dahlia88的个人专页

喺銅鑼灣返工都有幾年，之前有聽同事介紹過呢間私房菜，但就未幫襯過！今日朋友打黎約食飯，就打算去試下。三點幾先打電話去訂位，以為太遲準備唔切，點知對方就好有禮貌話會盡力安排  耀華街我都幾熟悉，所以唔太難搵，但上到3樓唔見有招牌又冇門牌，同普通住宅冇乜分别，都以為行錯  晚餐包括甜點在內有十樣菜，因私房菜唔單止冇招牌，亦冇餐牌，就等大廚發板啦！廚房都好快手，首先上左南瓜湯先，湯香滑味道唔錯！冷蕃茄，蕃茄好清甜，但我唔鐘意面上果D醬汁，感覺味道唔夾！韓松子沙律好食，菜新鮮爽脆，醬汁也好味！印象最深刻嘅係蝦多士，多士脆得黎唔硬，而蝦肉係剁碎成蝦膠，鋪在多士上煎，食落又脆又有口感，非常好食。芝士鵝肝卷，係用蘇皮卷住D芝士及鵝肝醬，鵝肝醬的香味唔太突出，但都香口好味。木魚鴨胸意粉，意粉軟硬適中，食落可口。蜜糖雞扒，係一味普通但又係大家經常食到的菜式，但就整的好好食，亦冇雪味！甜酸三文魚嫩滑入味，而紅酒黑醋豬扒，齋聽個菜名都覺得開胃，食落亦真係冇油膩感，豬扒入味，紅酒和黑醋製成的醬汁香味濃郁！最後的甜點有兩種選擇，綠茶布丁和焦糖燉蛋，味道唔會太甜，口感香滑，唔錯！主菜的菜式唔突出，但味道可口。環境舒適，價錢相宜，整體過得去，值得支持！…查看更多

上星期去左九龍灣Mega Box shopping,有朋友就介紹我去常悅道嘅“禮記”自助蒸氣鍋晚膳。價錢相當超值，成人$118/小童及長者$75,真係仲平過旺角餐廳地方相當寬敞，坐得非常舒服，佢地有自助蒸氣鍋同自助火鍋兩款给客人選擇，而我地就揀左最健康嘅自助蒸氣鍋。每枱都奉送海鮮併盤一客，包括:海中蝦……蝦肉晶瑩通透，相當新鮮，爽口彈牙。石貝……好大隻，無沙，相當肥美。蜆…………亦好鮮味，蒸熟後，蜆蓋打開，鲜味撲鼻，蜆肉非常鮮甜。另外，其他鍋料亦相當齊全，各類丸食，豬牛鱼相當齊全，確實抵食不過略嫌甜品太少，只有一款牛奶燉蛋，不過又幾好食，牛奶好滑，蛋味好濃，有水準餐廳價錢非常大眾化，但質量卻唔差，且好有水準，所以值得推介俾大家。…查看更多

閒時我就最鐘意約朋友去食下野飲杯酒吹下水！是日就約左幾個朋友，黎到尖沙咀南洋中心的“沃川”沃川係一間甚具日本風味的居酒屋，店面唔係好大，木製枱櫈，中間係吧枱，有幾間房，仲有榻榻米！酒類都有頗多選擇 坐低先黎份薯仔沙律，食落同出面果D薯仔沙律唔同，呢個加入左雞蛋，上面金黄色嘅係蛋黃碎，而蛋白就撈左落沙律醬度，食落味道香濃 芝麻汁日本蕃茄，好大個，一開六仲大大件，清甜的蕃茄配上惹味的芝麻汁，是開胃的冷盤小食 活造小龍蝦刺身，新鮮生猛到上枱仲識郁架 鹽燒雞翼、牛舌：牛舌切得好厚，估唔到厚身一樣可以咁腍咁嫩口，雞翼都好入味！ 店長精選時令壽司，賣相精緻，鱼生新鮮，海膽、魚子的份量好多，特別係鰻魚，好厚身啖啖肉，鰻魚香滑無比，令人回味無窮 鹽燒北海道鱈場蟹腳，燒過後仍然保留住蟹肉的鮮味，伴碟有生菜，蕃茄！ 鹽燒宫崎M5和牛排，色澤紅潤賣相吸引， 散發著令人食指大動的香味，伴隨濃郁牛香！ 每次食日本料理，我都必點天婦羅，今次有沖繩涼瓜，表皮酥而透明，甘甜又多汁，非常好食；舞茸，菇類本身就比較清淡，醮點餐廳自製醬汁，食落鮮味十足及Juicy。 粟米天婦羅，清甜香口，切成一片片，食起上黎相當方便。 刺身新鮮，壽司、燒物食得出係師傅用心之作，值得推介！…查看更多

