Kiki_Miya的個人專頁

叫了兩個炒野，乾炒牛河/星洲炒米+兩杯紅豆冰 $116乾炒牛河無味，無獲氣，啲牛又硬，總之好難食星洲米又係一樣，兩樣野係有色，但唔知點解可以無味，我已經唔係食開濃味個啲人，我比其他人試下，交換食，大家都覺得係。。。。。勁難食，$116完全唔值！紅豆冰又勁奇怪，啲紅豆勁硬，完全同出面個啲紅豆冰差好遠，好似紅豆還紅豆，椰汁還椰汁，兩樣野都溝唔埋，無紅豆冰既感覺！完全覺得中哂伏，估唔到咁普通既野，一間茶餐廳都整得咁難食題外話，我等外賣差不多等左半個鐘…查看更多

我係一個好鍾意食自助餐既人，好多自助餐都有食過，但我特別為 "the place" 寫食評，因為我真係覺得好抵同好味。飲品有兩款比你任飲，我通常飲橙汁或雜果賓治，視乎佢當日提供乜。鵝肝，之前幾次都係有個廚司企係度煎，大大舊咁，近排變左廚房入面煎，見個碟無先fill ，無咁大舊，但一樣好好味，係我最愛。冷盤: 藍青口，長腳蟹，龍蝦夾，蝦(我唔食)，生蠔有兩款(我都係唔食)熟食: 龍蝦 (我覺得麻麻地，但肉好un，但朋友話好食)粉麵檔 ，無特別扒，唔知牛定羊，我都係唔食仲有其他薄餅，菜，炒飯個啲壽司檔，凍肉檔，生律吧，都有好多款揀最後係甜品，款式都多，次次去都唔同，上次見到個紫薯蛋糕，又幾味，仲有生果，豆腐花MP雪糕，有8個味，要員工筆，每一次都好細舊，想食多啲要行多幾次。通常都有7折，賣單5百幾6百，有咁多野食又好味！…查看更多

上海婆婆未加價之前，一個月最少食一次，荃灣，葵芳，屯門都食過哂！因為真係好好味又唔貴！今次一樣都叫返平時食開個啲：滇江肴肉：每一次都會食，整得好入味，又夠凍，分量又多，起碼有十五舊！但自從加價之後，啲肉開始食到有筋而且咬唔爛，之前從未試過咁樣，有時一夾就散……唉，好失望。小籠包：好多湯汁，又濃。不過近排開始食到舊肉好鞋。婆婆粗炒：之前有好多菜好好味，依家得返幾條菜，又細碟左……不過都一樣幾好味！紅油抄手：又係我最愛！因為啲汁甜甜地，又唔太辣，又多花生！不過依家除左少左花生，少左汁，都好好味既！雖然上海婆婆退步左，又貴左，野食又無之前咁好味！不過都過得去，只係無咁物有所值。…查看更多

寶哥上海菜館今次是第二次光顧。由於上一次已相隔很長時間，食物不過不失，所以順路經過再去品嚐。今次叫了5味菜：小籠包：28蚊4隻，好似好抵，但size 是一啖可以擺哂入口，麻麻地抵食。湯汁頗多，味道不錯。花雕醉雞：賣相很差，雞皮灰色一撻撻，好似擺左好耐，位置又奇怪，好似patpat 位，無什麼肉食可言，只有肥糕，不過味道不錯。紅油炒手：只是一啲小雲吞加點辣油，小雲吞勁似超市買到個啲味道，超級普通！噴湯生煎飽： 好失望，完全無湯可以噴，入面舊肉係“梅“ 架！即係完全無口感，爛肉咁！好差！排骨粗炒：排骨係可以咬唔開，唔知道係唔新鮮定煮得太耐，另一方面粗炒係ok既，不過不失。另外，待應係唔會自加茶，每一次都要叫！而且仲聽到待應講客人壞話，話個客麻煩，加完又加。服務係只可以比1分。…查看更多

India 咖喱！聽人講話幾好食所以黎試下。食物就真係好普通，但服務態度就好好，老闆/待應都識講中文，佢地好多同鄉都黎食，眼見對面個india 人叫左薄餅有個酸醬，我叫薄餅就無酸醬，我眼甘甘望住佢個醬，佢竟然開口同我講“試下啦，個醬好好味架，酸酸地少少辣, 你問個待應攞啦，唔使錢架” 佢地其實真係好有善。講返啲食物：牛腩咖喱拼薄餅 45蚊個咖喱好濃，唔會有椰香個隻咖喱。牛腩好淋，又夠多，但我覺得都唔係好特別。個薄餅好un，啲粉好似未熟哂咁，個薄餅令到今晚餐飯扣左好多分。薯仔薄餅 14蚊佢入面有啲咖喱，好辣，食左一啖完全食唔到，本身我食唔到辣，所以不宜比評價。但我朋友就食哂。咖喱雞翼 15蚊兩隻全翼好大舊粉炸到好大舊，橙紅色既雞翼，個樣好似好惹味，食落無想像中咁惹味，好普通。堂食其間有好多人黎買外賣，相當受歡迎，不過唔太啱我心水。不過值得一試！…查看更多

