nikijoey2003的个人专页

一直想試呢間雞煲加任食潮汕牛肉火鍋放題，今次兩個人來食，店舖喺商場入面，樓下就有泊車，因為係星期一至四日關係，所以每小時只需$18。平日七點前到餐廳唔算太多人，表明來意係食雞煲和潮汕牛肉放題後，店員即刻落咗個雞煲，同拎咗刺身上嚟，同行友人，唔食得辣雞煲，所以叫咗唔辣，結果雞煲嚟到都好惹味好香。刺身又有三文魚、希靈魚、北寄貝、甜蝦、螺片，正常貨色。跟住就打邊爐湯底可以揀鴛鴦鍋叫咗沙嗲同蕃茄湯底蕃茄湯底唔算好有蕃茄味，沙嗲湯底香濃，同潮汕牛肉好夾，牛肉顏色靚，食落新鮮，店員好快手一落單就5分鐘內就已經送晒想叫嘅食物沒有漏單，沙嗲湯底同稻庭烏冬絕配，放題仲有小食炸雞翼及炸魚片頭，新鮮炸起好吃。甜品有Movenpick雪糕.餐廳平日都有七八成滿,座位寬敞，都係附近嘅街客，下次試埋小菜。…查看更多

今次同家人一起吃米芝蓮泰菜午餐，之前已經來過這間餐廳吃晚餐，味道不俗。午市可以選擇的款式多，今次同屋企人點咗，打拋豬肉飯、牛柳炒闊河粉、小食選咗蝦多士，另加泰式炒通菜走辣。 午市選主食後可用優惠價加購飲品，先來熱蜂蜜檸檬水和龍眼冰，龍眼冰有10多粒龍眼肉，果味豐富好飲。然後上主菜打拋豬肉飯燶邊煎蛋，豬肉碎炒得惹味香辣配以燶邊煎蛋嘅蛋漿撈飯吃十分惹味。 接著是家人的牛柳炒闊河粉，牛柳嘅牛味香濃，闊河粉煙靭透明有一點似薯粉的質地，牛柳配以香口嘅闊河粉味道好吃，略嫌河粉份量可以多一些。跟住是小食蝦多士和燒豬頸肉，兩款小食比較推薦的是燒豬頸肉燒得外脆又保留到內裏嘅肉味和肉汁。最後是泰式炒通菜，通菜炒得翠綠惹味，很快我們二人便清晒所有餸菜。餐廳裝修環境精緻，充滿泰式風情，提供舒服嘅用餐環境。…查看更多

係附近上完堂，快靚正入來食水門雞飯，之前已經食過好食，今次再encore，叫咗水門雞拼炸雞飯，再加推薦小食和牛串燒及泰式炒通菜，飲品叫咗蘋果雪梨水。先嚟水門雞拼炸雞飯，雞皮滑肉嫩再配以特色。泰式雞醬很好吃，炸雞炸得較乾身不推薦，再配以小食加$20有和牛串燒，和牛肉粒燒得香口惹味，跟住係泰式炒通菜叫咗少油少辣，通菜炒得翠綠嫩口，夾埋油飯吃很滿足。跟餐飲品加$8有蘋果雪梨水吾太甜夏天消暑飲一流。 見到宣傳單張有水門雞配椰菜花飯，健康之選，下次都會試吓😋…查看更多

喺牛頭角附近做完嘢，同友人想食米線，決定試下這間標榜冒菜的冒喜。 店內裝修行懷舊風，一入店內看見大大隻字寫住靈魂是湯底，令人期待。舖頭是以QR落單，湯底有辣和唔辣，我自己和友人均選了8喜套餐，顧名思義是可以選八個餸。我自己選了重慶麻辣湯底小辣，麵底係米線，配以牛丸、墨丸、蟹籽丸、豆卜、魚腐、娃娃菜、火腿腸和貴州脆哨，好吃的是牛丸有牛味及實淨，其他配料正常，值得一提是貴州脆哨，其實是炸豬皮配以麻辣湯底吃脆口惹味，麻辣湯底食得耐開始辣，叫了洛神花山楂蘋果特飲，解辣一流。友人嘅湯底是生椰蕃茄湯底是椰汁再加蕃茄味的湯底，天氣炎熱來說，生津開胃，麵底是刀削麵，湯底味道濃郁，配料有牛丸、墨丸、午餐肉、火腿腸、枝竹、魚腐、豆卜、芝士腸等。友人表示魚腐和豆卜吸了湯底嘅蕃茄味，不經不覺吃了成碗麵。另外，叫了惹味杏鮑菇小食，份量都幾多，微辣果然是惹味之選。總括而言，這個價錢是上班族快靚正醫肚之選。…查看更多

