Gelalalalala的个人专页

邊個話大西北無好野食 只要你肯行入多啲 就發覺好西就係左近 今次呢間泰國野完全啱曬大熱天時食 酸辣開胃 一入門口就見到兩個泰國人 以為佢哋係老闆啦 點知唔係bor 泰式燒豬頸肉去食泰國菜必嗌no.1 要知道一間泰國野好唔好食 食佢豬頸肉就知啦 新鮮燒嘅果然唔同啲 好香口 外皮脆卜卜 食得出肉係有事前醃製 重口味人士唔該要點爆佢個汁 佢唔係求奇俾碟泰式辣醬你 而係自家製整 好重蒜味 我拎咗佢個汁撈飯 真係識食啊(⁎⁍̴̛ᴗ⁍̴̛⁎)泰式生菜包食泰國野必嗌too 我最怕啲肉碎好多汁 搞到包生菜食滴到成手都係 但呢個整體口感唔會過乾或者過濕 包住生菜食唔會食到周圍都係 香料味偏重 辣味都偏突出 好辣嘅baby要bookmark佢啦海鮮冬陰功湯again! 嚟食泰菜 唔整啖冬陰公邊正㗎 泰菜最神奇嘅地方就係用料好重 整到好酸酸辣辣咁 明明食咗好多都仲係有好多quota咁 今日一飲個湯 嘩 開心返埋嚟啊 酸酸辣辣 又多配料 一啖湯一啖蝦 一啖蝦又一啖gugu 建議大家人頭冬陰公 一齊開心返埋嚟泰式菠蘿炒飯老細話呢個係新品 第一日推 雖然我之前都有食過 但不得不讚 佢地真係好地道 入面係有提子乾同炸腰果 which is 唔係間間舖都做到 仲有！ 佢啲菠蘿好甜好juicy 無話炒太耐無曬啲水份 溫馨提示 記得順手撈個豬頸肉汁汁 包你話正泰式龍眼冰食完發覺 同行朋友無留龍眼俾我 係到聲討下先！成杯野唔死甜 都好有龍眼味 仲有想讚下呢間店 無嗌走冰 但都唔會裝到成杯冰 好良心泰式青檸梳打水mami比較鐘意呢個 夏天飲好梳乎 青檸同梳打水好match整體真係要俾大手指公 可能因為我愛thai food 樣樣都正中我心 再加上老細雖然唔係泰國人 但都請泰國人做廚 feel到好想食客食到地道泰菜 同埋老細仲話間舖好無食 要睇個老板係咪係間舖食 佢話佢係 我信佢㗎 因為我係佢都會 完全唔洗擔心落唔到單 因為個到嘅泰國靚jai靚女都好friendly 講廣東話仲好過我(⁎⁍̴̛ᴗ⁍̴̛⁎)…查看更多

有無人都係好鐘意食茶記 朝早最鐘意食常餐 火腿通🍲炒強🍳烘底多🥪 晏就整碟碟頭飯🧆 夜晚就嚟幾碟家常菜🥬 簡簡單單但又滿足到你多多要求嘅 只！得！茶！記 🔥今次食呢間 落腳點雖然唔係旺舖 但我相信越唔顯眼嘅茶記就一定越有驚喜 雖然都係茶記 但勝在地方乾淨闊落👍🏽 大部分都係卡位 食都食得巧c伏🙆🏽‍♀️👉🏾重慶雞煲 🐓邊個話茶記擺得上格得碟頭飯 呢個雞煲絕對拎得出手 首先最抵讚👍🏽一點 呢個雞煲係跟爐上！🔥 有無人食過一啲雞煲無跟爐 食食下凍咗 就算隻雞即場劏都無咁滋味🫤 食緊其間 老細都好好人 會幫手睇火 唔怕燶(⁎⁍̴̛ᴗ⁍̴̛⁎) 雖然講就講半隻 但件件都啖啖肉🥰 食得出有事前有醃過 味道唔算辣 但就好吸汁 當我心諗有白飯🍚就好 老細真知我心 拎咗碗靚仔俾我 唔知係咪因為我靚女(⁎⁍̴̛ᴗ⁍̴̛⁎)🧏🏽‍♀️👉🏾避風塘鮮魷本來想嗌椒鹽口味 但老細話避風塘口味就辣啲 惹味啲🌶 我食落就覺得陣味同椒鹽都幾似👩🏽‍🍼 但就多左幾分辣味 魷魚口感偏淋身 但我鐘意彈身少少 炸粉方面都整得啱啱好 唔會過厚 炸粉同個魷魚都唔會一夾就散 基本上呢道餸 我去打冷都必嗌 拎啲細炸粒嚟送飯真係巧過癮🧏🏽‍♀️🧏🏽‍♀️🧏🏽‍♀️👉🏾乾炒牛河🥩有無人覺得覺牛河配上面啲野食巧怪💁🏻‍♀️ 本來都係諗住耐無食牛河 想有碟主食 咪嗌個牛河 點知一食反而覺得呢碟牛河成功跑出🤩 牛河間間茶記都有 但好食就未必間間都好食 呢間先講份量 絕對俾多有突 再嚟講啲牛🥩 大大塊 唔算韌 整體食落口都無筋 河粉唔會一夾就斷 配料都好俾力 基本上每啖都食到曬所有野 所以口感好豐富 加上！牛河一定要夠油🥢 呢間啖啖都有食到個種油感 係咪巧邪惡巧想食呢(⁎⁍̴̛ᴗ⁍̴̛⁎)…查看更多