見到團購有麵包蟹，龍蝦，仲有生蠔，唔算太貴，所以就買黎試試！去到真係有好多海鮮都有，熟食只有7，8款！甜品，雪糕，麵包，沙律都有。海鮮真係好令我失望：龍蝦：無味，有嘅都只係咸味，食咗4件，一啲鮮味都無！麵包蟹： 話說眾所周知，麵包蟹個鉗係勁鮮味，好難會唔好食，點知依度嘅麵包蟹鉗係勁干，所以鞋口，仲要勁咸，有陣咸魚味添。但個鉗係自己夾爆個殼，唔知點蟹會咁難食，唔新鮮？？到麵包蟹肉，睇個樣超正，爆哂糕！！但食落口又係無味……點解會咁架！我有8成係因為麵包蟹先黎食，但點知……唉！超失望。生蠔： 我唔食既，不過我男朋友食，佢話無味。藍青口：海鮮之中，佢最好味，好鮮甜，美中不足係隻隻都合埋口，要自己勁大力整開黎食。翡翠螺：普通，都係無鮮味。凍蝦：都係普通，無乜鮮甜味。長腳蟹： 都ok既，但未至於食完再想食個種，所以只食左一轉。刺身：三文魚幾好，有鮮甜味同新鮮，帶子都算大粒，不過唔係勁鮮甜，口感食得出都係新鮮既。講下其他有驚喜嘅野食：乳酪：真係堅好味，一啲都唔hea, 雖然係乳酪機，但唔會係勁水，淡味同勁沙冰feel,佢隻味係原味同出面幾十蚊一杯個啲差唔多，一樣咁好味！送既十吋大蝦：每位有一隻，送埋位仲熱辣辣，仲有個唔知咩醬汁，好配，而且隻蝦好彈牙，又鮮甜！皇冠特飲：自助形式，無限添飲，雖然唔知係咩，但feel 到有橙同西柚嘅濃味，酸酸地好醒胃！飲左好多杯。麵包： 好細心咁有個烘熱返啲麵包嘅機，熱辣辣塗牛油，好味！美中不足，只有牛油供選擇，如果好似其他酒店有牛油芝士，芝士cream咁就prefect 了。海鮮湯：自己揀料比㕑師煮，揀幾多都得，特別既有鮑魚，聖子比你揀，好唔好飲就見人見智，我就覺得幾好，不過太飽，飲唔哂。薯條，魚柳：一啲都唔會太油，魚柳入口即溶，好香，好味，薯條不夠脆，但勝在夠大條同好有薯味。最後結論，依個價錢食今晚嘅野係唔值，最重要嘅海鮮完全敗筆！！…查看更多

同男朋友行行下街！想食放題！就去咗兆萬樓下睇下啲傳單有咩食！見到金丼嘅傳單話有個龍蝦火鍋送，就比佢吸引左啦！上到去，佢話可以同時用送龍蝦火鍋卷，每人減廿蚊卷，每人送焗蠔卷，頓時覺得超抵！講下啲野食：龍蝦鍋隻龍蝦，超細隻，得一舊肉仔。好過無。送嘅焗蠔，係凍架，啲味勁怪！最普遍嘅燒菠蘿，係凍架，同埋咬落去我覺得係垃圾站嘅味道，咬左一啖，吐都吐唔切！就係依舊菠蘿令我忍唔住上黎寫食評！成晚食得落肚只可以話得火鍋嘅芝士腸，蜆同青口！我一定唔會再去！…查看更多

新開張，一家人去食，芒果勁酸！完全不能入口！伙記介紹可以外賣，問過我們地址，說除咗雪糕類，都可以送到！之後第一次叫外賣，第一句就問總共幾多錢，我話過一百，佢諗咗一陣先話過一百先可以送（佢門市介紹外賣時無講）之後問我地址，聽完就話唔送，話遠，我話之前講過地址比你聽，你只話除咗雪糕唔送！之後佢就搵人同我落單！啲野黎到之後，樣樣都係得三分二滿，我心諗唔係咁衰玩野呀！不過我都無投訴！之後星期日再打去叫外賣，但電話打咗好耐都唔通！唯有行過去買！問點解電話打唔通，老闆話刻意既，因為星期日忙做唔到外賣，算啦！都明白既！我地成十幾個人，門市又細，有得送黎緊係方便啲啦！返到屋企打開，又係唔滿，得三分二既分量！明呃錢！比門市食係少好多，但價錢無少到！到咗今日又打去叫外賣，老闆聽完地址之後又話唔送！老實講路程不用十分中！佢解釋話人手唔夠！如果人手唔夠點解聽完地址先唔送呢？最後同老闆講我地唔係一兩碗，佢先送！但就要樓下大堂交收！你都黎到大堂，點解唔上埋樓呢？係咪要搵野去“雕“難我呢？屋企幾個細路，我行得開都黎咗買啦！老闆態度奇差！我唔會再幫襯，比錢買難受！態度咁差，我一定會介紹比朋友！叫佢地唔好幫襯！…查看更多

