jasmine1125的个人专页

喺網上見到呢間餐廳嘅畫碟好靚，就揀咗呢間餐廳同朋友慶生。事前用whatsapp同餐廳講咗想畫咩公仔同埋係慶祝生日。Book咗weekend食lunch，本身見到呢間餐廳評價都唔錯，食物出乎意料比預期仲要好食😋Set lunch menu都有好多選擇，食之前冇諗住寫食評就冇影到。Set lunch有3個course。龍蝦湯好濃，老闆娘話冇加忌廉煮。豬手嚟到先知係拆晒骨嘅，好淋好入味。油封鴨脾畫碟嘅甜品就只可以揀banana roti/ brownie，揀咗banana roti。畫碟真係好靚呀。喺香港食嘢中伏太多，好多時又貴又唔好食。呢間餐廳係近年食過其中一間性價比好高嘅一間，好滿意，一定會再嚟👍😋…查看更多

每年聖誕都會搵tea buffet食，今年上The Murray官網見到Popinjays有Festive afternoon tea buffet，就book嚟試吓。話明”festive”，官網上面嘅圖同埋confirm booking個email張圖係擺滿聖誕裝飾，甜品亦係聖誕造型(冇圖因為openrice唔俾post screenshot)。相信因為聖誕緣故，我係需要預先俾晒full price以成功預約。點知去到見唔到任何聖誕setting嘅食物，問侍應就話weekend唔係做buffet。之後我再問佢咁d甜品係唔係聖誕版本？同埋show咗官網/email幅相俾佢睇。侍應確認係，只係不是buffet形式。點知嚟到嘅甜品係咁樣樣，仲衰過東海堂質素每位要$588+10% service charge。貨不對辦，呃咗我。服務仲要好差，代客泊車唔記得俾泊車車飛，餐廳侍應問完嘢多次不主動回應。Popinjays一定係我食過最差最差，性價比最低嘅一餐afternoon tea。千祈唔好嚟中伏。…查看更多