有無居酒屋迷 今次呢間都係第一次食 疫情又去唔到日本 咪去下居酒屋頂頂癮😢😋五點刺身盛🍣鮑魚兩隻一上枱見到份量極級足 雖然係2人份 但真係極級厚切 個人最欣賞鮑魚 真係每人一隻 切成片 方便入口 口感好爽口彈牙 一啲都唔腥(⁎⁍̴̛ᴗ⁍̴̛⁎)🍣三文魚兩片三文魚入口好香魚油香 一啲筋都無 好想食埋另一舊 但巧野要開心些牙🥰🍣劍魚腩兩片劍魚腩口感同三文魚好似 但就相對淡味啲 一樣係無筋 放曬成舊落口啪就最開心架啦😚🍣海老兩隻海老其實就係甜蝦 大隻到好似手掌咁 🍣刺身帶子兩粒帶子就相對普通 但都係完全無腥味 唔會好韌 😋日本產A4和牛海膽飯真係心心念念日本啲和牛b 今日終於食到 頂下癮 啲和牛勁有牛香味 放落口係真係自動融化 一啖和牛一啖海膽 真係巧食到想講聲Oyishi(⁎⁍̴̛ᴗ⁍̴̛⁎) 記得打完卡要撈撈個飯 咁啲飯都會和牛香 食呢個飯真係超幸福😝😋蟹甲羅燒🦀有無蟹膏狂迷 呢個must try $100都唔洗 超大pat蟹膏蟹肉 個4舊麵包點滿曬都仲有淨架 我就醒啦 拎埋嚟撈飯 完全係發明咗新菜式👍🏽😋白鱔（汁燒）一開始以為上錯 因為好似鰻魚 食落就知唔係 肉質爽口 啲汁唔會搶味 個白鱔原味仲keep到 呢個都幾推薦 👍🏽👍🏽👍🏽😋雞翼（鹽燒）🐓個人覺得雞翼係串燒入邊比較普通 味道夠淡 建議可以加啲辣粉 應該會惹味啲😋燒玉子燒🍳切到好似🎲 超可愛 粒粒都超香蛋味 一粒好似濃縮咗3粒🍳咁 入邊仲有啲蛋汁 高水準啊👍🏽😋沖繩黑糖燒菠蘿🍍菠蘿又係居酒屋必嗌item 食居酒屋好易嗌嗌下食到好飽 嚟舊菠蘿可以解下膩 三大舊厚切菠蘿 仲要超爆juicy 加埋少少黑糖 甜到入心啊😚😋蜜桃烏龍熊茶🐻粒熊仔糖超可愛 真係唔捨得飲佢 成杯野茶底比較出 又係解膩一流😋北海道乳酸🍹呢杯上面本身有好多朱古力碎同脆脆米 一飲落口 就會咬到啲脆卜卜嘅野 加埋乳酸 巧啱小朋友飲(⊙ω⊙)整體嚟講 係cp值高嘅居酒屋 刺身好足料同新鮮 串燒都好有驚喜 野食水準對得住個價位 侍應服務態度都好好👍🏽…查看更多

