Siu Un的个人专页

菠蘿可爾必思$28好味指數：9.5/10次次嚟親都好鍾意飲呢杯嘢🍹，因為佢啲菠蘿肉係新鮮🍍菠蘿肉，溝埋可爾必思酸酸甜甜🤩好開胃，而且仲好大杯添。麻辣免治雞肉軟骨釀冬菇$28 / 串好味指數：8/10辣辣哋嘅免治雞肉軟骨，口感有🦷咬口，再將佢哋襄落冬菇度，菜式新穎，亦可以帶出冬菇🍄嘅鮮味。鹽燒原塊雞皮$22 / 串好味指數：9.5/10食過咁多間嘅雞皮🐔都係呢間最好食，燒到脆卜卜，而且好大塊，加少少鹽🧂已經係好好食。雞皮係最邪惡嘅食物，廚師攤開嚟燒🔥仲要整到佢唔爛，其實都要有返咁上下功夫。鹽燒豚肉荔枝卷$22 / 串好味指數：9.5/10豚肉🐷嘅油份，再加埋荔枝嘅酸味中和⚖️得啱啱好，咬落去荔枝都好多汁💦，酸酸甜甜精華咗整串串燒。雞皮墨魚滑$38 / 串好味指數：9/10重點推介‼️次次黎都要一人一串，雞皮燒到脆卜卜脆，包住啖啖肉嘅🦑墨魚滑，墨魚滑入邊仲有少少墨魚粒，所以口感豐富，少少鹹鹹地😋好好味。麻辣手釣墨魚鬚$22 / 串好味指數：9/10魷魚鬚🐙肥嘟嘟，有口感，加埋麻辣🌶️醬汁去燒更加惹味，而且墨魚鬚爽口唔會韌。蒜蓉燒廣島蠔$44 / 2隻好味指數：9.5/10火候控制得啱啱好，加咗大量蒜蓉🧄蔥花，而且生蠔🦪本身肥美，兩隻都好大隻，呢個真心抵食。而且食過幾次呢度嘅燒海鮮，其實都幾唔錯，好新鮮。麻辣玉米筍$16 / 串好味指數：9/10粟米🌽係我嘅至愛，就算食串燒又點少得，加埋麻辣醬去燒別有一番風味，極度推薦🤙🏽大家試吓呢個。牛油蒜蓉焗雜菇$38 / 份好味指數：8/10正常發揮，只係覺得份量比以前少🤏🏽咗啲啲，但係都覺得好惹味，而且用咗大量調味料🧈🧄，所以好入味。…查看更多

鮮蝦菜苗餃$16 2件好味指數：9/10晶瑩通透嘅外皮，包着滿滿嘅菜苗🥬同埋大大粒蝦肉🦐，外皮煙韌，蝦肉彈牙，而且可以選擇用平啲價錢試少啲份量，可以留返quota試到其他嘢，非常好嘅定位👍🏽。咖哩魷魚$26好味指數：7.5/10魷魚🦑偏淋，唔會好靭，但係咖喱味偏淡咗少少🤏🏽，如果加返濃啲嘅味道會更加好，配菜亦都有白蘿蔔墊底，可惜唔夠入味。沙律蝦春卷$28 3件好味指數：9.5/10呢一個充滿驚喜，其實有少少似以前細個食嘅海鮮卷🌯，但係佢用咗春卷皮炸到脆卜卜，入面用咗沙律醬溝埋🦐大蝦，熱辣辣嘅餡料，口感非常豐富。紅菜頭蘿蔔絲酥餅$28 3件好味指數：9/10依間點心鋪嘅炸物都非常出色🤩，紅菜頭溝埋白蘿蔔絲好鮮甜，再加埋出面鬆化嘅酥皮，味道好有層次。…查看更多

