soft_rice_king的个人专页

今日喺沙田放工去到好運中心見到有間食越南菜嘅餐廳叫順越南牛肉粉之前食過印象唔錯而且仲繼續有下午茶供應就一於再encore 啦✨街頭生牛肉湯河🍜🐮上菜時見到仲係紅色嘅生牛肉🥩熱湯好快就灼熟啲生牛肉🔥生牛肉有四大塊🥩塊塊都係手掌咁大湯粉面頭有好多䓤🧅🥬好有青草味，望落仲好靚河粉煮得剛剛好🍜份量亦好多，食極都仲有🤟🏻湯底鮮甜，食完碗麵都唔會口渴😋河粉有跟一小碟辣椒🌶️撈落湯加蔥食真係好夾問侍應攞多碟辣椒都會有求必應✨通菜🥬要蒜蓉魚露炒🧄🔥都等咗少少時間先上菜上菜時仲熱辣辣🔥證明係即整👍🏻上菜就聞到好香蒜蓉味🧄🧄食落爽脆唔霉仲好淡淡鹹香魚露點啜通菜好掛汁💦食落每條都有蒜蓉粒而且通菜好大碟👍🏻✨薄荷青檸梳打🍋‍🟩🌱🧊薄荷味好出有薄荷葉墊底🌱🌱每啖都有淡淡嘅青檸味👍🏻飲品堅係梳打好夠氣，唔會一上菜就走哂啲氣💨餐廳位置闊落枱枱櫈櫈亦好乾淨侍應態度誠懇有禮👍🏻👍🏻落單同上菜時都會覆述菜名餐廳仲好好有紙巾提供通風亦充足💨💨食碗熱辣辣湯河都冇流汗💦性價比甚高🤟🏻會繼續幫襯…查看更多

✨特選安格斯肉眼牛扒 （250g)🐮🥩加溫泉蛋，黑松露雜菌湯🍵飲品要熱情果茶牛扒大塊👍🏻有好濃郁牛味同埋牛油香🧈🥩牛扒有大量洋蔥墊底🧅塊鐵板夠熱🔥將洋蔥煎到好香之餘😋又可以輕輕暖住塊牛扒食嘅時候都有五成熟✨溫泉蛋🥚溫泉蛋正常發揮蛋黃汁好食✨黑松露雜菌湯🍵碗湯黑到第一眼望落去以為係咖啡😂仲有層油喺面🧈飲落就精彩黑松露味，雜菌粒，全部欠奉👎🏻輕輕飲咗一啖好老實真係難以筆墨形容係咩味道🤢總括而言就係難飲👎🏻👎🏻同店員反映佢哋肯換過另一款菜式✨沙律🥗係退咗碗湯後嘅替代品沙律上嘅雞粒係冇味的沙律菜仲好食過啲雞粒😂✨亂切牛扒 300g🐮🥩牛扒份量多👍🏻仲有好多洋蔥墊底🧅牛扒面上仲有好多蒜片🧄牛扒大約係三成熟👍🏻食落又係精彩餐牌標榜係唔同部位嘅牛扒🥩雖然呢個價錢預咗都係食left over但食落啲牛扒咩味都冇👎🏻覺得自己只係咬緊一堆又淋又重雪味嘅彊屍肉👎🏻👎🏻啲洋蔥同埋蒜片就係真材實料👍🏻好甜嘅洋蔥同埋蒜片咸香😋配菜仲好食過啲牛肉餐廳內部闊落但地下十分油膩👎🏻店員態度平平冇笑容，木口木面👎🏻收加一服務費唯一服務就係落單同埋托餐真係唔明餐飲業連呢個基本服務都要錢$400 一餐飯要俾多$44 去叫班冇服務嘅人去幫自己落單托餐👎🏻呢餐飯個人認為毫無性價比可言👎🏻👎🏻👎🏻👎🏻…查看更多

