奧利奧食評的个人专页

之前網上見到人話態度唔好搞到有少少驚但嚟到發現服務員態度友善，而且怕大家睇唔明英文Menu仲會俾埋中文版連圖由於係男朋友生日，餐廳都會幫手提供連蠟燭的甜品食物質素都不錯，尤其是煎餃，令人感到驚喜！天婦羅蝦也炸得很酥脆！份量跟價錢也成正比！…查看更多

見網上面好多人推薦呢間打卡餐廳，所以就嚟試一試佢！星期六中午嚟到呢間餐廳，人流唔多唔洗排隊，但室外燈籠打卡位得兩枱比人坐，咁我哋就坐入面，裝修都算唔錯！坐得亦舒服叫左個生牛肉湯河、大蝦米紙卷、粉包小食生牛肉湯河味道不過不失但呢個價錢可以好食啲推薦指數(5分滿分) 大蝦米紙卷唔知點解有好大陣怪味，似餿味 唔知係佢陣味係咁定佢包個時啲用具有怪味推薦指數(5分滿分) 粉包小食味道正常 無話超好食定點推薦指數(5分滿分) 總括依然，可以嚟試下，打下卡…查看更多

作為伊麵愛好者一見有間主要食伊麵嘅舖頭立即衝入去試！一入到去舖頭比較細 得六個位三張枱但勝在乾淨企理 見到舖頭嘅木筷子幾靚 覺得老細係一個幾用心嘅人全間舖頭得老細一個one man band 上菜時候方面就長咗啲食物方面 我認為8/10 湯底出色 分別叫咗海蝦同雞湯個人認為海蝦更出色 雞湯有點偏鹹每個麵都配咗個roast beef 個牛都好唔錯伊麵都唔會煮到淋晒 麵嘅質感都好不過雖然我好鍾意食伊麵 但伊麵有個缺點 就係掛唔到啲湯係麵到 如果要啲伊麵有味 就一定要連湯一齊食 不過都唔大影響 因為湯好味呢間小店嘅老闆好有熱誠咁 同佢傾咗幾句覺得佢真係好鍾意煮嘢食同好想做好每一碗麵 所以好推介大家嚟試試佢！另外老闆話每個月都會換一種湯底~ 就唔怕次次都係個三種味啦！…查看更多

近期好想食串燒又去開尖沙咀就book咗呢間Book咗5:30 入座時佢話7:00前埋單就有7折5:30入座就無乜人 但後面有枱客飲醉酒咁款所以有啲嘈不過都無乜太大影響前菜係一個蕃茄加咗啲酸酸甜甜嘅汁好開胃！好味道！之後就等咗一段時間先上串燒 都等得幾耐 20分鐘左右 不過一上菜就覺得等咁耐好值！串燒們一睇就知係即整即上 熱辣辣 好美味推介菜式:燒菠蘿外面有層焦糖皮 入面啲菠蘿又多汁 燒菠蘿嚟講真係數一數二咁好食！月見免治豚肉食落口好肉感嘅感覺 加埋啲醬汁 真係食完一條又想食多條！豚肉蘆筍卷蘆筍好脆好爽口中和到外面層豚肉嘅油脂感 口感一流！…查看更多

有次放工想食串燒行過呢間舖頭就想試下一入到去就話要訂先有位 咁我哋就以為應該正野先要訂位啦！轉個頭就book 咗位下次食咁今日去咗試 一坐底就即刻填紙落單啦點知啲串燒等成2,30分鐘都無影🤔都唔緊要，食貨心態，諗住好食就值啦！但佢一上啲串燒嚟就知中伏首先 個樣同色水好唔吸引其次 一食入口啲串燒燒到好柴 仲要係有啲凍 好似放咗好耐先拎出嚟上菜咁味道都好一般 去九龍城街邊嘅串燒舖頭食仲好食另外仲試咗啲炸物 所有野都好油 個種油係好油膩嘅感覺 同埋啲炸物吸油到爆 好似啲油未夠熱就放落去咁 索晒啲油價錢又唔平 真心唔建議大家試…查看更多

食物質數十分之一般:(朋友唔得閒嚟 話呢間餐廳好難book所以比個位我哋 我哋滿心歡喜嚟食個靚tea 但真係幾失望一入到去覺得啲裝修風格都幾亂 好雜亂嘅感覺 去咗廁所 入邊嘅裝修風格好奇怪…. 而且廁所超逼！好在行到入最入，食tea個位係幾igable 不過冇坐到窗邊有少少可惜 但光線好好 打卡一流！一坐底有杯welcome drink 味道ok 同埋包咗一杯野飲 叫咗起tea set後都要等好耐先送到 一送到太肚餓所以就立即試咸點先 一食就大鑊啦:(個多士又凍又𣺉 味道就正正常常咁啦 但多士唔熱又唔脆真係眼都突埋 其他咸點味道都係正正常常咁 不過不失 甜品方面都係一樣 lemon tart 同個奶凍比較出色如果真係為食嘢嘅人唔好嚟呢間餐廳…查看更多