火五生熟牛肉粉$58好味指數：9/10火五生牛肉粉$46好味指數：9/10白桃梳打$19好味指數：8.5/10我mark✅低咗好耐嘅餐廳，終於去到啦，去到都要等一陣位，我哋梗係叫招牌嘅牛肉🐮湯檬啦。呢度啲湯檬好得意，好似瀨粉咁樣，比平時食開嘅檬粉粗啲，口感😌煙韌彈牙好有咬口，而湯底食得出係用牛骨🦴熬製咗好耐嘅湯，入口清甜，再配埋熟度剛剛好嘅牛肉，牛肉濃郁有牛味，一啲都唔會老，入面仲有啲生🧅洋蔥吊味，需芽菜可以問店員拎。白桃🍑梳打好濃郁桃味，唔會過甜，味道啱啱好，仲有粒粒桃肉增加口感，唔怪得知排晒長龍等位。…查看更多

鮑魚汽鍋湯$28 / 盅 好味指數：9/10燉湯🥣好鮮甜好足料，入邊有成隻鮑魚仲有🐔雞件，瘦肉，花膠，桃膠，紅棗等等。味道好清甜，一啲都唔覺得有落味精😌，而且用氣鍋裝住非常夠熱♨️，一人一盅絕對唔過分。蒜蓉蒸開邊蝦$98好味指數：8/10擺盤幾靚，而且咬落去蝦🦐肉彈牙，一啲都唔會梅，食得出係新鮮蝦，調味料亦都好足夠勁多🧄蒜蓉，仲有啲炸蒜喺面，脆卜卜增加😬口感，底部仲鋪滿左粉絲，溝埋豉油💦熟油食好惹味。金銀蛋浸莧菜$108好味指數：6/10好耐冇食金銀蛋莧菜，其實味道清甜唔會過鹹，亦都有好多肉碎，🥚鹹蛋，皮蛋喺面，可惜🥬莧菜唔係當做季節，所以偏老咗少少🤏🏽，所以口感唔夠幼嫩，比較粗糙。好耐冇去過酒樓食飯，自從疫情放寬咗，口罩令😷解除咗之後，度度都好多人，而酒樓成日都會推出一啲優惠for晚市，其實呢間酒樓星期一至五夜晚都有💰一蚊一隻雞🐔嘅promotion。可惜我哋今日下晝已經食咗炸雞，所以冇叫到，但係見到每枱都會叫，隻隻都好大隻同埋炸🔥得好靚，下次一定要試吓。…查看更多

