hestiatsang的個人專頁

今年的生日特登預約了一間隱世的廚師發辦鐵板燒，這一間餐廳不但廚師風趣幽默，而且環境寧靜，食材有新鮮，一定會回頭再來！ 首先，我們食了**乳酪巴馬臣火腿加菠蘿底**，這道菜的組合真是絕妙！香濃的乳酪與鹹香的巴馬臣火腿相互交融，再加上菠蘿的清甜，口感層次豐富，令人陶醉。🍍🧀接下來是**魚子醬溫泉蛋**，這道菜的精髓在於那顆完美的溫泉蛋，輕輕一碰，蛋黃流出，與魚子醬的鹹香相得益彰，讓人每一口都充滿驚喜！🥚✨然後，我們品嚐了**法國生蠔加魚子醬同Wasabi**，新鮮的生蠔搭配魚子醬的奢華與Wasabi的微辣，讓人感受到海洋的鮮美，久久不能忘懷！🐚💖接著是**鮑魚配蒜蓉醬多士**，鮑魚的鮮嫩搭配香濃的蒜蓉醬，再加上香脆的多士，讓人忍不住一口接一口，簡直是完美的搭檔！🍞🦪然後是**宮崎豬扒加自家製牛油**，這道菜的豬扒肉質嫩滑，搭配濃郁的自家製牛油，讓每一口都彷彿在口中融化，簡直是肉食者的天堂！🥩😍最後，我們品嚐了**紅酒煮雪梨加吉士醬同金箔**，這道甜品完美地結束了我們的美食之旅。紅酒煮雪梨的甜美與吉士醬的絲滑，還有金箔的奢華點綴，讓人感受到無比的幸福感！🍐🍮✨搭配這些美食的是一杯清新的**梅酒**，酸甜的口感非常解膩，為整個用餐增添了一抹清新！🍶💕總之，這次的用餐體驗絕對是一次味覺的享受，每一道菜都讓我感受到廚師的用心與創意。期待再次光臨！🎉🍴…查看更多

作為番工好大壓力既打工仔🤕️🤕️，黎今日呢間泰茶酒吧chill下就岩🍹🍹，今日5點約黎到，已經有幾枱客，播住啲輕音樂🎶🎶，可以同朋友傾下計，待應都好熱情❤️。食物方面叫左一個2人餐，有4款菜式，份量非常足夠。首先係甜柚鮮蝦沙律🥗，賣相好吸引🤩，同圖片一樣，好多柚子肉，酸酸甜甜好開胃🤤，係好好既頭盤！然後就係泰式燒豬脾仔🐽，總共有4件，岩岩燒起香噴噴，肉質一啲都唔會太實，都算唔錯👍第一次椒鹽魔鬼魚🐠，炸起成條魚都冇咩骨，好容易食，足夠兩個人食，仲開始有啲飽。時菜🥬有幾款揀，我地揀左芥蘭，好新鮮唔會老身，炒得都幾有火喉，夠晒味😋😋！我地仲叫左兩款飲品🍹，椰青好鮮甜🥥，係員工推薦，仲有菠蘿特飲，為我地成餐飯打黎完美句號。…查看更多

隨意同朋友去一間酒吧飲下酒relax下，估唔到有驚喜喎！一入到去比較早，唔算好多人，位置都坐得好舒服，然後出面有得泊車好方便！入番正題講番啲野飲野食，兩杯cocktails 都好靚，平時唔係好飲酒既我都覺得好易入口，好relax! 另外叫左生蠔🦪，生蠔入口好飽滿，少少咸海水味，好幸福既味道❤️❤️龍蝦燒完仲好juicy,上面以為係濃左，但原來係滿滿既黑松露，會唔會太大方呀🫣🫣🫣另外就係串燒啦，叫左牛舌，好軟熟😋仲有豬腩卷同芝士和牛卷都唔錯👍🏻成餐飯都好滿意😙😙下次會再黎😎…查看更多

