w8869377的个人专页

餐廳裝修很美，由門口到座位都好好。樓底好高，坐得舒適，有空間感，服務亦好好，有禮貌。但係食物的賣相同味道就普普通通，除左甜品打卡一流之外。味道：冬蔭功大蝦頭意粉$158，意粉偏硬,唔夠熱，味道咸左D. 但蝦好彈牙。黃咖哩牛$98,味道幾特別，但都係偏咸，始終間間泰式咖哩都有不同，我覺得可以試一試。奶茶$42 正常,好飲,甜甜品-芒果燸米飯甜筒$68 飯硬硬地，芒果少，個甜筒有D多余，好難MIX埋3樣一齊食，唯有就咁食，但好脆可能係附近，又想食泰國野先會再黎...…查看更多

星期4晚一早book好台,門口好多人等位餐廳位置有D難搵, 座位好闊,坐得舒服,仲有海景食物方面,等候時間都唔算長。魚榚鍋$238 好味道, 好滿足! 魚榚好多,菜5多, 到最尾有D咸, 但好正.  但我始終喜歡無骨炸雞 $208我鐘意食無骨,可惜有骨先可以叫兩味, 所以叫左有骨:大蔥+乳酪粉炸粉唔厚, 肉質都好食。但真係幾多骨,切得好奇怪,好多碎碎骨味道方面: 大蔥-普通,基本上D蔥長長,好難入口乳酪粉-普通, 味道好似5夠.. 下次可以叫番無骨…查看更多

今日同朋友慶祝生日, BOOK左8點半。然後, 我提早到餐廳放底蛋糕, 無問過我BOOKING DETAILS. 就咁收左個蛋糕.8:30 準時入座, 叫左好多野食..  先稱讚下d野食先~大蝦海鮮冬蔭湯鍋  - 大大鍋, 好多料! 唔辣, 味道剛剛好, 喜歡! 黃咖哩蝦 - 唔辣, 多汁大蝦冬蔭公螺絲粉 - 唔錯, 不過冬蔭公味淡左d MOCKTAIL 有d失望, 以為有層次, 點知黎到原來係隻杯的色... 味道可以, 不過有D貴! ~然後去到LAST ORDER都仲未出現既~小食拼盤 - 分量都幾大,  d 醬麻麻地,  好乾(因為服務問題, 我無乜時間慢慢品嚐) 豬頸肉 - 正常發揮, 切得幾大件..  如果細件D就開心D 至於點解我講 垃圾服務以下男待應所講既語氣 100% 係咁..1.    原來LAST ORDER係要食客自己醒覺 ?? 男待應問我  然後我答[要既話先問你拎], 男待應回答[收啦wo]  然後就問佢有d野未黎齊....2.    埋單既時候, 男待應俾錯人簽名, 直接講呢句 [唔關你事] ?? What? 3.    時間9:40 埋單簽卡同時, 我叫男待應拎蛋糕出黎, 男待應同我講 [ 如果要我地切要收切餅費200]  當時我只係聽字面上的意思, 我唔洗你地幫手切就ok啦? 加上男待應三番四次強調餐廳收10點. 我俾200蚊, 我地又唔可以坐耐D。然後我地無問餐廳拎碟, 只係問個女待應要左把刀仔, 女待應都肯俾我. 我地只係食左2啖..  男待應又衝出黎 [ 你地係度食呀? 係度食要收切餅費200 ] ?? 咩意思?? 即係究竟有D咩係要俾200先可以做?? 9:55 我地拎埋蛋糕 嬲嬲地咁走... …查看更多

呢間餐廳位於一個角落。周日中午1點，對比附近既餐廳人流算多。大概1點半開始已經好多人係度等位。坐位好闊落，衞生環境都幾好，起碼我成餐飯都無蚊飛過。服務不錯，職員手腳好快。出餐時間都算快。坐耐少少都唔會趕人走。食物選擇多，一到午餐就好多都沽清，特別係小食。最主要係價錢經濟，唔好太大期望，所有野都正正常常。本身想叫牛肉麵，但身邊好多人都食飯，所以都係選擇個穩陣的。豬扒油左d，魯肉味道OK, 不會太咸。汁可以再多dd 。杯珍珠奶茶都係正常的，茶味偏淡。如果想簡簡單單食餐便飯，呢度都不錯。…查看更多

