cancandy20的个人专页

本身響附近番工, 開左幾日已經眼望望幾時有位想試下呢間小店~ 終於等到有位可以坐低試下~點解要堂食呢? 一來因為有靚靚餐具可以打卡(誤), 二來好鐘意佢好似日式屋台嘅報置~食物方面真係有放過心機, 每一款都精緻新鮮好食! 紅色果塊係蕃茄, 店主少少調味令你估唔到佢係蕃茄又覺得好好食~店主們好nice會keep住加茶俾你, 又會同你傾下睇下你覺得點~我食緊果時隔離有位經常食素嘅嬸嬸都大讚好食~如果有興趣試要避開lunch peak hour, 因為得幾個位架咋~同埋店主星期日要家庭樂, 所以唔開架 :)…查看更多

之前同唔同朋友黎過幾次, 甚至同阿媽行街都特登帶左佢黎, 話呢度係我其中一個最鐘意嘅地方。但經過今次, 我決定唔會再黎。事缘係我同兩個朋友黎, 其中一位有左唔夠2個月身孕, 所以唔顯眼。我同另一個朋友, 兩個人各叫左一杯野飲, 有左果位睇晒成個menu, 因為唔飲得茶(包括花茶)嘅關係, 無叫到。當日我叫嘅係焙茶歐蕾, 朋友叫嘅係凍檸檬茶(檸檬特別烤過)。焙茶歐蕾唔錯, 同平時味道差唔多, 焙茶香氣濃郁~ 朋友果杯我就無問到好唔好飲。我左坐左一陣, 問題就黎啦..我地當時係坐隔離舖位嘅。有個職員黎加玻璃樽嘅水, 執碗碟。佢見到我地就問我地係咪3個人淨係買左2杯野飲。咁我地答係啦...以下係真實對話:staff: 呢度每個人至少要叫一杯野飲我: 唔好意思呀, 我朋友有左, 唔飲得茶呀...朋友: 有無juices呀? 一係我叫杯juice...staff: 無我: 一係我地買scone或者其他野食得唔得? (當時無為意scone比較平)staff: 唔得, 一係你叫洛神花茶, 無茶響入面 (大肚婆唔飲得茶同花茶.. 想點呢...)我地:...............(職員隨後黑面離去)成個過程個職員係黑口黑面, 當我地違規咁樣坐響度。我明白呢家係一間飲茶嘅cafe, 但或者個職員可以有禮貌d? 好簡單有番d禮貌話, 唔好意思呀, 不如你地叫多一杯?  件事即刻會唔同晒。佢個語氣係當正我地特登咁做, 審犯咁。我地提議左另外幾樣野(e.g. 買其他食物代替), 並無打算要白坐, 佢一一reject之餘態度惡劣。茶餐廳都有淨飲雙計, 但呢間小店係連少少彈性都俾唔到客人。為左唔好打擾其他客人嘅寧靜, 最後我地係默默地買左一杯熱朱古力, 因為飲唔晒嘅關係要外賣...急急腳離開間舖...當時我朋友覺得好唔好意思同委屈到差d喊..估唔到黎到呢個舖會比人惡劣對待, 笑住黎喊住走..唔通大肚婆就無權利同朋友一齊出黎傾計飲野? 另外重點係,  我地睇唔到menu有任何地方寫左每人最低消費一杯飲品, cashier位置 、cashier附近嘅位置都無呢個標示。如果你地係要咁嚴格執行, 審犯咁嘅麻煩寫好標語提示, 唔係呃左客人入黎之後當客人係出氣袋。…查看更多

作為觀塘的上班族, 經常輕嘆 "觀塘令人肥"。因觀塘遍地小店價廉物美到中高價位的食物從不缺。今次的Mealoaf, 特別推介其茶餐及早餐。即叫即做, 新鮮熱辣辣, 非常美味。價錢亦相宜。香脆麥包夾著即煎的煙肉和蛋, 味道好, 熱得有點燙嘴。包和蛋中間還夾有生菜。配著Earl Grey, 滿足的一餐, 填飽肚上課去。美中不足, 如果Earl Grey附有檸檬或奶更好呢。…查看更多

