heheheheeeee的个人专页

今日放假出旺角行街，見到呢度有間新開嘅燒肉店，睇社交平台介紹話佢係台灣年銷售120萬份的超人氣燒肉店，仲榮獲2022台灣網路人氣NO.1，咁梗係要試試！😎.呢度套餐選擇都好多，有平有貴，任君選擇！雙拼套餐 - 牛花腩拼魷魚 ($128)🐄🦑✨牛花腩油脂滿滿，燒嘅時候已經聞到濃烈嘅油香，燒到邊邊位脆邊，再食落去，牛香味搭配韓式辣醬真係好惹味！✨魷魚份量多又新鮮，燒嘅時候已經聞到平時喺夜市燒魷魚嘅香味，肉質彈牙唔韌，味道鮮甜牛肉盛合 ($258) 🐮✨牛小排肉質軟嫩，入口即化✨板腱牛肉質結實有嚼勁，牛味較濃✨牛橫隔膜非常多汁，牛香都唔錯✨薄切牛舌肉質紮實，肥瘦適中✨牛肋條切條狀，食落肉感較重.醬料入面我最鍾意椒鹽，輕輕一點提味帶出牛肉味道～🥰另外每人可以加$25食任食生菜及韓式小菜自助吧，款式都好多，可以食牛肉嘅時候解膩，同埋健康啲😆套餐附贈飲料甜點：飲品叫咗鳳梨冰茶同奶蓋葡萄，兩位同出面手搖店一樣咁有水準！甜品Tiramisu有驚喜，甜度同咖啡味道剛剛好，配上餅碎同爆谷，非常有層次感！😚😚另外芒果奶酪就有啲似乳酪布甸，酸酸甜甜🥰🥰佢呢度係築間集團旺角一條街，另外仲有築間幸福鍋物築間、台灣鹹酥雞，下次要嚟試埋佢！！…查看更多

上網見到有人介紹榊原，於是今日就嚟食$628 lunch omakase course！清酒Sake🍶店員推介呢款叫天賦，來自日本播州，味道清甜易入口，適合lunch嘅時候飲 😛茶碗蒸高湯味濃，入面嘅蟹肉鮮甜，加埋菇同雞肉更有層次👍🏻龍蝦刺身 🦞 用咗西澳龍蝦，龍蝦肉味道清甜，配上三文魚籽嘅鹹鮮，仲有燒過嘅龍蝦膏嘅香濃，3樣嘢非常夾～兵庫縣 赤穗生蠔 🦪 生蠔肉質結實，配上柚子啫喱同醋嘅酸來帶出鮮味，非常易入口不帶腥味😍伊佐目刺身薄切🐟魚肉捲起包住蔥同蘿蔔一齊食，入口食到淡淡魚嘅甜味～☺️赤貝刺身🐚赤貝肉質爽脆帶甜味，唔會好似出面啲赤貝咁有時會帶一陣腥臭味，呢個有驚喜🤩天婦羅 (沙錐魚、秋葵、舞茸菇）🍤炸完但完全唔油膩，沙錐咬開魚肉濕潤，秋葵同菇炸完都唔會乾癟癟～壽司6貫 🍣 骨膠原鯛魚 師傅介紹呢條魚嘅飼料加入咗骨膠原，令魚肉特別爽彈！😛北寄貝 北寄貝刺身爽滑，唔同出面已經煮熟帶紅色嘅北寄貝咁硬！😎白見貝 師傅介紹日本嘅白見貝即係我哋叫嘅象拔蚌，呢一款壽司師傅有加咗青檸汁，好特別好清新～🥰炙燒黑鯥 一咬落去魚嘅油香爆發，肉質軟綿，呢個真係好正😇醬油漬劍魚腩 上面加咗大蔥段，醬油鹹度剛好，唔會蓋過劍魚鮮味😚中拖羅 油份剛好，入口食到吞拿魚肉味，同時又有油香🤪雲丹(海膽) 用上兩款海膽，橙色嘅係馬糞海膽，海膽味道強烈；黃色嘅係白海膽，味道較為清爽；加埋紫菜同醋飯一齊食，真係大滿足🥰蔥吞手卷 🍣吞拿魚蓉加上香蔥同炸衣，口感豐富😋.雞蛋布丁 🍮 用上湖北蛋同日本蛋，充滿蛋香，布丁質地偏結實，聽師傅介紹要蒸上90分鐘，非常花功夫！😎.麵豉湯 🍲用上4款麵豉同紫菜，麵豉嘅鹹味比平時日本餐廳飲到嘅更有層次😙.柚子雪芭 🍊雪芭清新有天然柚子味，咬落仲有粒粒柚子皮，為呢一餐omakase畫上完美句號！🤤.呢度環境舒服，師傅有耐性介紹每一款食材，服務非常熱情，今餐體驗非常好，呢個價錢嚟講CP值非常高🥳🥳🥳…查看更多