這晚在大角咀收工，一行三人去了埃華街這間上海菜館，餐廳裝修精緻舒適，坐得舒服。餐牌食物選擇多，選了必食嘅銀芽炒鱔糊、奶油津白、小籠包、回鍋肉炒年糕、黑醋骨和花雕醉雞。先來銀芽炒鱔糊，菜式賣相精緻，鱔糊起骨起得乾淨，啖啖肉，配埋芽菜嘅清爽，炒得有鑊氣好好食。之後是小籠包，小籠包皮薄餡靚，皮帶點煙靭的質感，咬下去肉汁多，食得出食材嘅新鮮。跟住是黑醋骨，黑醋骨外皮炸得夠薄夠香脆，食落好惹味。奶油津白，第一次食到好食嘅奶油津白，估唔到好creamy同大白菜好夾最後之後係醉雞，醉雞花雕味濃郁，醃得入味，雞皮色澤水靚和爽，令人食指大動。最後是回鍋肉炒年糕，回鍋肉肥瘦適中炒年糕炒得煙靭，不經不覺食晒成碟。喺食緊嘅途中老闆送來足料菜乾豬骨湯免費送俾食客飲用，即刻加分。店舖裝修精緻，食物好吃，店員服務好，周不時加茶，已約好和同事下次再來吃午餐…查看更多

這間位於旺角女人街的韓國餐廳已經是第二次光顧，裝修係年輕嘅韓國風，牆上面有顏色鮮艷嘅壁畫。上次同朋友午餐來吃便當lunch set，幾抵食，今次同朋友晚餐再來吃，晚餐散叫，款式多，叫咗芝士海鮮煎餅、牛骨湯配白飯、芝士海鮮湯拉麵、韓式炸雞，價錢抵食每樣菜式都吾過$100。先來芝士海鮮煎餅，這個煎得香脆，有芝士拉絲沒有韭菜和蔥，啱晒自己我嘅口味。跟住係牛骨豆腐湯配白飯，豆腐嫩滑，但牛味不濃，沒有什麼特別。接着係芝士海鮮湯拉麵，海鮮豐富，有蝦、青口和魷魚，麵底係一般嘅韓國拉麵，湯底有濃厚的芝士和海鮮味好食好食😋，最後是韓式炸雞，炸雞是無骨的雞肉，選咗兩種味一款是牛油蜜糖味另一款是甜辣醬味，兩款都香脆好吃，總括然而滿足嘅一餐，可以encore的一間餐廳❤️…查看更多

之前都食過佢地lunch 咖喱吉列豬扒飯，性價比高，今晚係附近做完facial特登過嚟試吓佢哋的和牛漢堡扒飯餐，店舖係地鐵站附近的成業街成業工業大廈位置方便。由於平日晚上時間8:00左右，舖頭吾算多人，裝修環境舒適以木系為主。點左招牌和牛漢堡扒蘭王蛋丼飯，加$5要熱柚子蜜。和牛漢堡煎得香口，每一口都充滿和牛香氣，加上蘿蔔蓉、泡菜同蘭王蛋，每一口都係幸福。另加，甜品牛角包窩夫配雪糕，牛角包窩夫十分香脆軟糯，配以兩球日本紅豆雪糕，為整個晚餐畫上完美的句號，滿足的一餐…查看更多