每個禮拜都例行落旺角食飯 旺角咁多野食真係唔怕無得揀 呢間BHC炸雞都唔係第一次食 之所以返兜係因為食物份量超足夠 而且炸雞水準亦唔錯 滿足到想出走韓國嘅心癮Bott Saland用好classic嘅沙律木碗上 成個盤真係有一個半頭咁大 兩個女仔食真係可以食飽 配料亦超級豐富 有雞胸肉 蝦 雞蛋 牛油果 洋蔥 生菜等等 食落發覺呢個生律好少醬 但因為配料足 可以一啖入面有肉有菜 所以完全唔會覺得dry 同行朋友仲有讚個牛油果 夠creamy Sweet Pick Me其實就係酸甜醬口味 因為朋友仔第一次食 個沙律一上枱 佢已經嚇親 到個炸雞上枱 佢直頭反埋白眼 無錯 個份量多到真係接受唔到 兩個人要食14舊雞 真係mission impossible 仲要啱啱食咗咁多沙律 雖然每件雞size都唔係超大 但因為每件都係一樣口味 所以好容易會食厭 建議大家嚟食一定要一大班人食 share唔同口味會更爽 炸雞嘅炸皮偏厚 同埋包滿厚厚醬 個皮相對會淋啲 如果鐘意全翼或者全槌嘅朋友 都可以係落單時講聲 不過價錢相對就貴少少整體嚟講 份量足夠 味道雖然無韓國咁好食 但都唔伏 會再去啦…查看更多

👸🏻港女就係鐘意打卡 要打卡啲野食一定要夠靚靚(⁎⁍̴̛ᴗ⁍̴̛⁎) 今次食呢間真係超打卡able📸 影完再食都仲熱辣辣👅 book位個時仲可以講明坐他他咪 正架都(⁎⁍̴̛ᴗ⁍̴̛⁎)富士山黑豚肉咖喱飯🥘去唔到日本住 咁就食個富士山黑豚肉咖哩飯頂頂癮先 本來諗住呢啲咁睇得嘅野食 份量一定好少 點知個富士山真係認真唔細啊🗻 個日3個女仔食都夠啊🍚 雖然menu寫豚肉🐖 但食落就好似雞肉🐓 肉嘅口感一般 份量都唔算多 但好彩有個咖喱救場 好香椰香味 用嚟配飯就好正啦(^з^)-☆ 粉紅鳥語雪糕忌廉海鮮意粉🍝呢個一上枱真係變心心眼😍 粉紅色嘅雪糕🍦真係勁sharp💘 食呢啲要俾少少耐性等一等 打完個靚卡啲雪糕就開始融 咁個時撈就啱啱好啦 個人比較鐘意意粉 但朋友仔話呢個偏咸🙁 海鮮種類有蝦同帶子 種類比較少 而且帶子仲要原隻切片 所以計返落 份量真係唔多🤔🙁牛油果香蕉抹茶奶昔🥤一直都未試過牛油果奶昔 今次嚟一於試試佢 一入口其實無乜牛油果味🥑 隨之而嚟就係強烈嘅抹茶味 到最後就有番陣牛油果味出嚟 口感順滑 層次豐富 如果抹茶味同牛油果味平衡下 會更好(⁎⁍̴̛ᴗ⁍̴̛⁎)藍柑橘柚子沙冰🧊呢杯一上枱 直頭好似去咗夏威夷🏝 勁似瞓係海上面飲個啲 呢杯一入口又係唔係柑橘味 有啲似益力多 後勁就係柑橘啦 仲會食到啲柚子皮 呢杯認真足料啊 雖然都係兩個main 但兩個都偏漏 飲呢杯啱曬👍🏽整體嚟講 係打卡勝地 食物雖然唔算出色 但份量都足夠 配料可以增加 可以令食物味道口感大大提升(^з^)…查看更多

冬天最啱打邊爐 識食雞一定揀椰子雞鍋 夠清甜又食到食材原味椰子雞鍋用左兩枝礦泉水同椰青水做湯頭 一開始仲驚好淡 點知超鮮甜 雞係清遠走地雞 睇嚟啲雞生前行唔少路 啲似好扎實 仲好香雞味山水豆腐份量多 而且好香豆味 一舊接一舊咁食 停唔到口蔬菜拼盤正常嘅質素 但份量有啲少…查看更多