呢間餐廳位於中環IFC，見佢裝修都非常高貴，見今日係紀念日，於是同男朋友嚟試咗佢呢個世味人生嘅套餐😙玄米桂花茶🫖✨清新帶米香，喺中菜少見有嘅茶款.香茅茶🍵✨香茅茶帶微甜，感覺滋潤😳慢煮雲南辣泡椒皇帝帶子🌶️✨帶子好大隻，慢煮後有輕輕煎香兩面，配上微微泡椒辣味，開胃得嚟唔會搶咗帶子鮮味🥰西班牙黑毛豬叉燒酥.苔菜豆腐.黃袍金衣✨叉燒酥表皮酥脆、叉燒餡炒得夠香🐷✨豆腐表面香脆，內裡鬆軟🥴✨黃袍金衣係鹹蛋黃炸虎蝦，蝦肉結實鮮甜，加上鹹蛋黃真係好邪惡😈象拔蚌夜香花乾貝燉夏瓜湯🍲職員話象拔蚌是日唔新鮮，所以轉左帶子～✨湯頭用上蟹肉、帶子、乾貝等咁豐富嘅材料，再配上冬瓜燉煮，味道非常清甜😎私房吉品溏心乾鮑魚扣鵝掌🪿✨鮑魚炆得入味軟腍，食落有海鮮鹹香✨鵝掌炆得夠腍，容易切開，口感軟滑🥰珍寶珠📍✨珍寶珠係自家製雜莓味嘅雪沙，可以refresh一下口腔，非常特別！古越龍山20年花雕蛋蒸海蝦🦐✨湯汁用上花雕、椰皇、蟹肉熬製而成，配上蒸蛋、海蝦，鮮味爆發嘅一道菜🤩鹹酸菜奶油濃魚湯生煎麒麟魚 🐟 ✨呢個麒麟魚應該係我食過最好食嘅煎魚！✨魚鱗煎得香脆，魚肉表面外脆，但魚肉仍然軟滑，入面保持到鮮味，肉質亦無變硬，火侯控制得剛剛好！✨鹹酸菜奶油配上腐竹、馬蹄，連埋煎魚一齊食好惹味🥰砂窩菌香雞🐔✨上菜時職員贊酒炒香，夠晒鑊氣😍石頭魚蝦米節瓜湯浸鴛鴦米🍜✨石頭魚湯底非常濃厚，加埋索汁嘅米粉加粉絲，食完一啖接一啖，正呀！😚20年陳皮鐵觀音雪糕☕️🍨✨鐵觀音雪糕有茶香油夠奶香，質地軟滑✨底下鋪上鐵觀音茶凍，輕微嘅澀味配上雪糕嘅甜非常夾！✨加上職員上菜時即時刨咗20年陳皮喺面，為甜品添上額外橘香味🍊.呢度無論食物質素、服務態度、餐廳環境都令人一試愛上，將來其他紀念日一定要嚟呢度慶祝！👍🏻…查看更多