啱啱出完trip返黎～ 真係好掛住香港的美食～特別係公司附近果間 以家庭式經營的上海西餐～“麥田廚房” 唔單止食物好味 店員仲個個都好nice 每次去都令人有賓至如歸的感覺～聽同事介紹下 先知道餐廳最近轉用咗新menu 食物款式大眾化 除保留特式俄菜外 亦加多咗大眾喜歡的食物～一入門口 躍入眼簾的是各式各樣 手工精緻的俄羅斯套娃～麥田廚房餐牌 我點左份“大蝦薯仔沙律” ，配羅宋湯，仲有杯餐飲～檸茶俄羅斯薯仔沙律，有薯仔、雞蛋、青瓜、青豆、甘筍等，自製沙律醬好香濃，非常好食～蝦好大隻，啖啖肉，蝦肉爽脆，味道鮮甜 最令我念念不忘的就係羅宋湯～師傅將牛肉、紅菜頭、椰菜、洋蔥等共冶一爐  慢火熬煮超過25小時飲落味道酸中帶甜、甜中飄香，既香濃又鮮滑 同事果份“煎紐西蘭肉眼扒配薯條”～賣相唔錯下次都會試下 …查看更多

今年香港天氣真奇怪，到左三月都仲係咁凍，呢個時候最好就係食D暖笠笠嘅野:)所以早幾日我就同左幾個friend去左尖沙咀柯士甸道嘅“金田長”，試左佢地著名嘅牛肉涮涮鍋Shabu ShabuShabu Shabu 當中包括有:美國肥牛，雪花脂分佈均勻，煮熟後軟腍適中，牛味十足;而日本花牛肉粒，大小適中，食落完全唔韌，好軟腍金田長整體相當有水準，價錢公道，值得推介俾大家…查看更多

韓風效應，韓國料理呢幾年得到更多港人食客的青菜。我雖不是韓劇迷，但對韓食並不抗拒。是日同幾個同事來到海壩街，辦完事見肚餓，經過呢間“韓正屋”，於是入內一試。我們就點左四人套餐，有人蔘雞湯，鐵板燒牛仔骨，石頭傳統雜錦牛肉飯，韓式煎海鮮葱餅，煎泡菜餃，配三款前菜、飲品4杯仲免加一，真係幾抵食，睇下味道如何先！配三色前菜，味道唔錯，另外加左碟泡菜，味道唔太酸，好味！人蔘雞湯，成隻雞，內裡有鲜人參，紅棗，糯米等，啖湯參味濃郁，飲落清甜回甘，糯米吸收晒雞的精華，食落好綿好香，雞仲好有雞味，而且好滑鐵板燒牛仔骨，呢個燒得非常好食，醬香濃郁又唔會搶左牛肉的香味，口感鮮嫩軟滑石頭傳統雜錦牛肉飯，份量都幾多，值得讚嘅係醬汁，有驚喜，加左之後飯菜變得可口好味韓式煎海鮮蔥餅，呢個亦係另一種驚喜，煎得微脆，裡面的海鮮雖然唔多，但口感非常煙韧及好香煎泡菜餃子，大路野冇乜特别！好欣賞呢間餐廳，雖然店面唔大，亦無其他韓燒店般有燒烤，但就勝在D食物好好食，服務員態度亦唔錯，下次會再黎！！…查看更多

天寒地凍，火鍋就成了人們的最爱，美味不上火的海鮮火鍋更是得到食客們的青睐，想要品嘗正宗好味道，尚鮮海鲜火煱料理自認为是不錯的選擇！前幾日就同班朋友去試過！ 我地選擇了招牌鍋--尚鮮龍皇海鮮鍋 ！香港租金高昂，很多餐廳都向樓上發展，尚鮮也不例外！餐廳在餐牌上采用了環保的概念，衹要在所選食物上用水筆圈起，既不浪費紙張也不繁複  ！選料上乘，品種豐富的海鮮鍋裡面有：龍蝦、蟹、帶子、大蜆、鮮蝦等！新鮮的食材在慢火熬煮下，將各種鮮味融為一體，“鮮”字的主題更加得到認證。蝦肉嫩滑爽口，緊密的蟹膏入口即化，大大隻的帶子和大蜆就無比鮮甜，最後係飲所有海鮮的精華～湯，超級鮮甜😅。吃火鍋少不了牛肉的。牛尚盛，以三層盛裝擺放，很精緻。给人視覺上的盛宴，即刻勾起食欲，牛肉都很鮮美！ 店員推介的自家製蟹皇蛟，果然好有水準，餡料鮮甜好食👍👍，再來份田园盛，有粟米、白蘿蔔、金针菇，生菜等，分量足，十分抵食 ，砌得精美的午餐肉也很好吃！該店是采用无煙環保的火鍋盧，唔使驚食完火鍋後頭髮、衣服一陣味。店員的服務貼心週到，值得推介！…查看更多

