不知道為什麼這間炸雞有咁多負評？今日公眾假期去了點外賣，order了四個餐。首先我係用自助販賣機的螢幕落單，用Visa付款，點知出唔到張order，之後叫店員幫忙，店員叫咗老細出嚟幫手，老細講普通話，但係好有禮貌，話部機唔係好sensitive, 之後拍了幾下，張單出返嚟！老細不斷說”對不起，不好意思”，叫我坐低等取外賣。見到幾個員工自己交流用普通話，但係同我講廣東話喎！回家車程五分鐘，返到屋企啲炸雞仲好熱，外脆內嫩，附送嘅黑椒粉好好味！老公話個包好食唔會有輕飄飄嘅感覺！啲薯條唔淋！呀仔呀女都話佢哋嘅餐好味喎！雞柳冇貨，換咗有骨雞塊，微辣但幾惹味！呢間炸雞價錢ok, 食物唔錯，員工友善！絕對可以回頭👍…查看更多
