appuimanlaw69的个人专页

300幾蚊一塊肉眼，薄到茶記扒都厚過佢，又無牛味，食梳打肉？要3成比7成😵‍💫，好心知塊扒薄就咪煎咁耐啦。。3百幾做到咁差，良心呢？食你不如食對面茶記雜扒飯好過。個香草三文魚意粉又差，香草係多，但唔係靚香草，唔多食得出香草味，成餐飯最好就係煙三文魚片，因為係嗌貨唔係自己煮🫤 500幾埋單一個人食到成肚氣。最後悔就係無影低證據，完全唔明點解有好評，又貴又難食，食樓上薩莉亞都冇咁差。塊扒得兩個5蚊銀厚，如果唔係last Oder 左，我一定叫佢換or退。廢事阻住人收工啦。…查看更多

簡單講，整體味道是可以的，不過虎蝦煎得唔夠香食到急凍味，而意粉口感啱啱好。醬汁方面，甜味比較突出，所以如果想食酸蕃茄汁既呢個應該唔啱食，而辣味足夠，如果想多啲層次感可以自行落少少黑椒，略為收汁收得唔夠掛唔到麵，入口時麵同汁嘅味道好快分開左，改善到呢點就幾好。係平日2點食，入面有四台客已經食緊嘢，即係廚房應該得我一單，如果俾少少心機做可以做得更好。聽聞老闆第一次開舖頭，做得好好👍🏿環境設計簡單舒服☺️，加油…查看更多

由坐落枱見到得一個打全場我已經無出聲吹落單，黎到個女人態度都好好👍🏿著黑衫的。重要黎啦，嗌咗杯青檸梳打少甜走冰，因為大肚婆係唔可以飲有冰既野驚啲冰有細菌，嘢飲嚟到啲冰有三分之二，叫佢幫我換走冰，有個着紅色衫嘅侍應話我比個杯你自己搞，整完啲冰出嚟成杯野剩返三分之一都冇😥。咁我都唔想煩到佢地所以叫個男侍應幫我加多杯，佢嘅回答係帶住非常惡劣嘅態度講唔得閒幫你搞啊，等陣先啦。嬲到我即刻叫黑衫侍應同我換個杯少甜走冰，同佢講清楚我係唔可以飲啲已經浸過冰嘅嘢飲，佢無出聲就咁拎走咗杯嘢，當然最後個男人過嚟攞杯野落枱嗰陣有好唔耐煩咁啦仲發出某啲聲響。野食方面，叫左個雞絲湯河，食得雞絲就唔會預有咩特別既，不過個湯底係味精湯囉，食咗幾啖已經好口渴。 呢度比較好啲既係串燒，唔會燒到乾曬。其實前幾次嚟已經預左佢哋態度不嬲都係咁，只有個男經理係態度好，其餘嗰啲阿姐阿叔根本就係搵份工過日辰唔憂做，不過冇計呢啲舖頭就係請呢啲人。黎食嘢係可以嘅，但係要預咗佢哋態度會唔好囉，如果想食態度同好味嘅話呢個價位唔會有。…查看更多