貝料理· 龍蝦和牛鐵板燒$1280/每位 ( Openrice Booking 5折[ 原價加一計，兩個人Total $1536，每位$768 ］）-海膽紅蝦蟹肉杯 好味指數：7.5/10非常精緻，紅蝦新鮮，蝦肉彈牙又大隻，仲有海膽，蟹肉同埋黑魚子，撈埋芝麻醬沙律菜，非常開胃嘅一個凍盆。-日本直送時令生蠔配乾蔥紅洒醋啫喱 好味指數：7.5/10生蠔size算大隻，略嫌唔夠肥美，配咗紅酒🍷醋啫喱，少少酸更加開胃，上面仲有啲三文魚子，豐富口感，食得出係新鮮嘅，海水味偏重。-磯煮南非鮑魚配清酒鮑乾醬 好味指數：9/10鮑魚口感好好，好彈牙， size適中，而且整得好入味，咬落去好有糖心鮑魚嘅質感，醬汁亦都調配得好好，唔會過鹹冚咗鮑魚本身嘅味道，呢道菜有驚喜。-雪鹽牛油燒北海道帶子 好味指數：8/10見到師傅好用心燒，帶子本身都好大隻，而且用咗牛油清酒同雪鹽去調劑，少少調味料已經可以帶出帶子嘅鮮甜，而且火喉控制得啱啱好，因為帶子燒得唔好好容易會好韌，而呢度就唔會有呢啲情況出現，咬落去任何一個位置熟透度都係非常精準。-黑松露醬燒四季貝料理 好味指數：7.5/10師傅用咗黑松露醬去燒呢隻大蟶子，黑松露醬味道偏濃郁，略嫌蓋過咗蟶子嘅鮮甜，其實呢啲燒海鮮只要係新鮮，加少少調味料已經足夠，明白店舖可能想食材成品更上一層樓，建議可以少番少少醬料，保留返蟶子嘅原味。-廚師發板時令貝料理 好味指數：7.5/10用咗甜嘅麵豉醬調配，搭上燒大蜆，蜆肉本身都彈牙，味覺幾得意，又唔會過鹹，同蜆肉嘅鮮甜相映成趣。-板燒法國鵝肝伴砵洒車厘子 好味指數：8/10脆脆嘅多士做底層，配上鵝肝嘅香油，加埋濃郁酒香嘅車厘子，完美組合。首先車厘子已經係好入味，酒香可以去到鵝肝嘅油膩，加埋脆卜卜嘅多士口感，好有層次。-季節貝湯 好味指數：7/10本身我係一個好鍾意飲湯嘅人，所以對呢個湯好高期望，其實佢嘅味道食材各樣嘢都好好，有南瓜嘅鮮甜，仲有素翅同埋蝦肉，加埋少少香草，非常鮮甜。可惜有一樣嘢令我扣咗好多分，就係唔夠熱，如果呢一part能夠改善，呢個湯就完美了。-板燒龍蝦 好味指數：8/10廚師喺點餐後會拎成盆龍蝦比客人自己挑選，呢樣嘢都非常少見，睇得出對客人嘅尊重。師傅用鐵板燒嘅龍蝦火候啱啱好，蝦肉亦都好彈牙新鮮，每一隻都好多膏，非常惹味，而醬汁亦都係用咗蝦膏去調製，所以更加濃郁香口。可惜都係一樣，如果再熱少少上菜會更加好食。-板燒日本A5宮崎和牛 好味指數：8/10和牛亦都非常厚身，雖然唔係好大塊，但係個size啱啱好，亦都唔會過熟，好有牛香，加埋上面嗰塊薄脆嚟食，好有咬口，呢一細微位昇華咗呢道菜。-貝料理溫室時蔬 好味指數：7/10師傅今次選擇咗用鐵板炒蜜糖豆再配以赤貝，非常香口，而且蜜糖豆有咬口爽脆，但係赤貝雖則用鐵板炒過，但係有少少腥，所以呢個位扣咗啲分。-貝料理炒飯 好味指數：7.5/10師傅炒飯技巧唔錯，粒粒分明，餡料又豐富，有牛肉粒，櫻花蝦，蔥花等等，顏色豐富，食落唔會油膩，份量都足夠，其實食到依個位已經好飽，不過都要食晒先心息。-廚師精選甜品 好味指數：8/10因為Book枱嘅時候已經寫明週年紀念，廚師都好用心咁整咗份焦糖燉蛋凍食出嚟，其中一份裝飾到好靚。呢個係我最鍾意嘅甜品，為呢一餐飯作完美總結。…查看更多

川香鮑魚雞煲 (半隻)$168好味指數：9/10呢道菜上枱好有驚喜，因為份量都幾多，同埋好惹味香噴噴😌。鍾意佢用QR code落單嘅時候，可以揀多油少油，辣度🌶️麻度，濃味淡味，有好多個選項，可以揀返自己嘅口味而落單。今次我哋選擇咗香辣小辣，雞煲🐔好入味，唔會得啲骨，好多雞件都有肉。主角鮑魚竟然有四大隻，仲要每隻size都唔細，🦷咬落去彈牙有口感，一啲都唔韌。菜式仲用咗洋蔥🧅紅椒青椒粒🫑做配菜，用嚟撈飯🍚非常合適。清炒萵筍絲$66好味指數：8/10連萵筍絲都可以選擇少油真係好細心❤️，萵筍絲本身就係有咬口，所以我哋都非常喜歡食呢道菜，而且清清地，唔使太着重調味料已經好好食。凍檸茶$18好味指數：8/10飲品🍹正常發揮，對價錢嚟講偏大杯，食麻辣嘢唔叫返杯凍飲解吓辣點得啊😂。…查看更多

