小思妹的个人专页

第一次幫襯，知道佢哋係由以前大窩口嘅越南餐廳轉手做越南法包，本身期望都幾高，因為以前喺舊舖食過都唔錯，所以就直接嗌咗特色越南法包由於冇堂食，我都隔咗30分鐘先拎到返屋企，食落覺得同平時嘅越南法包好唔同，對我嚟講就唔係太喜歡平時越南法包食落好清爽，有肝醬嘅鹹香味，再加甜甜酸酸嘅酸蘿蔔，青瓜，芫荽等等呢款法包既肚醬偏重牛油味，而且扎肉太多，變得同腌菜唔夠平衡，對我嚟講我會鍾意食傳統法包多啲，鹹香&清爽度好緊要…查看更多

已經幫襯過無數次，由一開業嘅時候已經幫襯到而家最鍾意係食佢哋嘅牛肉漢堡，因為每一次塊肉都好有肉汁，以前一開始食嘅時候其實係個包都係熱辣辣，連埋勁Juicy嘅牛肉嘅話，真係食一個都唔夠喉不過最近唔知係唔係轉咗手，食嘅時候都覺得個包冇煎暖返，變到就係凍冰冰嘅麵包配一嚿熱辣辣嘅牛肉。同埋以前嗰陣，每一份嘅薯條都係即炸，一定係熱辣辣。依家有陣時都已經唔係咁，有少少失望。希望佢哋可以重回返一開業嘅質素啦。我真係幾鍾意去你哋度食burger 㗎…查看更多

第一次幫襯呢間舖頭，見下午茶幾抵食，一於就試吓2:00入到舖頭，其實舖頭都多空枱，但侍應表示要搭枱，咁我一個人，都唔想阻住人哋做生意，都冇乜所謂之後原來餐廳要掃code落單，不過呢個code有啲問題，load咗好耐都唔得，仲試過落單失敗，結果系統顯示我落咗兩次單，我即時同侍應講，叫佢幫我處理返點知，侍應同我講佢唔識講廣東話，OK Fine，我可以轉做普通話同你溝通，btw 我唔係歧視，但點解可以完全唔識廣東話…..好啦，我以為侍應幫我處理咗，另外侍應出餐嘅時候，食物照係Double出，另一個侍應仲質疑返我，大聲咁講:點解你一個人食兩個餐？我當然覺得感受好差，點解佢唔會諗會唔會去餐廳或者公司系統有啲問題先，反而直接怪責個客…如是者，我解釋返比佢聽，件事終於圓滿解決咗。不過之後有其他客人入座，侍應都係繼續唔好嘅態度對其他客人，雖然食物質素OK，但服務質素有啲參差。另外，講下食物方面，咖哋多士好似一早整定，所以送到餐黎時，完全唔脆同唔熱，好似食緊乾爭爭既多士咁。…查看更多

啱啱收工行過呢間舖頭，我難得好少喺荃灣見到串燒舖，就決定買幾串試吓啦由於我都食咗飯，咁就決定買三串試吓先路程由舖頭返到屋企，都大約只不過15分鐘左右，本身滿心期待打開嚟食吓啦，點知第一啖咬落去凍嘅我當場打咗個突，明明已經係咁熱嘅天氣下，15分鐘啲串燒已經變到凍晒，根本冇可能，原先見佢哋勁多好評，但係網上面話都可能係打手post大家可以睇吓我啲圖，我真係未試過串燒舖嘅串燒，燒完出嚟支竹籤仲係咁乾淨，即係完全冇燒過嗰種啊！老實講，我覺得佢個沙嗲醬係OK嘅，不過如果個主角咁難食，配角做得更好都冇用啦另外一提，其實個到唔算有堂食，外賣仲要加$1…查看更多

第一次發現食糖不甩會係咁油，望住佢新鮮整嘅時候本身係好乾爽，好正常嘅糖不甩。估唔到拎到返屋企打開食嘅時候（講緊係30分鐘嘅時間），啲油多到流晒落個袋度，一打開個蓋，啲油流出嚟，我諗應該係嗰個糯米粉團，落咗海量嘅油，搞到食咗兩粒都唔想再食！佢大盒糯米糍嘅價錢係$27，細盒呢就係$22，如果你係鍾意食比較油嘅糖不甩，可以一試，不過我自己就極度唔鍾意囉個店員仲不斷sales人買大盒，咁嘅質素連細盒我都唔想再食。…查看更多

