JOOOw的个人专页

一開始見到餐廳個大屏幕覺得好吸引於是經Openrice訂座去到個陣餐廳已經坐咗好多人有啲客要坐下面普通裝修個層一心諗住訂咗位應該OK啦結果上到去被安排坐喺高枱同較入既位置個侍應主動話之後有位會轉返枱但最後坐咗成粒半鐘都未有人安排無諗過訂咗位都係咁 好失望問個侍應 佢話因為個晚Booking好full其實明知啲客都係為上層個環境去會唔會限制下Booking數量如果係來慶祝特別日子就真係出哂事服務態度方面 有個侍應好好 好有禮貌但其他可能太忙 無咩耐性例如個招牌菜 「博大霧」明明係sell揭蓋個下啲霧但個侍應好快手擺低自己揭埋蓋就走結果啲霧一野無哂食物方面不過不失 冬蔭公Pizza幾好味 值得一試而且大大份比較抵食飲品都OK其他前菜同主菜就普通啲甜品香蕉煎餅太貴要讚既位係餐廳無限時不過整體而言 考慮到價錢服務態度 同座位安排可以有更好既選擇又或者只係到訪一次就夠我見其他食客都有提到訂位問題餐飲質素重要 但畢竟環境係間舖宣傳嘅賣點餐廳真係要重新計劃過啲安排希望只係新開先咁之後會有改善啦…查看更多

夜晚10點食完飯又食唔落糖水了行去地鐵站途中經過～～見到兔寶寶雪糕好得意呀而且呢排天氣悶熱即刻想買返個食下本身以為一定要跟返圖個口味但原來唔洗 口味可以自己揀所以可以揀返自己鍾意既味道店員服務態度好好👍🏻真係用心去砌個雪糕🍦所以砌得好靚而且會好親切回答我既疑問🤔️日本口味既雪糕偏向沙冰感同甜所以打卡完就要快快脆脆食啦整體來講雪糕都好滑 奶味好重呢個價錢都幾抵同場仲做緊日本雪糕買一送一 ！正呀！！！！…查看更多

星期六下午 係附近食完正餐剛剛好行過呢間雪糕小店呢間開係文青地區入面既店新潮既裝修 獨沽一味賣純素雪糕同雪條間店空間勁大 而且聖誕節有棵好靚既燈樹菜單同係Openrice見到既有啲唔同好似轉咗啲味道同配搭今次叫既係豆腐味雪糕配木糠豆腐味好濃厚 亦唔會好人工味而且份量比得好大方!!間店坐落都幾舒服不過略嫌提供既食物種類太少其實間舖咁大 淨係食雪糕又有啲浪費雖然個雪糕好好味但建議可以加多啲甜品或輕食相信會有更加多人幫襯…查看更多

係附近整完手工都八點幾，即刻搵下周圍有咩好食。同觀塘既工廈唔同，呢邊相對少餐廳，而且大部分都係返工時間外就唔開。上網見到呢間店，環境都好似唔錯，適合同朋友仔傾下計，一於就揀你啦！去到附近真係有少少慌張架，周圍好靜同好黑，但都有少少人煙既😂😂上到上面又安心哂喎，舖頭燈光好足夠，仲有啲好浪漫既燈串。舖頭雖然唔大間，但係都夠空間感同埋有種溫馨小店既感覺。同朋友各自叫左個Main，分別係慢煮白味噌豬胺同安格斯牛個慢煮白味噌豬胺不得了，大大份，好腍好好味，又唔會太滯！伴碟仲有啲薯蓉撈埋啲汁好好食呀😋😋😋之後係安格斯牛 呢個就相對上失色但都依然係好味的 尤其係見到佢煮得岩岩好！但個調味有少少太重，蓋過左牛肉本身既味道，建議唔洗淋個醬上去😇兩樣野價錢都唔算貴，尤其係以個豬胺來計，簡直令人垂涎欲滴🥳🥳🥳而家諗起都想食呀🥰🥰…查看更多

大雨下被逼留在商場等雨停，順便買杯咖啡飲飲提神啦。見到呢間舖頭賣叫做Croffle既食物咁特別，於是就去一探究竟啦！呢間舖頭主要賣啲簡單既Pastries，都有鬆餅之類，但最吸引我既就係Croffle啦。Croffle係Croissant同Waffle既混合體，個樣係窩夫樣，但其實係牛角包咁既口感。唔同牛角包既係，壓扁左既Croffle食落無咁多空氣感，但仍然保留鬆化既感覺，又無一般窩夫好滯既粉感，正！Croffle可以揀配唔同既配料，因為今次諗住簡單食就揀左最經典既火腿芝士。另外仲買左杯Latte，正正常常啦！員工態度都友善，美中不足係店太細，坐外圍既位都幾唔舒服，都係買走食更好呢！…查看更多

