胃食郎的个人专页

今日慶祝生日見有啤酒送就訂位試吓，去到話送既唔可以堂飲，吓咁我不如去超市買，最後都話可以飲不過冇雪，真係嘥氣⋯為左d細路唔行來行去，最後都決定去食。以下係點左食物既評價：炸魚薯條 - 薯條比魚出息，下價雪藏魚雪味好重，不過明既，咁價錢合理。腸仔拼盤 - 普通超市貨，不過不失牛肋骨 - 完全唔值，1/3係肥膏，又冇乜味，要加胡椒粉同鹽去食。最後一提，店內冇廁所要去對面商場，但又冇鎖匙提供，要等其他人用完開門先入得去，非常荒謬！性價比低，應該冇下次。…查看更多

今日行過太子search下有乜嘢食，見到呢間雞粉咁出名咁就嚟試吓。一個套餐加$10可以轉湯做肉骨茶，性價比都唔錯。講吓味道，雞係冰鮮雞份量唔多，仲要搭多隻雞全翼有啲失望，起碼都幫我起骨呀…雞味就冇乜，偏淡，唔點醬完全冇味，但都叫做滑。講開個三色醬，真係好淡好淡， 甜醬油得個甜字，辣醬微酸好浠，薑蓉又係唔鹹嘅，失敗，油飯就不過不失。反而碗肉骨茶拉返唔少分數，雖然都係冇乜鹹味，但藥材味，蒜頭同胡椒味好出，幾似坡式嘅味道。嗰兩舊排骨就算啦，不過$10你想點。你話特登嚟食就真係唔需要啦，經過醫下肚都係一個選擇。…查看更多

好來都冇寫食評，食完之後即時有寫呢一篇嘅衝動⋯之前想打電話嚟訂位，阿姐話不設訂位，好啦坐完地鐵再轉的士來食，睇吓係咪真係咁堅…入到去，茶餐廳格無加一，當然亦都冇招呼。坐咗卡位冷氣機滴水，唔緊要始終來食嘢，咁就點餐啦。椒鹽九肚魚脆口嘅，但係冇乜味。雙棗比較出色，值得食嘅。滷水鵝同鵝腸都OK新鮮，但係滷水味好淡，非常一般。鵝血韭菜又係好似白灼咁，冇乜味。最經典呢碟啦-大鵝肝，收$180，諗住好有驚喜，點知份量少不特止，又乾又老衰過食豬潤，係我食過鵝肝入邊最差最差嘅一間，沒有之一。我懷疑佢根本係買晒，攞啲細鵝肝嚟充數。總括嚟講，你食快餐粉面冇問題，我叫餸食飯就免啦，唔會有下次！…查看更多

星期日同太太去旺角行街，佢之前唔知係邊睇到彌敦道726十樓新開左間以Running man做主題既餐廳，佢又係Running man既超級fans,所以決定去試下。七點左右上到去見到條人龍都唔想食，拿個餐牌睇完價錢貴到嚇死人，食飯啫，梗係唔等啦，雖然太太真係好想試。點知係電梯見到九樓有間Running燒（又running???), 太太兩隻眼即時發光，咁又即管去睇下。去到門口仲見到花牌，原來新開張，入面只有兩枱人，問個靚仔拿餐牌睇下，原來呢度係玩燒肉放題$248一位兩粒鐘，心諗伏極都有限錢，一於試下啦。餐廳大概有十零張枱，播上K-pop, 裝修走型格路缐。被安排坐低後先上泡菜，枱上有三款沾醬可以自己加，分別係燒肉醬汁，麺豉醬同韓式辣醬，估唔到放題都跟足傳統似模似樣。至於食物都有三張落單紙，牛，豬肉都有幾種部位，最驚喜連炸雞都有，講返味道先，下面係幾樣印象深刻d既⋯沾醬 - 三款入面個人最欣賞辣醬，辣中帶甜，有d似石頭飯既醬，同任何肉都匹配。炸雞 - 當然唔係原隻雞果種啦，辣味仲有得揀辣度，入口皮脆肉嫩有肉汁，任叫已經冇野講。豬頭枕 - 坦白講真係唔知乜部位，又唔似豬頸肉，肉質帶爽，脂肪分佈均勻，特別！好味！牛肋骨 - 紋理雪花，肉質軟淋，靚貨是也。調味係汁燒帶微甜，必食。雪花牛仔肉 - 原來係肋條肉，冇醃過即係對肉質數有信心啦，肉味濃有咬囗，出面單點都成舊水100g。大蝦，帶子 - 其實正常味道，不過唔取巧，真係大大隻蝦，大大粒帶子，食幾轉乜都返來。…查看更多

