liverpool818的个人专页

深圳嘅元氣壽司係我經常會去地方，因為想係大陸食壽司真係唔知去邊好！試過好多其它深圳食壽司質素都係唔得，呢到話晒都係香港人開同管理特別有信心。呢間元氣壽司我都係第一次嚟，今次下午茶時間有啲下午茶餐好底食試下先。回轉壽司嘅價錢唔可能要求食到高質數嘅食材，食回轉壽司嘅重點就係要新鮮深圳嘅元氣係做得到因為我食過三間加埋都有十幾次每次都OK。呢次我覺得最好味就係日式炸豆腐，外脆內滑正佢地嘅軟腳蟹手卷都唔錯如果紫菜可以脆啲咁就一百分啦。呢次兩個人食咗百二蚊有找覺得好底一定要再嚟食佢呢個下午茶餐。…查看更多

尋晚係深圳食完一餐不像樣的泰菜今晚轉戰香港。今晚有目標地落到九龍城呢間泰菜果然無令我失望，望見牆上好多相片有一張特別給引我就係呢味檸檬燒牛肉，當上檯時賣相同相片一樣精美食落口外皮香口內裡肉質柔軟好味呢個係無得輸之撰。串燒雞肉同個雞腎都好正醬汁做得唔錯，個腎爽口脆口推介。馬拉棧炒爺菜苗啲菜新鮮炒出嚟熱辣辣好味道。肉碎生菜包味道正宗不過好似啲香料唔夠，自己個人鐘意重味啲。泰色鳳爪唔會太辣又唔太酸舒適合多數人口味。粉絲蝦煲呢個一般般粉絲干咗啲，蝦我又無食到，所以無特別意見。呢間泰國菜算係我少有滿意，雖然地方細但出嚟食飯最緊要係味道好，呢到下次我一定會再嚟。…查看更多

八點去到見到入面有好多人食o野，心諗呢到應該好可靠，排隊都係等兩張飛三分鐘就入得都算快。入到去見環境唔錯靚過好多香港泰國餐廳，當坐底打開餐牌見到除了泰式菜外仲有馬來西亞菜心叫不妙!結果點了五種菜色，金不換炒花甲份量夠味道一般但唔夠熱。漁夫煎墨魚餅彈牙有些墨魚粒係入面，但完全無墨魚味我覺得呢個唔可以叫墨魚餅失敗:(。(三巴醬炒)通菜味道減了少少通菜新鮮oK。青咖喱海鮮有墨魚蟹同蝦，不過蝦係梅D咖哩又唔好食完全唔oK。青木瓜沙律呢個最正常。呢餐完全無食泰菜感覺，兩個人食人仔263完全唔值，唔打算再來。差D唔記得講佢D員工應該唔多夠食物到了，但完全無食具唔通想我用手食，一坐底問都唔問放底碟蝦片話係餐廳小食走了去，我睇單碟蝦片要收錢的真係當我傻，所以一定無下次。…查看更多

知道呢間壽司店都開了幾個月，下午茶時間突然好想食壽司所以走去買盒食o下。走入去見到有D一盒盒攪好晒o既壽司我都費事煩就呢盒啦，見到外賣壽司42蚊呢個件樓同組合算係好合理，味道唔錯材料都新鮮當然呢個價錢無可能俾靚你食計起上嚟一件都唔駛5蚊，呢餐都可算滿意會有下次。…查看更多

其實呢到啲薄餅食過好多次，初初食嘅時後已經覺得唔錯四四方方厚簿適中，見到店中有兩個外國人主理感覺上特別有信心，今次叫咗個辣肉腸簿餅其實之前都食過，不過同之前食有小分別就係啲蕃茄醬濃味咗，個人口味上更加喜愛，餅底厚度剛好咬落脆口又唔會干，好味！店員服務用心每次都必定將薄餅加熱，才送到我手中令我每次都可以食到熱辣辣嘅薄餅所以真係要讚賞一下。…查看更多

自己好小食湖南菜，今日咁啱約咗朋友行過呢頭又落起雨上嚟費時周圍行所以走咗入去試下，點知發現咗呢到係一間大大碟又好味嘅好地方。香油淋雞38蚊半隻，新鮮雞有口感肉質鮮美又滑流正。沸騰魚片49蚊好大碟不過味道一般用大頭魚極多骨唔啱個人口味。老媽小炒肉29蚊用川椒同豬肉炒成，少少辣香口醒神正。跳舞蝦58蚊又係大大碟，蝦嘅質數一般但講真５８蚊呢個份量想俾啲咩蝦你呀，最緊要係啲蝦新鮮味道又好啲粉絲底俾我食晒。呢餐都算係開心好味發現一定會再嚟。…查看更多

雖然現在有禽流感但係都好想食雞煲，平時經過都見到有人排隊所以走來試下，點左個小奇味雞煲 69 蚊一個夠兩個人食，叫要小辣但變左一D都唔辣最後要叫碟指天椒自己加辣，味道唔錯雞滑有咬口夠多洋蔥不過無香菜唔夠香。下次會再來。…查看更多

同朋友食完飯想揾個地方傾偈，又唔想飲酒又唔知去邊好，咁啱行兩步就係仙蹤林，咁就衝咗入去坐樓上一層，我叫咗杯青萍果綠茶，正！二十幾蚊大大杯茶，有青萍果嘅青甜又有綠茶嘅香味好飲，同朋友吹水兩個鐘都夠飲Good，呢到夜晚八點幾都差不多無人，可以靜靜地休息下．傾下偈係一個安靜吹水嘅好去處。…查看更多