呢間拉麵係值得返轉頭再食今日行完街喺尖沙咀搵嘢食，男朋友話想食拉麵，我地去咗別天神度食拉麵入到去坐低，我第一時間就俾佢牆上面嗰張「自行調製隱藏口味」吸引住眼球，幾新鮮吖，唔啱味可以自己再教味。入面得兩款拉麵（別天神拉麵同蝦味噌拉麵），咁仲好，唔駛好多款嘅，最緊要好食。我地嗌曬兩款套餐各一，佢套餐有得揀配餃子或者小龍蝦蟹子沙律，兩個人梗係每樣要一份share食啦。個煎餃子喺水準之上，不過得4隻兩個人分就有啲唔夠喉。個小龍蝦沙律就犀利喇，我真係覺得好食到不得了，佢有俾埋紫菜你包住嚟食，你包又得唔包又得（個人覺得包住拎喺手度食開心啲），佢入面好足料，啲小龍蝦肉都好多，最緊要係，佢個味真係好好食。之後就係拉麵，當然都係兩個人撈亂食啦。拉麵嘅必備配料之一嘅溏心蛋，好邪惡好好食，不過因為套邪惡，我只係食咗半隻就俾埋男朋友食。兩款拉麵湯底應該係一樣，係一個有木耳，一個有粟米粒同蝦，但食落其實好唔同，蝦味噌嗰個多咗份咸咸地嘅味，但出奇地吸引。食到一半，男朋友話想試下個自行調製口味，就喺佢嗰碗度試（我覺得自己點整都唔會夠人地本身好食，所以無喺自己嗰碗度整）。加完料真係爭咗好遠，鐘意食辣嘅朋友可以試下，另有一番風味。最後重申：個小龍蝦沙律係必食！必食！…查看更多

男朋友好鐘意食辣，佢陪我去做facial，惟有陪佢食下佢鐘意食嘢啦。喺尖沙咀搵咗呢間食重慶火鍋，入面裝潢幾靚，十幾樓高有落地玻璃，個views都唔錯。我地午市去食，發現午市免湯底錢，咁又慳返筆。嗌咗個鴛鴦鍋底，佢鐘意食辣，梗係要一邊重慶辣湯，另一邊就俾我呢個唔係好食得辣嘅食個山珍菌湯。嗌咗毛肚/肥牛/桂花珊瑚蚌/萵筍/墨魚滑/羊肉/鴨血/紅糖糍粑。首先講個紅糖糍粑，炸到外脆內軟嘅甜品，好食到食唔信。我最欣賞係佢有介紹俾我聽紅糖糍粑係咩嚟，有提我要即刻食咗先（因為我真係未食過）。火鍋方面，萵筍其實本人好鐘意，夠曬爽口，但唔係太多地方有得食，所以呢個我十分推薦。鴨血又係唔係度度都有食嘅，佢口感比平時食豬血好，無食過要試一試。個桂花珊瑚蚌好好食，好好食，食落甜嫁！！！好似食刺身級帆立貝嘅feel。之後我都試咗個重慶湯底，其實都唔係辣到接受唔到，其實辣得幾過癮，就算唔係好食得辣嘅女生都可以一試。…查看更多

呢間日本餐廳我地食左幾次，水準依然，已經成為左我生活既一部分。雖然選擇吾算多，但每一樣都好好食，都足夠比我食好多次，價錢又吾貴，足夠令我回頭再食！今次同媽咪黎食，我地叫左個滑蛋吉列豬扒餐加一個半條浦燒鰻魚餐。個滑蛋吉列豬扒餐個滑蛋整得好滑，又有好多蛋汁，撈埋啲飯好好味，加上個吉列豬扒，炸得好脆，肉身又夠淋，好值得推介。另外個鰻魚餐，個鰻魚塗左啲浦燒汁係上面好惹味，我地仲轉左個飯做貓飯，所以更加好味，因為個貓飯好香牛油既香味，下次要問下點解先得！仲有個小食酥炸生蠔，呢個生蠔岩岩先炸好，熱辣辣，個皮好脆又吾會太厚粉，入面既生蠔都肥郁郁，好好味！質素依然，下次再黎！…查看更多

