852hkfood的个人专页

今日朋友帶我嚟食呢間日式居酒屋，佢自己食過幾次，夜晚full house咁濟，好多人幫襯！❣️基多拉卷 $238✨上枱嗰陣完全嚇親，冇諗過佢咁大嚿！有我最鍾意嘅海膽😍吞拿魚、赤蝦、松葉蟹肉、粒貝同三文魚籽，每啖入口鮮味十足，又有口感💯❣️手打A5和牛漢堡 $88✨記得食之前一定要淋佢哋嘅醬汁！和牛漢堡好軟腍，面層加咗芝芝同蒜片，食肉獸表示好滿足❣️九鬼餃子 $68✨佢哋嘅餃子真係老闆自己整，唔係預製菜嚟㗎！入邊係韭菜，香口脆卜卜～❣️特上刺身盛 $208✨每嚿刺身都好大嚿，重點係厚切！！好甜，好鮮，接近入口即化❣️黃金燒蠔 $68✨醬汁都係師傅自己調配，燒蠔更香，入口好juicy，超正❣️燒白鱔 $78✨朋友點名一定要叫呢個，佢上次食完讚口不絕～我自己幾欣賞佢哋嘅調味，比起就咁鹽味，多咗清香、辛辣，配白鱔真係好正！而且白鱔爽彈，好食！鍾意飲清酒嘅朋友，呢度仲有兩小時清酒之旅！而且夜晚嚟呢度氣氛好好，職員會主動同你介紹佢哋嘅食物，特別係創意卷物，真係好出色😍仲會不定期轉食物類別，每次嚟都有驚喜🥰…查看更多

經過旺角新開的小食店，這兒的招牌是生腸和墨魚！可以說是超地道的香港街頭小食！買！💯💯💯❣️超大生腸 爽脆的口感真的很驚豔😳而且處理得很乾淨，放心大口吃！😎❣️大墨魚 口感QQ彈彈，配芥末和甜醬更加好吃💯💯😋❣️新鮮鮑魚 很鮮～ 吃起來有口感，不腥喔👍🏻👍🏻👍🏻❣️火雞腎 vip!!！吃起來脆脆的，絕絕子😋😋店家：大墨鱼小食店地址：九龍旺角彌敦道688號旺角中心一期地下G19A號鋪…查看更多

已經數唔到食過幾多次山見火鍋，真係好鍾意佢啲嘢食！湯底每幾個月就會轉一次，每次食都好有新鮮感今次佢哋新出港式主題，叫咗上素蟲草木耳鍋湯底，本身個湯底已經有好多蟲草花同木耳，個湯清清地，配肉配菜都好食～澳洲和牛肩胛肉眼油脂真係好豐富，唔會韌；出面配料區選擇好多，有唔同丸子、蔬菜、熟食等等，連水蓮都有～熟食推薦蝦卷、咖喱魚蛋、流心芝麻丸、金沙蝦丸等等，每一款都好出色🥹而且選擇有好多，每次都唔會食厭～最後記得要留肚食佢哋嘅糖水/自製DIY甜品/雪糕，可以試吓格仔餅，外脆內軟，仲有冬瓜茶味嘅雪糕，呢款幾特別㗎💯…查看更多

每年生日或者紀念日，都會選擇自助餐！呢樣係最方便，選擇又多又好味！今次呢間係想試咗好耐，鍾意食海鮮嘅朋友，一定會鍾意！呢度嘅海鮮種類真係好多：龍蝦、鮑魚、海螺、鮮蝦、琵琶蝦、花蟹、三點蟹等等，自己最鍾意佢哋嘅龍蝦！肉質真係好爽彈，又夠鮮💯另外亦都會有刺身、壽司、茶碗蒸等等，不過自己最鍾意欣賞佢哋嘅熟食區。燒味真係超級正！特別係叉燒，香甜大嚿😋牛扒都好出色，encore咗好幾次❣️花膠同埋燉湯都係必定要試嘅！燉湯仲會響鐘仔，全部客人都會出去排隊，確實好好飲😎咁啱見到佢哋嘅麵包區有好多選擇，牛油麵包冇諗過係咁好味，勁香，又鬆軟，有少少似食緊鬆餅嘅口感，再加埋果jam同羊奶芝士，掂🥰最後記得要留肚食甜品呀！雪糕、蛋糕、水果、雞蛋仔應有盡有（女人就係食甜品一定會有另一個胃）…查看更多