今日嚟咗跑馬地呢間suzuno食晚餐，叫咗呢個雅 Miyabi 嘅omakase套餐 ($1880) 🤩前菜🥬✨水藻配山藥泥，味道微酸，質感滑口，開胃一流～✨隔離嘅鰻魚卷、炸蟹都好食～🐟🦀湯品 - 鱧魚清湯 🍲✨鱧魚即係鱔，湯底清甜帶小小醬油香；順菜係夏季菜，表面帶啫喱狀，口感特別，另外食到柚子醬都令湯更加清新！🍊刺身🐟✨鱸魚薄切 - 清甜、爽身，按喜好加上醋橘/紫蘇花/酸汁，令魚鮮味更突出！🍊✨白蝦 - 師傅叫我哋一注幾隻咁食 ，鮮味爆發！ 🦐 ✨縞鰺 - 味道清爽、肉質細緻😚✨水八爪魚 - 吸管一咬啲肉汁同鮮味爆晒出嚟，八爪魚腳嘅切片就有咬口，味道鮮甜，配上切粒wasabi醬味道刺激！🐙✨岩手紫海膽 - 師傅話隻隻海膽會因為生長環境而有唔同味道，食海草嘅會甜啲，食礦物嘅礦物味會重啲～ 今晚呢隻海膽夠晒鮮甜，口感creamy！😍熟食✨炸白蝦丸 - 質感似豆腐但又有蝦丸嘅彈性，新鮮炸好食落好多汁！🍤✨長崎粟米天婦羅 - 粟米夠晒甜！🌽✨炸白蝦 - 香口唔油膩🦐壽司十貫🍣✨金目鯛 - 肉質彈牙、甘甜💛✨鮎魚 - 口感滑身，味帶鮮甜💚✨飛魚 - 質地黏口、魚肉厚身💜✨關鯖魚 - 魚味濃郁帶鯖魚嘅鹹鮮味，生鯖魚好少見！🧡✨池魚 - 薑蔥配搭池魚一流！🤎✨甘海老 - 3隻蝦都勁肥美、勁大隻，蝦味超濃！❤️✨石垣貝 - 師傅一打佢就彈起，夠晒新鮮，帶貝類嘅甜味～🤍✨吞拿魚 - 大拖油脂豐富，中拖肥瘦適中，醬油漬赤身有醬油香同濃烈魚味！❤️‍🔥味噌湯✨清清地唔會好鹹，可以清一清口腔，入面嘅白蘿蔔都好甜🥣甜品✨紅豆羊羹 - 綿密彈牙帶濃濃紅豆香🫘✨富良野哈密瓜 - 果肉質地軟熟，甜度極香，為今晚omakase嘅完美作結！🍈呢間環境舒服，師傅用心講解，食物質素又好，係會encore之選😎…查看更多

見觀塘呢間韓式炸雞咁出名，今日就突登同男朋友嚟試下佢😚今日好好彩有窗邊卡位，睇住觀塘個景食飯都幾好～香蒜脆雞(半份)🐔 $148 ✨炸雞上檯熱辣辣，未食已經聞到好香🤩咬落外層有蜜糖嘅甜，雞皮香脆，雞肉多汁，食到停唔到🍗🍗✨半份都有6件雞，2個人食都夠晒食呀！✨醃蘿蔔酸微微，食完雞食一舊夠晒解膩，咁就唔怕食滯啦！牛排骨湯🐮 $208✨鐵鍋上檯所以放好耐都夠熱，牛肉湯有牛鮮味，牛肉有4、5舊，睇圖都見肥瘦均勻，份量又夠多！肉質軟腍、一啲都唔韌！🥰✨入面仲有大蔥、粉絲、紅棗、金菇唔同配料，飲湯之餘仲有其他嘢食下，夠晒足料！😎士多啤梨乳酪沙冰🍓 $52士多啤梨味道自然，有乳酪嘅酸味，大大杯夠兩個人飲呀！😛.見呢度仲有好多唔同嘅韓國菜，又有Pizza，下次約一大班朋友嚟試下就啱晒！！！…查看更多

呢間新加坡過江龍想試好耐，今日終於有機會喇！前菜 🍈 哈密瓜配百香果醬，酸酸甜甜夠開胃~🥰天天海南雞 🐔 用上白雞所以食得出皮薄肉嫩，淋上帶小小鮮甜味嘅雞汁，點埋伴碟嘅3隻醬汁真係好豐富嘅層次。食得多怕膩就可以點下青檸汁，或者食下伴碟青瓜，隔住隔住咁食就啱啱好~🥰油飯 🍚 油飯以石鍋上再用木蓋蓋住，可以保溫就唔怕食到最後啲飯凍晒！至於個飯，飯粒分明，油分剛好，帶淡淡香茅香氣，配上海南雞食真係一流~🤩肉骨茶🍲用砂鍋再點蠟燭上枱，同樣保溫~ 肉骨有4大條，配埋黑醬油同酸菜，加多一啖充滿胡椒味嘅湯，真係好滿足~入面仲有枝竹同豆卜索晒湯汁好正，另外仲有豬肚都好出色~😋飲到底嗰時店員仲幫我托住個鍋等我易啲𢳂湯，服務真係好貼心~👍🏻蟹肉蛋白西蘭花🥦🦀擺盤真係好靚，啱晒打卡呀！蟹肉好鮮甜，加埋西蘭花清清地一齊食，可以更好品嚐蟹嘅鮮味~😍手打香水檸檬茶🍋佢比平時嘅檸檬茶無咁甜，仲多咗香葉嘅香味，份量大大杯，要2個人先飲得晒呀！…查看更多