    好吃，可以有下一次。    位置-唔難亦唔易搵，上到三樓見到一間壽司店，打開左邊一道玻璃門，行十幾步才找到。三樓的餐廳原來大部份都對住個露天花園。    人唔多-因為我7點入坐。之後就一直有人入黎食飯, 但未至於滿座。    衛生環境- 差少少, 因為我坐個張椅子上面好多食物碎碎. 其他都無乜問題     開心的食物黎啦!    飲品係驚喜的, 普普通通$50 左右, 但就比平時飲開個D好大杯, 好多野    -椰子沙沙 竟然有芒果雪條    -芒果青檸 幾清新,雖然只係芒果味,無乜果肉.    咸蛋薯條, 即炸, 熱!脆!    原個椰菜花, 呢個好好食, 欣賞!對於唔食得辣既個. 呢個青咖哩係少辣, 可以接受。    金邊粉就普普通通。無乜特別…查看更多

都唔係第一次食TCA. 上一次係K11食, 俾佢個漢堡包震驚左今次我地唔食漢堡包, 試試個意粉先.. 係朗豪坊呢度, 3點到入座, 個太陽好曬, 有2張台無大傘.. 熱. 仲要有幾隻蚊..  想慢慢坐, 真係要簡個靚位。4個人- 4杯啡-OKINAWA $55 黑糖重, 咖啡味都好香-高個杯都係OKINAWA, 不過係凍。 $58 -Iced match tea latte $50 -Dirty Matcha $45  有得簡2款豆:  TCA HOUSE BLEND / HK BLEND 個人中意飲TCA多D, 無咁苦/濃然後, 喇沙蝦意粉 , 以味道同埋份量黎講 $148 係OK GE,  辣辣地, 個汁又唔會太多。呢間咖啡店d野食真係出奇地好味。不過, 咖啡牛油PANCAKES $98 就普普通通.. 因為個PANCAKE真係普通咁囉...    …查看更多

5:00 仍然下午茶時段入坐, 兩位即刻就有位了,但無耐出面就已經好多人等緊 試業中, 我倆就盡管試試不同的食物 : 火鍋係首選, 因為唔知份量, 加左個慢煮雞腿吐司。然後覺得仲可以食多少少, 叫埋蛋餅試試。下午茶價錢真係好抵, 包一杯普通茶飲, 或加錢要台式奶茶類。另一樣就係, 服務真係好好!! 好多年輕人, 但唔係HEA既。 另外蛋餅等左15MINS + 火鍋, 因為唔食辣, 所以叫左呢個沙茶跟寬條麵材料好滿, 有好多卜卜蜆, 無沙, 沙茶亦岩岩好, 可以再濃少少。另外仲有一小碗沙茶俾你沾, 配飯更好食! 珍珠奶茶唔好飲, 茶底好淡。普通唔洗加錢的冷泡茶仲好飲。慢烤雞腿吐司, 原來係慢烤, 唔係慢煮。都可以, 因為食得出入面係軟身。不過個吐司烘得好香。下次會試其他口味。蛋餅, 係失望。等得耐。餅好簿, 仲要少少脆口。我個人期望係軟同埋厚身少少。 材料岩岩好, 但價錢比其他食物而言, 相對無咁抵。…查看更多