✨壽司牛肉烏冬定食✨漬物係蓮藕片咬落脆口👍🏻事先有醃過，食落鹹鹹的✨沙律🥗沙律有生菜，粟米粒，車厘茄🌽🥬沙律有黑醋dress 過食落好清新✨是日炸物係炸薯餅🥔🔥有兩件，上菜時仲熱的🔥食落好脆口👍🏻✨牛肉烏冬🍜🐮烏冬份量剛剛好碗上有少量蔥同埋肥牛👍🏻肥牛有三片，唔算真係好肥湯底飲落唔咸烏冬食落少許彈牙🤟🏻✨壽司有十件，一字排開咁樣上菜每件都好新鮮👍🏻白飯都算大舊，食完都飽哂餐廳內部闊落通風亦好充足上菜速度都好快侍應上菜時都會放喺食客面前👍🏻唯一敗北係冇紙巾提供同埋網絡收得比較差要用佢店內wifi 先掃到QR code 落到單侍應態度一般收錢時一句多謝都冇🥲個場冇咩食客，侍應都唔會主動出來帶我入座👎🏻要由廚師提醒先慢慢行出來帶入座食物質素唔錯而唯一嘅服務就只剩得上菜👎🏻冇諗過$120 食個午餐都只係咁嘅服務態度👎🏻👎🏻…查看更多

放工喺坑口搵野食見到有間食新加坡菜嘅餐廳叫咖吔之前試過一次，又有下午茶餐就入去試吓啦✨海南雞飯🐔上菜時見到有兩層雞肉，份量好多✌🏻而且仲真係去埋骨，啖啖肉雞皮同雞肉都好嫩滑🍗而且仲有好濃郁雞味油飯食落明顯調過味🍚🍚雖然係油飯，但食落唔油膩而且碗飯都好大碗個湯係冬瓜湯🍵🥒飲落清甜唔鹹，可以沖淡油飯嘅鹹香個飯有三款醬汁有海南雞甜豉油，沙薑，甜酸辣醬🌶️🧄🧂每個汁同海南雞都好夾✨檳城蝦麵🐮🥩🦐碗麵好大碗🍜材料都放哂喺碗面一目了然，好均真👍🏻有蝦，豆卜，腩肉，大量嘅葱，炸蒜，芽菜🤟🏻蝦有四隻，開咗邊而且蝦食落唔霉🦐，同埋都幾大隻碗內仲有四件豆卜豆卜好掛湯，索哂啲湯汁💦麵底真係跟住正宗嘅煮法👍🏻有兩個麵底🍜🍜分別係米粉同埋油渣麵✌🏻湯底好鮮好重海鮮蝦味同埋微辣飲落唔鹹唔口渴👍🏻✨牛油果五色紫米卷🥑一共有六件每件都有米紙卷包住好多蔬菜有青瓜🥒紅蘿蔔🥕白蘿蔔洋蔥🧅同埋牛油果🥑每件都好大舊點埋佢個芒果醬汁🥭甜甜酸酸咁，咬落清新又爽脆✨新加坡鹹蛋黃單骨雞翼雞翼有六條而且仲係新鮮炸起，熱辣辣雞翼上有滿滿鹹蛋黃醬炸粉又唔厚雞肉多汁嫩滑個種鹹香加雞肉好惹味✨南洋白咖啡要求凍同埋走甜咖啡好大杯仲聞到陣陣咖啡香飲完都飽哂✨藍莓巨峰梳打特飲特飲裝飾得好靚而且仲好大杯飲落有滿滿嘅巨峰提子味🍇飲到底仲有原粒藍莓同巨峰提子汁飲落好夾餐廳內部好闊落枱枱櫈櫈都好乾淨侍應好attentive👍🏻對食客親切有禮上菜時會講菜式名稱同埋會放到食客面前同埋會好有心咁放喺食客面前👍🏻👍🏻服務一流…查看更多