上網見到呢間黑門水產好出名，今晚就同女朋友嚟試下！一入去就見到餐廳裝修好有日本嘅風味，有種去咗旅行嘅感覺🤩🇯🇵🎌平目鯛薄切刺身🐟肉質鮮嫩回彈，有淡淡甜味，配搭柚子醋嘅酸味好正！👍🏻魚子醬脆脆包🥖一睇就知勁足料！魚子醬加埋吞拿魚蓉、魚籽、海膽、炸香蔥，口感同味道都好豐富，刺身新鮮，呢個推薦！👍🏻蟹味噌甲羅燒🦀燒完嘅蟹膏一上枱已經聞到好香，佢配埋梳打餅食可以減低個鹹度，炸香蔥同蒜又夠香口，好食！👍🏻海苔燒帆立貝🐚帆立貝肉厚味甜，海苔味都突出😋👍🏻蟹味噌海鮮炒飯🍚炒飯嘅海鮮足料，上面仲有絲絲蟹肉，味道唔會過鹹～辣清酒煮刀貝🍶刀貝夠大隻肉厚，入面仲有2件白蘿蔔，食落有辣味同酒香，非常惹味！👍🏻鐵板燒山賊醬蟹蒜地雞🐔鐵板上嘅燒雞令雞肉有焦香味，雞肉食落嫩滑有肉汁👍🏻柚子梳打&奇異果梳打🥤柚子同奇異果嘅味道自然，飲落仲會有小小果肉，呢兩杯都唔錯～👍🏻.呢種仲有好多種類嘅酒，下次可以再試下～…查看更多

放工近近地嚟商場食飯，呢間茶木裝修得好靚，又見好多人食，所以就入去試下~呢度食物款式都幾多，今次嗌左呢幾樣野食試下~烏魚子元貝手作麵元貝煎到外表焦香，入面就半生熟，烏魚子有鹹香，忌廉汁好有奶香，手作麵質地似扁意粉，好食~鳳梨鮮果甜酸肉鳳梨同鮮果都好鮮味，加埋炸得香口嘅豬肉，成碟餸都好fresh，加白飯一流~鮮果茶鮮果茶夠晒足料，勁多水果！加埋綠茶好夾~草莓櫻姬草莓奶昔加啲櫻花味，都唔錯~草莓香草蜜糖歐軟磚塊大大份多士真係好靚好啱打卡，士多啤梨味雪糕味道自然，加埋煎得香脆又帶蜜糖嘅多士，仲有粒粒棉花糖，用呢個甜品做今餐嘅結尾真係正呀~…查看更多

之前見到有人派傳單，見佢餐單整得幾靚，所以就諗住俾個機會佢~.上到去就自己拎餐具、斟水、QR Code落單，見到好多時都有客人入嚟但佢樓面都無人serve，有待改善~😴食物方面，今次叫咗個雞肉南瓜意大利飯。一上枱，發現佢真係勁大……隻碟呀！😮飯就細細兜，比舊大啡菇大小小，飯同雞口感同味道都正正常常，但份量真係完全食唔飽，咁樣收到六十幾蚊真係過分咗d…🥲仲要你自助形式已經慳咗唔少人手嘅支出，定價真係太進取~ 另外叫咗一碗紫薯湯，佢同南瓜湯口感差唔多，但多咗紫薯嘅甜味，係特別嘅但唔會再試…🫡.朋友叫咗個三文魚蛋包飯，鐵板上但嘢食同塊板都唔係熱嘅，唔係好知點做到，當然咁樣都唔會好食得去邊啦🥶🥶 .總結: 呢度唔會有服務，唔會有好嘢食😭…查看更多

