tjausw51的个人专页

以前食尚興，味道非常好，可惜已關門很久，一直遊走在其它潮州菜館，今天友人家有喜事再次來此聚會，發覺此店比以往做得更好，味道更正宗，真的太好了，很久沒有這麼滿足的潮州菜。潮州翅非常濃厚，好吃得沒話說。那個韭菜盒又是一朵手功夫，吃上去不膩不油，非常清新。鹵水鵝肝極高水準，香軟嫩滑，入口即化！炒薄殼肉更是味鮮至極，是晚各個菜式都非常好，一好吃好吃！反沙芋糖醋麵這些傳統的食味不能錯過，原汁原味，芋頭鬆化，香滑如吃熱雪糕，綠豆爽又是一個我最喜歡的潮州甜品！幸福！…查看更多

我每天都會在這裏買麵包。不是要求太多太好但確實個別員工值得再自我要求高一點，畢竟是服務行業，沒有客人應該要受及睇人面色的。另外亦不應該因為個別員工的不好而抹殺其他員工的好。我買一些比較濕麵包時。一般員工都會在那裏加一塊透明膠片從而避免弄汙糟包裝紙。但有一位員工不單止面色不好自我要求非常低，更因為想快速完成工作，就沒有把膠片放在上面。令到客人在享受這美好麵包的時候的體驗沒有在最好的。希望這位員工能為日後漫長的工作旅途自我要求高一點，這樣我相信她亦會快樂一點。…查看更多

偶爾會經過這間咖啡店...內裏有甜品及漢堡包，今天入去吃了個漢堡包午餐，店內的設計簡潔，座位不算擠迫。店員很有禮貌的安排我在吧台坐下。看看他們的餐牌簡單的點了一個漢堡包set, 開放式廚房，年青的廚師在後邊煎扒......聞到煎牛肉的味道已非常香！沙律非常新鮮可口，漢堡包的牛肉吃上去和外面的不同，沒有雪味！調味更是可喜，有淡淡的的海鹽鹹味，就此簡單已襯托出牛肉的粗香！沒有其他多餘的醃料怪味！其他配料確實是有美味特別一提片酸瓜，味道夠酸但不搶口蘑菇煎得夠香，芝士味道和份量恰度好處，一時忘記叫細份薯條，最后吃不完！價錢絕對超值，在中環有如此質素又價錢不貴的小店，確實可喜。…查看更多

此店新開不久，服務店員的水平確係有提升空間，言歸正傳到食物上，每樣出品都非常好，全在水準之上! 👍👍👍此蝦球賣相很好，味道更值得一讚，加上桔子汁更令鮮味突出，酸香可口，炸工非常好，外脆而內不油 !這個麻辣豆花酸菜魚亦很好味，值得推介此店自家手工魚腐魚湯浸勝瓜又是值得一吃👍👍👍這個蟹飯下邊的米飯有蟹膏蟹汁炒得非常香口又不油膩，另外蟹面上鋪上炸過米飯粒，混合口感和下邊啲飯混在一起吃真妙不可言! 這個非常好吃👍👍👍…查看更多

此店在鬧市中但並不太易找到，店內裝修好優雅，不似一般的潮州打冷地方。主要的食物真如裝潢一橡美觀精緻，味道很不錯，走中間路綫不太濃重油膩，其中最愛其馬友🐟，鹹香又清鮮而豆醬料做成花放在魚上很美! 鹹🐓也做得非常好，🐓肉爽身味道入曬連雞骨都好有味👍 當晚另外又有新鮮螄蚶，我平時唔會食但嗰晚一試非常好味，第日亦都冇任何問題證實咗係好乾淨👍👍值得一讚嘅就係黃豆煮涼瓜，呢個菜真係好有功夫，佢下邊嗰啲豆汁非常香，涼瓜入口即化甘而不苦👍👍👍值得回頭! …查看更多

呢間原本在鴨利洲大街十幾年的發仔記自搬到鴨利洲街市傍邊小巷亦已十年左右，一直有去食，因為實在太合口味! 我喜歡食海魚，佢地有游水海魚，記住係游水海魚而不是一般海鮮酒家的養殖海鮮魚! 更有一般酒家冇得食嘅冰鮮細海魚仔如獅頭、細倉魚、青筋、黃花仔、木綿仔(細大眼雞)。佢地一般小菜亦好得，食過好多出現嘅所謂小炒王其實同呢度真係兩回事! 佢地家庭式經營，老板三哥為人率直，有話直説，斤両十足，你亦可在隔離鴨利洲海鮮市場買海鮮自來加工，佢地用油好靚，我敢講同頂級酒家比，因為從來未有試過咁純海鮮原本味! 小店只有幾張枱，定要預訂，否則多數白行! 咁多年我去香港仔只去呢間，試過上街市大排檔及其它店，只有更想回來! 如果講埋價錢更令人滿意，因為真係實惠 ! 當然食店環境是很普通，半點也不豪華，是街坊小店，我一直忍住不寫這店是自私去諗怕佢出名了更難有位!!!…查看更多