今日約左好耐好耐個無見既朋友，我地係銅鑼灣行完街，就想揾個靜靜地環境舒既酒吧，兩個人坐低傾下計。我地行左陣發現左呢間樓上酒吧，係呢棟樓既最高層，上到去個門口好精緻，好似可以開啟另一個世界既感覺。入到去被安排左去一個窗邊既位置，呢個位岩岩望到時代廣場，呢個景觀好靚呀，咁樣望落去都好舒服。坐低左無耐，就有個人黎同我地落單，因為我地都好少飲酒，吾係太識，所以佢都好細心咁介紹我地同幫我地揀適合我地既酒。之後我地仲左個小食，泰式手斯雞沙律。呢個小食啲雞好滑，仲好夠味，加埋啲菜原來好夾架。之後個人仲介紹我地上左佢地個天台睇下，上面環境好舒服，睇到成個銅鑼灣既景，呢個天氣涼涼地好舒服，好岩談心既地方。…查看更多

今日去左荃灣行街，行到肚餓就去揾食。本身我朋友想食小炒，所以黎左呢條街，好多大排檔，行到最尾見到間裝修好靚，有啲似古代茶樓既感覺，見到梗係即刻入去啦。我地坐低見到個餐牌都好精緻好有心思，另一本寫住本草湯目既入面介紹左好多唔同既湯。我地叫左個招牌砂鍋卜卜蜆煲，花膠螺頭鈍雞，同埋個牙籤雞。首先黎既係鈍湯，我超級鍾意，佢係好足料，鈍得好夠時間好夠味，一大盅咁，兩個人夠哂飲呀。之後黎既就係牙籤雞，外脆內軟，一枝牙籤插住一粒，岩岩好一口一粒，超方便，仲要岩岩炸起，熱辣辣，加埋個啤酒就岩岩好！最後就叫左個卜卜蜆煲，果然係招牌呀，叫左個細既都超大煲超夠料，隻隻蜆肉都肥嘟嘟，又好新鮮有海水既味道，好滋味呀！呢度仲有有好多款都好想試，下次會再黎食！…查看更多

今日去左探朋友，佢就帶左去呢間日本料理— 初見。人生若只如初見，憂傷的美麗只能定格在回憶中。呢間鋪一入黎就好有詩意，好有感覺。餐廳入面環境都好大好舒服，我地就叫左兩個午餐。一個係a2.初見特選海皇蟹刺身丼配味噌湯。呢個餐賣相已經好靚，係用左個蟹蓋裝住蔥吞拿魚蓉，蟹肉，蟹膏，海膽，樣樣都好新鮮，特別係吞拿魚蓉，絕對吾係求其用啲淨低既料，係有質素，入口即溶既感覺，我好鍾意呀！旁邊有帶子，蟹柳同玉子，好多料呀，配搭得好正，仲要個飯上面有啲飯素，好好食！另一個係e3既板燒雪花牛肉配日式味素飯。呢個都好欣賞佢啲牛肉係真係幾靚，入口即溶，我最鍾意佢啲菇都可以燒，燒完係好好食既，仲有三款調味比你自己選擇，配埋碗飯，呢個價錢真係超級抵呀。兩個餐都配有飲品，好值得黎食！…查看更多