等左好耐終於都開，八點半去到唔使等位，被安排坐吧枱，一入去有朕炭味，裝修幾靚唔逼，但係原來冇酒牌唔賣得亦唔比帶，唔知樓下位仁兄杯啤酒點來⋯講返食物先：巨峰同桃子soda - 幾好飲，但冇乜特別海膽汁燒蠔 - 蠔好細隻，個汁超級咸，唔掂明太子蛋卷 - 蛋嫩滑，明太子分量多，微辣唔老，good!燒牛舌 - 厚度適中，味淡有炭香，但太un,位唔靚親子飯團 - 味道適中，太乾，也難夾埋d料一齊食串燒併盤 - 有六串分量足，味偏淡燒得唔夠乾身，但有炭香總括來講睇唔到有沖繩風，冇免費茶水(茶＄38）,水準同En，八吉差得遠，希望剛開業會有進步，尚算抵食⋯…查看更多

其實原本吾想出食評, 但見到有食友去完試食活動後講到甘好, 所以分享下我既體驗...那日我只叫左下面４樣野已經無再叫落去.南蠻雞 - 炸粉厚到嚇死人, 炸得太干, 一d肉汁都無 (hakata dojo, 富士之幸既做得好多了)豚平燒 - 個樣已經驚嚇, d蛋煎到蛋皮甘(質感應該要似omette), 味道差過和民木桶大豆腐 - 暖暖既豆腐花, 無特別炭燒沖繩豬 - 呢個細既已經百六蚊, 有十粒左右, 全瘦, 話用Agu豬但硬到你吾信, 即刻叫waitress過來自己試下, waitress同經理反映完, 經理話換碟炭燒雞比我...炭燒日本雞 (換既) - 正常味道, 但食吾出同普通雞既分別當晚唯一可取既系可以自己帶酒同waitress既服務態度, 收得甘既價錢起碼都比返d誠意人, 否則好難在TST站得住腳....…查看更多

之前係雜誌剪左送和牛coupon,之後book左星期五同老婆去試下,點知去到點野食時個侍應話只有銅鑼灣同尖沙咀店先有此優惠,此店要到八月先有,但張coupon有效期只到七月尾喎,佢就只係猛話唔好意思,咁算啦既然來到照點菜啦,點知後來同經理講返,佢話因為未有雪和牛既專櫃所以此店冇此優惠,但佢就送返碟美國牛比我,真估唔到佢咁好人.講返野食先...紐約沙律 - 蔬菜都好新鮮,分量也多,千島醬冇乜特別,如果加d乾面包粒會好食d.牛腸 - 醬汁唔夠入味,但分量都夠多牛肝 - 有d腥蘇味,唔夠新鮮豬頸肉 - 夠厚,有肉味有肉汁,非一般凍肉舖貨式美國牛肋排 - 好軟淋,但肉味唔夠,但油花不足壼漬牛肋條 - 肉味濃,有趙頭,只係蔬菜醃得太咸厚切牛舌 - 夠厚,鮮味有肉汁,但細塊左d白飯 - 唔係靚既珍珠米,黏度同飯香唔夠Asahi生啤 - 冇得彈其實呢度既醃肉只有鹽味同汁燒,但我覺得都醃得唔係好夠味,返而沾醬唔錯.平價燒肉呢度比好好樂滿平同分量多,係幾好既選擇. …查看更多