三餸車仔麵-沙茶醬魷魚-青春魚肉腐皮卷-辣咖哩魚蛋$36 （歡樂下午茶三餸麵送汽水）好味指數：9/10歷史悠久嘅車仔麵🍜，性價比高，本身餸料份量都算多，咖喱魚蛋😬彈牙入味大大粒，咖喱魷魚🦑亦都爽口有咬口，最後就係我最鍾意嘅魚肉🐟腐皮卷啦，香口得嚟有魚味。雖然呢度出名係🥢撈麵，但我個人喜愛濕濕地易入口嘅湯麵，揀咗沙茶醬汁做湯底，🌶️辣辣地好開胃。而且三餸麵餐仲送汽水🥤，價錢真係好抵食，呢間係懷舊😌車仔麵嘅味道，食嘅係兒時回憶。…查看更多

成雙鍋 (2-6人枱用)-酸辣湯-蕃茄湯$128好味指數：8/10塔拉上的快樂卷$138好味指數：9/10迷你生根$48 (1份)好味指數：8.5/10鮮腐竹$19 (半份)好味指數：8/10蟹粉丸$24 (半份)好味指數：7/10軟滑魚肚$43(半份)好味指數：7.5/10皇帝菜$21(半份)好味指數：8/10功夫青荀$21 (半份)好味指數：7.5/10鮮冬菇$19(半份)好味指數：8/10蒙式烤羊串$28 (每串)好味指數：10/10成日見到呢間OpenRice訂枱都有折💰，今日終於訂咗枱試吓啦。揀完個鍋🍲之後，其他嘢都係QR code落單。嚟得快樂小羊🐏，一定係食羊肉啦！我哋揀咗個中價位嘅羊肉，雖然佢每片都唔算好大塊，但係都好有羊味有少少🤏🏽酥好正。湯底我哋選擇咗酸辣🌶️同埋蕃茄🍅湯底，酸辣湯辣度都偏辣㗎，所以唔食得辣嘅朋友可以‼️注意下，而個蕃茄湯底就好濃🍅🍅🍅番茄味，一啲都唔會稀，羊肉配酸辣湯係最佳嘅組合。我哋仲叫咗魚肚，珍珠生根呢啲最掛湯🫠嘅食物，其實食材普遍嚟講都👍🏽新鮮，而且正常發揮，相對呢個價錢佢每一碟嘅份量都好大碟。要推介嘅，除咗係佢嘅羊肉之外，亦都係呢度嘅小食串燒🍢，羊肉串係用鐵板熱辣辣上枱，嚟到仲聽到C思思聲，而且調味亦都啱啱好非常🔥惹味，估唔到佢呢度嘅串燒係最出色。下次嚟要試埋其他🐷🐮肉類，見到每台都會叫一大盆肉類，而且佢擺盤好精緻，非常大堆頭，用嚟打卡🤳🏻呃like 食用一流，好推薦大家嚟試吓。…查看更多

鮮蝦腐皮卷$28好味指數：8.5/10腐皮卷炸到脆卜卜，咬落去仲咬到好大粒🦐蝦肉，口感非常豐富，而且♨️熱辣辣，係即叫即整㗎，食呢啲煎炸嘢即叫即整已經加咗好多分💯。黑金流沙包$25好味指數：9/10賣相已經好吸引，竹炭🖤做嘅外層包住流心嘅奶黃餡，鹹鹹香香😌好惹味，而且個包本身好有彈性，非常鬆軟，唔係啲咬落😬去就好淋嘅口感。金沙脆皮銀蘿腸$28好味指數：9.5/10腸粉入邊嘅餡料，用咗油炸鬼再加埋🤍白蘿蔔，脆卜卜嘅油炸鬼，再加埋白蘿蔔嘅鮮甜☺️，完全將味覺層次帶晒出嚟，而且外皮嘅腸粉非常煙韌，呢個係我最鍾意食嘅其中一個🥟🥠☕️點心。茗茶$3 (每位)…查看更多