今日喺銅鑼灣放工見到有間食越南菜嘅餐廳叫芽龍仲有我最愛嘅生牛肉湯河而且仲繼續有下午茶供應就入去食啦✨綜合越式牛肉湯粉🍜🐮有生牛肉，牛肉丸同埋牛展上菜時見到仲係紅色嘅生牛肉🥩生牛肉有三大塊🥩塊塊都有成隻手掌咁大食落係牛板腱肉牛丸係有好重牛味嘅牛筋丸🥩牛展都有三大塊🤟🏻每塊都有手掌心咁大而且炆到好淋咬落有滿滿牛油香湯粉面頭有好多䓤🧅🥬仲有一大棵香草喺湯面靚到好似藝術品咁好睇之餘又好有滿滿青草味啱哂我呢啲愛食葱之人䓤下有舊白蘿蔔墊底🥕白蘿蔔索哂湯嘅鮮味，又掛湯河粉煮得剛剛好🍜湯底鮮甜，食完碗麵都唔會口渴😋✨越式酸辣鳳爪🦴🐔🌶️鳳爪有六隻🤟🏻有沙律菜伴碟，酸酸辣辣咁好開胃紅蘿蔔絲，紅洋蔥絲同埋芹菜絲🥕🧅🌶️食落好好掛汁💦鳳爪食落爽脆唔霉✨南洋白咖啡☕️🧊要凍的同埋走甜凍飲大杯，咖啡味香濃飲完都一肚水餐廳內部唔算大但都坐得舒服枱枱櫈櫈亦好乾淨侍應態度真係幾好，誠懇有禮👍🏻👍🏻呢餐飯性價比甚高🤟🏻會繼續幫襯…查看更多

今日喺太子做野路過一間食牛腩嘅餐廳叫田記魚蛋牛腩專門店之前食過都唔錯👍🏻今次入去試下其他食物先✨牛腩撈麵🐮🥩🍜要求瘦腩真係有瘦碗麵好大碗🍵仲跟一碗清湯湯上有好多葱好清新🥒🥬碗湯唔鹹，用來撈麵食完都唔口渴牛腩份量多，擺放分兩層🤟🏻加埋共有十幾舊🤟🏻🤟🏻而且舊舊牛腩都好瘦冇咩肥膏👍🏻👍🏻食落啖啖肉，仲好有牛肉同埋牛油香😋撈麵加埋辣椒油一齊食仲有惹味🌶️🔥✨芥蘭🥬要求全走芥蘭大碟，起碼有七大條🥬有齊粗幼之分可以食到芥蘭唔同部分嘅口感同埋味道👍🏻✨凍齋啡☕️🧊要走甜真係有走到咖啡大杯，仲聞到陣陣咖啡飄香☕️飲完都一肚水餐廳位置好易搵未過馬路已經見到佢個招牌🤟🏻餐廳內通風冷氣充足💨💨食碗熱辣辣嘅麵都冇流汗餐廳仲好好咁label 好枱面上嘅醬料🧂同埋有提供紙巾俾食客 （個紙巾盒痴咗上牆）👍🏻侍應態度又好親切有禮呢個價錢食到早質牛腩性價比甚高🤟🏻…查看更多

去杏花邨買完運動用品又到晚餐時間搵野食見到一間裝修好精緻嘅西餐廳餐廳名幾特別叫走過十萬八千里找到你👍🏻睇過menu 又啱食就入去試吓啦✨忌廉南瓜湯🎃🍵湯嘅隔離有塊蒜蓉包🥣香脆可口，仲有濃濃蒜味同埋牛油香🧈點一下個湯食，兩者好夾🤟🏻飲落會食到南瓜嘅粿粒同埋椰奶香🥥證明係真南瓜整成👍🏻誠意滿分💯✨軟殼蟹蟹膏醬意粉🦀🍝上菜時意粉好大碟而意粉上真係有原隻軟殼蟹🦀🦀跟menu 嘅描述一樣，好均真👍🏻👍🏻蟹膏醬完全跟意粉混合每啖都會感受到蟹膏加海鮮味喺個口度開緊party 🎊🎉意粉煮得剛剛好軟殼蟹炸得好脆口🔥食落仲到濃濃嘅蟹膏同埋海鮮味🤟🏻鐘意食海鮮個種味道嘅人真係要試下👍🏻✨凍咖啡咖啡好香，又唔多冰☕️🧊飲完都一肚水又可以沖淡一下殘留口裡嘅海鮮味餐廳內部唔算大但都坐得舒服👍🏻餐廳枱面上會長點住一枝蠟燭🕯️儀式感滿分，又有feel🥳枱面亦有消毒濕紙巾俾食客使用🧻亦有各式各樣調味料餐廳仲會keep 住播我個年代嘅廣東話歌用餐時會因為咁樣產生共鳴有機會都想試埋佢個午餐同埋下午茶😋…查看更多

