foods.dog的个人专页

本身想幫襯下小店，同埋想食佢個封門柳飯，未轉名之前有食過。早一晚係openrice 度book 位，有晒QR code 同email 提醒出席，book 左1點鐘，佢地個ig 同openrice 都寫12:00開門。今日12:39分去到門口，發現寫住close,入面都冇開燈，以為佢地執左未update 啦，而且之後有野做，都冇留係原地等，但2點幾係對面利舞台經過，望到佢地開左燈，入面有人。其實經openrice 訂位，雙方都會收到msg 提醒啦，點解都可以冇開門又冇update 呢，鋪頭ig 都冇話有事要晏d 開。。。…查看更多

之前都經過附近，都有俾佢個環境裝修吸引，今次有機會黎試下，呢度可以帶狗仔黎，同埋好似冇時限，見多數都係一杯咖啡傾下計chill下咁。叫左avocado eeg bun同dirty, 份量唔算好多咁就154蚊，同埋而家收5% service charge, service 又唔覺特別多，拎menu 同order 都要自己去counter 搞🤷‍♀️炒蛋重手左，比較咸，dirty 就正常發揮。但環境係幾舒服，夏天熱熱地入黎飲杯野都幾好。…查看更多

前排見有新餐廳裝修，極短時間完成就營業，諗住試試新野，同埋呢區都冇乜越南餐廳。唔知係咪新開，lunch time 叫外賣諗住要撈檬，但餐廳話冇撈檬，轉湯濛好冇，我好疑惑湯檬同撈檬材料有咩唔同，點解有湯但冇撈，佢話廚房話冇，唔好問佢點解咁算啦照試啦。叫左個扎肉雞絲湯檬加越式春卷，份量同味道都ok 嘅，正常發揮，個青檸醬汁都幾特別，越式春卷就頹D 仲幾迷你。另外仲叫左牛肉湯檬，d 牛肉都唔嚡，都幾好食。 雖然外賣有九折，但外賣要加$3…查看更多

見到IG 有介紹，睇相同片都吸引，以為都正正常常，其實係foodie 剪片同拍攝技巧太好了。因為唔係好餓，所以兩個人剩係叫左套餐，套餐係生煎包加迷你酸辣湯，再另加生炸雞扒。首先黎係生煎包，用堂食碟裝，之後黎嘅酸辣湯係外賣兜裝。生煎包我覺得個皮好硬，底燶咗啲，剩係feel 到湯汁好熱，除始之外唔覺有咩咁特別。酸辣湯個樣同碗仔翅冇分別，同埋唔明點解堂食要用外賣兜，明明見到隔籬枱食麵係有堂食碗。再嚟係生炸雞扒，個雞扒細到我懷疑佢未發育，得3,4舊仔，因為太失望，嗱嗱聲食完就走，相都冇乜影。冇下次。…查看更多

咖啡店係葵涌，雖然地點唔算就腳，但呢區好少咖啡店，因為公司係附近，所以間中會黎買外賣咖啡，每次老闆娘都會介紹今日用左咩豆，有咩特性。收銀旁會有甜品menu,次次外賣見到都好吸引好想試，但因為知道甜品冇辦法外賣，所以搵左日黎試。雖然隔左好耐先寫食評，但我都仲記得tiramisu 好好食，有酒香味。小店係一人打理，我返工前已經見老闆娘係度，有時到我放工都仲見佢清潔咁鋪頭。沖咖啡，整野食，仲做埋收銀同清潔，一人打理唔容易，仲要好飲好食，keep 到質素。…查看更多

平時同朋友打邊爐🥘都係食任飲任食邊爐食得多都悶今次就去試下新野重慶麻辣火鍋而且8月午市火鍋湯底免費👍就更加抵食我地叫左鴛鴦鍋：大骨滋補鍋+普通辣鍋店員拎湯底上菜個陣已經聞到好香麻辣味🌶我仲好驚會辣到食唔到但其實又唔會反而係好香而且麻麻辣辣食過返尋味😋火鍋湯底之後就會送上雪耳糖水應該係解辣用火鍋配料又可以選擇叫"全份"或"半份"人少想食多幾樣野都冇有怕👍美國安格斯優質肥牛🐮 份量十足 而且肉質鮮味稻田毛肚(半份)未食過黑色牛肚 感覺好得意口感粗糙d鮮鵝腸(半份)爽爽鵝腸 一放入鍋就會縮到好細曉宇嫩牛肉(半份)真係好滑好嫩 👍手打墨魚丸(半份)🦑顏色雪白 但味道普通手打三寶丸(半份)有牛蝦墨魚三寶海帶頭(半份)🌱好特別的海帶頭 其實係海帶 不過比平時食到的較厚身同大紅糖糍粑(半份)呢個係我覺得最有特色的佢係甜品黎 店員話最好趁熱食其實味道真係好甜但口感煙煙靭靭食完一舊就想食第二舊😋…查看更多