超好味又抵食既漢堡包🥰🥰仲要有好多唔同種類既包揀見到生酮麵包幾得意今次就試試佢另外要咗牛肉同黑松露醬😋😋呢張相影唔到但牛肉熟得恰到好處配埋個醬好惹味另外加咗蕃茄同酸瓜包既口感好特別 唔識形容但感覺上無傳統個種包咁油食漢堡包既罪惡感都低啲😝😝😝另外要分享下個薯條份量極多 有少少鹽調味仲要係連皮個種 香脆可口😚最後少少意見比返餐廳外賣紙袋勁大個雖然個袋係靚同引人注目但外賣最緊要係方便！！通常買野都係一次過去幾間紙袋又無手抽 拎住啲野唔方便尤其係有啲可能係返工客拎住咁大個袋入去都幾尷尬希望可以轉用手抽式既紙袋😇…查看更多

深水埗大南街一帶早已進駐多間cafe最新開既係呢間Nomad未行到之前已經見到有唔少人等緊所以記得可以的話book位先！店員感覺比較生手唔識補位或者主動比水同餐具可能新開仲需要啲時間習慣但係店員禮貌係好好的😇今次一個人來被安排坐係吧枱位置可以見到咖啡師整唔同既飲品值得一讚係咖啡師唔會因為自己唔係樓面就完全唔理啲客反而仲會幫手叫同事處理問題😗叫左個蒲燒鰻魚漢堡鰻魚真係勁大份 亦都好入味包入面仲有啲菇係到我差啲驚自己食唔哂呀！薯條係厚切版 食到好滋味～間舖頭裝潢好靚 有一種工業風不過人流實在太多希望熱潮減退可以慢慢chill…查看更多

成個商場都好新好靚仲有唔同既新餐廳今次因為已經食飽 淨係想食甜野所以去咗呢到食雪糕🥰🥰一開始只是想叫一球⋯或者雙球⋯點知佢地新出有得揀五個迷你球！我覺得呢個新既產品好岩心水平時有選擇困難症 有啲味想試又唔想食咁多迷你球就岩哂我😊😊最後揀左：北海道牛奶忌廉芝士櫻花豆腐港式奶茶每次都要讚忌廉芝士同豆腐味好好味😋而且個味真係似返佢地自己唔會有好人工既感覺今次覺得港式奶茶有驚喜！覺得個味夠真又好清甜🥰提提大家Milktop雪糕一向口感都係比較冰唔係一般人好鍾意奶味濃既雪糕好處係味道會真啲但如果你鍾意奶味重就可能軟雪糕岩你多啲！最後想建議不如唔好用窩夫因為見都唔多人會食埋可能用返杯裝同埋加塊盒或蛋糕仔更吸引…查看更多

次次去葵廣都會幫襯見住佢慢慢加唔同產品由一開始得啲較舊式既飲品到後來加水果茶同湯亦都買過好多次茶包水果茶好多料多到飲唔哂會覺得好浪費而且甜味比較天然唔會覺得自己飲左杯甜野好邪惡岩哂想飲甜又想要健康既人茶包方面要讚真係好足料而且會配埋茶袋呢點係出面賣八九蚊既舖頭做唔到每款包裝後面會寫一句勉勵人既句子覺得幾有心思！不過有啲意見想比返舖頭其實一般呢啲賣茶包既店隔離仲要係排隊既人潮應該會好多人入去睇但每次都唔見多人我覺得同裝修風格同包裝有關裝修方面可能係想配合返個店名所以成間店都好暗好黑得少少燈做裝飾 令人地就咁睇都唔知賣乜包裝方面成個袋都係黑色連入面好足料都睇唔到啦😂😂所以建議返舖頭可以轉下啲風格考慮用星空宇宙feel 加啲打卡位同埋包裝方面可以用返啲文青包裝可以留意下時下既風格同喜好會好過不停出新產品味道當然重要 但吸引到人幫襯都重要呀…查看更多

之前每次食都覺得唔錯湯底同配料都多元化但始終新開個陣最好後期覺得不斷退步⋯⋯今次終於忍唔到要寫食評！！！！大家可以睇下 下面啲肉係薄到透光咁一擺上枱呆了好聽啲係入口即化其實係薄到感受唔到自己食咗啲咩薄到咁幾靚既牛都係浪費啦醬料區得一邊一開始多人個陣就排哂隊足足排成十幾個人但個空間勁窄 逼到不得了咁多人塞埋一齊 想去拎配料都拎唔到唯一要讚係啲伙記多人到爆場但好快手又主動收野同埋會主動比紙袋啲客裝住口罩不過食物咁既質素真係好失望…查看更多