去到，留底電話話有位會打比我地大約 21：15！終於由19：15行到21：00， 頂唔順，返去問佢有無位！ 去到門口見到有個以士拎位，待應就同位女士講＂bar桌坐唔坐？坐就即刻有位＂女士拒絕之後，我話＂我留左電話，係咪依家有位＂ 之後bar桌冇問題，就入去坐了！我再問＂留左電話你地都唔call back!" 待應話佢地得閒先會call back! 吹脹！之後叫左3樣野：半隻烤雞併豬肋骨併薯條烤雞都幾好雞比位好滑，但其他位好鞋！豬肋骨超鞋，鞋過我阿媽煲湯d廋肉，不過d汁好惹味！薯條中規中矩。焗甜蕃薯好味，好香甜，係橙色肉，仲有d cheese 比你查！ 白汁蝦闊條麵好味，蝦好新鮮，好香，唔會太溜。送既黑糖麵包真係好食，唔太濃既黑糖，加上勁滑既無芝士味返而有cream味既芝士。絕配！因為無叫飲品，要經常叫待應加水，但經常冇人應。…查看更多

本來和朋友約好一起去食隔離店的"百福"烏冬, 不過因為要等位, 我們又餓得很, 所以選了這間不用等位的"八王子餃子店"!!!點了以下菜:1. 咖哩吉列廣島豪飯 (有4隻豪, 咖哩就比較濃味不太辣, 豪外面炸得好脆好香口, 入面不會太熟, 還有海水味!! 我覺得好正!!)2. 八王子餃子 (點了6隻試下, 外皮煎得好脆好香口, 但內裡的肉沒什麼味道......)3. 炸蝦天婦羅冷烏冬 (本來叫了叉燒湯烏冬, 但有個好熱情既男人就來介紹 話今日有冷烏冬, 炸蝦天婦羅冷烏冬真係好味加多幾蚊試下。好啦, 聽佢講, 轉左炸蝦天婦羅冷烏冬.....炸蝦天婦羅真係好味, 炸得好靚, 好脆, 好香口, d蝦又彈呀!無得頂!!但係個烏冬真係差, 好硬....好難食, 個汁都冇什麼味道, 失望呀, 仲話推介。)…查看更多

大約21:15 到, 不用等位, 入內看到仍然有好多吉位!!2個人叫了3個送~~擔擔麵: 我很少食擔擔麵, 我朋友就很有意見, 因為他很喜歡食擔擔麵的, 佢話D麵都好入味, 佢話平時的擔擔麵要一啖湯先食都好味, 有D麵會冇味的, 但係佢話金滬庭依間既金滬庭連D麵都好入味, 所以比個GOOD~~沙鐹雲吞雞: 我細個時就已經好中意食沙鐹雲吞雞, 依個湯真係好好味, 好鮮, D湯有少少甘香留係個口入面, 個沙鐹雲吞雞大約有8粒雲吞, 我反而覺得D雲吞麻麻地, 入面舊肉好似我MAMA平時整肉餅D味..所以依度扣左少少分....個湯就, 雲吞就小籠包: D肉同沙鐹雲吞雞D雲吞一樣 :( 但係就真係好有肉汁LOR人蔘烏龍: 以為好特別, 可能我太高期望. 冇咩人蔘味...得烏龍味, 係有少少甘~~~~:)…查看更多

平時肚餓都會在留下買韓國飯!最喜歡炸豬扒, 大大塊, 又好味超底!!唔怕蔥可以試下炸墨魚餅, 又係炸得好香口, 好味!!配菜多達10款通常我都係揀薯仔或腸仔魚片:薯仔: 切得細細舊, 可以一啖食哂, 唔知點解可以整到咁入味!!!真係好好食, 通常到了晚市薯仔都會賣哂!(不過聽人講因為好賣, 老闆比以前整多左),所以都唔使太驚食唔到既‧腸仔魚片: 其實依個冇咩特別...只係我中意食XD 要講既可以話D魚片係韓國既魚片LOR >///<另外, 喜歡食汁的朋友, 可以叫烤雞/牛/豬 飯, 因為有好多汁可以撈飯吃, 好香!!雞/牛/豬都不會太"鞋", 不用擔心。…查看更多