早兩日同Y媽去咗Café Kool食自助餐🥰佢哋最新推出「流金珍味」自助晚餐，提供多款頂級海鮮！而且餐廳嘅裝修充滿80年代嘅風格，不論係霓虹燈、定係古木製窗框，都好值得打卡！第一次食Café Kool嘅自助晚餐，選擇款式超級多：除咗有海鮮、刺身、壽司、點心、燒味、燉湯、粉麵、牛肉、印度美食、清真美食、沙律、甜品等等，應有盡有！當日我最愛係鴨肝茶碗蒸，真係好香好滑溜😋仲有扁皮鴨同龍蝦，全部都勁好味！！食到最後一定要留肚食甜品，每樣甜品唔單止精緻小巧，味道💯💯💯🍀特別推薦開心果Tiramisu，開心果味道真係極濃郁，連食兩杯😝😝…查看更多

同朋友去銅鑼灣呢間樓上Cafe，之前已經嚟過一次，貪佢坐得舒服，夜晚涼涼哋仲可以坐出面tim❣️鹽燒厚切牛脷 $88✨咬咗第一啖已經feel到個牛脷係超軟腍！而且勁香，超好食❣️ 手撕法國油封鴨腿肉牛肝菌意大利飯 $158✨本身都好鍾意牛肝菌，配埋手撕油封鴨腿肉，基本上肉同飯嘅比例係1:1，意大利飯好Creamy，出色❣️香煎加拿大豬鞍扒 伴意大利青瓜•燒薯角•阿根廷青醬 $268✨豬鞍扒啖啖肉，肉質緊緻鮮嫩，意大利青瓜，味道帶有清香，幾特別❣️德式鐵鍋班㦸 伴冧酒脆糖香蕉•朱古力碎 $108✨超鍾意呢個甜品！入邊勁重蛋香味，配埋脆糖香蕉，差唔多食晒成個🤣本身冇諗住叫飲品，而家餐廳做緊沙冰買一送一優惠，咁抵即刻同朋友叫返杯🫢❣️黑芝麻豆腐沙冰 $58✨黑芝麻味道香濃，夏天食真係超解暑❣️芒果乳酪沙冰 $58✨味道一樣好清爽！半價飲沙冰 抵…查看更多

喺銅鑼灣做完嘢見到一間新開米線，款式都幾多，揀咗款奢侈少少嘅至尊海鮮米線！❣️至尊海鮮米線 $88✨叫呢個純粹係想試吓佢個秘製海鮮湯底🤣（店員介紹嗰陣，個湯底係老闆每日新鮮熬，飲得出有落足心機）～✨呢個價錢嚟講食到咁多海鮮都幾抵！有鮑魚、鮮蝦、瀨尿蝦、魷魚同花甲，係足料嘅😋食得出海鮮全部都係新鮮嘢，賴尿蝦最有驚喜💯湯底叫咗bb辣，有海鮮嘅鮮甜，惹味嘅酸辣，ok喎嗰日係下午茶時段去，店員仲話免費送凍熱飲🤣聽到o晒咀….凍飲都照送！撞正tea time放飯真係要嚟試吓…查看更多

朋友話想食日本嘢，第一時間諗起焱丸水產！佢哋呢度仲新出一款三文魚冷麵，終於都可以試到✨豪華三文魚冷麵 $138❣️之前成日睇人哋吃播，見到佢哋食三文魚麵都好想試，終於俾我試到😍😍❣️三文魚變成麵條，每條都係厚切，將雞蛋放落秘製醬汁，浸落去食真係好滋味！（重點係三文魚勁肥美又新鮮，滿足了🥹✨蟹味噌甲羅燒 $78❣️每次嚟都會叫！店員會幫手，味道真係鮮甜，怕膩嘅可以配青瓜絲一齊食✨7貫壽司定食 $138❣️好抵！除咗有七件壽司，仲有一碗細烏冬、茶碗蒸、沙律同前菜！最鍾意佢哋嘅海膽壽司😋茶碗蒸同豆腐全部都好好味✨肉盛壽司盒 $168❣️鍾意食肉嘅，記得要試埋呢款肉盛壽司盒，視覺效果打卡一流！食落啖啖肉，正😎…查看更多