一個人的午餐 唔知食乜好但返工太攰 偶爾都想去個靚靚環境奢侈一下點知今餐又真係有啲太奢侈⋯⋯環境無得彈真係裝修得靚而且店員服務都還可以不過店裡規矩多多一睇完都已經覺得有啲壓力叫左一碟蟹肉牛油果意粉同埋一杯咖啡雖然是lunch hour 但餐廳係無lunch set的!!!!每樣野都係單點價 印象中飲品都係單點加意粉要百幾蚊左右 唔係話唔好味又食落有啲淡同油 無牛油果既話就更普通不過用料係好足既但加埋飲品 可想而知呢餐午餐食左幾多錢⋯⋯奉勸大家可以揀返飲佢杯蝶豆花檸檬水就算…查看更多

如果淨係追求環境靚係還好簡約文青風但唔知點解近門口棵樹同哂店員同朋友既合照打卡個陣就好似同佢地影相咁不過打卡係其次 飲食同氣氛先係重點而家睇返先發覺一張食物同飲品既相都無影叫左冷泡伯爵茶 擺盤幾有心機但無基本上得一杯既份量覺得有點貴了貝果同開心果蛋糕好快就賣哂 無得試建議想食既人早啲去如果唔係就得返好少選擇個氣氛比人輕鬆既感覺由於正值肺炎期間店員要求客人自己帶走用過既口罩呢個要求都相當合理但店員仲要求客人帶走用過既紙巾😂😂唔係包住口罩個張原來係所有用過既紙巾都要自己帶走我地未食完 已經見到其他客仔比店員叫返返轉頭扔紙巾感覺就唔係太好 因為店員一叫佢地個陣成間餐廳啲人都望住哂建議店員可以選擇係店門口擺低個細垃圾筒埋單個陣提客人係門口垃圾桶扔紙巾口罩就要拎返出街扔而唔係就咁叫人自己帶走…查看更多

難得入元朗一次，又想搵間環境好啲既舖頭食野，上Openrice搵左呢間。一去到門口已經有位店員好熱心咁幫手安排座位，又有位女店員比個籃裝住個袋。叫左一個二人餐，有個前菜，一個意粉同一個主菜，仲有湯同餐飲。上菜個陣已經覺得擺盤好有心思，但職員既態度更令人驚喜。一般餐廳唔會咁好服務，差唔多每次都同你換碟，但呢到職員勁勤力！下面呢個係前菜 牛肉丸芝士薯蓉始終係前菜 薯蓉既份量唔係太多但真係好好味跟住係甜蝦墨魚咀海膽汁意粉呢個配搭都幾新鮮 有啲日式fusion feel再下面果個係橙香鴨脾跟焗芝士薯仔食完真係好飽 鴨脾有驚喜唯一無奈既位係舖頭地方唔大所以枱同枱之間都算近不過都唔影響進食而且店員唔會趕人走～…查看更多

自從睇到報導後，就心心念念去到銅鑼灣一定要食。小店位於銅鑼灣地帶，人流較少，店面又小小的，位置都唔容易搵。-一去到就見到個櫃擺哂唔同甜品出來-第一眼其實係更想食馬卡龍先。呢到既馬卡龍同出面既有些少唔同。外型較肥扁，店主話係意式，可能同法式精緻又細小既做法唔同。下面一粒係焙茶 一粒係朱古力本身想揀伯爵茶 但店主話賣哂了兩粒馬卡龍甜度適中個人更愛焙茶特別既味道-最後當然要試試咕咕洛夫係乜啦今次揀左綠茶味上面有粒細細的馬卡龍原來咕咕洛夫係一種口感偏實的蛋糕有啲濕潤既口感店主服務親切熱情，主動提出翻熱服務亦唔會過份hardsell…查看更多

城中捲起一陣疏乎厘pancake旋風，大大小小有貴有平。今日就來到過江龍試下係咪真係份外好食。一去到⋯⋯哇排左長長既人龍估唔到開左業咁耐，仲要係平日六七點都可以排咁長。行前啲睇，原來餐廳環境好細，亦好似無限時，所以都要等返一個鐘多啲。餐牌選擇不多，有鹹有甜。作為較傳統既人，都係由甜點入手算啦。揀左兩款有香蕉朱古力同士多啤梨藍莓。個人認為士多啤梨藍莓較出色，有甜有酸味道較豐富，而忌廉係原味既配搭亦令到感覺無咁膩。…查看更多