「Mum 日常野菜料理」系一間高質嘅日本素食，基本上冇乜肉類既，多數都係以蔬菜同埋一啲嘅豆製品配合而成。簡單得來，又健康美味。餐單只有一張紙，菜式選擇都比較多，可以揀三餸$100或者四餸$125，已配埋五穀飯或黃薑飯，加埋味噌湯同麥茶。如果想加多一款菜式嘅話就要加多$25。由於愛麗絲係比較大食既，所以我就揀咗五個菜式。而當中我最鍾意嘅就係信田卷同埋紫薯紅菜頭青蘋果沙律。真係好好食㗎！尤其是個信田卷真係令我意想不到，用佐甜既腐皮包著蘿蔔豆角等等，口感非常之爽脆。愛了。仲有啊！對於一個唔鍾意飲味噌湯嘅人來講，呢個真係好掂。湯入邊有好多配料。正！雖然間鋪係喺food-count 入邊,但環境來講都算唔錯，都比較安靜。可以同朋友喺度傾吓計吹吓水。都係一個唔錯嘅選擇㗎！…查看更多