豚骨拉麵 (叉燒3枚、蛋、荀)-小蝦干醬油清湯(+$12)$78好味指數：8/10成日都聽到好多人講呢一間拉麵🍜店，今日終於嚟咗試下。呢一碗我哋轉咗湯底，嚟到見到好多櫻花蝦🦐喺面，飲落去亦都有淡淡蝦味，唔會太多味精，清清地做湯底👍🏽幾好。呢一款普通叉燒🐷對比真叉燒口感粗糙，但係幾入味，而且好大塊，而雞蛋🥚流心效果亦都唔錯，配合埋醃製過嘅荀嚟食，增加味覺層次，面底硬度亦都適中，有咬口😬。真·叉燒拉麵 (真叉燒6枚、蛋)-濃湯$108好味指數：7.5/10真叉燒🐽份量有6塊，仲要大大碗，份量嚟講偏多，真叉燒嘅口感比較滑身🫠，食落去有啲似煙肉嘅口感，有少許嘅🌫️煙熏味，而我呢個選擇咗濃湯底，湯底飲落唔會太鹹，亦都唔會過分油膩🛢️，拉麵都好掛湯，可惜在呢碗本身冇跟筍，美中不足，有埋就更加好。山梨葡萄梳打$22好味指數：9/10飲落去葡萄🍇味比梨🍐味嘅味道較重，好香葡萄味，適合重口味人士，而且好夠氣，食完拉麵可以飲番啖去吓油膩感。…查看更多

豬頸肉🐷本身煎到好香，再加埋肥瘦適中嘅🐖豬腩肉，烏冬亦都煙韌🦷彈牙，配合埋呢個番茄🍅湯底真係無適，湯底本身食得出係用新鮮蕃茄打爛而成，所以湯底狀態🫠偏杰，而且好濃番茄味，亦都唔係好覺有味精，終於明白點解咁多人鍾意食😋呢間小店，因為呢個湯底真係一試難忘，同埋飲到停唔到口。牛肉🥩本身亦都唔會韌，食得出係新鮮牛肉，我最欣賞佢嗰個炒滑蛋🍳，就算浸咗落湯底，佢嘅狀態都係啱啱好唔會Overcook。而兩款飲品都正常發揮，但係個包裝都幾特別，用咗玻璃樽🫙包裝好似整成一樽牛奶咁，幾有心思。…查看更多

日式牛肉火鍋$138好味指數：9/10本身牛肉🥩嘅份量都算幾多，鍋入邊仲有豆腐，金菇，冬菇🍄蘿蔔，芋絲做配菜，壽喜燒🍲嘅味道亦都調得啱啱好，唔會過分甜，再加埋新鮮嘅日本雞蛋🥚呢啲天氣食真係一流，暖笠笠。八爪魚意大利風沙律$78好味指數：9/10八爪魚🐙煙韌彈牙🦷，食得出係新鮮食材，加埋啲紫洋蔥🧅椰菜絲墊底，再溝少少醋汁，酸酸🤩哋好開胃。銀鱈魚西京燒定食-配沙律、刺身、枝豆、漬物盛盒-泡菜、白飯、味噌湯、雪糕或飲品$268好味指數：9.5/10銀鱈魚🐟本身燒到好滑，廚師用咗啲燒汁去燒銀雪魚，令到佢嘅魚皮脆卜卜😋好香口，唔使點沙律醬都已經好夠味。呢個餐都幾抵食，前菜有啲🌶️香辣蒜子🧄，芥辣🐙八爪魚，同埋牛蒡絲。跟埋一個醋汁沙律，仲有好足料嘅麵豉湯🥣，入邊好多海帶同埋腐皮絲，仲送泡菜醒下胃，食完仲送埋雪糕🍦添。荔枝梳打$32好味指數：8.5/10好重荔枝味，亦都好夠🫧氣，適合鍾意啲重口味嘅朋友，荔枝味都幾濃，但係個人略嫌甜咗少少🤏🏽。…查看更多