Burger lover 一定有聽過呢間 雖然大家話以前好食啲 但因為今次係我第一次食 所以比較唔到 無記錯尖沙咀N2出口出 行3分鐘左右都到架啦 其實去個陣都3.幾 點知都係勁多人 好彩都有位 一嗌完 應該10分鐘 啲野食都到 唔係等好耐 抵讚黑松露芝士牛堡真係超鐘意黑松露 又香口又惹味 一見到黑松露就嗌佢 一上枱 真係無呃我架 大大pat黑松露 真係唔係係咁依落少少 啲醬多到係你咬一邊 另一邊就瘋狂滴 成日都覺得一個出色嘅漢堡就係睇一樣野 睇下你食到會唔會好捩咁hea 個漢堡都好足料 除咗芝士生菜蕃茄等等一啲常見配料 舊肉都好厚 不過個人認為肉有啲散 雖然夠juicy 但牛味就唔夠出 本來我仲加咗隻煎蛋！但唔知點解最後出現咗係我朋友個burger到黑松露芝士豬堡朋友仔嗌嘅呢個！ 雖然都係黑松露系列 但唔記得m啖嚟食 但個煎蛋 我見到流心架 佢就開心啦 有流心煎蛋嘅加持 個burger一定更加好味架！整體嚟講 個人覺得成個burger料足份量大 兩個女仔胃 share一個套餐都好夠 唔洗兩個都跟餐 跟餐配嘅薯條都超好味 唔鐘意食薯條嘅都仲有沙律等其他選擇 野飲方面都有汽水啤酒或者茶等等嘅選擇 實一一款啱人口味啊 一句講曬！ 嘉寶 I will be back!…查看更多

太耐無出尖沙咀 行到韓國街個邊 見到一間串燒餐廳 鐘意食串燒嘅我 即刻搵埋朋友仔沖咗入去汁燒原隻魷魚筒原條魷魚上 大大條 魷魚腳都無俾少 口感一啲都唔韌 之前食魷魚好驚清唔乾淨 但呢個好乾淨 又唔會燒到乾爭爭 真係世界級燒新鮮生蠔嗱 生蠔打手又上手 真係好想食任食生蠔放題(⁎⁍̴̛ᴗ⁍̴̛⁎) 相比起之前食開嘅 呢間蒜少啲 但汁水好足 唔腥而且勁肥美 都係個句 我要一個食十個！燒香口五花腩呢間啲份量都好足 唔係一串串起跳 係一碟上 見到啲啱啱燒起嘅五花腩 對油脂仲掛係上面 真係口水都滴曬落嚟 肥瘦適中 真係超有驚喜 秘製燒豬大腸又係一大碟上枱 食到飽飽地見到佢嘅出現 真係又愛又恨 完全無異味 仲要一咬就爆曬油香 真係無得彈雞泡魚乾餐前開胃小菜 食佢就啱了 佢會配個蛋黃醬 好味到我留低咗佢嚟點其他野 雞泡魚乾同魷魚乾口感好似 就算放耐咗都唔會韌 用佢送菜一流牛油粟一燒呢個塞米 我俾滿分啊 份量都有眼你睇 好甜又多汁 加埋調味 咸咸甜甜 好惹味蒜蓉金針菇又係超大一盆 重點係啲金菇煮到好淋 掛曬汁 完全唔知點做到！ 燒菠蘿鐘意菠蘿程度到 嗌左兩個 果然菠蘿唔會令我失望 甜到漏啊 汁水一咬就爆 同朋友仔慢慢妹 檸檬可樂正常發揮 冰底+1罐可樂 檸檬都夠 整體嚟講 尖沙嘴地舖總對總對總對係cp值高 一開始望佢價錢仲覺貴 但一上枱 不得了 量多質素好…查看更多

之前係元朗食過一次 印象係唔錯嘅:)今日去開屯門 就買咗底食 但有啲失望👉🏾抹茶雞蛋仔雖然望住店員整 但唔知點解拎上手唔算熱辣辣 同埋每粒之間密度比較高 所以脆卜卜嘅位唔算多 而口感係偏濕同煙韌啲 唔係好食到抹茶味 一入口係無乜味 食到最後有勁強嘅澀味 並唔係回甘 個人覺得街邊嘅好食好多 有蛋味啲…查看更多