早兩日去左杏花村因為知道個邊開左好多運動用outlet 🛍而且杏花村又冇乜去過所以就入去行下啦晚上8點左右就去左搵食🕗餐廳主要集中係商場地下而且間間都有人排隊都估唔到咁多人👥其中一間餐廳望入去已經見到有旋轉木馬🎠而且用左粉藍色做主色因為好特別 所以就揀咗係度食晚餐等左5分鐘左右就有位我地叫左2人晚餐二人晚餐$218田園沙律 蘑菇餐湯🥣份量ok 餐湯有磨菇味白咖哩香茅豬扒飯🐷呢個唔錯喎 豬扒數量都多而且白咖喱配飯真係 perfect match六分厚切西冷牛扒配燒汁 配薯菜🐮牛扒係7成熟唔會太熟剛剛好再配薯角 味道ok呀熱情果沙冰+$15🥤野莓沙冰+$15🥤套餐本身跟餐飲 特飲要加15蚊但份量超多 成杯都係滿瀉味道就比較甜甜品🍨係小時候成日會食到d 啫喱最印象深刻係個飲品 menu一打開有個立體旋轉木馬紙雕好精緻😯而且成間餐廳都有遊樂場的感覺好適合充滿童心的人黎☺️…查看更多

呢個星期工作上好忙碌😵食完lunch見有時間剩就去左附近行一陣輕鬆下經過美食林立的船塢街見到有亞玉豆腐花其實平時去開荃灣分店都有幫襯今次就試下紅磡分店啦😎之前都係食花奶豆腐花多今次見佢有新推出的產品"薏米白果豆腐花"同"喳咋"就試"薏米白果豆腐花"啦😊薏米白果豆腐花 $11叫左一碗凍的姐姐裝好一豌凍豆腐花就去雪櫃再裝薏米白果即叫即裝 唔係預先裝好晒 感覺新鮮又衛生👍而且仲好冰凍薏米白果的白果都好足料😋而且已經帶有甜味唔洗另外加糖都OK味道清甜👍$11碗豆腐花經濟實惠配埋薏米白果就更加特別👍平時屋企附近剩豆腐花都唔只$11想消暑可以食下佢仲有好多其他小食好似砵仔糕咁見佢鋪滿晒紅豆好吸引🤩下次黎食試先…查看更多

以係港島返工有時會黎北角食午餐或者晚餐當中青藏牛肉麵係我的最愛😍由小鋪搬到大搬人流愈黎愈多到後來需要等位但味道始終如一👍而家唔係港島返工咁啱上星期晚路經北角好耐冇食牛肉麵🤩就同男友黎食個晚餐我地叫左4樣野師傅蒜香撈麵(牛肉$42/羊肉$45)我唔食羊 因為怕羊肉騷味🐐牛肉蒜香撈麵 好香蒜蓉味 仲有少少辣 🐂鍾意食蒜的我會另外再加蒜撈麵會配一碗牛肉湯湯味濃郁涼拌蒜蓉西蘭花$36又係蒜蓉呀超級香西蘭花都好多 堆到成個山丘咁🥦孜然雞腎串$12孜然味好香😲上枱時就已經聞到豆漿$12係預先包裝好的豆漿食完蒜味濃郁的食物用黎中和返d蒜味🤭我次次黎都係食撈麵同蒜蓉西蘭花最鍾意可以自己加蒜👍食到個口好清新呀🤣…查看更多

上星期五放工屋企冇煮飯又冇街去🤔諗黎諗去都唔知食咩好就係呢個時候一出葵興站就見到好耐冇食的"唐記包點"🤩以前會買黎係公司做lunch 貪佢平平地味道又唔錯呀嗎😎咁耐冇食就買幾樣野返去食啦章魚肉餅飯$26🦑26蚊都好大大盒喎而且有好多菜🥬肉餅都好厚身 又有章魚的香味馬拉糕$7.5細個係茶樓最鍾意食的點心之一😋聞起黎好香 又有少少甜味厚身又鬆軟菜肉包$7.5人氣菜肉包❗有時都會買黎做早餐菜肉份量ok 大大個又軟熟奶黃包$7.5好多奶黃好 creamy味道甜甜地😊牛肉球$18去茶樓必叫去唐記都必食的牛肉球一份有3球 配埋喼汁好好味😋眼闊肚窄的關係買左好多🤭樣樣味道都不錯 份量十足而且蒸的食物又健康方便都市繁忙的打工仔💪早午晚都啱食同埋鋪頭d姐姐好有禮貌👩‍🦱…查看更多

