彼得大姐的个人专页

今晚約埋成班朋友又一齊聚會啦 !今次揀咗間食泰國東北菜嘅餐廳， 第一次嚟到個感覺好舒服環境好闊落， 個裝修好有泰國feel！一坐低就叫咗杯特飲先， 我就叫咗杯 "雪裡玉" 入面有火龍果同荔枝打成沙冰， 好滑好清甜 ，好正呀！$45"古法香葉包"個賣相好靚， 加啲甜酸醬一啖放曬入口， 入面有啲炸咗個腰果香香脆脆 都好開胃㗎！$88-跟住有我至愛嘅"泰式生蝦"啦！肉質爽彈個酸辣汁又酸又辣 好醒神！$128-我哋叫咗"燉花膠"個花膠好厚肉，入面有冬菇仲有好多蟹肉，好鮮甜！$398-食泰國菜必食炒蟹我哋叫咗個"秘製黑椒炒蟹"隻蟹好大隻，啲肉又夠厚身，個蟹蓋有好多蟹膏呀！$398-"甜酸魚" 啲肉好滑，仲冇骨添， 啖啖肉好開胃！$238-"蟹肉南瓜飯" 成個南瓜面鋪滿蟹肉，食落啖啖都勁多蟹肉呀！ 超滿足！$128-點少得甜品呀！"泰式香芒椰汁糯米飯" 個芒果甜甜地仲有超濃嘅椰汁$98-"泰式千層糕" 上枱時仲熱熱地入口煙煙韌韌 有好香濃嘅椰香，唔會太甜啱啱好。$58- …查看更多

假日和朋友到了元朗，在舊區走了一會，路上人實在太多，最後到了Yoho Mall走走。不知不覺間，到了晚飯時間，朋友說好久沒嘗過潮州菜了，要不就試試這家老字號－百樂潮州。甫坐下先來一盤功夫茶，鐵觀音濃郁的味道入口帶有點點甘香，室內裝潢蠻古色古香，頗為雅緻。翻看菜譜，挑了幾款地道潮式菜餚品嚐，其中有兩三道菜值得向大家推薦。杏汁白肺湯＄150-喝進囗中，杏仁味道相當足夠，香滑及厚。豬肺切小件而上，沒有一般的羶味，入囗帶有少許嚼勁。明顯知道廚師下了一番功夫，對出品要求可見非常嚴格。潮州炸雙棗＄104- 家傳戶曉的潮州名菜，雙棗實為蝦膠及蟹肉，圓球為蝦條狀為蟹。雙棗炸至金黃，甫上桌已生色不少。蝦棗入口有彈性，味道鮮美，蟹棗食在口中非常豐滿，蟹肉的鮮味配合隨碟醬汁，味道更上一層。回想滿口都是蟹肉的滋味，到現在仍然回味無窮。糖醋麵＄128-  另一道潮州地道美食，先將蛋麵煮好後再煎至金黃，兩面焦香，口感外脆內軟，可以沾上糖或者醋伴食，可視為主食或餐後小食，同時也能體會到潮汕菜的多變特色。愜意的晚餐加上雅緻的環境，不失為一個晚膳的好地方。…查看更多

買咗飛睇戲 見到重有時間 搵間舗頭食下嘢 免得一陣太晏食 食完冇耐就跟住瞓 走過見到間泰國船麵 叫咗個安格斯牛肉船麵 見喉嚨”確確地”再叫咗杯熱洛神花茶率先上場係杯熱嘅洛神花茶 甜甜地 入囗好舒服 呢個乍暖還寒嘅時候就最好lap 個安格斯牛肉船麵勁正 未送到位已經聞到陣陣香味 趁著熱試下個湯底 夠味夠濃郁 咸度啱啱好 味道不俗 泰國嘅香菜金不換份量又夠我鍾意將佢放係湯底就更加可以令味道提升一下更加好味呢啲係果次去曼谷的當地人教我嘅我㨂咗黃麵（即蛋麵）咬落去口感幾好略嫌硬咗啲啲不過影響唔大純屬個人喜好返到重點牛肉有兩款一款係薄片另一係腩件個牛肉片冇得輸夠冧夠滑但係件腩就稍嫌太大舊係入味同冧嘅但食起上嚟就扣咗分啦如果切開兩三舊上會方便啲食…查看更多