榛子可可醬冬甩$38 一件好味指數：10/10好多年冇食過冬甩🍩，今日專登去拜訪呢間冬甩店，果然聞名不如見面，我哋叫咗榛子🍫可可醬，落單嘅時候仲會mark埋你個名，店員仲話可以join會員即刻有折扣，又送Pizza🍕。原來Mark低你個名係因為佢嘅冬甩係即叫即做，等咗大概15分鐘⏰已經有啦，熱辣辣嘅外層鋪滿🤤砂糖，表面脆脆地咬落去朱古力醬非常流心，又唔會太膩，真係啱啱好，好值得推介，大家不妨一試。…查看更多

泰式燒豆卜$60好味指數：8/10一個好特別口感嘅小食，見到店員喺個焗爐🔥裏面係咁炒係咁烘，脆卜卜😬嘅外層入邊又唔會整到太過乾，而且主角係啲泰式嘅醬汁💦，咬開佢嚟點更加滋味，因為酸酸🌶️辣辣好醒胃。特式手撕雞湯麵-少辣-少麻-米線溝紅薯粉-泰式手撕雞配青瓜絲，芽菜$110好味指數：10/10呢個湯麵🍜真係世界級🥇，首先想講佢啲手撕雞非常滑，一啲都唔會👅鞋口，而且有少少泰式辣汁喺上面，非常刺激🤩味覺，之後佢用咗米線溝埋紅薯粉再搭埋一啲🥒青瓜絲，非常煙韌得嚟，而且好有咬口，口感好豐富，仲有佢個湯係泰式🇹🇭嘅湯底，辣辣地🌶️得嚟好清甜，仲有兩嚿好入味嘅蘿蔔同埋芽菜，我哋未食完已經講定，下次要再嚟食❤️。有汽士多啤梨瑪黛茶$26好味指數：9/10呢種飲品非常新穎，我哋都未試過有汽嘅🫖茶，所以專登叫嚟試吓，果然有😌驚喜，士多啤梨🍓味濃得嚟唔會蓋過茶香，仲要佢係香港製造，原來本土出產嘅都可以咁有💞心思，大家真係要多多支持。…查看更多

百香果梳打$28好味指數：7/10冷泡白桃烏龍茶$12好味指數：7/10柚子雞肉$28好味指數：8/10薄切牛舌$28好味指數：7/10野菜五盛合$28好味指數：7/10味噌五花$28好味指數：8/10紫菜月見丼$28好味指數：8/10芝士年糕$28好味指數：8/10和牛壽喜燒$88好味指數：7/10鹽葱火炙和牛$88好味指數：7/10和牛霜降·赤身盛$88好味指數：8.5/10今日係一個特別嘅日子，所以專登同👨🏻另一半出嚟食燒肉慶祝🎉吓，搵到一間喺旺角新開冇幾耐嘅燒肉，見佢啲價錢都非常大眾化，所以一早book定枱。上到去都幾多人，呢位🛋️都唔算係好迫。我哋叫咗咁多樣嘢，最欣賞嘅係佢嘅和牛霜降🐮赤身盛，呢款牛唔使燒🔥好耐，入口即溶🫠，仲有油分適中，非常香口。另外佢嘅柚子🐔雞肉非常清新，份量都好多，同埋味噌五花🐷都好入味。而和牛壽喜燒同埋🧂鹽蔥火炙和牛，呢兩款店員都會即場係你面前幫你用🔫火槍去燒，再整好俾你食，兩款和牛都🐄牛味，但係略嫌可以再燒得熱少少🤏🏽，薄切牛舌，同埋野菜盛盒都不過不失，對得住個💰價錢，月見🥚紫菜飯🍚就正常發揮。兩款飲品🍹🧉都唔會太甜，正正常常。如果以價錢嚟講，佢真係一啲都唔算貴，大家可以不妨一試。…查看更多