經常會周圍試全港各區燒味飯，特別是港島區，因為自己返工喺呢度所以經常去試，呢一間真係冇得輸因為佢同最名貴嘅燒味店相比一點都不輸蝕，仲有價錢貼地，老實經營值得肯定。第二就係價錢唔貴之餘分量仲要做足，這一點相當難得，並冇偷雞扣起一嚿半嚿。鵝肉嫩滑皮薄另外仲試埋佢哋燒肉同叉燒都係一絕。…查看更多

偶然行過有一間不起眼的舊式麵店，好奇之下走入去一試發覺不得了。叫了在別的地方很少有的雞腸，原本想吃一碟飯但發現有竹昇麵就直接來碗雞腸牛腩麵。湯底很濃厚飲得出定不是靠味精調味而是真正有湯底，麵身冇堿水味喺爽滑彈牙有咬口已經比市面上90%嘅店好。主角雞腸簡直就係其中一樣好難搵得到嘅極品之一。牛腩估唔到亦同樣出色，有一種軟滑嫩鮮之口感! 另外不能不讚就係佢嘅自家辣椒油用來點雞腸同牛腩有一種格外提鮮味道，總括嚟講呢間店絕對係尖沙咀區滄海遺珠之極品。定要常來光顧。…查看更多

之前在銅鑼灣食過非常好嘅燒味跟住又想再試下港島區其他出名嘅。睇完食評專程去食，以為好出名，在門口排隊等咗大概五分鐘就有位又唔係想像中等咁耐，點知入到去坐低但好似唔想招呼你，我開聲叫鵝肶飯，眼見燒臘檔有幾隻燒鵝係啩喺櫥窗度，但佢竟然同我講冇鵝肶，噉都可以，算啦照叫燒鵝叉燒雙拼飯，但佢地冇心做仲要俾下欄位你食，以前燒臘檔所有燒鵝頸同埋燒鵝翼全部係做下欄，放喺鋪頭前邊賣畀人買返去煲粥又好做雞仔餅又好。點知呢度叫碟燒鵝飯雙拼，燒鵝已經冇乜仲要你俾個翼位你，全部都係骨又冇肉! 真係咁都得! 叉燒分量正常但食落竟然有豬肉騷味......即係人地成日講有啲豬肉佢哋係唔會食嘅臭豬味 ! 竟然做完叉燒都有呢啲味可想而知幾咁唔得 ! 飯底冇問題但嗰啲豉油唔似中式燒臘檔嘅豉油，竟然係好濃好傑撻撻，似食日本鰻魚飯嗰種甜醬豉油，令到嗰碟飯都唔知佢係似日式定係本地港式。仲要價錢唔係平，算喇以後都唔會再去，100%中伏!…查看更多

這店已幫襯了很多年，經常見講普通話的十次光顧，店內簡單裝修但最重要就是食物的味道非常正宗而且是即叫即做的午餐套餐非常好，夠味道直接的湖南辣! 網上很多食評批評他們的服務態度，可能就是湖南人的直白。應該是本地人不慣內地的說話口吻吧，我認為還算可以的。…查看更多

之前試過在這家買滷水鵝髀飯因為覺得這家的滷水鵝髀不錯就幫襯，但發現斬開啲鵝肶好像不是一個完整的數量，反正就少了一點，及至有一次走過的時候看人叫外賣說是鵝髀飯免切，於是我又跟著這樣叫但回到辦公室發現原來免切鵝髀衹是給你約半隻多一點，下半部分竟然是批去了的，這樣的取巧，我以後也不會再回頭幫襯了，我情願他收貴一點給我全隻鵝髀也不要現在這樣取巧的偷去半個。香港的生意雖然不容易做鋪租人工都貴但你啲食物既然有質素就不怕收貴一點，收貴一點也好過手法不佳取巧。這樣的劣習在香港很多燒臘滷水鋪都會有但想到這間鋪頭平時見老闆也很勤力，但這樣的手法而不改變就是一個敗筆希望他們注意改善。…查看更多

這間在熟食市場裏的角落位置，平時一點都不起眼但在午膳時間大排長龍，今天的起心肝去排隊，等了約20分鐘到我的時候急不及待多點兩個餸，點了雞腳，牛雜同炸魚餅，非常足料坐著一邊吃一邊心中猛讚。估不到在香港鬧市仍然有這麼真材實料味道又好的車仔粉麵，牛雜鮮嫩味道一流完全感覺不到過重過量的調味，而且煮得味道及火候剛剛好。雞腳沒有炸過，非常滑及入味，煎魚餅又是新鮮鯪魚肉泡製吃過不能不上癮，真的是一定要再來，常來，常常來!…查看更多