前前後後喺香港都食過唔少鐵板燒，但最近喺 YORU食到嘅鐵板燒，暫時係我心目中嘅第一名💯每道菜都驚豔到我！❣️極上 廚師料理 二人前 $2988套餐包括：季節前菜、特上刺身、南非活鮑魚、日本野菜盛合 四點、創意炒飯、龍蝦湯同日本水果私心推薦✨西澳活龍蝦：真係我食過最鮮甜，爽彈，緊緻嘅龍蝦！特別係佢哋嘅醬汁，甜甜哋，擺盤又精緻，係一碟食得嘅藝術品👍🏻✨ 鐵板三重縣 大蛤清湯：用日本隔熱紙包住，可以抵受300度高溫～大蛤入面嘅肉超大粒，一粒沙都冇，但我最鍾意都係佢啖湯，真係好鮮好甜✨米芝蓮級 甘鯛立鱗燒：其實我本身真係麻麻哋魚，因為怕好腥，更加唔好話食魚皮。但係呢道菜，佢將魚鱗煎到脆卜卜，口感脆到好似食緊薯片，魚肉鮮滑，配埋特製嘅番茄酸豆醬💯💯正✨匈牙利 鵝肝漢堡：建議要一啖食晒，千祈唔好分開兩次食！鵝肝好肥美，一啲異味都冇，面層嘅漢堡脆卜卜，好食✨宮崎 A5 和牛肉眼 備長炭火燒：用備長炭加少少焙茶葉一齊去處理，食落帶少少煙熏味；牛肉油脂滿滿，可以配埋蒜片或者Wasabi一齊食～嚟緊佢哋即將迎嚟開業三週年🎉，7月中會改裝其中兩間房變多功能房，到時會加入好多唔同嘅配套，仲可以舉辦私人派對、商務會議、甚至有大型投影幕！✨更新期間所有菜單都會有7折優惠，呢度好適合節日/紀念日/生日慶祝！大家記得把握優惠期去試吓啦😋…查看更多

身為army，見到大角咀呢間餐廳出咗BTS套餐，即刻約埋家姐一齊去食😋😋❣️BTS FESTA 辣奶油排骨鍋套餐包 $398✨套餐包括：辣奶油排骨鍋、自選小食、飲品同甜品。辣奶油排骨鍋辣到控制得啱啱好，甜甜辣辣，唔會辣到噴火～入邊嘅排骨已經煮得好腍，同埋入晒味！自選小食揀咗柚子醬炸雞，柚子醬酸酸甜甜，食落好清新～而且炸雞金黃酥脆，肉質仲好Juicy添！❣️我哋仲特登加多一個芝士粟米蟹柳炒飯，法國所有炒飯配埋紫菜食真係冇得彈，忍唔住叫多包紫菜配飯食😝❣️甜品purple love，雪糕好好味，加埋大量可可穀物脆脆，係幾邪惡😍❣️泡菜煎餅 $68✨ OK喎！表面焦脆，泡菜存在感好高，正！食完之後仲有得抽膠卡，佢啲卡就係高質㗎😎…查看更多

良い日涮涮鍋之前都食過好幾次，佢呢度有幾個放題，豐儉由人，月頭就食好啲，月尾可以平平哋食都開心🤣🤣今次揀咗：嚴選牛肉放題，可以食足90分鐘，其實好足夠㗎啦！之前試過過佢哋嘅蕃茄湯，幾唔錯～今次就試佢哋新出嘅湯底：豆乳雞白湯！❣️湯底唔錯，幾好飲，嚴選牛肉放題嘅牛肉質素好高，肉味幾濃，而且夠瘦！食多幾碟都唔會覺得滯🤣❣️放題區出面嘅配料選擇都有好多，丸子、蔬菜、粟米、南瓜、烏冬、蟹柳，全部都好啱食！❣️唔單止牛肉出色，其實牛舌、雞肉同埋豬肉都好好味😍😍每次嚟食都食到勁飽！仲有埋甜品，呢個價錢真係性價比好高👍🏻…查看更多

