要的。女staff一再過嚟，話廚房ok, 幫你hold住。跟住佢上定食，甩手跌左個wasabi碟落我朋友個wasabi碟(已落豉油)度，完全冇道歉。唔緊要，跟住我哋食到大半，就請女staff幫手起烏冬。隔咗約15分鐘，烏冬到，竟然係凍的，面頭烏冬乾晒，海苔縮晒。我朋友就問女staff一，點解會凍的？你地煮好放咗响度好耐？女staff一堅持話 剛煮好的我朋友話，你試一啖，凍的，你哋可否煮過一碗？女staff一黑晒面拎番碗野入去，同女經理講個女經理好大聲話 淨係服侍你一個咩？！跟住隔多5分鐘，女經理將熱烏冬端上，但補多句：下次冇得咁樣定食分開後上。我哋都冇再講啲乜嘢，因為係 你哋 原本話ok, 先決定後上，你地若 真係覺得忙，大可以拒絕，我地會理解。但今日咁樣咁不愉快嘅經歷，我地一定唔會再幫襯板長。大家好自為之。
…查看更多
…查看更多