之前同同事食過lunch set, 覺得選擇好多壽司同刺身新鮮，同埋裝修充滿日式居酒屋氣氛，所以夜晚來chill下。食物選擇多，一般壽司、刺身、日本和食都有很多款選擇，而且舖頭有很多優惠推廣可以選擇。時間尚早，店員安排可以望到兆萬中心嘅卡位座，環境舒適。 食物選擇了多款壽司，包括：店員推介的和牛壽司、三文魚腩、左口魚邊、帶子壽司、炸天婦羅蝦壽司等等，壽司一如以往好厚切新鮮好食，特別係A5 和牛壽司好香油脂味。串燒叫左燒牛脷，燒得香口惹味，另加牛肉壽喜燒貪佢可以食多啲蔬菜🥬！滿足的一餐總結而言，喺旺角唔想食放題，呢間日本餐廳都係一個好的選擇。…查看更多

心血來潮想吃甲羅燒，同朋友約左係黑門水產，一入去的裝修充滿日式風情，感覺似置身在日本。餐牌嘅選擇非常多，甲羅燒選咗海膽甲羅燒和原味甲羅燒 ，有師傅代燒岩晒我哋呢d懶人，兩款甲羅燒都有新鮮濃厚的蟹膏味，海膽甲羅燒多咗一份海膽鮮甜味好食。跟著係上吞拿魚腩小卷、三文魚沙律同三文魚加州卷壽司，一分錢一貨呢三樣的魚生都好新鮮，冇叫錯。特別係三文魚沙律的醬汁好特別，食落好清新。 另加左個龍蝦湯煮海鮮同埋磯燒魷魚，店員好貼心先拎左過來俾我地打卡影相，睇到海鮮的新鮮程度，再拎返入廚房燒同煮，吾會整到成身油煙味。值得讚的係龍蝦湯好鮮甜, 海鮮好足料有蝦、螺、蠔等，我地飲晒成個湯。 磯燒魷魚，食得出師傅好耐心去燒，生熟程度剛好，不會燒太燶，保留魷魚嘅鮮味彈牙口感。總括而言，有水準包足的一餐,會同朋友再來。 …查看更多

剛好係沙田新城市做完野，行過來好運中心搵食，天氣熱吾想食飯，見到樂園，由於係下午茶時間吾算多人，一入就有位座，下午茶跟餐優惠加$5有野飲，叫左杯凍檸樂，之前食過雲吞同牛腩質素吾錯，今次就叫左水餃拼魚片頭河粉，雙拼加$8 ，來到有3粒水餃同3粒片頭， 水餃皮薄餡多，入面多木耳口感吾錯好食，魚片頭正常發揮都幾大粒，河粉係幼身河粉，食落口感幼滑，質素吾錯，而且份量好多，加埋佢哋的辣油，簡簡單單又好味的下午茶。…查看更多

朋友係觀塘放工，係附近食晚餐，選左裕民坊plato 西餐廳。6:30左右入座 吾洗等位入座餐廳環境舒服，走年輕打卡設計風格。用Qr code 落單 見隔離枱選咗脆皮豬手賣相吾錯，我地主菜都選左豬手和三文魚牛油果薄餅。德國豬手係dinner set 跟飲品同餐湯，是日餐湯係紅菜頭湯。先來餐單，餐單係紅菜頭打成溶，啖啖都飲到蔬菜清新的感覺。跟著係飲品凍水果茶和熱飲香茅薑茶，凍水果茶有罐頭雜果係杯底，味道正常。朋友點左熱飲香茅薑茶茶用茶壺上好精緻，試左少少好茶味濃郁，飲完好舒服醒神。小食係天婦羅魷魚鬚，魷魚鬚的天婦羅漿加入了紫菜粉，食嘅時候除咗香脆仲有紫菜粉提鮮，非常惹味。跟著係主菜德國豬手配酸菜，酸菜有d似台灣牛肉麵上面的酸菜好食，豬手份量大，每一部分都燒得皮脆，而且每一口的肉都好肉嫩，係我食過最好食的豬手。跟著係三文魚牛油果薄餅，牛油果均勻舖係薄餅上，再舖以煙三文魚，口感豐富，不經不覺同朋友好快食完一個。最後點埋甜品竹炭麻糬千層酥配雪糕，甜品賣相精美，千層酥好香牛油味鬆脆可口，入邊仲有麻糬煙煙韌靭，上面有塊肉桂味的lotus 的餅乾和雲呢拿雪糕，呢間西餐廳主菜同甜品都出色，臨走時見到有人買豬手外賣，果然係廚師推介，一定會再來食德國豬手。…查看更多