雖然已經10月尾 但仲係超爆熱 行街唔拎杯手搖會熱死架 呢間係新開 一於試試佢👉🏾茉莉綠茶(少甜，加寒天晶球)我老了 已經飲唔到珍奶 一飲完 會仲口乾 天氣咁熱 飲茶就最解渴 因為驚太甜 所以一早少甜咗 甜度少咗 茶味變相就出咗 茉莉味好夠 原全唔同紙包飲品個種 個花茶味好自然舒服 寒天晶球同珍珠唔同 無額外嘅糖份 啲晶球好爽口 唔會一舊舊痴埋 飲曬啲茶都仲有未啜完嘅晶球 成杯茶加寒天晶球好夾 建議大家一試(⁎⁍̴̛ᴗ⁍̴̛⁎)👉🏾炭焙烏龍茶(少甜)呢杯係朋友仔嗌嘅 成日見佢飲烏龍茶 嚟到呢到都嗌烏龍茶 真係烏龍茶達人嚟 雖然兩杯都係茶 但朋友話呢個有回甘 甜度都啱啱好 飲完喉嚨都唔會好澀喉 不過無加配料就咁飲就dry咗啲 建議佢下次抄我嗌寒天晶球😂😂整體嚟講 兩杯叫少甜係真係做到少甜 茶味好出 無hea我 價錢貼地又大大杯 一杯都飲咗我成個晏就👍🏽👍🏽👍🏽…查看更多

一開始睇店名估唔到係食西餐 成間餐廳個感覺好家庭式 好舒服 食食下見到有啲食客都係一家大細 唔單止啱同朋友嚟 一家大細都啱👩🏽‍🍼👨‍👩‍👧‍👦👉🏾烤皇帝蝦配香辣蒜片闊蛋麵🍝食蛋高手表示見到闊蛋麵 隻眼係會變😍😍 唔理3721 即嗌 一上枱見到3大隻皇帝蝦 大大隻 唔似係急凍嘅蝦🍤 果然啖啖肉 唔會腥 肉質都唔鞋 意粉都煮到啱啱好 好掛汁 一路食 啖啖都係蒜香味 除咗蝦 仲有啲菇 發覺意粉同菇真係好夾 （題外話：mami超鐘意食菇）👉🏾泰式香茅燴澳洲和牛肋條配墨西哥薄餅🍖本來好驚啲牛肋條會好韌 點知超級淋 唔洗咬都斷 一份都有6大舊 2丁友食夠曬 大大舊 好厚肉 墨西哥薄餅拼個汁汁 巧正 mami深信呢個會係送飯王 除咗大舊肉 仲有菇菇 矛錯 呢間成功俘虜到我嘅芳心 菇菇da best😚👍🏽👉🏾炸黑松露薯條🍟第一道上嘅菜永遠係最正嘅 肚仔餓食熱辣辣薯條 真係世界級 薯條好食係人都知 黑松露薯條好食無人唔知 唯一要講就係 點解咁好食😋 下次嚟要再嗌 👼🏽👼🏽👍🏽…查看更多

考完試要放鬆 落轉老旺覓食 上次係同一棟大廈食泰菜 今次就食越南野 一上到去 好似離開咗香港咁 成個環境好fancy 坐得舒服 又keep住播越南歌 食野都開心啲👉🏾苗族椰汁淡咖喱雞肉湯米線一上枱已經聞到超級香椰香味 鐘意椰奶朋友要trytry佢 米線偏彈牙 唔會好淋 配料除左有雞肉 仲有啲菇同豆苗 雞好大舊 無hea我架 雖然有咖喱 但唔會好辣 👉🏾南越炸豬肉春卷食越南野 春卷真係必嗌 熱辣辣又脆卜卜 一個人啪成碟 唔過份啦 個春卷皮超薄 所以食落勁脆 食得出入邊有放黑椒 有少少辣 啲餡好棉 同港式啲春卷唔同👉🏾扎肉心內美米紙卷米紙卷煙煙韌韌 入邊包咗海量紅蘿蔔青瓜絲 仲有大大舊扎肉 食一舊都頂到一碗飯 朋友仔話呢間個醬同一般唔同 用嘅係花生醬 果然食好西就要同專家一齊去👉🏾南越法式麵包個人認為呢個係今餐黑馬 無諗過越南野配法包咁夾 法包烘到啱啱好 加埋啲紅蘿蔔青瓜雞絲 口感無得彈 仲有 重大發現！ 佢入邊有放豬耳 無聽錯 所以食落超爽口 👉🏾南越蛋咖啡杯咖啡聞落係mocha味，飲落都偏甜，出奇地又冇蛋腥味！可能面個層微燒左少少，揮發咗啲蛋味整體都比較偏甜，最啱鐘意飲甜咖啡既人揀！👉🏾微藻檸檬薑茶杯檸檬薑茶就冇蛋咖啡咁surprise我啦，不過一見到杯野藍色就覺得好啱打卡🤤飲落杯檸檬薑茶又唔會話好重薑味，一啲都唔辣，有檸檬又有有薑茶感覺好養生， 飲咁多凍野都覺得自己健康咗😀😀😀…查看更多