好耐都無寫食評, 除非好好或好差.....之前見到裝修緊, 原來開咖哩專門店, 呢類店系HK不多, 今日特登去試, 去到見好多人等緊, 門口個妹妹話要等30~60分鐘, 估吾到差吾多兩點都仲甘多人, 甘照等啦(有d盛八食堂剛剛開時排長龍既感覺) ...入到去地方吾大, 都幾逼下, 餐牌有幾款咖哩, 豬, 雞, 牛都有, 呢度系揀飯底再加小食, 我同太太都選擇左比較少見既特辣豚肉, 再加炸豬排同炸蝦, 但個waiter話炸蝦賣曬, 甘我就要一個咖哩炸豬排飯同凈咖哩飯, 一開始等左10min, 個炸豬排飯來先, 反而個凈咖哩飯等多10分鐘吹幾次先到(比我地遲來既人都快過我既凈咖哩飯, 直至我差吾多發爛渣...), 跟住再追加炸蠔, 味道如下.....特辣豚肉咖哩飯(細) $45 - 一碟多汁少飯, 第二碟來既多飯反而少汁, 咖哩得過辣字, 吾香, 無日本咖哩一般既甜, 得3粒似五香肉丁size既豬肉粒, 賣甘既價錢, 吾值, home既Java咖哩磚味道好得多.....飯系珍珠米, 但吾系靚米, 井井屋既米好過呢度多多聲... 炸豬排 $25 - 炸皮比較厚, 味道無特別, 好在吾硬....炸蠔 $25 - 一客3粒, 炸皮比較厚, 蠔肉好似$1硬幣甘大, 好彩都算新鮮...…查看更多

其實食過兩次呢度既便當, 第一次系剛剛開張時, 試左咖哩豬排($34)同炸雞便當($29), 先講呢兩款....咖哩 - 味淡, 連咖哩磚都不如, 但汁都比得多豬排 - 吾熱, 皮肉分開, 無味, 乾都硬炸雞 - 吾熱, 皮厚, 無味, 乾都硬, 但他他汁ok飯 - 需然吾系日本米, 但質感都ok, 粒紅梅都正宗沙律 - 同展示圖片吾同, 無薯沙, 得玉米粒, 完全欺騙.當時認為可能剛剛開張, 所以炸野整定同亂系可以理解既, 所以都上星期再試一次, 食炸雞同豚肉生姜燒($29), 結果仲失望...炸雞 - 同第一次一樣...豚肉生姜燒 - 呢個經典, 以為吾炸既會穩陣d, 點知用既系急凍五花肉, 無肉味(有d蘇), d肉煮到爛(煮太耐), 皮仲有毛!!! 食左一淡就算了...沙律 - 呢次有薯沙啦(可能比人投訴同展示圖片吾同?), 心想難食都有個譜, 結果系無沙律醬味道(吾用QB都應該用其它啊), 系白醋味, 你話死吾死!!!所謂便宜莫貪(其實都吾系平!), 吾會有第三次.... …查看更多

終於有機會試壹番屋, 同太太兩個人點左咖喱吉烈豬扒奄列飯($70), 加左$38加沙律, 萍果汁同雪糕萍果批...飯份量大,但米吾系用好好既米(無日本米應該有既黏性同爽) 蛋滑但吾夠蛋香, 咖喱汁多, 有少少辣, 吾知幾級因為奄列飯無得算辣度既, 豬排皮脆吾算硬, 但粉厚左d... 沙律, 萍果汁正常野, 反而萍果批吾太甜幾好味...埋單$118, 福神漬又任加, 仲想點?…查看更多

下午3點幾又未食飯, 結果系呢度同上層都拿左飛, 仲要等110張,當然放棄...上上面食....點知食完落來剛好到我, 甘點都試下啦, 凈點兩碗赤丸, 講味道, 其實好普通, 湯底濃就濃, 但豬骨味又吾系好出, 黑蒜油吾夠香, 叉燒又吾系即化, 有d硬, 面偏少...同我系日本食過既差9皮, 甚至深圳山小屋都仲好食d...如果甘既價錢, 分量同質數, 仲要排60分鐘, 絕對無下次...…查看更多