每次行過煙廠街呢到都必然放低幾蚊俾明華，而每次嘅撰擇都係無撰擇！一個花生一個奶皇燒餅喀該，放低錢攞起燒餅一路行一路咬，熱辣辣煙煙靭靭又唔會太甜每次食都係咁新鮮。正。…查看更多

早兩個月前同朋友嚟過呢到食飯，對呢到嘅食物非常滿意今次特地再來打算一包口福，不過今次實在有啲失望！抓子上次都有叫我就係因為想食佢而再來，價錢加咗唔係問題(￥65加到￥88)味道差咗就有問題，口感又滑又淋又入味呢啲全部無晒失望！天香青魚干，有啲似咸魚不過肉質唔同係咸魚同鮮魚之間，有咸鮮香味好食但不能多吃。三鮮蘆筍青爽好味同啲豬肉炒埋一齊唔錯。小籠飽唔錯同上次一樣味穩定。指天椒醬燒什菌煲，幾特別有少少辣好香有好多唔同嘅什菌嘅味道出晒嚟，可能因為呢個原因食落口反而有啲怪，呢個煲未必人人啱食。基本上呢到嘅食物同服務都係非常好，如果呢到嘅出品可以穩定啲我認為呢一鬥有80分嘅食店。希望下次再來有番第一次嚟嘅感覺。…查看更多

二十六蚊一盒叉油雞飯，係唔係最平我知應該唔係，因為九龍區我見過有二十蚊內，好唔好食我就唔知但見到我都唔會有興趣買嚟食。講番呢盒性價比超高嘅叉油雞飯，睇張相其實大家都知道好食，味道方面我只想講一樣嘢就算我個盒係瘦叉，啲叉燒都係淋滑嘅正來尸係最媽瓜嘅叉油雞飲，但係三十蚊內呢個價錢，我相信佢嘅味道係無人可比。…查看更多

嚟過魚米粥好多次但每次我都係食小菜，我一次都未試過食呢到嘅粥底火鍋。每次嚟都係為咗食鄉村碌鵝而嚟，講得每次都係為食呢款菜色而嚟，更係覺得碌鵝非常美味啲，鵝肉嫩滑炆得入味（雖然今次差咗小小，但基本上我嚟咁多次出品都係穩定），煎釀尖椒啲魚肉彈牙椒爽脆煎得香口正，野山椒炒棷菜好食小小辣，有啲似川菜係啲油多咗啲，瓦撐焗水庫大魚頭，魚頭新鮮食落口有柱侯醬啲香味口感滑流好食，嚟呢到每次都係滿意而回。…查看更多

食新旺都食咗好幾年差不多每次都係叫呢個麻辣牛肉干撈，由初初九蚊人仔開始食（那時港紙一對一)，食到現在人仔十三蚊，雖然唔係話好多錢但無咗當初好抵食嘅感覺，不竟幾年間差不多貴咗一倍(港紙計）。講返味道先自己食同一樣嘢食到幾年更係覺得有番咁上下，鐘意食桂林米粉嘅粉質夠滑唔淋身用嚟做干撈有啲爽口感覺，麻辣牛肉唔會好辣有麻辣嘅香味佢唔係好似香港干牛河個啲牛肉，係用一片片干身薄身嘅牛肉唔一定每個人都鐘意食，我本身都唔鐘意呢種牛肉，但係用嚟做呢種麻辣米粉又真係幾夾。另外有種叉燒都幾好食當然唔係港式個種，呢到嘅麻辣牛肉干撈加叉燒米粉，係我介紹俾大家嘅個人美味之撰。，…查看更多

最近因為工作關係經常係旺角出入所以多咗係旺角揾食嘅需要，今日嚟到呢間新開無耐嘅翠華試下咩料先。一入去馬上轉上二樓望落去啲裝修有一種新舊式茶餐廳哥士澳化嘅感覺唔錯，望望隻錶過咗早餐時間唯有叫過特餐食下，瑞士雞翼撈麵，雞翼都算大隻味道唔錯，啲麵彈牙爽口Good不過有一樣唔明就係個汁，個汁應該同雞翼個汁一樣先啱但係撈落啲麵到好難食，個麵食到一半放棄，可能係個人口味我都唔識講！最後唯有食埋隻可靠嘅牛油豬頂肚，杯O茶一般只算合格。…查看更多

好耐無打過冷因為唔知邊到打冷好食，每次去打冷都係失望多！咁啱今晚個friend老婆想打冷所以跟咗佢地嚟呢到，每次打冷都差不多係叫個幾樣嘢，餓片上算嫩口肉質唔錯味道未見突出，椒鹽魷醬粉唔會厚個椒鹽味夠香口唔錯，菜紅無特別一般般，大眼雞大條不過太瘦身唔肥美，蠔仔粥有蠔仔味不過太水可以再好啲，紅腸墨魚失敗，墨魚唔彈口死死下，紅腸又係食落去淋嘅完全無口感！香港真係好嘅打冷難求，好彩我無希望過如果唔係又失望，總結嚟講啲嘢一般勝在夠平。…查看更多