一早已經book mark咗呢間好可愛嘅貓貓主題烤肉店，今日同朋友終於來一試。餐廳位於一樓，搭𨋢上，一開𨋢就見到職員好有禮貌講歡迎光臨，加分！餐廳周圍的環境有好多貓貓的插畫和裝飾，好得意。職員安排入座卡位，座位闊落。我們選了二人餐，另加左細份的A5和牛肩胛簿片連蛋。上菜的速度很快，先來A5和牛一份大約有6片左右，都係$120 和牛脂肪分佈均勻，肉的色澤靚，都算大塊，一食入口充滿牛油香。二人餐的肉類款式多，有肥牛、牛舌、五花腩、雞肉等等，仲有彈牙新鮮的海蝦，每款肉的質素都好好，配上燒肉汁，簡直係味覺的享受。二人餐有可愛的貓爪布甸，好cute cute 甜品另加左紅糖糍粑，外脆內軟黑糖味好香甜,好滿足的一餐，下次會再encore 。值得讚的是職員觀察力強不斷幫我們換燒烤板，抵讚❤️…查看更多

本身同朋友都係住沙田，約咗一齊試吓知魚知樂的烤魚同串燒，餐廳有兩層座位，今次安排坐上層卡位，坐的位置都好寬闊。 餐廳用手機落單，烤魚的湯底有多款，選左蒜香酸菜湯底的烤魚，魚就選咗清江魚。串燒就揀咗燒豆腐皮、台灣腸、牛肉。另外嗌咗黑糖糍粑，飲品就叫咗手打檸檬茶，烤魚份量十足，成條魚都好好肉，仲有大量的蔬菜。總括而言味道不俗，坐上層卡位，每一張枱都有一個呼叫鈴，服務有禮迅速。下次會試埋其他湯底嘅烤魚同埋雞煲，滿足嘅一餐。…查看更多

龍城冰室一向都是自己在旺角的飯堂，無論食物質素還是員工嘅工作效率都非常高，上菜速度快，今晚自己一個食飯，由於晚飯時間尚早，吾洗等位就入到座。天氣悶熱，選左海鮮湯龍躉泡飯 ，同埋菠蘿包，飲品就選咗凍檸茶。 先來菠蘿包，菠蘿包一貫水準，包微暖，酥油皮脆口，是好好的餐前小食。跟著到海鮮湯龍躉泡飯，一來見到泡飯上面有3大嚿龍躉肉、好多勝瓜同雜菌，好足料。海鮮湯係龍蝦湯的味道，好飲又暖胃，龍躉肉泡過油，魚肉肉質彈牙香口，泡飯易入口連埋其他配料，不知不覺已經食晒成碗，份量充夠，簡單滿足的一餐。😋😋…查看更多

收工同朋友係附近食飯，search 過呢間泰國餐廳好多好評，一於來試吓。一入門口裝修好別緻，有泰國嘅篤篤車，泰拳及運動服飾充滿泰國風情。打開menu 選擇好多，最後選擇佢哋的二人餐抵食。主菜揀咗焗黃咖喱麵包軟殼蟹，另外選咗炒通菜和月亮蝦餅，另外再加個蟹肉炒飯。套餐有飲品半價，選咗鹹檸七、芝士芒果沙冰。先來蟹肉炒飯，炒飯炒得乾身，軟硬適中，蟹肉都算多好食。跟住係馬拉盞肉碎炒通菜，通菜炒得翠綠份量都好多，值得叫。跟著係月亮蝦餅，蝦餅煎炸得脆口，內有馬蹄有消膩嘅感覺。然後係主菜焗黃咖喱麵包軟殼蟹，黃咖喱惹味襯麵包和軟殼蟹超好食，總括而言，呢個二人餐好抵食一定會再幫襯。值得一讚的是餐廳侍應服務很有禮貌，會而且會主動推介菜式。👍🏻😊…查看更多