入去海洋公園玩有全年票，光顧園內餐廳最少有85 折優惠🤟🏻午巿套餐 🍽️食午巿套餐會包前菜，餐湯同埋餐飲泰式青木瓜沙律🥕🥒🍅🥗青木瓜絲撈咗酸辣汁🥒食落開胃好清新木瓜絲入面仲有花生碎粒伴碟🥜又軟又硬咁嘅口感好得意椰香南瓜湯🥥🍵南瓜湯加椰奶拉花南瓜湯好甜，飲落仲食到南瓜顆粒🤟🏻個湯口感好滑又creamy炭燒三文魚扒🐟🔥三文魚扒烤得好香一上碟就聞到炭火燒過嘅味道🔥三文魚肉仲好juicy💦唔會太高溫燒到乾哂三文魚塊皮仲脆口🤟🏻好似食薯片咁脆最正係伴碟綠色個酸辣汁👍🏻食三文魚扒點埋個汁直頭將個魚味吊得好出👍🏻👍🏻炭燒美國西冷扒🐮🥩🔥要三成熟切開中間真係仲係紅色👍🏻炭火燒得好香🔥成塊扒個重點落咗喺扒邊嘅肥膏肥膏有用炭火燒過🔥🔥食落入口即溶🤟🏻啖啖牛油香喺個口度連埋塊炭火烤過嘅牛扒一齊食簡直係舌尖上嘅滿足😋😋😋呢個價錢食到塊咁靚嘅扒真係超值兒童餐😇有蝦餅，春卷，蔬菜，雞皇飯🍛🥗全部都幾好食個餐仲包埋一杯哈記雪糕🍧同埋扭扭蛋加夾公仔嘅遊戲🤟🏻小朋友就又有得食又有得玩開心死啦🥳凍奶茶🧊🧋自己落奶同埋糖餐廳內部十分闊落而且枱枱櫈櫈都好乾淨👍🏻餐具都好精緻侍應態度又好好禮貌👍🏻👍🏻畢竟餐廳都有做商務午餐餐廳對大人或小朋友嘅照顧都好好🥳以呢個價錢，喺主題樂園食飯可以餵飽三個人之餘🤟🏻🤟🏻仲有咁高質嘅食物同埋服務性價比甚高🤟🏻會繼續幫襯…查看更多

今日放工返到屋企樓下見到有間食新加坡菜嘅餐廳叫蒲羅之前食過都唔錯，而且仲有下午茶供應見餐廳入面有位，就入去試吓啦✨香葉烤雞扒喇沙摻摻🍜🐔🥩麵好大碗🤟🏻雞扒係另上，仲大塊過隻手掌而且煎到好香口🔥雞皮煎到薄薄，雞肉厚身，食落多汁嫩滑💦碗麵嘅配料喺哂碗面，好足料🥒🥬蛋係流心蛋🍳🍳蛋黃真係流心，入口陣陣蛋黃味🤟🏻豆卜索哂啲湯汁麵條煮得啱啱好🍝夾落唔易斷，又好掛湯🍜🍲仲好正宗地有兩個麵底✌🏻米粉加沖油麵🤟🏻湯底夾雜住椰奶同埋喇沙醬嘅香味🥥飲落好creamy 仲帶點微辣，食落好惹味🌶️✨酸辣無骨鳳爪🥬鳳爪有八隻🤟🏻而且有好多沙律菜伴碟沙律菜有紅白蘿蔔絲，紅洋蔥絲，芹菜絲🥕🧅🌶️食落好掛汁💦，酸酸辣辣好開胃👍🏻鳳爪食落爽脆✨南洋白咖啡☕️要熱的🔥侍應好細心問有冇需要少甜咖啡好香，飲落仲有陣陣榛子香🌰餐廳內部乾淨企理枱枱櫈櫈都好乾淨餐廳通風充足💨💨侍應態度親切有禮👍🏻對食客都好attentive👍🏻👍🏻會繼續幫襯…查看更多