今日幫朋友慶祝生日，我特登揀左呢間旺角既西餐廳，我之前食過都好回味，所以一定要番黎再試。餐廳係偏僻少少，但個鋪名一睇就會知，因為真係好特別，好有藝術感！講番呢間餐廳既美食先，我地今次叫左兩個餐，一個係軟殻蟹黑松露意大利飯，另一個係香烤紐西蘭寶雲酥羊架薯蓉配燒汁。首先黎既係餐湯，粟米湯好香，一粒粒粟米好好食。之後黎到主菜，個軟蟹真係一定要介紹下，皮夠乾身，炸得好夠脆，一咬落去啲蟹汁係爆出黎，好juicy 呀，仲要入面有蟹膏，感覺好值呀，加埋個黑松露意大利飯，淡淡既黑松露香，飯又吾會太濕，岩岩好，下次黎都要再食！第二樣主菜就係紐西蘭羊架，肥瘦岩岩好，上面加左啲麵包糠黎焗，脆脆地，好香口，感覺都唔會油膩，配埋啲醬汁更加好食。…查看更多

今日喺尖沙咀做完facial，去咗呢間食飯，門口有好大隻熊貓人偶（抖音成日見到嗰隻)，上到去發現呢度都幾大，座位夠曬闊落，坐低斟杯水俾你，飲落先發現係檸檬水嚟，我鐘意！特別一提，侍應服務態度幾好，好有禮貌，笑容好好，有分加。發現無menu嘅，原來係要掃QR CODE嚟網上落單。我覺得幾方便，可以各自拎一部電話出嚟一齊點餸，網站仲會話你聽有咩賣曬，等你唔駛諗完嗌完之後先話你聽無得食。之後點咗個酸菜魚配粉條，兩個人食其實已經好飽，有得揀大中小辣唔辣，悉隨尊便。個魚好滑，啖啖肉。粉條嘅口感幾特別，煙煙韌韌咁。個湯都唔錯，唔係好辣，酸酸地飲落幾開胃。但成碟最好食係個配菜萵筍，個萵筍爽口但入味，好有畫龍點睛嘅效果。…查看更多

今日係OpenRice 揾野食，意外比我揾到呢間隱蔽既小店。見到個門面已經好有興趣好有日本餐廳既感覺。入到去座位雖然吾算多，但坐得好舒服，侍應都十分熱情。餐牌上面樣樣都好吸引，我地叫左兩個餐，第一個係半條鰻魚加定食再轉埋貓飯，第二個係和風牛肉加定食再轉烏冬。第一個餐既鰻魚好實現了軟嫩與香酥兩者優點,肉身柔軟、外皮香酥。醬汁都好美味好有口感。配埋個貓飯真係無得頂，有好多紫菜同木魚，中間仲有粒牛油，食起上黎好香都好滑。第二個餐既和風牛肉係同洋蔥炒出黎既，上面加左啲百味粉，好香好夠味道。烏冬方面就好彈牙，唔錯。兩個餐都有味噌湯，有啲菇係入面，增加鮮味。另外個茶都十分香。最後仲叫左個雞泡魚乾同雞軟骨。雞泡魚乾真係好好食呀，好似岩岩新鮮燒完咁，又夠熱又吾會太硬，軟軟地加啲蜜糖，我好鍾意呀。雞軟骨都唔錯。一定有下次。…查看更多

今日喺元朗突然想食日本嘢，元朗啲日本餐小店出名大大份好抵食，但抵食還抵食，我都有啲要求，所以就去咗呢間朋友介紹嘅三上。我見佢牆上面有好多是日空運海鮮，睇落抵食，但礙於今日得兩個人，下次先試。兩個人嗌咗3樣嘢加兩杯飲品。落單嗰陣諗唔掂飲咩，店員有推介俾我地，嗌咗杯芒果乳酸特飲同巨峰乳酸特飲，兩杯都幾好，講食嘢喇，先講個蟹籽沙律，大大兜$48，你去嗰啲連鎖店幾十蚊得佢1/3咋，啲青瓜好爽口。之後嗌咗個一上刺身，刺身有三文魚/油甘/赤蝦/赤貝/吞拿魚/八爪魚，樣樣都好新鮮好甜，最值得讚嘅係個吞拿魚，我喺元朗係無好食既吞拿魚，而呢度啲吞拿魚係有鮮味，又無筋又無血味，十分抵讚。之後仲嗌咗個主食，雜錦天婦羅拉麵，個湯頭一流，天婦羅一睇就知唔係返炸嘅（返炸嘅炸漿呈深黃至深啡色），同平時食放題嗰啲有明顯分別，炸得好脆，炸皮又吾會厚。總結：呢間性價比係高，如果我有4個人食，嗌個三上刺身就更好，朋友話佢開到好夜，係我開夜凌晨兩三點收工去聚一聚嘅好地方。…查看更多

