cream_kan的個人專頁

一心想食韓國菜，點知去咗間垃圾店。炸醬麵變咗台式滷肉麵，d麵都唔係韓國嗰d彈牙蕎麥麵。韓式牛肉炒絲變咗大陸街邊檔味道嘅炒粉絲，仲難食過food court d 五六十蚊韓式炒粉絲！d牛肉一舊舊粉，完全無牛肉味，擺明係雪藏肉。明太子紫菜肉鬆蛋，真係蛋卷，乜餡都無，只係面落咗少少肉鬆等等，d蛋唔難食，但唔係預想中的蛋卷囉！完全唔明白呢間餐廳點可能有咁多好評？試咗最基本嘅菜式都完全唔掂，完全地伏到貼地！極之後悔食咗呢餐飯！…查看更多

韓國餐廳香港地大把, 食過咁多間, 印象最差的都算係呢間啦!首先, 佢係一間CAFE並不是餐廳, 所以食物款式出奇地少, 除咗年糕, 飯團同韓國公仔麵外, 真係無其他主食選擇。其次, 價錢太貴, 一杯平平無奇的柚子茶, 加一後既價錢要$55, 仲貴過STARBUCKS! 再者, 食物味道實在好一般. 嗰個現炒炸醬年糕, 見個個都點一大窩好似好靚咁, 以為好正一定要試, 點知就中招啦! 個窩得最多2CM咁淺, 煲極都年糕都硬磞磞唔熟咁, 包麵又浸唔到湯煮唔到! 圍邊的蛋漿又煮到半生熟咁, 一D都唔好食! 成窩料全部都係年糕同椰菜, 得幾條芝士腸仔同魚蛋片同一隻烚熟咗既蛋, 肉都無塊! 而且D湯又無味, 得個甜字加辣字, 4個女仔食完都好似無食過嘢咁! 我地計盡佢連工包料最多值50蚊既呢個窩, 佢竟然收$288仲要加一, 你地自己衡量值唔值得食囉!叫咗個飯團, 無乜味, 唔知食咗D乜。仲有個雞炸雞翼, 撈咗D杰撻撻既甜醬, 都係唔好味, 寧願唔要醬好過!食完呢餐後, 4個女仔都唔飽, 亦都唔想再嘥錢食佢其他食物同甜品, 就選擇離開, 再去第二間繼續填肚。總之, 呢間CAFE就唔值得再去第二次啦!…查看更多