一話去吃燒肉，即刻齊人開餐，有人推介，㨂咗呢度－牛禪，環境氣氛唔錯，咁人齊，更係要🍶🍶，呢度有暢飲清酒（$100/人）叫咗幾款送酒小吃，好好味，可以飲多幾支，佢d清酒仲係好易入口，一d都唔辛辣吃完前菜，梗係接住嚟，呢度除咗燒肉，仲有刺生，我地點咗響螺、三文魚腩、牡丹蝦、深海池魚、銀綫魚望住肉肉，口水直流，仲有對照表，又有服務員幫忙燒，真貼心仲有幾個美味小吃，睇相都知有幾好味，個雪糕顏色仲好特別😍，爭住影今晚又吃又喝好盡興，唔知幾時又嚟過呢😍…查看更多

約左幾年先約得齊腳既晚餐~經過幾年來的努力終於都食得到呢餐飯喇!今次呢餐晚飯約左係–銅鑼灣- 渝味曉宇,之前約既時候大家都話想食麻辣火鍋,所以我就選擇左呢間,因為上次無意間睇到一編報導介紹,話呢間渝味曉宇係2014年《舌尖上的中國2》推介的重慶火鍋店，在中國已有200多家分店，非常出名。除了湯底夠麻夠辣，更精選了十種地道火鍋配料，連火鍋醬料堅持選用傳統重慶蘸醬—秘製香蒜麻油，想由頭到尾品嚐正宗重慶麻辣火鍋。因為今次我地有成8個人所以就叫咗兩個鍋鍋底係每位計 $38/位九宮格麻辣大紅鍋蕃茄魚頭鴛鴦鍋《稻田毛肚》毛肚入晒麻辣味,入口唔韌帶少少爽口感《手打四寶丸》鮮肉打出來的丸,肉夠新鮮,鮮味十足,唔會有雪味《牛骨髓》牛骨髓本身係無乜味道 , 本人一向都唔食,但當啲牛骨髓放入麻辣湯就完全不同 , 牛骨髓很滑身加埋麻湯辣,完全係另一番風味《大刀牛肝》估唔到牛肝可以咁好食加左蛋之後令到牛肝變得更滑《功夫萵荀片》成朵花咁靚,靚到有啲唔捨得食,萵荀係我第一次食,口感有啲爽口,好易入味,好食!鮮菇拼一次過有幾款菇類,唔駛煩,啱晒我地呢啲懶人,唔駛諗咁次餐真係夠晒滿足,同到老友一齊食到一餐正宗的麻辣鍋。…查看更多

食過台灣乜乜雲集餃子 有朋友話試下東瀛嘢 反正有地鐵 就去咗佢屋企樓下果間餃餃 餃子店try try有咗地铁 令到成個黃埔區都旺咗 交通便利真係對客流有好大幫助 你見堅尼地城D食肆如雨後春筍你就知 就唔就腳 便唔便利 對間食肆會有好大影響食日本餃子當然唔少得啤酒叫咗份洋蔥餃子配山芋芥末 洋蔥係用係日本出曬名嘅淡路島洋蔥 夠香 加埋D wasabi 口感撞得真係唔錯另外叫咗份足成7吋幾嘅，蟹肉海老餃子棒 有蝦有蟹 滋味非常 2個人分一半 啱啱好 是日消費每人80零元 又okay wor…查看更多

一個人食午餐 又不想胡亂地填飽肚子 就坐電車去了銅鑼灣找找東西食 簡單的叫了一客自家製麵包和蕃茄清湯 麵包上枱時還存微溫 包本身好軟熟又有咬口 加上伴碟嘅奶酪 感覺超讃 湯本身好清但飲落口感好清新 熱熱的 淡淡的 配上自家麵包 一流…查看更多

晏晝食得清淡 夜晚好自然就想食多D野 成個下晝去咗shopping 攰攰地就係附近揾嘢食 去咗正斗 未入門之前想叫返碗雲呑麵 落單之際見到碟干炒牛河炒幾靚 就改咗叫干炒牛河同一碟牛腩 牛河炒得好好 河粉炒得夠香又足味 傳統牛河味道完全發揮 正 牛肉肉味夠而且軟熟 同時又炒得有少許焦 鑊氣十足 個柱候牛腩超讚美 半筋半肉 炆得火喉剛好 滋味非常…查看更多

