huimfsam的个人专页

OT完八點幾想搵嘢醫肚，誤打誤撞入咗呢間越式粉麵店，同事嗌咗火車頭湯金邊粉，本來食越南野無理由唔食生牛河，但我太肚餓，就叫咗豬扒撈檬。豬扒撈檬塊豬扒好鬆化好Juicy 好入味，個檬粉配埋越式酸辣汁味道恰到好處，檬粉既質地軟硬適中，連埋啲生菜、醃青瓜、紅蘿蔔絲，口感好清爽，唔似我食過另一間越式撈檬好油膩。同事就話個火車頭湯底好濃味，食得出好足料，佢最後仲飲晒啲湯。後來有四個韓國遊客入嚟食嘢，好彩有位熟客幫老闆翻譯同佢哋落單，見到佢哋食春卷食到舉晒手指公咁，睇嚟都好有水準，下次再試。…查看更多