mSoie的个人专页

之前嚟買過兩次佢哋嘅黑朱古力千層蛋撻，都覺得幾唔錯，但係最近今次再買嚟食發覺個酥皮口感唔同咗，之後上嚟對比翻其他6月食評啲相，發現原來最近改咗用茶餐廳同款嘅紐西蘭牛油，唔再用以前嗰隻法國牛油，覺得冇以前咁好食。價錢不變但材料變cheap咗、口感香味改咗，咁不如我去茶餐廳食酥皮蛋撻都係差唔多今日行街經過都見冇人排隊買，我諗應該唔止我一個咁覺得希望佢哋可以考慮轉翻用之前嗰隻法國牛油，如果唔係我諗我應該唔會再買嚟食…查看更多

之前食過一次晚市，落品已經有甩漏，今次諗住俾多次機會試吓午市外賣，點知更失望。一入去我就拎住張傳單指住午市套餐嚟叫，每個餐有沙律同麵豉湯，我叫左三文魚親子丼同極上海鮮丼，套餐價應該係$58 & $138，我冇為意就俾左錢轉頭返嚟拎。點知原來店員同我落單落咗正常價錢嘅丼，冇沙律麵豉湯之餘$78 & $128，足足貴左10蚊同埋極上海鮮丼少塊拖羅（套餐先有）。正常餐廳正值午市時間都應該會落抵啲平啲嘅套餐，更何況店員望住我指住個頁都可以落左正常價，我唔知有心定無意啦。返到屋企打開睇更加失望，極上海鮮丼嘅海膽唔甜，三文魚子又細粒，三文魚勁薄冇味，油甘魚有筋，帆立貝冇味，完全唔覺得佢配得起極上依個字同$128依個價，份量又少。三文魚親子丼一樣，三文魚都係薄同三文魚子唔鮮味，同樣唔係$78嘅貨色。經過2次體驗之後，我應該唔會再惠顧。你話係唔係好差，又唔係，但絕對唔配呢個價錢。…查看更多

首先，單張寫平日7點到9半入座係$219加一，但入座一刻就話$279加一，既然嚟到就照入去試下。•首輪刺身姐姐有交帶落數量寫多啲，我哋都有照寫，送上嚟嘅時候我地都r晒頭，因為寫咗16片三文魚嚟得7片，2片玉子就變6片，冇寫過嘅蟹棒又無啦啦出現咗6條，其他嘅唔詳細講基本上數量係亂上，泰式生蝦唔知雪藏左幾多個星期，夾上嚟係直不甩再帶點冰，得雪味。•之後有再叫過三文魚刺身同帶子刺身，但明顯細塊同薄左好多，可惜見到已經冇咩心情所以冇影低。•壽司方面不過不失，「火炙沙律三文魚腩」有少少誤導，上嚟嘅係沙律醬😂但明明英文都係寫Salad，希望執一執返啲字眼。神戶和牛卷都寫左做Korean beef roll，唔知佢嘅神戶係解日本嘅神戶定神戶屋味道上就有味嘅，但真係好一般，而且有好幾樣都漏單。手卷都係一樣，唔特別而且淋左一pat咁。•炸物方面，雞軟骨幾粒痴埋一齊，靠個類似椒鹽粉嘅嘢嚟吊味，但唔太好食。芝麻雞翼比其他放題嘅大隻，明太子雞翼冇貨但從來冇人通知天婦羅個外皮炸到好似平時茶記油炸豬扒咁，唔係脆身嗰隻，係有少少發脹嗰個樣，炸蝦天婦羅夾住佢可以係彈下彈下，而唔係直身一條一口年糕同一口芝士唔錯。•串燒有叫過雞串同牛舌，牛舌味道唔錯，軟硬適中，雞串就係中學小食部嗰啲，又或者係超市買返去叮嗰啲，冇咩特別。芝士燒蠔千祈千祈唔好叫，嗰隻味真係好難食🤯•熟食就叫左一口牛，但從未都冇出現過。另外叫咗韓式料理嘅韓國牛肋肉粒，但上嘅根本就係酒樓晚市橙色嘅炒牛粒，配青椒紅椒薯仔，味道唔識得欣賞。鹹蛋黃金蝦同樣唔見蹤影，黑毛豬手食完都唔知自己食緊啲咩。。。我朋友叫左鯖魚，食左兩啖就放棄左，唔多講。•飲品方面係自取，品種多啱晒唔同口味嘅人，可讚•一般放題有嘅雪糕甜品依度欠奉，需要另加錢。•••••總括而言，漏單情況嚴重，食物質素非常一般，飲品種類抵讚，但$279+1依個價錢實在太貴，甜品仲要另外加錢，所以冇落。如果你有買OpenRice coupon $179+59嘅，我覺得呢個質素都唔值得呢個價錢。雖然支持黃店但希望係有質素嘅黃店，期望會有改進，不過唔會再嚟。…查看更多