尋晚約左朋友吃飯, 大家鐘意食辣又見網上甘多好評, 就來試下, 一入去似茶餐廳,又好舊(有d爛容容既感覺), 來食野姐...都無所謂, 坐定左發現d餐具有未洗干凈d積, 食食下仲有烏蠅飛(真系幾印尼feel).....點左食物如下.串燒沙爹 - 豬6串, 雞, 牛各3串, 豬鞋, 雞軟, 牛un...有炭燒香但吾熱, 醬偏甜, 食凈幾串...加多加多 - 呢個似樣d, 醬吾辣, 又系甜...玉米餅 - 呢個8成粉, 兩成玉米+蝦, 質感好軟, 味道帶甜, 無特別都可以出賣四十幾, 勁....巴東牛肉 - 用牛展做, 燜得夠淋但吾熱, 又吾辣偏甜...峇里炒豆角 - 叫左加辣, 又吾辣, 味道淡左d...印尼炒飯 - 米太碎但味道幾好(應該系師傅), 又偏甜...白飯 - 用既米吾好,太碎, 吾熱...青島 x 2 問啊姐點解d野吾辣, 佢話呢度d人吾食辣呀, 就HK人口味系明白既, 但系我想加辣都吾辣就有點那個(自小食啊媽煮既都好辣)....此餐外牌上選擇也少, 好多正宗d既印尼菜都無(如烏達, 不爹)....最后一提店員動作太慢, 不論上菜, 拿啤酒, 埋單都等好耐, 可能佢地年紀比較大啦...…查看更多

其實都經常來呢度, 今次約埋老友３人飲下泡盛, 去到望住熟識既餐牌, 點來點去點左下面既食物...Agu餃子 - 味道如常, 外脆內軟, 有肉汁.番茄八爪魚 - 味道清新, 夏天作為前菜吾錯(現在餐牌無既).玉子燒+吉列午餐肉 - 玉子帶魚湯味, 軟, 滑, 香. 午沖繩既餐肉味道一般,質感好似魚肉. 海帶炒豬肉 - 味道偏咸, 豬肉太少太碎.苦瓜炒豬肉 - 可能已經無用日本瓜, 味道普通, 豬肉也少沖繩天扶羅 - 其實系魚肉, 無味又鞋.沖繩香腸 - 普通龍堡腸味道, 加埋只有３條.昆布炒飯 - 呢個幾香, 但份量比以前少左.桔仔汁 - 泡盛既好朋友平時服務幾好, 但呢次有兩樣漏左單(order時1/3都未坐滿). 老埋$726, 應該有d野加左價, 其實呢度價錢幾貴(1.8L泡盛賣大約$900), 去系因為環境幾好坐, 適合飲酒吹水, 不過食物無新意, 應該一排都吾會再來住...…查看更多

突然間好想食牛腸鍋, 即日打去book位... 去到打開menu, 發現價錢全部加左, 既然來到照食可也, 點左食物如下...博多餃子 $58 - 吾好比下面d相呃到, 每碟9粒, size似5蚊銀甘大, 味OK但皮有d硬... 燒花魚 $88 - 好大條, 吾干夠油潤, 好有魚味, 暫時食過最好既花魚...金菇牛肉卷 $68 - 一般般, 吾系好夠味, 份量也少... 牛腸鍋 $168 - 味僧湯底, 以往的味道, 好食...只是牛腸份量不多... Asahi生啤x2 $96 - 以前$38, 老實講$48一杯Asahi貴左d...Saporo系hokahoka都系$38...原本未來前想開支900ml既芋燒(以前飲過好似$200左右), 而家已經無得銷賣(全部都720ml over $200), 加上冰, 水各收$38 (menu 寫)就更加打消開酒既念頭(系EN飲awamori, 冰同水都免費)... …查看更多

太太突然想去呢度食串燒, 就前一晚book定位...食物如牛舌, 雞翼, 雞肝 年糕...etc 都好好味, 可惜牛粉腸無貨...飲品方面, 啤酒夠凍, 我仲叫左支燒酌叫好似XX女房都吾錯, 同ichiko差不多...整體價錢就有d提升, 無計啦, 而家食物成本都貴左, 仍然值得再去的...…查看更多