之前喺觀塘食飯見到有人派呢間餐廳嘅傳單，睇落嘢食都幾吸引，所以今日就過嚟試下佢!每個餐跟沙律、餐包、湯同飲品～沙律菜夠新鮮，加埋柚子醋酸酸地幾開胃~入面仲要有新鮮無花果，好食～🥗粟米湯食到粟米蓉嘅口感但唔會好杰，餐包烘到脆卜卜！🌽🍞西班牙黑毛有骨豬扒🐷✨豬扒夠厚，煎到兩面焦香，入面肉質軟腍，仲要肥瘦均勻，食落有肉香又有油香，呢個有驚喜！🤩✨薯條似扭扭薯條，夠晒香口～伴菜新鮮好食～紐西蘭原條檸檬龍脷魚🐟✨龍脷魚好夠份量！佢煎到表面香脆，入面魚肉就嫩滑多汁同鮮甜～😍✨意粉軟硬剛好，加埋忌廉汁食一流～薄荷青檸梳打🍀薄荷味夠突出，加埋青檸嘅酸甜，飲得好爽～玫瑰鮮奶咖啡☕️🌹淡淡玫瑰嘅清香，同咖啡味好夾，而且無苦澀味，好易入口～.呢度除咗食物外，好多細心位都好加分👍🏻✨入座會有俾個籃我哋放袋～✨侍應服務態度好好～✨留意到佢哋抹枱之餘仲會抹埋櫈，好衛生～…查看更多

今日想食韓國嘢，所以嚟咗呢間喺APM附近嘅嗰個韓國食飯，難得星期六午市都有午市套餐選擇，有飯類、湯類、粉麵等等，款式選擇到幾多！🤩價錢就主要50幾蚊至70幾蚊左右，十分化算！😛今次就嗌咗2個主食同幾樣小食～價錢大概記得係咁，俾大家參考🤣泡菜醬燒黑豚肉飯🐷 ($68)✨豬肉質地軟腍，但又會食到一絲絲肉嘅質感，亦都有肉味～✨白飯上面配咗好多紫菜，同埋食埋泡菜，令個飯好豐富呀😆魷魚水冷麵 🦐 ($72)✨水冷麵份量多，麵質夠晒煙韌，食到好過癮！✨湯底係酸蘿蔔嘅味道，酸酸鹹鹹咁，唔錯～辣炒年糕🌶 (+$10)✨味道係帶茄汁嘅甜，同時有辣醬嘅辣，但唔會好刺激，年糕好食嘅！😋韓式炸雞🍗 (+$12)✨炸雞有肉汁，加埋韓式辣醬，味道啱啱好！涼伴海帶 🥬 (+$12)✨微微辣，海帶清爽，口感滑而脆，呢個我鍾意❤️鮮蝦沙律🥗 (+$18)✨鮮蝦肉質紮實，唔係霉嘅質地！✨沙律菜新鮮，醬汁分量剛好👍🏻巨峰乳酸🍇 (+$12)✨酸酸地有提子味，又唔太甜~紫薯拿鐵🍠 (+$10) ✨好香濃嘅牛奶味，亦有紫薯甜味，間唔到會食到紫薯粉粉地嘅質感～…查看更多

上網見到呢間餐廳嘅食物同環境都唔錯，所以襯住weekend就同女朋友嚟呢度食餐好嘅~ 呢間裝修得好靚，好有日本嘅味道！ 前菜 (帶子裙邊) 🧫帶子裙邊甜中帶微辣，夠晒開胃~ 味醂雞泡魚乾🐡佢啱啱燒好，加咗味醂所以質地係黏黏地，食落腍身帶甜味，好食~🤪 帶子牛油燒🧈🐚牛油味香，加埋黑椒嘅調味，食到帶子嘅鮮甜，帶子亦好飽滿，正呀~😛 牛舌🐮👅牛舌用鹽輕輕調味，燒得香口，加埋檸檬汁嘅配搭一流~🍋 關東煮 🍲冬天梗係要飲返個熱湯暖下身，呢個關東煮湯底同材料都唔錯！佢配上黃芥末可以點嚟食，唔會咁單調~✨炸豆腐索晒湯汁，食落有豆香~✨蘿蔔煮得夠腍入晒味，食到佢嘅清甜味~ 鮟鱇魚肝🐠魚肝口感好rich，加咗醋所以唔會好膩~ 雜錦刺身 (上) 🍣刺身擺盤非常吸引，全部都幾新鮮，有幾款我個人都幾鍾意~✨三文魚係魚腩位，夠晒肥美~🥰✨吞拿魚無根，食落好有魚嘅鮮味~😚✨海膽份量多又無藥水味，加埋青瓜同三文魚籽食夠晒豐富~😝 雜錦天婦羅🍤天婦羅炸得剛好又唔會好油膩~✨池魚清新嘅魚味🐟✨蝦就大大條，肉質紮實，有蝦嘅甜味~🦐✨其他南瓜、茄子等等蔬菜類都食到食材清甜，唔錯！🎃🍆 黑松露牛肉他他 🥩食落有極香黑松露味，但又唔會蓋過牛肉刺身嘅肉味，呢個有驚喜！🤩. 呢度食物質素唔錯，地方又坐得舒服，店員態度友善，係三五知己聚會嘅一個唔錯選擇👍🏻~…查看更多