葵廣小有有禮貌小店呢檔嘢真係好似車仔麵咁，可以揀好多個餸，而每個餸都好平，好抵食，熱辣辣，好夠味。佢個湯底又有得揀唔同辣度。我就叫開小辣，多蒜，夜晚簡簡單單食個碗麵，加埋都係30幾蚊仲可以一早WhatsApp落定單，個店主都好快覆你，去到都唔駛等就可以拎啦，私心推薦！！！！我覺得金錢肚，肥牛都好食，豆腸豆結就比較硬身，其他餸都好正常，好味道啊Ps.不過要小心，呢間嘢成日都冇晒啲餸，好多時會冇心水個個餸架 …查看更多

見網上啲評論都話依間幾好食，今日收工見到經過，一於決定買佢個芒果糯米糍試吓見佢門口有個雪櫃，放咗啲芒果糯米糍，布甸，馬豆糕，已經用個盒裝住嘅。佢價錢寫$24芒果糯米糍，咁我就叫咗1盒拎走，收銀話total $25，佢仲話外賣要加一蚊，不過原先Menu上面都無寫，我覺得有少少俾佢搵笨，因為原本已經有盒有蓋裝住，而且堂食都係呢個盒上，咁點解我要無啦啦比多一蚊外賣費？講返個芒果糯米糍，我覺得一般，而且啲芒果有啲酸，可能係我唔好彩掛…查看更多

禁止🚫左晚市堂食咁耐，終於有機會可以出去食返餐放題啦🤪🤪上網搵中左呢個放題試吓，之後網上訂位就訂左3月14黎食，諗住同男朋友過返過白色情人節之後一去到餐廳，侍應安排左一張卡位俾我哋，我地安頓好d野就出左去拎野飲，飲品種類唔算多，大部分都係汽水，我想搵支或者搵罐無糖茶都冇，連有啲放題有既荔枝紅茶嗰啲都冇，見到之後就有d失望咁求其攞咗嘢飲之後返左埋位，order左刺身，炸物，壽司，等左10分鐘，刺身終於上枱。見到碗刺身，發現落少左好多嘢，帶子又冇黎，一開始都算數，諗住再落多次單都無所謂啦。之後黎左d炸物，以為等左15分鐘，一定好熱？你哋錯啦，全部d野食都係唔熱架！我都唔知點解我等咁耐，係全部野食都唔熱。我唔知係我咁唔好彩定點，但我對呢間野真係好失望，呢餐仲要唔平架，HKD$269再加一，我真係唔會再黎。另外，我仲想講，原先網上訂座有份食物送，可以6選1，咁2個人姐係可以分別揀2樣啦。好啦，我揀左海膽同精選雪糕，一開始就上左海膽，好合理啦，之後到埋單，我問侍應仲有份雪糕，之後佢叫左我去門口拎免費普通個d韓國雪糕，姐係唔係佢餐牌上面movenpick個d，我心諗，其實佢算唔算係呃人？:(…查看更多

好飲個日去到茶匠，原先仲驚會唔好飲你知啦，好多黃店，雖然黃，但d食物既味道可能食過一次就唔會再返轉頭不過呢間，我飲過2次，2次都好滿意！！！！今次叫左杯紅豆奶茶，店員問我要唔要試下轉烏龍奶茶底，我諗下都覺得可以試下結果就叫左一杯黎試下，因為飲個日落雨，所以我返到屋企先開黎飲味道好好，好有茶香，仲要價錢只要22蚊，真係仲抵過其他飲品店，大大杯，我以後經過荃灣都要飲啊下次打算試下白桃烏龍奶茶，感覺好似好得意咁…查看更多

係網上面見到大家話呢度既珍珠好好食，我都忍唔到過黎幫襯見到招牌話呢杯黑糖珍珠鮮奶2.0係No.1,我即刻諗都冇諗其他野飲，就叫左等左2至3分鐘，野飲就到手啦，店員仲會問你想即刻飲定拎走點知，杯野飲到手，我第一下就覺得杯野唔滿:(有啲失望咁囉冇諗到俾左33蚊，但得咁少份量不過，珍珠係幾好味既，而鮮奶加埋入去都好飲既，就係咁囉希望下次再去，杯野會俾足d份量，另外會再試埋普通嘅黑糖珍珠鮮奶同2.0有咩分別！！…查看更多