今日喺灣仔搵野食見到有間最近新開嘅餐廳餐廳名好簡單又特別叫上海上海😙以為會好貴，點知望下menu ，價錢好親民👍🏻而且仲有下午茶於是就入去試吓啦✨南京清湯牛肉麵🥩🐮🍜麵好大碗，隻碗好深🤟🏻碗面有四大塊牛𦟌🤟🏻個塊都有手掌咁大塊✋🏻仲炆到好淋咬落唔硬，仲有陣陣牛油香湯底係普通雞湯，飲落唔咸配菜係兩舊小棠菜🥬🥬吸哂湯汁，食落好清新湯麵煮得剛剛好👍🏻易夾得來又唔會霉而且啲麵條係好長嘅麵條🥢唔係碎上，呢個抵讚👍🏻✨生煎牛肉包🔥🐮🥯因為係即煎，要等少少時間有三大個，每個都熱辣辣🔥每個都有手掌心咁大✋🏻個包底同包皮仲煎到好脆餡料係牛肉球咁樣咬落多汁💦✨桂圓紅棗茶🍵杯茶一望就見到好足料桂圓杞子紅棗舖到成半個杯有🤟🏻飲落微甜邊飲邊咀嚼埋啲配料感覺好清新🥳餐廳內部闊落坐得好舒服，仲有紙巾提供而且通風充足💨💨食完碗熱辣辣嘅麵都冇流汗侍應上菜會講菜名同埋會放到食客面前侍應態度親切有禮👍🏻喺灣仔地段食到呢個份下午茶仲要咁親民價錢性價比甚高🤟🏻…查看更多

今日喺西灣河做完野放工見到一間好耐之前食過嘅一間台灣菜餐廳叫初遇而且轉咗menu就入去試吓啦✨紅燒半筋半肉麵🍜加$6 轉咗麻辣伴麵🌶️上菜時見到麵好大碗🍜麵上有牛筋同埋牛肉各兩舊✌🏻牛筋炆到好淋👍🏻一咬就㫁，而且仲有陣骨膠原醬住個口牛肉紋理清晰可見一樣好淋，入口唔使咬就斷開🤟🏻食落仲有陣陣牛肉味加油香麻辣麵底亦好出色🤟🏻🤟🏻麵條仲有預先用麻辣汁醃過🌶️🔥令到每條麵都會掛有麻辣汁，相當惹味💦而且食完又唔會油膩食到落碗底仲有好多半肥瘦滷肉同埋辣椒碎麻辣加油香撈埋真係好好食😋✨古早花雕雞卷🐔🍗有六大舊上菜時仲聞到陣陣花雕酒香🍶每件雞卷都有杞子作點綴雞皮好薄，雞肉好滑好嫩口👍🏻食落冇咩肥膏，啖啖肉啱哂鐘意食得健康嘅人✨黑糖薑母茶🥃🫚杯茶好足料落單時仲可以揀要少少甜飲落薑味濃👍🏻飲完成日真係有股熱力走混全身🔥餐廳內部闊落坐位枱面整潔企理👍🏻通風亦好充足💨💨侍應態度親切咁上菜時會講出菜名同埋會放喺食客面前👍🏻👍🏻…查看更多