訂好台, 黎呢度食午餐間餐廳位置麻麻地, 搵路都搵左一陣, 因為有幾個入口, 又可以經酒店入.. 所以位置上, 我覺得唔方便, 亦都唔係清晰. 可能係我無方向感。主要今日點既菜色都有有人堆介既。不過如果英文普普通通既人黎, 只係睇memu 確實有少少困難..哈哈! TUNA TARTARE $195 Pickled Onion, Arbequina Olive Oil    吞拿他他 - 唔腥, 好味, 分量唔少TXIPIRONES $120 Baby Squid, Farmed Egg, Padrón Peppers    係memu度, 我搵左好耐, haha  味道普通, 魷魚仔加蛋,加少少辣的青椒, 無乜特別。可能蛋煮得唔錯, 好似有D cream cream地? 呢個價錢 唔抵GRILLED SPANISH SEABASS  $290Roasted Red Peppers Sauce, Green Bean 我個人唔太中意食魚, 無乜感想.  我估個重點係個汁度,  雖然係烤紅辣椒醬, 但都係唔辣既~  ok 既, 只係貴左DPaella of the Day (Small) $140 海鮮飯 係必食, LARGE 要$200.. 但真係好大碟!! 3個女仔都係食個細既試一試。熱辣辣, 味道濃, 濕濕地, 好易就俾佢食濟左.. 多D人share會好D... MAC & CHEESE  $120  Parmesan, Smoked Bacon  通心粉+芝士 !! 成餐飯, 我最推介呢個. 真係好正好好食.!!個芝士真係好香, 拉絲.. 細細份. 個量岩岩好。 APPLE CRUMBLE  $85 對我黎講唔算甜..  唔差見到Happy Hour 個時真係好多人... 服務好好, 所以成個lunch 我地都好chill :)  …查看更多

今次無俾openrice 呃左, 真係好好食。大熱天時, 等左超過30分鐘, 但都有好多人照等..   環境細細, 窄窄地~ 見到黃金餃子真係好吸引!! 因為第一次黎, 所以叫番D大路野 亦係我最愛的 九菜黃金咸蛋黃係加錢就有, 咩煎餃都可以加.. 滿滿的咸蛋黃, 絕對性價比高... 好似吾洗錢咁樣... 煎得好香, 係油油地, 但皮算簿. 肉又多. 真係好好食!!  另外加多左個蓮蓬 心? 頭? 唔記得左叫咩... 打算叫黎開一開胃, 但原來係辣既.. 係爽既, 好似食蔥咁 / 無乜味 , 都幾得意. 但就係辣D, 我本人唔食得辣..  最後, 餃子好好食! …查看更多

唔想等位, 又想食湯麵既我, 見到芽莊唔洗等位, 就連memu 都無睇就入左去坐.. 論環境, 座位, 各樣表面野都好舒服, 地方又大, 有空間感. 一睇memu就出事, 都明白.. 佢價錢係比較貴, 所以打算簡單食D 性格比高既,  就簡左生牛河同埋牛肉串撈檬。 生牛河好食，個湯味濃，雖然唔肯定有無味精 但一如既往的味道，無變牛肉撈檬，出事啦！ 成個麵得兩串牛肉有味道，$80係俾個牛肉串，$1X 係俾個白雪雪乜都無既檬粉 😂😂😂 真係灰到…查看更多

呢篇文章係我第二次食 - 有D失望我估短期內都未會有第三次.. 而第一次食真好好食既。第一次我等左90mins.. 第二次黎, 係因為唔洗等位.. :)上次食過雙味, 菲力牛好好食, 今次叫個剩菲力牛 $208 . 但因為知道自己鐘意食咩鹽,咩醬. 所以9款調味, 個玩味感同新鮮感就低左. 反而留意到牛係3成熟, 如果想熟D, 可以同店員講, 佢會俾個pan你自己煎...1分鐘 .. 我覺得應該要試下熟D係咩味.... 炸豬扒, 價錢都吾平 $148 但質素真係好差.. 1. 炸豬扒一夾起, 肉同炸皮係分開左.. 你睇我個牛都唔會咁樣. 2. 豬扒好薄, 好似茶餐廳咁樣.. 3. 肉質好似瘦肉咁, 鞋鞋地. 無脂肪, 我係咪叫錯左.. 4. 個芝麻醬好咸. 跟芥末反而仲好食, 但佢呢個set無.. 反而係拎菲力牛個set醬..5. 可以講埋個飯, 中間條痕係咩事.. 一黎到就係咁樣, 你真係睇到佢點'筆' 呢個飯. 我好似食緊茶餐廳質素..(每個人口味唔同, 我真係對呢個 炸豬扒 好失望) 原來無影到個豬扒入面...  …查看更多