假期去咗朋友位於元朗嘅新居 之後去咗旁邊的商場食晏 搵咗百樂潮州飲茶 4條友叫咗D點心 其中椒鹽白飯魚做得幾好 外脆內軟 白飯魚本身又大條 外及漿粉又做得好薄 一啖一條好滋味 另外牛肉球味道不俗 肉味夠 加上喼汁令牛肉球味道再提昇 看似簡單 其實完全在於材料和心機 另外鮮蝦腐皮卷也好味 一句話 夠香口夠惹味 整體環境同服務俾我感覺都唔錯 老字號仍有些堅持…查看更多

某好友由壯年開始已食得清淡 近年更不近肉食 所以平常見面聚會都會選擇些齋菜舖 還好近來很多傳統食肆也紛紛以營為本 多了些全素菜菜式 唔使齋食齋 幾好 全攻素菜型 先來一個苦盡甘來…希望啦 涼瓜加南瓜 入口有甘有甜 睇你鍾情邊一樣 食落口稔稔的 加上涼瓜 南瓜各有各獨有味道 配好豆豉 蒜粒 十分滋味 另一樣鮮支竹炇茄子 食材嘅配令到味道好特別 口感幾爽 鮮支竹加上茄子本身軟硬適中 炸焦的葱粒令滋味更上一層今次叫咗個不論葷素都有嘅菜式 咕咾…不過唔係肉又唔素球而係𤠣頭菇 入口感覺幾新鮮 有甜有酸又有咬囗 唔錯 最後整多個豆腐花 簡直perfect!!!…查看更多

聽講冷風大人訪港 重約老伴食日本菜tim 反正都訂咗位 算啦 先黎過個和風蕃茄 酸酸甜甜 開胃前菜之後叫咗果九品壽司 由師傅發辨 有三文魚 油甘魚 吞拿魚 牡丹蝦 深海池魚 帶子 海膽 呑拿魚蓉同金目鯛最後係明太子玉子燒 又軟又滑的玉子燒配上自家制嘅明太子醬 味道一流 一絕…查看更多

黎何洪記 例牌叫碗艇仔粥 而老伴就一定係指定動作-雲吞麺 今日心思思叫多兩款傳統小食 一個係蜆蚧鯪魚球另外一個係蝦子柚皮 鯪魚球炸得恰到好處 肉質彈牙爽口 味道鮮美 而蜆蚧不像坊間一般吃到的得個咸字 仍保留傳統蜆蚧的鮮 實在難得 而柚子皮炇得很冧 炆得非常入味 入口鬆化 夾著蝦子令味道更上一層…查看更多

約咗去朋友處團拜 好友們一年也有聚會好幾次 今次不過又有個好好理由相聚一番 之後大家一齊午餐再聚 剛好有友人從國外回來 想回味一下地道小食 便選擇了雲呑麵和及第粥 粥我一般般 所以叫了個雲呑麵 其餘就由得他們發板 麵做得不錯 聽說是他們的招牌 味道好水凖不俗 反而他們叫了個馬拉糕 驚喜有心思 味道不會過甜 夠力鬆軟而且香 加上面層鋪滿椰絲 豐富囗感同時又令食品錦上添花…查看更多

聖誕減價了 和閨蜜一起血拼 之後逛得攰攰地 找了家泰國菜-18巷 兩人無肉不歡的大媽(其實我們還很年青貌美) 叫了一個秘制黑椒豬手 食落外皮鬆脆 非常香口 脂肪大部分己在烹調過程中去掉 所以入口沒太大感到肥膩 里面肉質香嫩 一脆一嫩 口感非常 淡淡的黑椒味道更加帶出食物鮮味 不錯的一個選擇另外叫了個泰式燒牛扒 以猛火香煎 先鎖死肉汁 肉質口感幼嫩 啖啖肉汁 加上特別配制嘅醬汁 令牛扒鮮味更上一層…查看更多

原本想和老公食碗雲呑麵 不過坐低之後又三心兩意想來一頓一盅兩件 蝦餃 一句話皮薄餡靚 入口就知道蝦仁有幾新鮮 重有少少的蝦汁在餃內 滋味十足 我對蝦餃嘅要求其實好基本 饀要新鮮皮千祈千祈唔好過厚翡翠菜苗餃 唔係全素 內𥚃餡料有切細嘅菜苗同蝦肉 菜嘅比例較多所以入口頗清 菜苗同蝦呢D選料食得出新鮮 清清地唔錯嘅選擇流沙包 推薦嘅一款點心 不過要趁熱食 但小心燙咀 蛋黃茸化成糊狀 食落好滋味 好在老公喜歡甜食 三個一籠 佢兩個我要一個 win win…查看更多