一排無食燒烤又口痕啦 聽朋友介紹呢間平價串燒 一於去會會佢 睇下佢有幾平有幾好味！🤰🏽🤰🏽 店舖同太子站距離大約五分鐘路程 十分就腳👍🏽 一入去見到店面比較細 坐嘅時候會迫少少👩🏽‍🍼 👉🏾蒜香生蠔🦪 有睇開我食評就知我係超鐘意食蠔 阿姨一嚟就話啲蠔靚 新鮮燒起真係唔同啲 真係脹卜卜 超肥美 燒得啱啱好 唔會燒到乾曾曾 加埋海量嘅蒜 啪落口個下 真係又爽又滿足👍🏽👼🏽 👉🏾錫紙粉絲白蜆 燒烤必嗌之一 一上格 滿滿嘅蜆 底下都有海量粉絲同娃娃菜 食呢啲最怕比好少蜆同粉絲 但呢間真心係良心店 雖然蜆較細隻 但無沙都無腥味 一啖蜆一啖粉絲 爽啊👍🏽👼🏽 👉🏾原隻雞髀王 🍗 無諗過呢個雞髀王咁好食啊 朋友仔話睇到上網有人推薦 咁我地都膽粗粗試下 點知真係無推薦錯 大大隻 完全係啖啖肉 燒完肉質都唔鞋 仲有少少肉汁 重點係呢個雞髀王係去左骨 朋友仔話就算食到最後 個雞翼王凍咗都好好味👍🏽👼🏽 👉🏾原隻茄子王🍆 茄子燒得啱啱好 唔會食到一忽生一忽熟 但茄子肉就唔算好多 食到最後仲有海量嘅蒜 👉🏾牛仔骨🍖 牛仔骨有3舊 個人覺得份量偏少 有少少對唔住個價 口感正常 👉🏾燒豬頸肉 一開始認唔出邊串係豬頸肉 原來呢間嘅豬頸肉係一條過 個人都係比較鐘意一片片嘅 👉🏾金菇肥牛卷 一片肥牛包住成大舊金菇 足料係足料 但就要花啲牙力 👉🏾牛舌 一串都有7-8舊 雖然唔係厚切 但都好抵 熱辣辣食個時個口感唔韌 但凍咗就會韌啲 👉🏾雞腎 雞腎好香口 但口感偏韌 要啲時間咬🤣 👉🏾雞軟骨 雞軟骨真係實實在在一粒軟骨 無花無假 無雞肉扮軟骨 而且都算大粒👍🏽 👉🏾燒韭菜 又係燒烤必點之一 燒得啱啱好 一啲都唔韌 超香韮菜味👍🏽 👉🏾金妹司華力腸 司華力腸比一般嘅size大 朋友仔話如果佢個餡係芝士就好👼🏽🧀 👉🏾燒菠蘿 菠蘿有6舊 抵到爛 仲要舊舊都厚肉 又香甜 又juicy 都幾推薦大家嚟要嗌 因為好解膩🍍🍍🍍 👉🏾西柚汁 👉🏾竹蓆茅根 正常罐裝同支裝野飲味 價錢合理👼🏽 Overall 呢間係絕對會再回頭 兩個人食 都係300幾 食到飽曬 仲要勁多都係肉 雖然係小店 但一啲都唔hea 份量夠 調味都偏重同辣 嗌小辣對我嚟講就啱啱好 店員態度都超好 又係食飽開心嘅一日👅…查看更多

