adrenalinehk的个人专页

無意中經過呢度，本來想去附近餐廳晚飯，見到瓊媽媽好似幾新，又有人係門口，就俾個機會試下。餐牌無乜選擇（反而覺得係好），叫左兩款雞同埋咖哩。起初有啲驚中伏，始終太多「海南雞」都係厄人⋯⋯竟然有驚喜！雞好滑，煮得岩岩好，油飯都恰到好處。以呢個超親民價錢有呢個質素，的確可以再次光顧。…查看更多

今日行過大角咀，眼見一間新餐廳號稱馬來西亞特色餐館，外貌抄足深水埗人氣食店蘇媽蘇媽，以為會有驚喜，點知係驚嚇。要咗一個怡保芽菜雞，電東華係特色推薦菜，點知嚟到嘅時候發現芽菜並非怡保嘅芽菜，只係普通街市可以買到嘅芽菜加上雞。個飯尚算可以接受，但係亦完全馬來西亞風味。之後再點左一個肉骨茶，件肉好有誠意，夠晒大件，但係完全冇味。肉同埋湯係分開煮，所以完全冇味。如果店東真係一個馬來西亞人，請你好好做你嘅菜，不要糟蹋馬來西亞美食天堂這一稱號。總括來講，呢間鋪頭可以完全不需要再去。完全糟蹋左我今日嘅午餐。…查看更多

呢間舖食物還算可以接受，但服務態度奇差！來店時服務生俾左錯誤資料，之後竟然唔係糾正錯誤，而係有位兇神惡煞既廚房佬出黎話服務員講錯唔關佢地事，唔會負責任！如果服務生唔係代表間餐廳，我都唔明係乜嘢服務，仲要搵人出黎同個客嘈？仲要叫人睇清楚先，咁係咪寫左係度就可以炒哂所有伙記？唔怪得遊客話香港服務態度完全不能接受。再見，大家都唔好去。附近火鍋店仲有好多間。沒有差，只有更差！All those who can’t read Chinese.... don’t go to this shop. Poor service attitude. Totally unacceptable! You will definitely regret!…查看更多

門口一點都不起眼，但幾粒韓文字同埋個 Oppa 吸引左我地入去。食物超正宗，完全韓國口味。以正宗韓菜黎講，物有所值。炸雞可以叫半份，係完全令人窩心既做法。 😍😍讚！…查看更多

俾個裝修引左我男朋友入去，食物唔錯。態度普通，不過其他食客實在太嘈了。個牛腩飯幾牛腩，意粉超芝士。平價之中可以選擇，試下既一間舖。杯嘢飲都還可，份糧十足，唔會餓住走。…查看更多

新開小店，充滿期待，可惜又是失望。店內佈置還可以，頗舒服，可惜音樂大家，加上店務員大聲聊天，變得超吵耳。食物方面，小籠包尚可接受。但排骨拉麵，不單止不能轉擔擔麵，麵，湯亦完全沒有味道，就好似自己煮上海麵之後啲水一樣⋯ 排骨沒彈性，還有點硬。服務⋯最初只可給予普通評分。但當吧枱中央疑似經理問我要唔要豆漿或者酸梅湯而我話唔要之後，立即表演中國傳統變臉法，亦無打算俾茶我。一杯茶咁基本都做唔到？下次睇怕，都係去傳統小店好啲。…查看更多

諗住對面食米線，點知好多人，就貪方便入呢度試下啦，點知食物好普通，服務都係普通，個飯可以用難食形容，好濕⋯⋯而個排骨⋯⋯仲肥過我呀！最有創意同好食就係個茄子。而且都有啲貴，兩個人要200蚊⋯行多半條街去金魚街個間點心更好⋯:(…查看更多