話說是夜心血來潮突然想鋸扒, 估唔到老公都突然想食d meaty嘢。二話不說就搭左車出尖沙咀,多謝老公縱我無原無故食個貴晚餐(就當係預早過情人節吧, 哈哈哈)去到門口初頭都驚無位,幸好因為星期日嘅關係, walkin都無問題。坐低好快就位server過黎介紹自己。哈哈我成日都覺得呢度d server好有管家feel, 溫文有禮果種。枱上既燈好別緻~order野食一陣之後就黎左個包, 好失策呀無影到:(淨係影左個牛油。個法包上嘅時間仲係暖嘅,已經切好左一塊塊。外脆內軟唔會太硬, 令人好想食多幾塊!但點都要為之後嘅菜色忍忍口老公去親表扒房都會叫嘅crab cake。主要都係碎嘅蟹肉加上牛油, 少許青紅椒碎。上面再放上一大塊完整的蟹肉。味道鮮甜, 口感亦因有大塊蟹肉響面頭變得更豐富。當然唔好唔忘記Ruth Chris嘅一大賣點, 上食物嘅碟都係sizzling hot, 食物熱辣辣之餘亦香味撲鼻。我同老公都覺得呢個crab cake比上次黎有進步, 可能係材料新鮮d。同場加映細心嘅, 擠檸汁小包包。布袋仔入面放左檸檬, 咁就唔會好似平時咁擠到好狼狽啦雖然黎扒房好多時都啖啖肉,但都少不了叫個salad中和下。house salad有合核,生菜, croutons, 火箭菜同洋蔥。sauce可以自己揀。記憶中有數款vignette, blue cheese, thousand island同honey mustard。而我地就揀左honey mustard。可能食扒嘅餐廳始終整steak專業d, 沙律味道一般。菜不算juicy, presentation亦一般。主菜來啦!16oz, medium well嘅ribeye steak!侍應好細心咁上菜前先詢問想佢地幫我地分定係我地自己黎。懶到爆嘅我梗係想佢地分啦, 應該無我切得咁核突嘛依然都係放上sizzling+有牛油嘅碟上。食到最後一舊都係暖嘅, 好正!雖然叫medium well, 但都keep到出面香口, 入面juicy!side dish lyonnaise potatoes。即係sauteed potatoes with onions, 老公覺得好香口好好味。我就嫌硬左d, 都係睇個人口味啦:)有香甜嘅洋蔥, 唔錯。…查看更多

唔search都唔知原來除左一田呢間, 仲有其他Zai Fe嘅分店。初頭覺得響超市嘅正中間有間cafe, 都幾過癮。細看餐單後發現主打咖啡和輕食, 部分三文治更加入港式材料! (e.g.燒肉)經店員介紹後, 唔係咁肚餓嘅我order左個餐係有杯coffee/tea, 半分sandwich同湯清香嘅earl grey。我鐘意飲strong d嘅,呢杯就淡左少少。sandwich以半分黎講都唔算細, 有smoked salmon同牛油果。牛油果好多!smoked salmon就略嫌少左d。包都幾香軟。最特別嘅係個湯。我初頭以為蔬菜湯會係類似蕃茄湯咁,點知出乎意料。成個湯味道好特別, 有大量薯仔同紅蘿蔔, 印象中仲好似有少少瓜, 好重香料味。飲落有d香料既香辛味, 好暖胃。好似我咁鐘意香料味嘅可以一試…查看更多

兩公婆唔想煮飯, 點算好呢? 唯有喺附近商場搵食 入到黎搵位都唔算難, 好快就搵到位坐。叫左兩個小菜, 跟餐有白飯, 湯/飲品。我地兩個都揀左飲品。 我嗰杯係熱華田, 老公就叫左熱奶茶。豆腐枝竹班腩煲, 唔會過咸, 枝竹豆腐都入味, 整體OK。我個人就覺得枝竹可以腍多少少。時菜炒肉片, D菜好粗不過以呢個SIZE, 都唔算好老。肉片都係大大塊, 個菜係炒得幾香口, 不過油左D。…查看更多

人人黎食雪糕嘅時候我就黎試熱飲...真係幾怪相。無他, 真係好想食綠茶雪糕但又怕凍過頭...唯有攞個平衡。我相信身體弱d嘅絲打會明白我講咩講番杯飲品, counter係開放式,睇到店員點整D甜品同飲品。杯飲品我見先係擠左我叫左嘅攪扭紋雪糕, 再加沖好既綠茶。扭紋雪糕有d半溶唔會好冰凍, 又幼滑又香濃, 仲有一陣陣綠茶味, 超正!有d人唔鐘意食D雪糕溶溶地, 可能會唔鐘意呢杯嘢。但個雪糕溶左落個綠茶度, 令到成杯變得好香濃同creamy, 又幾過癮。不過飲到最後有d細細粒未溶得晒嘅綠茶粉, 可能因為雪糕撞落熱飲度, 唔夠熱度溶晒d綠茶粉。但整體都好滿意好好味…查看更多