係網上面，見到好多人介紹呢間新開既糖水舖今日咁岩係觀塘，一於就試下佢啦去到舖頭，見到Menu都幾多野揀，又可以揀配料，仲可以揀糖水底要咩味，太好啦可以揀返中意既配搭咁我今次就揀左芋泥，紅豆，芋圓，蕃薯圓同紫薯圓，配椰汁底買完之後，我企係隔離即刻食既食落都幾好味，佢地整d芋圓真係好煙un，係每日新鮮整個種黎，而芋泥，紅豆都正常，佢哋d份量都幾多，食完好飽下5種配料加埋只係38蚊，都幾抵食，下次試埋黑糖同桂花味先…查看更多

今日朝早黎左呢到食早餐，有次經過覺得個裝修都幾好想試下我11點黎到，門口都有d人等緊位，咁我就等左5分鐘就入到黎我就叫左早餐🥣(蕃茄扁意粉加多士，凍奶茶)，塊多士好快黎左，食左一啖覺得牛油味好重，我就唔太中意，不過值得一讚佢係原塊厚多士咁上之後等左好耐，個扁意粉終於黎左，個蕃茄湯底都幾好味，不過同意粉又唔太夾不過有一樣野係哩到d侍應服務有d奇怪。因為當我食緊意粉個陣，我有隻多士盤疊住左個意粉盤，佢地二話不說就拎走左，有d嚇親我。另外，我仲發覺有個女侍應好惡咁叫人地做野，搞到我一度食早餐，一度又唔自在。…查看更多

早排去左澳門，朋友第一站就帶左我黎食，我本來以為係普通野，點知食左一啖就改觀左個日我大約朝早11點半去到，間餐廳都仲有位，唔洗點等位，不過走個陣就開始多人lu我叫左牛筯+咖哩雞+湯米，聽落好似好普通，但食左一啖就愛上左，佢哋個咖哩勁濃厚，唔加辣個陣都好好味之後再加d辣就仲香，食完仲想叫多碗我見餐牌仲有好多選擇我下次都要再食！同埋，佢哋係會收港幣架！另外，呢到仲可以叫玻璃樽野飲，連維他奶，麥精都有，真係好特別…查看更多

第一次同朋友黎食雞煲 我地一行3人揀左個小辣雞煲我覺得小辣既辣度岩岩好 因為我都唔太食得辣點菜紙好多款野食 我好推薦食響鈴 因為佢地既響鈴唔係普通出面食到既 係自己舖頭整既即使放左落雞煲一陣 中間都仲係脆 仲要幾吸汁 好正之後出面有得自助拎菜 有生菜 娃娃菜 之類 仲有可以自助拎湯返去加 咁仲方便我次次叫人黎原先一開始有係出面拎豉油 點知發覺一邊食都冇用過豉油 因為個雞煲已經夠曬味最後仲有食埋雪糕🍦佢有乳酪雪糕同普通既雪糕 仲可以自行加配料…查看更多

上次黎依到食左晚餐之後，朋友仔話想黎試下佢既午餐，我見宜家多左好評，唔通情況改善左？我同朋友倆個人 一齊入左餐廳啦 有個四眼男侍應黎帶左我地坐樓上我地都比較中意樓上既 貪樓上靜d 又可以傾計傾得開心d咁我地叫野食 原先打算叫一份肉眼排同一個意粉 點知意粉買曬我心諗:西餐廳重點係食意粉既 點解可以連意粉都冇架:(好啦 最後叫左一份肉眼排($85)同意大利飯($65)肉眼排望落好大份 仲有配薯條意大利飯上面有粟米同蟹肉 不過味道就淡d不過呢食物上菜就耐左d 我地1點叫野食 大約10分鐘就上左湯同包 之後就等到45分先有主菜食 其實如果接住有野做既話 可能會唔夠時間食另外仲有覺得個個四眼侍應唔係太友善:(因為係我地問佢d主菜幾時有個陣 佢既態度好敷衍咁答 另外佢既樣都係好唔耐煩咁加上，我覺得依間餐廳個地下同廁所好"線" 感覺不太乾淨！我諗我唔會再黎！…查看更多