落入凡間的美食，不一定奢華、花巧。有時候，纯樸而實在的味道，才是我們一直追求嘅美麗。早幾日我就同左幾位藝術界嘅朋友去到澳門逸園中心嘅"鳥居"，甫入店內，店面雖不大，但日味甚濃，古舊式嘅木餐桌，更添藝術感！前菜有甘简，白蘿蔔椰菜等，每樣都好新鮮爽脆！露荀豬肉卷：薄薄的豬肉，卷著鮮露荀，豬肉香甜，露荀爽脆味噌燒半殼蠔：味噌燒龍蝦：舖滿秘製味噌的龍蝦，燒出來香氣撲鼻，食落口感“烚烚聲”，味噌的濃香也帶出龍蝦的鮮味燒鵝肝，內軟外脆，冇膻味，口感粉绵！明太子玉子燒，經過醃製的明太子偏鹹，但配上香滑的卷蛋，味道剛好中和左，食落jiucy，明太子在口中“卜卜聲”的感覺好正…查看更多

今日經過旺角港鐵站，見到Choux Creme有款法式蜜糖燉蛋，單係外型已相當吸引，所以就買左黎試下，法式厚麵包，好脆且仲有D蜜糖香味，中間加左好多cream，好滑，真係口感十足，超好味，大家不妨一試…查看更多

今晚忙於做野無食飯，所以稔住返屋企先食。經過爭鮮，見到仲有壽司同刺身買，馬上食指大動。見到有我最愛嘅龍蝦刺身，所以買左一盒，無稔過放左一段時間仲好新鮮，龍蝦肉晶瑩通透，龍蝦肉仲好爽好彈牙，啖啖口感，加埋D Wasabi食，簡直一流而且先$45非常超值，值得一試…查看更多

噚日表姐生日，佢就最鍾意食水果，所以我就係“聖安娜”買左個雜果蛋糕，上面真係有好多水果，包括有奇異果，好甜，唔會太硬，水蜜桃亦好甜，好腍，仲有我至愛嘅士多啤利，好爽甜，合時令，再加埋蛋糕好鬆軟，蛋香味濃，層層夾心，值得一試…查看更多

今日放假但又落雨，所以一個人留係屋企。TEA TIME 時候經過英王，見到有七彩朱古力Donut,平時食都係無加彩粒，所以買左黎試下。外皮舖滿用糖槳做嘅七彩果粒，甜甜地，卜卜脆，而麵包剛出爐，外脆內軟，好鬆軟，好，英王呢款保持水準，大家不妨可以一試…查看更多

噚日除夕，中午去麥當奴醫肚，我今次唔食包，我叫左份雞翼，但就真係幾细隻，而且炸得太乾身，炸得過左火，肉汁全無，雞肉有D變靱;另外，叫左個龍蝦湯卻有D驚喜，蝦肉都好鮮甜，而湯好濃，鮮味十足，唔似一般罐頭湯，有水準。其實麥當奴都有其他選擇喎…查看更多

已經連續玩了兩日，正所謂開心嘅時候過得特別快，聖誕節終於完結了。夜晚食完韓國菜，到宜家又有D肚餓，所以係海皇食左碗狀元及第粥，粥底好綿，又唔會太稀，米香味濃，豬潤剛熟唔會靱，好粉，仲有豬肚好爽，好有口感，手打肉丸真材實料，啖啖豬碎香，好有口感…查看更多

早幾日我細妹生日，我做阿哥嘅當然要同佢慶祝下，所以我就喺“聖安娜西餅”買左個生日蛋糕“焦糖Mousse輕鬆小熊”，因為我妹年紀不少，但仍童心未泯蛋糕好鬆軟，蛋香好重，嗒嗒口感，旁邊仲有士多啤利，好鮮甜兼新鮮;仲有蜜桃，但係罐頭貨，好甜。蛋糕整體味道尚算不錯，不過略嫌單調，適合哄小朋友多D…查看更多