kk_eating的個人專頁

星期六去朋友度打完麻雀就黎食好西，佢晚市開6點，我地5點9左右就去到，閘都未開但已經排緊隊，令我對黎緊嘅晚餐十分期待，等到6點2佢先開始放人入去，一坐低第一時間就係叫野食，因為一開門已經坐滿，遲叫有排冇得食最先黎係燒牛肉，中間啲肉仲有少少嫩，點埋個汁真係幾好食。跟住就係生蝦，挑曬腸，要讚，啲蝦頭都炸好黎伴碟，可惜我唔食蝦頭，愛好者應該幾鍾意，蝦size都算ok，有啲咬口。跟住就係皮蛋炸蝦餅，兩樣野我本身都鍾意食，但mix 埋食都係第一次，又幾好食喎。炒飯同金邊粉，呢2個味道都係standard 咁，冇咩驚喜。最後上炸鰂魚，個底仲要有沙律好正，條魚炸得好好，中間唔會乾，配埋辣辣地嘅沙律真係食到停唔到，下次黎一定要再食！…查看更多

朋友介紹話呢度打邊爐幾好食價錢又 ok 於是就去試下，仲加左錢任叫刺身，佢本身都會送一盤，唔知點解我覺得送嗰盤係好食啲之後黎嗰啲味道一般但都算新鮮。打邊爐之前食左個鮑魚雞煲先，啲雞都算入味，鮑魚又唔靭，仲去左個口，不錯。之後就入正提打邊爐，海鮮拼盤啲魚同蟶子都算新鮮又冇咩沙，要讚至於其他食物水準都係預期之內，我地坐大枱每張旁邊仲會有部電視，一路打邊爐一路睇自己想睇嘅台真係唔係度度有唯一唔好係野飲全部都係有汽，冇汽嘅只可以叫壺茶，$25 ，不過茶味好足，都算啦…查看更多

可能晏晝食得太飽，成十點幾都未餓，但唔食又唔得，就去呢度食個常餐，估唔到咁夜都係坐滿要搭檯。叫左茄牛通，朋友就叫叉燒麵，茄湯味道不錯但牛肉冇乜牛味。 環境有少少迫，枱與枱之間都唔係好夠一個人過，啲人出入又要就住佢地都幾煩，快快趣食完就閃人。…查看更多

星期五下午當然要食好啲，今次去左試呢間喺橫巷入面嘅餐廳，估唔到冇咩人唔駛等位就入得。 前菜有沙律同蕃茄湯揀, 個沙律啲菜好fresh 而蕃茄湯入面都有好多蕃茄粒 好足料。點左Organic chicken with oolong tea soba，咁熱嘅天氣食涼浸浸嘅 soba 真係唔錯 ， 雞肉整得好嫩而且配菜都好新鮮， soba 硬度剛剛好諗住叫啲小食 share 問個 staff 有咩推介，推薦左呢個 Black truffle crab dip， 個蟹肉整成嘅醬同松露味好夾，對於好鍾意食松露醬嘅我將個醬搽滿曬喺塊麵包上面放入口真係一種享受，推薦一定要試。成個 menu 感覺都好健康。埋單嗰陣個staff 仲叫我地下星期再去食因為會做lunch time 4 送1 嘅 promotion, 不過冇問佢會做到幾時, 咁計落真係幾抵食！…查看更多

睇戲前食飯但條又好熱於是就留喺荷里活食，見佢唔駛點排隊就去左試下叫左炒貴刁，咖哩牛腩配蒜蓉包。炒貴刁啲麵炒得唔太勻但味道還好，至於咖哩就唔太有咖哩味同埋牛腩有啲'痴'牙，蒜蓉包都唔係搽左太多汁就烘。叫左杯斑蘭奶茶，有少少似泰式奶茶味道偏甜。整體黎講我覺得同連鎖快餐店嘅水準差不多但價錢就貴少少。…查看更多

星期五諗住lunch食好啲，就揀左呢間餐廳試下，一行五人坐低order 就話餐湯已經賣曬只可以揀沙律，但我其中三個朋友都唔食沙律，咁我地就問下menu入面有冇咩可以代替，因為一個湯佢都標$48 ，但佢一口拒絕，三個湯換少少野都唔得仲話叫我地一係揀 A la carte，但原來咩都冇仲要貴$20。其實你做唔到唔緊要，但唔好面黑黑俾個唔係Solution 嘅回覆啲客，講野嘅時候又唔望人，俾人感覺係好無禮貌。發生左咁多事之後，張枱都仲係連水都冇一杯，餐具都未放過一枝上枱，其實你唔想做生意或者唔想做呢份工可以唔做。講番野食，點左蜆意粉、蟹肉意粉、Carbonara 嗰啲，味道尚算ok，不過五個意粉上齊要成三十分鐘就真係有啲慢，諗住見佢地手腳咁慢一早叫埋野飲冇死，但結果都係出事漏單一杯。本身初初揀呢度係想試佢個西瓜蛋糕，但喺我地等佢個意粉嗰三十分鐘入面，個新整好嘅蛋糕一直暴露喺室溫之中，個staff 切好個餅之後一件件放入個透明櫃，但佢唔係專心做好呢件事，中間又做下其他野，但個櫃就一直打開，枱面切好未放入櫃嗰啲更唔在講，又冇戴手套，我真係好懷疑衛生嘅問題，所以我地最後都冇叫蛋糕。黎呢度食野，無論staff嘅態度同上食物嘅速度，都呼應佢個board 寫嘅"patience"，大家真係要預左有patience先好去食。…查看更多