荃灣真係keep住都好多野食, 呢間野我食左兩次: 第一次岩岩開張 - 好好食第二次係7月頭 - 有D失望  我估短期內都未會有第三次..第一次黎食既時候, 都預左要等又唔係好肚餓, 點知一等就等左個半鐘....我地應該係最後個班人入坐. 然後叫左2個餐同埋杯梅酒.. 勝牛雙味$198 , 第一次食緊係試呢個, 一次過可以食哂兩款牛. 左右左右咁食, 有對比先有傷害! 菲力牛真係好好食, 肉質比較軟. 另外佢跟埋9種調味料. 有好多味鹽, 我最鐘意係黑色有黑松露味, 玩味感十足. 芥末都好好食, 但好似搶左個牛味.. 牛排鍋$158 想食D濕濕地, 烏冬好好食, 牛肉就都ok, 食到最後都仲有熱的, 但牛就林哂.. 呢杯梅酒好好飲, 有易入口, 反正野飲都係要加錢, 呢杯真係抵~ 好過飲糖水+梳打水. …查看更多

兩條友去搵路搵到黎呢度, 見到間店仲係紅紙, 無乜人就入去坐坐。入面鋪頭細細, 坐到四個人, 門口仲有2個位。期望唔係好高, 因為試業中同埋價錢都幾平。咁就問一問, 店主堆介我地食明太子意粉同豬肉飯卷。明太子意粉 $82 豬肉飯卷$48Tiramisu $48杯latte跟餐 唔記得幾錢... 明太子意粉 : 都幾大份。可能我有講自己唔鍾意太濃味, 所以明太子味對我黎講岩岩好, 好好味。 豬肉飯卷 : 好足料 !! 無諗過咁大份。有芝麻, 有麻油味, 真係唔錯, 好抵食呢個~Ice latte : 波波冰, 好得意~ Tiramisu : 我鍾意呢個酒味重重地~  比出面既濃少少最後, 值得一題既係, 服務好好。兩位年輕人店員好Nice, 好好傾, 同埋個廚房好乾淨, 食得好放心…查看更多

真係開心唔洗等位。好明顯係因為對面新開左燒肉店, 所以我地晚市都可以直接入坐。呢間餐廳係葵芳對我黎講都幾常食既一間日本餐廳。我鍾意食 - 迷你天丼&稻庭烏冬, 一個餐可以食到兩款。迷你天丼 : 想食既材料都有, 汁岩岩好, 雖然係迷你, 但都有炸溫泉蛋同埋炸菇, 好好食稻庭烏冬 : 因為我可以任意落自己鍾意食的配料!! 包括海帶,鰹魚碎,香蔥,天婦羅碎碎..  其中, 今次食既天婦羅碎碎林左, 好彩服務員都好好人, 幫我全盒換哂. 即刻變番脆! 如果預到呢個情況真係要出聲~  個烏冬係幼身既, 好滑! 雖然無加野飲, 一個細飯同烏冬加埋$138 , 都唔算貴, 但起碼自己係屋企煮唔到。相對地, 天丼定食就大碗D, 材料比雙併多少少, 但就無咁抵食。唔好睇佢個碗咁大, 其實飯唔到底, 70%左右啦~ …查看更多

第一次黎 開張無耐, 覺得好好食。大半年之後, 第二次黎 叫左唔同既野食 , 唔好食亦唔抵食。唔怪得唔洗等位, 人都唔多。餐廳外表靚, 裝潢好討女仔喜歡, 充滿藍藍的色彩, 打卡一流。 外表100分, 食物30分, 不合格。鰻魚飯 $98 , 條鰻魚好似用微波爐叮出黎, $98 好難食和風牛肉飯, 個汁真係, 唔夠味! 杯野飲叫, 竹炭焦糖鮮奶咖啡+寒天,  伏~ 唔知自己飲咩。…查看更多