同朋友仔睇完戲 決定係附近商場覓下食 一入商場就見到food court 就係諗緊食咩個陣 朋友仔指住咗呢間問 食辣野好無雖然我唔太食得辣 但辣野真係好難抗拒 見到餐廳門口設計到咁靚靚 一於試下佢〰️〰️〰️〰️水煮毛血旺一上枱 見到超級大兜 而且啲配料超足 有鴨血 牛柏葉 午餐肉 牛肚 肥腸 芽菜 萵筍 粉條 最抵讚係鴨血有好多舊 朋友仔話粉條超正 索曬啲精華仲滑捋捋 食到最後仲要係到搵啲bb粉條仔 所以極度建議加粉條 成個毛血旺 4個字形容 又辣又麻❤️‍🔥 雖然我唔食得辣 但真係好惹味好過癮 下次嚟都要再嗌！〰️〰️〰️〰️巴蜀口水雞口水雞份量正常 兩個人share就啱啱好 雖然呢間餐廳主打食辣 但呢個口水雞辣味好溫和 酸酸辣辣 好開胃 雞嘅肉質唔鞋 而且食一啖已經食到陣酒味 無諗過酒同口水汁咁夾😋 食食下發現 原來呢間口水雞無花生 私心覺得加埋花生就更好啦〰️〰️〰️〰️辣子雞軟骨一上枱見到滿滿嘅辣椒 我表示驚驚 但點知食落唔係超辣 好香口 雞軟骨份量超級足 而且有少少雞肉包住軟骨 口感好過癮 雞軟骨先炸後炒 但完全無變淋 加上用咗乾蒜 孜然粉炒 食落好香口 送酒真係一流 忍唔住一粒接一粒咁食〰️〰️〰️〰️酸辣土豆絲呢間真係咩都大大碟 薯仔絲成座山咁高 薯仔絲切到好幼 所以超級索汁 雖然炒過 但薯仔依然好爽口 個人認為如果鐘意泰式雞腳味嘅朋友 可以trytry呢個 佢唔同一般用醋炒 泰式個種酸辣令成道餸更加清新 :)〰️〰️〰️〰️西柚梳打正常嘅西柚味 配埋梳打 好清新解渴〰️〰️〰️〰️熱情果梳打熱情果偏甜 建議可以嗌少甜:)正體嚟講 呢間店好啱鐘意食辣嘅朋友 絕對唔係bb辣 菜式選擇多 而且上菜速度都好快 下次嚟再挑戰！🥳🥳🥳…查看更多

天水圍除咗有齊柏林熱狗 熱狗太太嘅熱狗都不容忽視 因為地方就腳啲 所以成日都會食熱狗太太 除咗當塔塔遇上吞拿魚 其他全部都有試過 真係忠實擁躉嚟架我〰️〰️〰️經典醬爆 真係對得住個名 啲醬真係比得超足 個人覺得足過頭 有少少咸 但醬多派嘅人一定會like爆呢款 〰️〰️〰️太太秘制肉醬都係超級足料 一開就係滿滿嘅肉醬 如果要食 真係要擺好個陣 唔係會食到周圍係〰️〰️〰️芝士三重奏 芝士控見到會心心眼 真係落足3重芝士 有cheddor mozzarella pamesan 但如果take away 啲芝士就會硬咗 個人建議即場買即場食 咁就拉到絲啦〰️〰️〰️Oppa泡菜豚肉 個口味好特別 好鐘意佢啲泡菜係無切碎 真係見到一舊舊 所以泡菜味好夠 豚肉方面係一條條中長size嘅薄切豬腩片 一啖食到曬泡菜同豚肉 好滿足〰️〰️〰️英式風情 係近期大愛嘅選擇 因為真係爆多料 又蛋又煙肉 次次食完都飽足全日 熱狗太太嘅包底都有烘過 所以食落外皮脆 入邊就軟 熱狗腸方面就比較普通 份量好夠 但個人認為腸嘅口味比較單一 假如有其他口味 例如芝士 黑椒 咁就照顧到多啲食客口味啦 除咗單嗌熱狗 仲可以跟set 個人就嗌開細薯角加汽水 講真 熱狗配肥仔快樂水 prefect match 講就講話細薯角 查實一啲都唔細 如果係細食女仔 食半個包都飽架啦…查看更多