同女仔朋友食飯就係要有啲儀式感，一齊揀咗間勁靚嘅餐廳打卡！食到好西，影到靚相，女人嘅快樂就係咁簡單🫢今次同朋友去嘅係銅鑼灣世貿中心 @花廚 ，由門口行到入去都覺得勁靚🥹✨山野花間雙人套餐 $1088❣️前菜：吉祥•絲娃娃、富貴花廚小食拼盤（酥心•炸豆腐丸子）、（面若桃花麻辣田螺）、（金鎗魚塔&乳酪米扁）❣️吉祥•絲娃娃配有好多唔同嘅小菜，等你自己包住食（就好似扁皮鴨咁），呢度仲有「折耳根」即係魚腥草，呢個味道應該唔係人人都接受🥹大家可以挑戰吓🤣❣️小食拼盤每一樣食物精緻小巧，最鍾意麻辣田螺，辣得過癮！豆腐丸子都好特別，外脆內軟，中間嘅乳酪米扁完全係我口味！！又脆又香，幾乎我一個人食晒😝✨福圓•古法酸湯山珍菌菇鍋❣️入面有唔同嘅菌菇類，成鍋湯係好鮮！就算冇肉係入面，都覺得好好味😋✨桂花照燒菲力牛排❣️大推！！五成熟嘅牛扒啱啱好，好嫩口，而且面頭有桂花嘅香味，我覺得係幾夾！✨如意•陳釀臘腸糯米飯❣️調味相對嚟講淡咗少少，不過臘腸咬開，滿嘴油香，係幾香口✨平安•抹茶乳酪扇❣️口感相對嚟講比較輕盈，食完都唔覺得甜膩✨藍蝴蝶-打卡必叫✨美滿-刺梨“茉力”泡泡茶而家叫「山野花間」雙人套餐，仲可以免費體驗價值HK$99嘅植物染製作工作坊一次！…查看更多

好耐冇食茶餐廳，朋友住喺土瓜灣嗰邊，就揀咗間喺附近嘅茶記，食嘢吹水見下面🥰✨大蝦龍蝦湯出前一丁 $41❣️嚟到真係勁香，額外仲會有一包麻油俾你加落去。除咗有大蝦，仲有櫻花蝦碎，同太陽蛋❣️大蝦嘅肉質係爽嘅！（唔會霉晒），下午茶時間去做個免費幫你升級特大凍檸茶🤣飲到朋友懷疑人生✨鐵板大胃王 $138❣️食肉獸真係一定要揀！入面有豬扒、雞扒、漢堡扒、司華力腸同煎蛋，雞扒同豬扒都大塊到傻咗🤣唔應該太相信自己嘅能力，結果要叫朋友幫拖先食得晒✨魔鬼西多士 $62❣️聽到個名都知佢有幾邪惡🤣扁頭有大量嘅Oreo碎、煉奶，中間仲有朱古力醬，食落真係糖到爆標🤣🤣重甜㗎！但係間唔中食一次都OK～食得西多士就唔好驚肥🙂‍↔️…查看更多

香港專門食乳酪嘅舖頭唔算好多，今日特登同朋友去中環食乳酪！✨自選三款配料乳酪杯 $58❣️我揀咗紅莓醬汁、布朗尼、杏仁脆片同焦糖脆脆，見到成品嘅時候嚇親，估唔到切咗個巨無霸出嚟！同朋友share啱啱好😋❣️好鍾意佢個紅莓醬汁酸酸甜甜，越食越開胃，布朗尼入邊有勁大粒嘅朱古力；杏仁脆片有三大塊，香脆出色，焦糖脆脆大大嚿，配乳酪食一酸一甜啱啱好🙂‍↔️✨香蕉乳酪窩夫❣️啱啱焗好嘅窩夫上面放上乳酪、香蕉同蜂蜜，我覺得呢個真係黃金配搭，窩夫充滿牛油香，乳酪有蜂蜜嘅甜味，味道更上一層樓，值得試！…查看更多

之前同朋友食過一次呢間炒年糕，佢成日都話好想再嚟食多次🤣 嚟深水埗除咗買電話卡，第二樣嘢就係食炒年糕🤣✨炸醬炒年糕公仔麵 $67❣️上次食咗玫瑰炒年糕（勁好味🥹）今次試炸醬味！公仔麵真係勁掛汁又煙韌，入面有好多年糕同埋魚糕🤣同平時食開嘅炸醬有啲唔同，呢度係偏鹹香，冇乜甜味～✨招牌原味豬手飯 $53❣️個飯仲會包一盒嘢飲，豬手好入味！仲有滷蛋同埋前菜，重點係！！佢個飯唔係白飯啊🥹面頭多咗啲脆紫菜，如果有手套我一定會將佢搓成飯團咁樣食🤣✨芝士吞拿魚飯卷 $50❣️食飯卷只要有吞拿魚都一定會揀呢個味！入邊包咗唔同嘅配料，最鍾意青瓜同埋醃黃蘿蔔，爽脆嘅口感，正😎…查看更多