呢間Cocolo喺日本以蘋果批聞名，上網見到香港分店嘅Products係日本製造然後正送香港，咁吸引所以嚟試下佢！今次我就試咗一個批同一件蛋糕！😚.青森蘋果批($33) 🍎🥧🍏 ✨蘋果批就咁睇都覺得好吸引，表面焗得金黃，上枱時聞到香噴噴嘅牛油味~🧈🥐 ✨食落外皮極酥脆，內餡蘋果肉大大粒，有咬口；味道就有自然嘅蘋果甜味，帶小小肉桂香，仲有帶點奶味嘅吉士醬，幾樣材料味道配搭得好好🥰🥰🥰香橙芝士蛋糕 ($28) 🍊🍰✨芝士蛋糕質地係偏軟身，食落細滑，有淡淡芝士味同乳酪味。🧀 ✨香橙本身用糖漿釀過，食落煙韌有橙香，佢嘅果酸味可以中和芝士嘅甜膩，食晒成件都唔會覺得好濟，反而係令人食到停唔到口！🥰🥰🥰 .個人覺得呢度甜品出色，而且喺朗豪坊嚟講價錢算唔貴，仲要係正宗日本味道…我個人就食得好滿意喇！😋😋👍🏻…查看更多

行開旺角想食泰國嘢，上網搵到呢間泰國餐廳都唔少正評，所以同女友嚟試下佢！.呢度午市有各式各樣嘅lunchset，粉麵、飯類等等應有盡有~ 價錢都係$40至$60左右，都幾化算~.豬頸肉飯配青咖喱汁 ($55) 🐷 ✨青咖喱汁有好香椰香味，豬頸肉燒得表面焦香，食落有肉汁~✨白飯係偏乾身唔會濕，溝埋青咖喱汁食啱啱好~冬蔭公湯薯粉(配雞肉) ($48) 🐔 ✨冬蔭公有椰香，唔辣帶酸味，夠開胃~✨薯粉彈牙，幼身夠掛湯~✨雞肉係雞柳，份量幾多~ 青木瓜沙律 ($36) 🍈🥗✨青木瓜食落有陣陣木瓜味，醬汁帶點酸，叫咗小辣所以唔係好辣~珍多冰 (+$10) 🥤 ✨珍多冰有濃濃椰汁味，珍多質感爽滑味道清甜~青檸梳打 (+$6) 🍹 ✨味道鹹中帶酸，夠晒醒神~呢度食物質素唔錯又唔係貴，想食泰國菜都算係一個唔錯嘅選擇~…查看更多

網上見到呢間日本餐廳幾多人推介，所以放工就同女朋友嚟食個Dinner。💼呢度環境裝修好有日本嘅味道──木製枱櫈同地板、日本提燈燈籠，一入到嚟就真係好似返咗“家鄉”咁！🏮🏮🏮.牛肉壽喜鍋 ($58) 🐮🍲佢以鐵鍋上枱，可以用餘溫繼續煮熟牛肉同埋保溫~✨配料有好多大白菜，所以令湯底有好濃嘅菜甜味，好好飲！🥬✨肥牛片大小剛好，脂肪同肉分布均勻，食落有牛味~🐮✨豆腐好滑，仲食到陣陣豆乳嘅甜味，好正~.白飯($16)🍚用上日本珍珠米，配上壽喜燒嘅湯真係絕配！.刺身拼盤(松) ($248)🍣拼盤擺得好精美，入面有三文魚、油甘魚、吞拿魚、赤蝦同海膽。🐟🦐✨吞拿魚似係赤身，唔肥但有好重魚味，夠晒新鮮~🥰✨海膽大大舊，夠甜無藥水味~☺️✨油甘魚、三文魚都非常肥美，食落口感飽滿又有魚鮮味~😋✨赤蝦都幾新鮮，我個人都幾鍾意~😍🦐.照燒雞肉串 ($28)🐔🍢✨雞肉串極嫩滑，外皮燒到微微焦脆，食落雞油流出，燒得夠晒香！😛.整體嚟講，呢度環境有日本feel，食物正宗又高質🇯🇵👍🏻. 2個人食咗$385真係食到滿載而歸😆個人嚟講都會係回頭之選，路過MK嘅朋友不妨一試~🎌🎏🎑🎎🎋…查看更多