✨牛腩飯🐮🥩要求瘦啲，真係有瘦👍🏻白飯牛腩分開裝🍚🥩白飯得一碗，男人食都只係剛剛好唔肚餓🥲牛腩就相對高質牛腩有兩層，份量多👍🏻大約有十二三舊每舊都真係瘦腩，啖啖肉🤟🏻真係冇咩肥膏牛腩有三舊白蘿蔔墊底🥕🥕白蘿蔔炆到好淋索哂啲汁好掛湯💦落埋餐廳提供嘅辣椒油🌶️🔥份外惹味✨紫菜湯🥣湯好大碗，湯上有蔥同芫茜🌿飲落唔鹹好清新✨咖啡☕️下午茶時間係2:30pm 到 6:00pm🤟🏻會送熱飲餐廳內部闊落通風又好足夠💨💨飲埋杯熱咖啡都冇流汗🤟🏻店員態度親切有禮灣仔區份食到呢份牛腩性價比高👍🏻…查看更多

今日喺奧運附近收工突然間想食牛腩路過一間叫津香味粉麵茶餐廳menu 簡單易明黃昏時間舖內唔太多人就入去試吓啦✨五香牛腩飯🐮🥩要求瘦腩，少飯🍚牛腩真係瘦腩👍🏻牛腩用碗另上有兩層，一共有十大舊🤟🏻牛腩下有四舊白蘿蔔墊底白蘿蔔食落冇苦澀味🥕又索哂啲湯汁，好入味牛腩食落啖啖肉，冇咩肥膏👍🏻白飯雖然叫咗少飯但都仲有一碗飯嘅份量🍚撈埋辣椒食好惹味🌶️✨凍奶茶 （+$3）🧊🧋要求走甜真係有走好大杯，飲完都一肚水餐廳內部唔算好闊落如果正值午餐晚餐時間可能就坐得有點辛苦但餐廳通風充足💨💨成餐飯都冇流過汗呢個價錢食到呢餐飯性價比甚高👍🏻…查看更多

✨鹽蔥牛小排燒肉丼size 要特，多汁💦碗面有一大堆蔥🌿仲有其他配菜，有蒜蓉，菜，泡菜泡菜食落都有點辣🌶️牛小排份量合理啦🐮🥩肉跟肥膏參半食落有濃濃碳燒味🔥但白飯份量就唔太多🍚我太太飯都食得哂✨炭火燒牛扒丼size 都係要特，多飯碗面都有配菜，有蒜蓉，菜，泡菜牛扒有兩層🐮🥩🥩燒得剛剛好，大約五成熟👍🏻而且仲有濃濃碳燒味🔥敗北嘅係牛扒好靭👎🏻靭到好似咬緊橡筋咁同埋好多筋，真正全肉嘅牛扒份量唔太多👎🏻而且白飯份量雖然已加飯但份量都係較少👎🏻我一個男人食完都好似冇食過野咁同時個口要咀嚼啲好靭嘅牛扒，食到個口好攰😂牛肉丼嘅牛肉質素平平碳燒味係重賣相都唔錯but it tastes better than it looks🥲餐廳內部雖然寛躺但坐位都密密麻麻坐得有點唔舒服👎🏻如果要用呢個價錢食燒牛肉丼可能會有其他更好嘅選擇…查看更多

突然間想食牛腩🐮🥩咁啱有間叫天后站清湯腩嘅餐廳見到仲有位，就入去試下啦✨清湯牛腩飯🐮🥩🍚要求瘦腩飯跟牛腩分開上🍵🍚牛腩有清湯同埋蘿蔔墊底🥕🐮湯上仲有少少蔥🥒🥬牛腩大多都瘦的成碗都有十二至十三舊🤟🏻白飯就店員忘記咗上提一提就上返但白飯細碗🥲一個男人食就一定唔夠飽清湯飲落唔咸蘿蔔亦炆到好淋好入味👍🏻店舖面積唔算大食完都要走店內冷氣通風都好充足💨💨食完個飯都冇流汗店員態度都好nice👍🏻但$60 食個唔夠飽嘅牛腩飯性價比平平…查看更多