難得今日唔係公司和同事去左尖沙咀做野可以係尖沙咀食lunch😋本來想食米線但搵左陣都唔見食開個間唔通搬左?!🤔天氣又熱 行到熱辣辣而且都快2點🕑就隨意係樂道搵間餐廳啦就係呢個時候見到"泰濃麵"個名咁得意🤨而且泰國野我啱食呀就入去試下啦雖然就完午飯時段但餐廳都坐滿人好彩唔洗點等就有位繁忙時段需要搭檯"泰濃麵"主要食麵有船湯 冬陰功湯 清湯🍲我又俾冬陰功湯吸引叫左"頂級美國肥牛冬陰功湯配薯粉" $68點完餐好快就送上湯麵但就咁睇好似份量同牛肉都唔係好多😶薯粉就未散開一舊咁浸係湯度味道都ok 有冬陰功湯味👌但唔算好濃好酸辣而且$68食碗麵好似有點少貴可能身處尖沙咀鋪租的成份佔左唔少🤓…查看更多

假日去荃灣行街👫記得之前同朋友食過一間西餐雖然有點小貴但味道不錯服務又好而且有張優惠卡8月就到期了所以帶男友去試試😋上次朋友醒目有book頭今次冇佢我就冇book諗住6點幾walk in 應該冇問題啦點知9成都full左😖剩返bar檯位唔緊要啦都一樣😌我地叫左2人餐乜都有都幾抵食再用印仔卡換左個甜品👍點完餐升上左接骨木玫瑰花茶同餐前小食係2款麵包一個脆一個軟熟的再點埋個醬 好開胃🤤黑松露忌廉湯 🥣跟餐係普通湯黑松露湯就要加$18但味道不錯 有清香松露味而且唔係水汪汪個種餐湯藜麥沙律 🥗份量好足好大份之前未食過藜麥都幾好食又開胃食完個人都好飲健康左💪秘製美國炸雞翼及炸金文不芝士🧀雞翼好香脆芝士好濃味🤤再配酸忌廉醬同蛋黃醬正👍美國牛板腱扒配香草牛油焗波士頓龍蝦尾🦞牛扒就普普通通不算突出龍蝦尾份量其實唔多不過都爽口彈牙加拿大海膽帶子墨魚意大利飯配紅花忌廉汁🐙海膽冇腥味墨魚帶子爽口配意大利飯好夾😋焦糖燉蛋比平時食到的size要大味道ok 最後埋單$700係有小小貴🤨但服務同味道都唔錯久唔久食一次都可以呀下次要book檯食好d 😎…查看更多

早幾日去Elements 醒起西九站係附近🚄而且入面有間春水堂Elements 又冇珍珠奶茶店☕就過去買杯野飲順道行下春水堂位置都算易搵而且冇人龍👥可能開業左已經一段時間呢間分店係一間外買店冇坐位但除左珍珠奶茶外都有其他小食賣🍱我要左杯"珍珠鐵觀音奶茶" $31由點餐到拎到杯奶茶都係10分鐘左右之前去過觀塘店 今次可以對比下有咩唔同😎奶茶感覺味道比觀塘店的較濃😋茶味多d 亦都會甜d個人比較喜歡西九店的味道但地點唔方便 下次再經過都唔知幾時了🧐…查看更多

夏日炎炎☀️游完水去食個lunch但又想食得健康d就去左super sandwiches 可能因為星期六下午人流唔多👥餐廳的座位除左有店內有部分係店外而且有遮陰 都幾捨意😙我們就選擇坐店外當我係度睇餐牌時時間啱啱2點半🕝電子餐牌就轉左下午茶餐結果食午餐變左食下午茶🤣估唔到星期六都有蜜糖雞翼沙律三文治配薯條$56好豐富的配搭有健康的沙律三文治🥪又可以食少少薯條🍟燒雞凱撒沙律$49份量適中 一個人絕對夠飽🥗而且菜都好新鮮呀P.S.店員好好呀😉知道我地坐係出面可能會聽唔到傳餐係門口叫我地拎…查看更多

午餐食得比較豐富🤪而且呢排又想扮健康食清d一路都諗唔到係旺角食咩晚餐好記得Euro go go之前裝修緊🚧唔知整好未呢就去朗豪坊望望啦好彩已經裝修好🎉門口的餐牌已換成電子版🖥有幾個大電視播餐牌內容cashier 的部分換回鋪內門口變得闊落d餐廳牆身都有更換過晚上7點鬆d唔洗等位🕖我們二人照舊點了常食的菜法式薯容焗田螺$45🐚有芝士係面燶燶地再加田螺同薯容菠菜汁龍脷柳寛條麵$68🐟份量十足 麵條軟硬適中香蒜蜆肉意粉$65蜆肉都好多下😋香草加蒜油好香口惹味Ice peach tea$28🍑Lemonade$24🍋個人比較喜歡lemonade 酸酸的好解渴清涼👍peach tea相比下會比較甜…查看更多