放假梗係訓到「黃朝百晏」嫁啦，訓醒想食點心，茶市又過咗，所以就去咗啲外賣店搵點心食。本身都無諗住食飯嘅，但去到見有套餐食又幾抵，所以都食個飯餐，1個飯1樣點心加罐可樂先$34，喺百物騰貴嘅香港算係超值。既然佢樣樣點心都均一價$14咁抵，咁唔駛諗，每樣要一籠就搞掂，最後嗌咗鳳爪排骨飯/春蛋燒賣/牛肉球/鮮竹卷/金錢肚/雞札，可惜燒賣售罄，如果唔係就買埋佢，排排下隊見有阿華田奶茶同阿華田包，新穎嘢順手做下試伏器。先講個飯，就係抵囉，味道唔差。點心方面，個春蛋燒賣同金錢肚出奇地好食喎，個金錢肚個沙嗲味啱啱好，同埋兜金錢肚有兩舊蘿蔔，嗰兩舊蘿蔔又係好入味好好食。到個阿華田包同阿華田奶茶，其實個包好好食，阿華田味勁濃勁濃，如果鐘意阿華田味實會愛上佢。至於個阿華田奶茶，好香既阿華田味，亦都有奶茶既香，估吾到加埋一齊係咁好飲。兩個人食到勁飽都係大約一百蚊，下次叫埋個燒賣先得。…查看更多

喺上水返工咁耐，都好少食埋飯先返屋企，今晚喺上水有約，就搵咗間日本餐嚟食。兩個人去到嘅時候先6點半，可能因為早，唔駛等位，不過未夠七點就坐無虛席。個卡位幾舒服，夠曬闊落，一坐低就先俾咗兩杯綠茶先，茶包茶嚟嘅，好過某啲日本餐俾茶粉好多，我加咗3次水都好夠味。打開個menus，揀咗一輪之後就開始點菜。首先嚟咗個芝麻八爪魚配紫菜飯團，幾得意喎，有5塊紫菜，可以就咁分開食又得，夾啲八爪魚入去食又得。之後就上咗個鹿兒島便當，呢個好推薦，$98抵食呀，大大份，有炸雞/豬軟骨/三文魚/有頭甜蝦/帆立貝刺身/螺肉/咖哩飯，如果細食啲嘅，一個人未必食得曬。個炸雞仲要出奇地好食，炸粉唔厚，夠juicy！！！仲嗌咗三個小食，流心芝士魚餅/蜜糖雞翼/燒蠔蜜糖雞翼好有燒嘢食嗰隻雞翼嘅味，正！！！燒蠔熱辣辣，好夠芝士好足料。最後個芝士魚餅係全晚最好食嘅，個流心芝士真係不得了，仲要擺碟賣相都好吸引相機，不過要小心啲芝士，好熱......仲嗌咗兩杯嘢飲，柚子梳打同桂圓紅棗蜜，柚子梳打就吾太甜岩岩好，至於個桂圓紅棗蜜又係一個值得推薦嘅飲品，好香紅棗味，暖一暖個胃好舒服，總結，下次嚟食個便當/魚餅/桂圓紅棗蜜一定要encore。…查看更多