因為想食鐵板燒牛所以上網搵，見到有幾間類似嘅舖頭，都有好多好評，所以就隨便揀咗間近近哋嘅試下！環境: ⭐️⭐️⭐️🌟(3.5/5)一入到去覺得環境ok有少少日本平民餐廳feel👌 叫嘢食就係喺門口嘅一部機到叫食物:⭐️⭐️⭐️(3/5)味道無想像咁好，見網上有好多好評，以為會係中上嘅味道。不過由於肉嘅分量都算大，而且可以無限加湯，沙律同飯，所以相對上算抵👌衛生:⭐️⭐️⭐️🌟(3.5/5)服務態度:⭐️⭐️⭐️⭐️(4/5)一入到去職員都立即安排咗位置比我哋坐，同埋都有解釋點叫嘢食回頭度:⭐️🌟(1.5/5)無咩咁特別 又唔算好抵…查看更多

係一個舊區 發現嘅隱世小店！環境好好，店舖入面嘅裝修都好唔錯，有特色，餐具好得意精緻，環境都好乾淨！Lunch time 時間去食，有幾款set lunch揀，選擇都算多，平嘅話一百蚊鬆啲食到超級無敵豐富嘅套餐一個餐包咗好多野！前菜 蒸蛋 湯 沙律 乜都包晒，食到超飽 而且味道質素都冇失望 超值之選今次食咗柚子雞排同牛舌餐 再加咗炸雞雞排嘅皮燒到脆香嘅，而且又滑 個飯上面嘅汁都令到人食唔停口！如果經過開有機會一定會再食！…查看更多

一想食餃子就會去美味餃子店！經常都嚟幫襯嘅良心小店！餃子三隻味道都試過晒，個人覺得雲耳椰菜最值得試！白菜就比較清淡 如果你喜歡濃味就一定要試韭菜餡嘅！湯餃個魚湯簡直一流！次次食都會飲晒成碗，包你食過返尋味，又唔會腥，而且無味精味，超正！餃子嘅餡料超豐富超多，女仔食細碗嘅都未必食得晒🤩 煎餃都好好食！個略嫌有少少油得滯 不過真係好香口 而且唔會乾晒塘唯一要挑剔嘅就係坐位有啲迫，不過依家限坐兩人問題都解決咗了！…查看更多

我哋兩個人分別叫咗湯餃同埋煎餃麵 再加熱豆漿湯底都係叫咗蕃茄薯仔魚湯！ 好有屋企煲湯嘅感覺 味道唔錯 但個人略嫌唔夠濃餃子方面 香芹芫茜餃幾好食 但韭菜餃就好一般餃子嘅餡唔算多，皮薄 叫咗八隻嘅分量都有八成飽！ 煎餃方面 嗌咗芝士粟米味，味道比到8分(10分滿分) 值得一試！一路食開嘅同區餃子店無開 由於太想食餃子 一search 之下，發現原來附近有間叫甜記嘅餃子就誤打誤撞地食咗呢間舖頭！舖頭因為疫情關係 限制人流，我哋個日等咗差不多半個鐘先有得食仲要係非旺嘅時間，可見人氣都算高！…查看更多

第二次幫襯呢間韓國菜舖頭，第一次食嘅時候味道更好，今次食就感覺差少少。我哋兩個人食，都叫左四樣嘢！有少少太飽，我哋兩個嘅感覺都係一般般，味道不過不失，不算得上是好食，但又不是難食。食物份量不多，而且價錢定價得有少少貴。除咗野食，我哋兩個都叫咗一jar 韓式水果味米酒，不過就令我哋有少少失望。唔建議大家叫奇異果味米酒，唔太夾最後想講下嘅就係食呢間一定要訂位！次次食外面都好多人排隊！今次係openrice 訂咗安排到窗邊位置…查看更多

講起打邊爐就一定會諗起616因為616啲牛肉真係好正！夠晒厚肉，牛肉味濃！好多唔同嘅部位任君選擇，仲有晒唔同部位要淥嘅時間，唔怕煮老左佢嘅秘製牛肉汁都超正！除咗牛肉之外都仲有啲其他打邊爐必食嘅嘢，就好似我最愛嘅蝦滑不過款式都唔算太多，所以我會歸616入牛肉邊爐專門店。平時最鍾意嘅封門柳今日無得食，但其他都一樣唔輸洩！新蒲崗呢間店人流唔多，疫情下都唔太怕，而且最好就係少人食所以唔洗排隊！正到簡直係長期616火鍋店忠粉！…查看更多