說是飯堂是有點過分啦，京笹的價格絕對算不上平便。但數一數我和朋友來的次數，多得像當了這裡是飯堂啦 無他，京笹的食物很地道。環境舒適，不會令人太拘謹。事實上有很多日本人放工也來這兒喝一杯。氣氛不錯。今次跟老公在平日的晚上來，餐廳大約8分滿。剛坐下職員就遞上餐前小食，今次是栗子加南瓜。注意喔，這個是小食收錢的。不過我和老公也沒所謂，反正每次坐下時就餓得要命 栗子和南瓜加在一起，香甜軟綿，我把自己那一小碟很快就吃完了。青瓜新鮮爽脆，沙律醬也很足，包著每一樣食材。(愛吃沙律的朋友一定明白，沙律醬不夠總有點失色)整個沙律吃上去清新並有豐富的口感三文魚腩肥美，魷魚刺身鮮甜。很喜歡這兒會把青瓜卷進魷魚，魷魚的煙韌加上爽脆的青瓜令人欲罷不能對喜歡明太子和烏冬的我，這個絕對是大滿足。烏冬是煙韌多於彈牙，不錯=)牛舌是我常點的菜式，依然做得香脆油潤。但比起以前分量是少了。來過好多次都未有點過茶碗蒸。今次倒是pleasantly surprised. 足料程度基本上差不多每口都有蛋以外的食材，有冬菇有銀杏有魚肉等等。吃得我和老公“嘩嘩聲”。滿足的一餐之後就去下一站填飽甜胃了…查看更多

跟同學一起上課前吃個晚餐, 未點菜已決定縱使時間緊迫,也要一起滿足甜胃和鹹胃香蔥豚肉飯。麻油和香蔥味很重, 但不覺清香。吃下去感覺怪怪的, 可能沒有預期這麼有點香蔥辛辣的感覺。豚肉味道一般,偏肥, 沒有什麼特別。整體OK, 可能只是跟本人的口味不夾。抹茶紅豆吉士銅鑼燒。抹茶吉士夠幼滑, 但味道有點淡。雖然貌似pancake,但其實是放大版的銅鑼燒, 吃下去頗鬆軟。分量不少, 吃罷有點膩...下次回來再嘗嘗有抹茶雪糕的甜品吧, 應該會更可以過足抹茶癮:)…查看更多

是日與舊同事聚舊~難得同事提議中餐(之前數次都是西餐, 上一回聚會就在不遠的Main st. Deli)openrice後選了雲來軒, 正合我意 一直想來雲本軒試試, 耐可兩公婆吃不了什麼, 總是放棄中菜。齊人後一行四人前往雲來軒。其實這家餐廳不算易找,但我來過豚王 (就在對面),由k11過來很快就到了。安排入座前, 聽同事說好像tablemap有折,跟職員擾攘了一回就入座了。枱與枱之間的距離尚可, 至少不會聽到其他客人的對話。當然也不能說是十分寬敞啦。餐具及茶杯確實菜名有點長, 不記得了(笑)記憶中窩粑香脆輕盈不油膩, 和上面的橙香汁及班塊很搭。不錯。愛清淡口味的同事大讚此麻醬准山,我嘗過後亦覺准山清新爽口, 可惜分量有點太少。蜜汁黑豚肉食味一般, 感覺太瘦了。跟本人的喜好有少許差別(喜歡少許焦脆的)貴妃雞, 幾香幾滑。亦唔會太肥。米湯杞子浸時蔬, 看它平平無奇。事實上頗有米香, 小白菜有米香加杞子味, 看似清淡但食味不俗。 …查看更多

位於一田中間的天仁喫茶趣絕對是一個驚喜。記得早前在誠品, 看到天仁外總是一條長長的人龍, 動輒要排上一個小時...我不是那麼有耐性的一個人, 總是放棄收場。難得今天沒有人排隊, 趕緊買杯嘗嘗。由於是日對奶類飲品沒有興趣,選了蜂蜜綠茶。習慣使然喜歡熱飲,落單的時候店員溫馨提醒蜂蜜綠茶不能做熱的,只能做常溫。那就最後選了常溫的。喝下去先是微微的蜂蜜香甜,然後是綠茶的甘味。很清淡, 配搭得不錯呀。作為飲品也很解渴…查看更多

由於婚後淨下大量餅咭, 一直打著清餅咭的旗號不斷嘗試該店產品,直至今次終於試到濃厚抹茶卷 為什麼說終於呢?因為東海堂的甜品蛋糕五花八門, 每一件都花枝招展, 平實的綠色一卷不算太討喜吧。但身為綠茶控的我又怎會錯過它呢~今天早上心血來潮就去用餅咭+現金帶它回office。(使用餅咭的朋友注意喔, 價錢是$138。如不用餅咭價錢是$128)盒上寫有採用了哪家的抹茶盒的側面內裡也包裝得妥當強調無添加吃罷第一口我心醉了綠茶蛋糕輕柔濕潤綿密不鬆散配上輕甜濃郁的綠茶忌廉一整個配合得好好就連本身不好甜的同事也讚不絕口幸好同事不多..也許我還可以添多一件呢 (偷笑)…查看更多

平安夜依舊要上堂,結果只好草草食個快餐就番學去到竟然見到有聖誕大餐覺得好搞笑之餘又揀唔O岩其他野唯有揀呢個餐$48有薯菜,牛扒同火雞哈哈哈大家唔好太大expectation始終係快餐嘛牛扒有點太薄火雞還幸不算太鞋口成個餐最好味既係薯條可惜太熱氣唔敢食太多分量偏細...食完仲有d肚餓…查看更多

友人響個幾禮拜前已經提過想去Moomin cafe,雖然我唔係姆明既hardcore fans, 都想去一探究竟 於是就膽粗粗聖誕夜諗住去拎張飛等下~點知去到發覺已經轉左要排隊咁無計啦聖誕夜, 度度都超多人開始排既時候都係十幾二十人響前面, 唔算太多心諗點解咁好彩呢?聖誕節喎...排到咁上下謎底就解開:原來今日係食聖誕餐要成300幾蚊一個, 加pancake仲要4百幾tim即刻打俾朋友問佢o唔ok, 佢都同意左之後於是繼續排 等左大概30分鐘左右,終於到我地啦!餐廳入面既裝修好有歐式小屋既感覺勁開心我地竟然可以坐到海景位煙三文魚, salmon milk soup, 焗薯蓉, 沙律同聖誕特飲煙三文魚分量都唔少, 大大片, 亦算油潤salmon milk soup出奇地無咩腥味, 連同牛奶滑滑溜焗薯蓉超香口, 面頭有鋪麵包糠, 頗有驚喜沙律菜分量還好, 汁有d酸酸地, 應該有vinegarzoom in呢個聖誕特飲佢似係無酒精版既mulled wine!有mulled wine既香料味但個底似係berry juice出奇地好飲同開胃餐送俾我地既杯亦係跟圖中同款呢個係鹿肉配紅酒汁響香港真係好少食鹿肉個紅酒汁有蘑菇, 味道一般反而鹿肉既質感其實有D似牛肉幾軟腍滑身旁邊既燒雜菜同berry sauce都係驚喜berry sauce酸酸甜甜可減低油膩感覺焗羊架朋友食左一啖即刻讚正我食落都覺得好好除左因為佢焗得香口, 羊肉無整得詔熟加上少許類似mustard既汁響面好好味!跟餐既飯竟然係珍珠米,無咩comment但係有d估唔到咁XD食到中途店員已經好貼心咁拎包裝好既兩隻杯俾我地最後壓軸出場既pancake!好彩兩個人先叫左一分pancake,唔係既話, 分量之大分分鐘食唔晒左手邊由上面起係creme brulee, mango pudding同chocolate moussecreme brulee達標, 香甜幼滑但mango pudding竟然有種維x紙包mango juice既味...chocolate mousse平平無奇, 一般般不過右手邊既pancake!!香軟而且入口就慢慢溶幾乎唔使嘴嚼!加埋d cream同strawberries好正呀~愛甜品既我好滿意晚飯期間當然唔少得請店員幫手搵d大大隻既moomin公仔黎影相我同朋友都比較鐘意史力奇, 兩個人各自同佢合照, 又再selfie,又同史力奇一齊食左陣野, 好滿足!店員全部都笑面迎人, 雖然當晚好多人好忙幫我地拎公仔過黎既時候好樂意好熱心呢樣好抵讚整體野食, 服務氣氛都好好,令我地覺得雖然聖誕餐有d貴但都係物有所值, 條氣係順既最後祝各位Happy New Year!…查看更多

響Time Square買完野之後想搵個地方食飯見時間尚早就上左食通天搏一搏見到炎丸呢間日式餐廳就快快趣入左去餐廳環境唔錯枱同枱之間算闊唔會太無私隱:)中間個燒食物既炭爐好有氣氛！我地晚餐期間仲聽到“僻歷啪啦”既聲講番野食叫左三文魚腩刺身,另外一個印象中係劍魚兩個都好肥美甘香菜式既presentation都幾靚另外一個係雜錦壽司整體都唔錯，但無話特別有邊件特別好食呢個燒魚係店員既推介個皮唔係香脆果種，有d d煙韌魚肉唔多，鹹鹹地，實淨但唔算滑初頭店員推薦既時候我地都驚兩個人食唔晒但後尾都剛剛好最後埋單既時候用匯豐信用咭原來送甜品有布甸同燒生果揀店員好好咁suggest不如布甸，唔使等咁耐可惜唔記得影相賣相唔錯架，但味道一般…查看更多